ezzat afifi kotb بتاريخ: 10 يونيو 2001 تقديم بلاغ مشاركة بتاريخ: 10 يونيو 2001 شبرا ---- لفيت بلاد وبلاد ما لقيت كما شبرا سهرة ف نواصيها ولا سهرة ف الاوبرا تلقى الكرم فيها والشهم والكوبرا وبرضة تلقى الصخب ولا احلى كونشيرتو واللى بيشرب قصب واللى ادها سبرتو واللى عماه اغضب لما سمع سيرتو مش معنىزحمتها الناس بتتنافر عدى على بيوتها تلاقيها كالسامر دى اللمة عزوتها وناس بتتعاشر وبنات ف عمر الورد ماشية تتعاجب لون الخفر ف الخد والحزم ف الحاجب تلقى الخضاب ف اليد وكراسة الواجب وفيه ولاد تانى يصبحوا الفوال احسن من الضانى على قولة الموال واللى يستره البانى ما يفضحه البقال وف جوهرة كايرو الشيخ حسن وموريس قاعدين بيتسيرو على دوشة الاوتوبيس حلل دمهم عايره تلاقيه ف جسد رمسيس وفى صيام العدرا فلافلها تتحضر والمسلمة بحبرا بالخضرة بتخضر وتمد ف السفرة وتسمى وتكبر وتعالى ف صيامنا رمضان وايامه ومسيحى قدمنا طول النهار صامه وحوى يا ايامنا شياطين فتن ناموا وتسمع الاجراس واللى بيأذن وقارىء الاخلاص واللى بيأمن وتسمع الشماس وهو بيدندن وشبرا ف الازمة الناس بتتصدر الكل له لزمة والكل بيفكر وشبرا دى حزمة صعب تتكسر وشبرا حواريها ولا قاعات العرش باخلاق محبيها مش بالرياش والفرش مبادئها تحميها وما يذلهاش القرش رابط هذا التعليق شارك المزيد من خيارات المشاركة
ragab2 بتاريخ: 11 يونيو 2001 تقديم بلاغ مشاركة بتاريخ: 11 يونيو 2001 شبرا حى الجدعان والعيشة فيه أمان والكل فيه شبعان من اللمة والخلان شبرا حى الفنان يظهر فيها ويبان ويصل فيهاالعنان شبرا فى أغاخان جمالها كتيرفتان والبهجة فيه ألوان وأجمل من بلودان شبرا بنات وصبيان نخبة من حور الجنان وأصل المصريين زمان لا تقولى قصب ولا رمان وأصلك لا قطب ولا قطبان شبرا أحسن من حلوان وناسها من أحسن السكان مافيهاش مصانع ولا دخان وتلاقى فيها الراحة فى كل مكان لا تقولىفول وطعمية ولا حتى بتنجان شبرا من عند الدوران تلقى الزحمة الحلوة كمان وتروى عطشك اذا كنت حران أحسن من باريس وكمان لوران زورها وشوف بنفسك مانتش خسران شبرا حى الفقير والغلبان والغنى والاقطاعى كمان مسيحى ومسلم فيها اخوان والكل فيها مبسوط وفرحان والمتر فيها يسوى ميت فدان Edited By ragab2 on Feb. 15 2002 3:56pm مصر أكبر من نظام الحكم الفردى الديكتاتورى الإستبدادى الذى فرضه علينا عسكر حركة يوليو فى الخمسينات وصار نظاما لحكم مصر برنامج الرئيس الإنتخابى لإسكان فقراء الشباب .. سرقه مسؤولون وزارة الإسكان مع المقاولين ..! رابط هذا التعليق شارك المزيد من خيارات المشاركة
Akrum بتاريخ: 12 يونيو 2001 تقديم بلاغ مشاركة بتاريخ: 12 يونيو 2001 تاهت ولقيتها اخيرا يا حاج رجب !! انا قلت من الأول مداخلااتك مكانها هنا جنب اخونا قطب !! رابط هذا التعليق شارك المزيد من خيارات المشاركة
ragab2 بتاريخ: 12 يونيو 2001 تقديم بلاغ مشاركة بتاريخ: 12 يونيو 2001 يظهر يابو المكارم انك من مشجعين شبرا زى قطب يعنى شبراوى صباح الفل مصر أكبر من نظام الحكم الفردى الديكتاتورى الإستبدادى الذى فرضه علينا عسكر حركة يوليو فى الخمسينات وصار نظاما لحكم مصر برنامج الرئيس الإنتخابى لإسكان فقراء الشباب .. سرقه مسؤولون وزارة الإسكان مع المقاولين ..! رابط هذا التعليق شارك المزيد من خيارات المشاركة
ezzat afifi kotb بتاريخ: 12 يونيو 2001 كاتب الموضوع تقديم بلاغ مشاركة بتاريخ: 12 يونيو 2001 قال المثل العسل الوان والجواب يبان من العنوان ورجب يبقى هلال شعبان واكرم لنا باكرم الانسان نكون سوا كلنا اخوان وخفة الظل ف الاكوان حكر ع المصرى تتقل الميزان وكفايه بالنكته نعلن العصيان رابط هذا التعليق شارك المزيد من خيارات المشاركة
Akrum بتاريخ: 12 يونيو 2001 تقديم بلاغ مشاركة بتاريخ: 12 يونيو 2001 ياعم انا مش قدكوا انتم الإثنين ... لما اخطف رجلي اشوف بتوع السياسة بتكلوا في إيه !! رابط هذا التعليق شارك المزيد من خيارات المشاركة
abla بتاريخ: 13 يونيو 2001 تقديم بلاغ مشاركة بتاريخ: 13 يونيو 2001 [b:post_uid0]من اروع الحوارات التي رأيتها ... ربنا يزيد ويبارك ... مش بس موهبة لكن خفة ظل مش معقولة ... ياريت يااستاذ عزت ماتغيبش عننا كتير وتحرمنا من شعرك الجميل ده ... وانت كمان يااستاذ رجب [/b:post_uid0] رابط هذا التعليق شارك المزيد من خيارات المشاركة
ragab2 بتاريخ: 13 يونيو 2001 تقديم بلاغ مشاركة بتاريخ: 13 يونيو 2001 يا قطب ياجدع يافنان وأكرم برضه كمان وعبلة زى الرهوان فى العقل و الاتزان ده الصحبة بيكوا جنان فى كل وقت وزمان عجبى (Edited by ragab2 at 4:22 pm on June 13, 2001) مصر أكبر من نظام الحكم الفردى الديكتاتورى الإستبدادى الذى فرضه علينا عسكر حركة يوليو فى الخمسينات وصار نظاما لحكم مصر برنامج الرئيس الإنتخابى لإسكان فقراء الشباب .. سرقه مسؤولون وزارة الإسكان مع المقاولين ..! رابط هذا التعليق شارك المزيد من خيارات المشاركة
ezzat afifi kotb بتاريخ: 13 يونيو 2001 كاتب الموضوع تقديم بلاغ مشاركة بتاريخ: 13 يونيو 2001 دكتورة عبله... اشكرك على مجاملتك الرقيقة ...وعلشان اخونا اكرم بيحب السياسة على طول حبعت لك ( مين يتجوز نخوة ) .. اما اخونا رجب فهو الجار صاحب الثلاث حقوق ...ويا دكتورة انا لم اغب عنكم ...بس بالمناسبة منذ فترة ..ونادى القلم بسويسرا خصص صفحة لاخوكم عزت ...وعنوان الموقع هو http://www.alqalam.club.ch/eaq.htm يا حاج رجب حتلاقى الصورة هناك تتعرف على وتلف م الدوران . رابط هذا التعليق شارك المزيد من خيارات المشاركة
Amira Khaleel بتاريخ: 21 يونيو 2001 تقديم بلاغ مشاركة بتاريخ: 21 يونيو 2001 ايه الجمال ده انا فتنت عليكم فى المسامرات و قلت كمان الحقوا لحسن الشعر و الأدب حيبقى بتذاكر ! و ادينى بطلب منكم ابونيه ... فكرتونى بايام زمان و حلاوة زمان صراحة انا مش من ايام زمان و لا حاجة و انتم عارفين مافيش ست بيزيد سنها عن عشرين الا اذا كانت جدة توصل اربعة و عشرين ازاى معرفش صراحة انتم مع بعض و مساجلاتكم حاجة حلوة قوى و عايزين من ده كتير .. لحسن البسلكم الكزرونة و الا ايه ؟ رابط هذا التعليق شارك المزيد من خيارات المشاركة
daktara بتاريخ: 29 سبتمبر 2001 تقديم بلاغ مشاركة بتاريخ: 29 سبتمبر 2001 اميره انت صريحه قوى معقوله فيه جده بتوصل العشرين عزت رائع زجلك بس ليه بتسلوقه فى الاخر وكمان فيه كام حته مكسوره لو راجعت كلامك تبقى احسن من بيرم إنّ القلوب إذا هوت أوراقها فالمال لا يحيى ربيعاً ذهبا رابط هذا التعليق شارك المزيد من خيارات المشاركة
ezzat afifi kotb بتاريخ: 29 سبتمبر 2001 كاتب الموضوع تقديم بلاغ مشاركة بتاريخ: 29 سبتمبر 2001 اشكر النقد البناء -- لكن حكاية اروع من بيرم ---مباااااااااالغة --- اشكرك عليها --- ويا سيدى يكفينى ان اكون ---- فراكة الماجور --- يا ترى عارف الماجور ولا من جيل الكيتشن ماشين رابط هذا التعليق شارك المزيد من خيارات المشاركة
abla بتاريخ: 29 سبتمبر 2001 تقديم بلاغ مشاركة بتاريخ: 29 سبتمبر 2001 حلوة فراكة الماجور دي ... انت بلدياتنا من الصعيد يااستاذ عزت ولا ايه هاهاهاهاهاها رابط هذا التعليق شارك المزيد من خيارات المشاركة
ezzat afifi kotb بتاريخ: 29 سبتمبر 2001 كاتب الموضوع تقديم بلاغ مشاركة بتاريخ: 29 سبتمبر 2001 يا دكتورة العرق يمد رابط هذا التعليق شارك المزيد من خيارات المشاركة
daktara بتاريخ: 30 سبتمبر 2001 تقديم بلاغ مشاركة بتاريخ: 30 سبتمبر 2001 الحقيقه مش عارف فراكه الماجور بس هى بتوصف نفسها انا يا صديقى من جيل الوسط جيل دولاب الشعريه يا ترى تعرفه إنّ القلوب إذا هوت أوراقها فالمال لا يحيى ربيعاً ذهبا رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان