فلوس... شهرة.. و طفل؟؟؟؟!!!!

[بنت شعنونة]

اعلان صغير يتكرر كل جمعة لفت نظري من مدة طويلة

بيقول بالمختصر...

" مطلوب اطفال شباب او فتيات للعمل في الأعلانات للأتصال الرقم ........."

فكرت بعد ما قريته

ايه المشكلة صحيح لو انا عندي ابني عنده مثلا 6 سنين و الولد كتكوت وظريف وممكن شقاوتة تنفعه في الأعلانات

اييييييييييييييييه المشكلة اني ادخلة مجال الأعلانات؟؟!! :o

طبعا لمدة كام سنة

يعني مثلا مدة من 3 -6 سنين مثلا

او يمكن هما يستغنوا عنه قبل كدا مثلا -_-

اهو منه الولد بيفرغ شقاوته وبياخد قصادها فلوس ها تنفعه هوا نفسه في المستقبل

ومنها شهرة برضه ها تنفعه في المستقبل...!

صراحا انا خدت الموضوع جد وعرضته على بابا بخصوص اخويا الصغير..هوا كان متردد عشان الدراسة

قلتله مش مشكلة خليها في الأجازات بس..

اخي الكبير اعترض تمااااااااااما بحكم علاقته بالوسط

وقالي

الطفل لما بتعرف على الشهرة بيحصله تغيرات نفسيه كتييييييير اقرب للأمراض

ومعظم اللي اشتهروا وهما اطفال يا اما بقوا مدمنين او انتحروا او او او....؟!؟

تفتكروا لو ابني عرف اني عندي فرصة زي دي و فوتها ها يزعل والا يفرح؟

وهل القرار ها يختلف لو ابني ول او بنت؟

طب وايه المشكلة ان ابني يأمن مستقبله بنفسه؟

اهو يعرف معنى الشغل وانه يصرف على نفسه بنفسه

تفتكروا مين فينا الصح

و انتوا ايه رايكم؟ :blush:

[White heart]

تفتكروا لو ابني عرف اني عندي فرصة زي دي و فوتها ها يزعل والا يفرح؟

دى تتوقف هايعرف من مين ... منك انتِ شخصيا لما يكبر - و الا من حد تانى .....

و هاتتوقف برضه على تكوينه النفسى و شخصيته ... لكن فى الغالب أتقد انه مش هايزعل ... المفروض انه قاصر .. وانتِ و والدة المسئولين عنه و عن تربيته ... اذن ما يحقلوش يزعل أو يحاسبكم على قرار اخدتوه بالنيابه عنه لأنه هو نفسه ماكانش يقدر لا يوافق و لا يعارض و لا يقرر !

وهل القرار ها يختلف لو ابني ول او بنت؟

برضه دى حسب الوسط المحيط .. و الممارسات الإجتماعية .... يعنى مثلا فيه اسر بتفرض على أطفالها ( خاصة البنات ) أزياء أو الوان محددة لا يمكن أن يحيدوا عن نمطها أو هيئتها ... و فيه اسر بالمرة مش ملتزمة بالمبدأ دة .....

عموما انا شخصيا بكل تأكيد قرارى مش هايفرق بين الولد و البنت ......

طب وايه المشكلة ان ابني يأمن مستقبله بنفسه؟

فعلا هو بيأمن مستقبله بنفسه ( و طبعا مش بس ماليا ) ... هو بيتعلم مهارات و تجارب زيادة و مفيدة بكل تأكيد ... الإحتكاك مع الكثيرين ( إجتماعى )، سماع الإرشادات و الأوامر المختلفة من المسئولين عن العمل، و بذل الجهد لتنفيذها و إثبات كفاءته ( معنى المسئولية )، مكافئته و معاقبته ماليا و بالتعاون مع الأهل يتدرب على التعامل مع هذا المال ( التدبر و الإقتصاد ) ... الخ .. الخ .....

اما الجانب الذى هو مثل السكين ذو حدين .. فهو الشهرة !!!

فعلا ممكن تكون عامل إيجابى يتوج كل المهارات التانية .. و ممكن يكون عامل سلبي للغاية يهد كل حاجه ... ودى فى ايد " البالغين " ..... لأن الشهرة ممكن ببساطة تتسبب فى الغرور، و عدم المبالاه، و التباهي و التفاخر، عدم معرفة قيمة الشئ بل و حتى الأصدقاء و المحيطين !!!

اهو يعرف معنى الشغل وانه يصرف على نفسه بنفسه

دى فى حد ذاتها ميزة إيجابية .... طبعا مع الحرص أشد الحرص على الا يفقد نصيبه و حقه الطبيعى فى ممارسة طفولته و الإستمتاع بها كأى طفل آخر .. و الحث على ممارسة و إكتشاف هوايات مختلفة ... ودى برضه فى ايد الوالدين البالغين ....

تفتكروا مين فينا الصح

و انتوا ايه رايكم؟

انتِ طبعا اللى صح ....

يالله اتكلى على الله، و ربنا يوفقك انتِ و زوجك الكريم :blush:

تحياتى.

[nancy]

انا مع الاحتكاك لانى بيكير لة دماغة ويخلية افضل فى التعامل

وانا لو بناتى كانوا يحبوا دة كنت على طول ودتهم لية

يعنى بنتى الصغيرة (10 سنوات )اول ما شافت برنامج عيش سفارى

قالت لى عوزة اشترك لانهم طالبين اطفال ورغم انى عرفة انها حتسافر شهر

بعتلها مرتين لحد دلوقت علشان عوزها

تتحرك وتتعلم وتفكر من غيرى

وتبنى شخصيتها بنفسها

فانا مع اى حاجة تخليهم يفهموا الدنيا ويعرفوا يتعاملوا معاها

[ابن بلد]

الاخت شعنونه

اذا كنتى تتحدثين عن الاشتراك فى برامج الاطفال

فليس هناك مشكله فى ذلك فهذا مفيد جدا للطفل

لكن اذا كنتى تقصدين التمثيل فى افلام او الغناء فى الاعلانات او غير ذلك

فهناك فرق كبير جدا بين ممارسه الطفل

لموهبته الفنيه فى اجواء الوسط الفنى بشكل محترف

وممارستها فى اجواء اخرى مثل المسرح المدرسى مثلا

ففى الوسط الفنى قد يرى الطفل اشياء ويحتك باساليب

لاتناسب المرحله العمريه التى تحدثتين عنها

واظن انه سيكون احتكاك سلبى

ولو الهدف هو تفريغ طاقه الطفل

او اشباع موهبه فنيه

فاظن انه من الافضل

يكفى احتكاكه بالمسرح المدرسى ان وجد

او مسرح الثقافه الجماهيريه

او مسرح الطلايع التابع للشباب والرياضه

اما اذا كان الهدف هو تامين مستقبله ماديا

طفل فى تلك المرحله غير مطالب بهذا

او حتى عندما يحدث ذلك يكون المقابل له

اكتساب خبرات ليس من الطبيعى اكتسابها فى هذه المرحله

وياريت تراجعى تاريخ اطفال التليفزيون والسينما

وتبلغينى بمن فيهم استكمل مواصله هذا المشوار

اللهم الا القليل جدا

ولم يكن على شهره عاليه وهو طفل

وايضا لم يحكتك كثيرا

سوى عمل او اثنين بحد اقصى

لكن

لكن

لو كان هذا الطفل يحمل بداخله( موهبه فذه)

وهؤلاء قليلين جدا جدا جدا

سيحتاج لرعايه معينه اقصد رعايه نفسيه وماديه

يجب ان تكون تحت اشراف متخصص اجتماعى ونفسى

وبالطبع يشترك فى ذلك الابوين

كى يحدث التوازن بين طفولته ومرحلته العمريه

وبين ما سيجد نفسه فيه من شهره وفلوس

واحتكاك غير مناسب لمرحلته العمريه

ايضا

اشراف جيد من متخصص فنى

لكى يستطيع عمل فلتره او ترشيح صحيح

لما يناسب تلك الموهبه ويجعلها تواصل العمل

فى الوسط الفنى بشكل جيد وناجح

[المدهش]

بصراحة يا دكتورة أنا مع كلام أخيك الأكبر ..وبالفعل معظم الذين مثلوا أو ظهروا في برامج التليفزيون وهم صغار تأثروا بالشهرة والمناخ السيئ في هذا الوسط ، وهذا طبعا لو نالوا شهرة مبالغ فيها ..لكن هناك أطفال كثيرين يظهرون في البرامج دون أن يحدث لهم ذلك..ومرة المذيعة نجوى ابراهيم قالت لي أنها تحس حين تتحدث مع الأطفال الذين اعتادوا التمثيل والظهور في التليفزيون أنهم يتحدثون وكأنهم أشخاص عندهم اربعين سنة ..يعني صحيح أن مداركهم تتفتح ولكنهم يفقدون غالباً براءة الطفولة ويتحدثون بلغة البيزنس..وهذا لا يمنع أن هناك فنانين معروفين مثل هاني شاكر وصفاء أبو السعود وغيرهم بدأوا من برامج الأطفال وملتزمين جدا..المهم تكون عينك على الولد أو البنت ..وعينك على نفسك شخصياً لو كنت بصحبة ابنك أو ابنتك..لأن خبرتي مع التليفزيون المصري علمتني أنهم لا يتركون أي أنثي تدخل التليفزيون حتى ولو كانت دكتورة في الجامعة جاءت للادلاء بحديث أو والدة طفل ممن يظهرون في البرامج والمسلسلات إلا ويعاكسونها..ولا أعرف ما هو الحال في التليفزيونات الأخرى..لكن التليفزيون في مصر المناخ فيه سيئ للغاية، والعاملين فيه معظمهم"ب.و"..صحيح أنا صعبان عليً يكون طفلك موهوب بجد وتحرميه من فرصة تنمية موهبته ..لكن لو في التليفزيون المصري يبقى بناقص أحسن وانتي الكسبانة.