وليد صفوت مشرفا عاما

[مصريه بالكويت]

لولولولو لى الف مبروك يا وليد

ربنا يعينك

بس لازم تصرف لكل واحد فينا 10 مشاركات اضافيه ف رصيده

امال هنسيب المناسبه دى كدا

وكمان لازم ندخل مطبخ المحاورات نشوف طبخين لنا ايه ونعشى المعازيم

مبروك مرة تانيه :blush:

[وليد صفوت]

ربنا يكرمك يا مصرية فى الكويت و يبارك فيكى -_-

بس على صوتك شوية انا ماسمعتش انتى قولتى ايه من شوية ؟

اصرفلكوا ايه ؟؟ 10 انذارات !!

بس يا مصرية دول هما 3 انذارات بس و الرابع تقريباً بيبقى مصير العضو اوضة الفيران :o

خلينا فى الورد احسن ..... مش كده برضو ؟ :blush:

[مصريه بالكويت]

ليه كدا بس يا عم وليد (وش عبله كامل ف ريا وسكينه)

دانت كنت ف يوم من الايام عضو زينا ولا انت اتولدت مشرف

هو كدا دايما كل اللى بيقعدوا على كراسى اداريه ( عارفاكوا يا بتوع الاداره( وش الخاله اطاطا ف عوكل ))

:sad: :sad: -_-

[وليد صفوت]

الأخت مصرية بالكويت فكرتنى بالأكل ... حقيقى ماينفعش نقضى الحفلة كده من غير اكل :sad:

اول حاجة المقبلات :

ايوة ... بتبصولى كده ليه ؟ :sad: المقبلات بتاعتى هى كده ؟ انا واخد على كده يا جماعة :D

الطبق الرئيسى :

مافيش سلاطات .... -_-

[Modest]

ألف مبروك لنا أولاً

ثم لك يا وليد

[عقل حر]

ألف مبروك يا كينج

تم تعديل 19 مايو 2006 بواسطة عقل حر

[yacho]

الف مبروك يا وليد على المنصب الجديد .. انت تستاهل :sad:

بس على فكره .. بما انى اعتبر جديده وانتم هنا من زمان ..

انا كنت فاكراك مشرف من قبل كده .. عشان انت من اللى

بيطئطئوا للى بيهرتلوا ف الكلام .. :sad:

[كمبورا 6]

انضماما الى الاجماع اللطيف اللى انا شايفه الف مبروك يا وليد بس ممكن تفهمونى ايه الحكاية لان العبد لله لسه جديد

[وليد صفوت]

ابيه موديســــــــــــــــــــــــــــــــــت

الف شكر على مجاملتك الرقيقة و اتمنى من كل قلبى اكون عند حُسن ظنك

---------------------

عقل حر .... الله يبارك فيك يا دوك mfb:

-------------------

اختى العزيزة ياشو ....

الله يبارك فيكى و عليكى -_- ...

هو انا كنت مشرف باب و شباك قبل كده :sad: يعنى كنت مشرف على ابواب معينة مش المحاورات بأبوابها الكثيرة.... بس دلوقتى بقيت مشرف عام يعنى بقيت اشكيف ازرق خلاص :) :)

-----------------

كمبورا العزيز .... :D

اولاً اهلاً بيك معانا

و ثانياً الله يبارك فيك .... و رابعاً :sad: انظر ردى على ياشو :D

[Sherief AbdelWahab]

مبروك يا ليدو .. أنت بالفعل تستحق .. أعلم أنه تنتظرك مهمة غير سهلة بالمرة .. لكنك بعون الله تعالى قدها وقدود :sad:

خلص الكلام

[ابن بلد]

تحياتى

مبروك

تمنياتى بمواصله

نجاح وتطور واستقرار هذا البيت المصرىوالعربى

فهذا المنتدى

من اهم ملامح مصر على الشبكه العنكبوتيه

فى زماننا هذا

[yasovinas]

والله صعبان عليه يا وليد

روح يا بني ربنا يقويك ويقدرك على المسؤوليه خصوصا اني شامم ريحة توريط من باقي المشرفي العموميون ليك يا غلبان قالوا واد ورور ولسه شباب وحماس الشباب واخده بس هنقول ايه رجلك وقعت في الخيه يا حلو ربنا يعينك

زمان

زمااان

زمااااااان

جدي الله يرحمه قال لي كلمه فاكرها لغاية دلوقت ؛؛؛؛؛؛؛؛؛؛؛؛؛

قال ايه

قال يا سيدي

يا فرحة الخروف بقولة "يا سعد "

ها فهمتني يا ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛وليد :happy:

[الأفوكاتو]

تهنئة من القلب للأخ وليد فى منصبه الجديد, فالمحاورات فى حاجة لدفعة شبابية.

ألف مبروك

[bentmasria]

مبروك يا وليد

ربنا يعينك عليها ويوفقك لكل خير

وعقبال كده ما تمشى ووراك الحرس

موش على ................طبعا بس الرياسة يافندم فى الانتظار

بالتوفيق ياوليد

مادا وماما

[واحد تاني]

مبروك يا وليد

تستاهل

[se_ Elsyed]

إبننا الغالي وليد

مبروك عليك يا معجباني يا غالي

والله وكبرت يا وليد وبقيت من الشياطين الزُرق

وبالمناسبة دي إسمح لي أزُف إليك هذا الخبر

بيقولك يا سيدي إن المشير محمد حسين طنطاوي أصدر أوامر سرية بإن أي مُشرف أزرق هايتهبد 7 سنين جيش .. تقديراً وعرفاناً من الدولة لأبناءها اللي مشرفنها في جميع المحافل....

وشكراً

[النسر المصري]

كنت المفروض اني اكون رابع واحد يهنيك بهذه المناسبة العظيمة ياوليد

وكنت كتبت مداخلة طويلة عريضة تهنيك

ولكن بسبب خطأ عبيط جدا راحت المداخلة وراح تعبي ..ولو ان الحب يبقى.....(زي ماضيعت عضويتي القديمة العزيزة على قلبي بسبب حركة بردو عبيطة <_< )

فسامحني ياوليد......ولاتتخيل مدى السعادة بسماعي بهذا الخبر السعيد.....اتمنى لك كل التوفيق باذن الله

صديقك المخلص ......النسر المصري..(ابو مراخير)

[وليد صفوت]

روح يا بني ربنا يقويك ويقدرك على المسؤوليه خصوصا اني شامم ريحة توريط من باقي المشرفي العموميون ليك يا غلبان قالوا واد ورور ولسه شباب وحماس الشباب واخده بس هنقول ايه رجلك وقعت في الخيه يا حلو

ياااااااااسووووووووو

ربنا يبارك فيك يا عمى ....

بس تفتكر فعلاً انها توريطة :blink: .... تصدق انا مافكرتش فى الفكرة دى قبل كده mfb: ..... و الله مش بعيد يكون عصام هو اللى عملها و نصبلى الفخ ده :blush:

جدي الله يرحمه قال لي كلمه فاكرها لغاية دلوقت ؛؛؛؛؛؛؛؛؛؛؛؛؛

قال ايه

قال يا سيدي

يا فرحة الخروف بقولة "يا سعد "

ها فهمتني يا ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛وليد :)

لأ مش فاهمك :blush:

انا حاسس انك عاوز تقول( ها فهمتنى يا خروف ) :P

-----------------------------

استاذى الافوكاتو ... ميرسى كتير على ذوقك .. ربنا يعيننى على تحمل المسؤولية دى ...

---------------------------

مدام ايمان ...

ربنا يبارك فيكى و يخليكى و الف شكر على مجاملتك الرقيقة كلك ذوق mfb:

-----------------------

واحد تانى .......

الله يبارك فيك .... بس تستاهل دى بتفكرنى بواحد الناس كارهينه و لما وقع قالوله تستاهل mfb: .... ما علينا :P

[وليد صفوت]

عمو ثين ثين mfb:

ميرثى يا عمو على ثكتك الغالية فيا .. و اوعدك .... و حياة كتاب القراءة اللى عندى لحكون عند حُثن زنك فيا

بيقولك يا سيدي إن المشير محمد حسين طنطاوي أصدر أوامر سرية بإن أي مُشرف أزرق هايتهبد 7 سنين جيش .. تقديراً وعرفاناً من الدولة لأبناءها اللي مشرفنها في جميع المحافل....

هو انا لازم كل يومين حد يفكرنى بالمصيبة اللى مستنيانى دى mfb: .... خلاص انا قررت اجهز السندوتشات من دلوقتى و الزمزمية mfb:

-------------------------

صديقى ابو مراخير :blush:

ربنا يبارك فيك يا عمور يا ابو مراخير :) و الله هكون اسعد لما ربنا ينعم عليك بالشفاء التام من اللى حصل فى عينيك ( انا شوفت الصورة ) :P :D :D

و بالمناسبة بصفتك فنان : ايه رأيك فى الوردة المرسومة دى :

----------------------

هو فين جيجى ؟ :P

ماجاتش تهنينى ليه ؟ :blush:

مااااااااااااشى يا جيجى ......... قشطة ..... :blink:

[nancy]

وليد اكيد جيجي كانت تحب تهنيك وتجر شكلك كالمعتاد بينكم

بس انت ماخدش بالك انها قالت انها من الاسبوع دة عندها امتحانات ومش حتفتح النت

فهى اول ما تخلص حتيجى علشان تديها انزار يا مشرف المحاورات