حوار الطرشان في محاورات المصريين

[المدهش]

لاحظت حاجة غريبة في كثير من الموضوعات التي تطرح في محاورات المصريين ..ومن بينها الموضوع الذي طرحته أمس عن ماكياج المرأة ..الردود في البداية كانت في الموضوع وفيها تنوع جميل ومفيد وبعدين ..الدفة اتقلبت لمناوشات كلامية والحوار انجرف إلى سكة بعيدة تماماً عن الموضوع الأصلي ..يعني شوية عتاب ورفض لبعض الألفاظ التي يطلقها بعض الرجال على المرأة وشوية كلام عن مين الاحسن الرجل أم الست..رغم إن الموضوع مش كده خالص ..وهذا شئ يتكرر في موضوعات كثيرة مش عارف ليه..لكنها ظاهرة غير صحية بالمرة وتنبئ بأننا سنصل في مرحلة ما إلى نوع من حوار الطرشان في المحاورات وهو ما لا أحبه لها أو لنا فيا ريت ناخد بالنا يا جماعة ونركز في الموضوع المطروح للنقاش وشكراً.

[بنت شعنونة]

يا عيني عليك يا استاذ مدهش

اسمحلي استغل موضوعك عشان اقول كلمتين انا كمان...

والكلام للأدارة..و المشرفين طبعا

انا ملاحظة موضوعات غريبة جدا في المحاورات !!!!

ومش عارفا ازاي فضلت مفتوحة وناس بتكتب فيها كمان!!!!!

وملاحظة "ترند" جديييييييييد كدا في المواضيع

واخد سكة الهجوم على الأناث

وترند تاني واخد سكة الهجوم و السخرية من الكاتب شخصيا !!!

هوا النظام بقى كدا والا ايه؟

عشان لو دا الاسلوب الجديد في المحاورات وانتوا موافقين عليه يبقى الواحد يعرف على الأقل

عشان يشوف يتصرف ازاي

ينسحب

والا يكتفي بالقراية

والا ما يقراش من اصلة ويوفر حرقة دمه يعني...

ارجوا الرد من حد مسؤول ...........

" وش متنرفز موت"

[عادل أبوزيد]

فى هذه الحالة الأمر يعنى إما إنشغال من فريقى التنسيق و الإشراف ... أو قل تقصير من جانب الإدارة .. و من الجانب الآخر فكل الآعضاء مسئولين عن الحفاظ على المستوى الراقى للمحاورات.

خاصية الإبلاغ عن أى تجاوز خاصية موجودة من أجل دعم آليات التنسيق و الإشراف و أتلقى شخصيا عددا من الإبلاغات و أقوم بتوجيه شكر خاص لأصحاب هذه الإبلاغات.

رجاء المشاركة فى إدارة محاورة المصريين رجاء الإبلاغ عن أى تجاوز مع الشرح الوافى رجاء لا تخذلوا باقى الأعضاء بصمتكم

[Cleo]

لاحظت حاجة غريبة في كثير من الموضوعات التي تطرح في محاورات المصريين ..ومن بينها الموضوع الذي طرحته أمس عن ماكياج المرأة ..الردود في البداية كانت في الموضوع وفيها تنوع جميل ومفيد وبعدين ..الدفة اتقلبت لمناوشات كلامية والحوار انجرف إلى سكة بعيدة تماماً عن الموضوع الأصلي ..يعني شوية عتاب ورفض لبعض الألفاظ التي يطلقها بعض الرجال على المرأة وشوية كلام عن مين الاحسن الرجل أم الست..رغم إن الموضوع مش كده خالص ..وهذا شئ يتكرر في موضوعات كثيرة مش عارف ليه..لكنها ظاهرة غير صحية بالمرة وتنبئ بأننا سنصل في مرحلة ما إلى نوع من حوار الطرشان في المحاورات وهو ما لا أحبه لها أو لنا فيا ريت ناخد بالنا يا جماعة ونركز في الموضوع المطروح للنقاش وشكراً.

أرى أن العيب ليس فى فريق الإشراف ولا فى الأعضاء الذين تجرأوا بالخروج عن نص الموضوع الهام قوى جدا خالص إلى رفض وشجب..

إنما العيب فى الأساس فى الطرح المستفز الذى لا يخلوا من جليطة وإهانة وتجريح مس أغلب عضوات الموقع على الأقل اللتى شجبن..

وكما قالت الأخت شعنونة.. فهناك "ترند" مواضيع غريبة عما عهدناه فى المحاورات لا تخلو من هيافة وجليطة واستفزاز

[nancy]

المشكلة اولا فى نوع الموضوعات ومحاولة تحويلها انها هجوم على المرأه

وتحول الكلام ما بين مدافع ومهاجم على مواضيع اصلا مفهاش جدل

انا شخصيا فية موضعات بتكون مستفزة بافتح الرد وافكر كتير ازى ارد من غير ما كون جارحة

لان الموضوع مش سهل انك تكون حاسم ومحدد وغير جارح

وثانيا انا عندى اعتراض على الاعضاء الجداد خصوصا بعضهم مش بيكون عندة فكرة

ان اسلوب الحوار هنا مختلف فبيحدف طوب ويهزر ومش متخيل ان دة غلط هنا

فلازم يكون فية تحزير سريع من الادارة على النوعية دى

ثالثا الكام يوم الى فاتوا اتفتح موضوعات واتعمل تحزير على مين يدخل ومين لا

بشكل يخليك لازم تدخل

ولو ان فيه كلام الرد علية بالاسلوب الامثل غير مستحب

بس اتمنى من كل الاعضاء محاولة التروى فى اختيار الموضوع والرد

انا شخصيا باعز ناس كتير هنا ومحبش انى اخسر حد منهم

[ابو محمود]

انا موافق الأنسة نانسى واسمحى لى ان اخاطبك بالأنسة .

لازم من يكتب يكون يهدف الى شيء مفيد او وجهة نظر غير هدامة المرأة نصف الرجل ولايمكن التقليل من شأنها لانها فى النهاية هى امى واختى وزوجتى وبنتى ..... وبنتى دى انا كمان بحبها اوى لان عندى منها اتنين زى العسل وبموت فيهم ومسمحش حد يزعلهم انا بحب احترم المرأة المحترمة وكل اولادنا وبناتنا ومانملك من ايمان محترمين ومحدش يزعل اى بنت هنا دول اخواتنا

مش كدة ولا اية ........ محمود مصطفى

[بنت شعنونة]

:huh:

!!!!!!!!!!!!

شيزوفرينيا..

!!!!!!!

<_< :huh: :ph34r:

[المدهش]

يا ريت توضحي يا دكتورة من تقصدين بكلمة شيزوفرينيا ومين اللي عنده انفصام في الشخصية ..كاتب الموضوع الذي هو أنا ..أم المشاركون في ادلاء الرأي حوله ..الذين هم بعض الأعضاء وأنت منهم..أم ماذا بالضبط..مش باقولك حوار طرشان!!!!!!!!!!

[وليد صفوت]

مبدائياً يا اصدقائى و من غير ذكر اسماء الحوار اللى يدخل فيه كذا طرف و كل واحد يفهم كلام اللى قدامه غلط و يرد على الأساس ده موجود فى كل المنتديات و موجود كمان فى محاورات المصريين منذ زمن بعيد ....

بس اللى خلانى فعلاً اقلق من النغمة الجديدة اليومين دول و فتحت موضوع للناقش يخص هذة النقطة فى الإشراف ان الأسلوب اللى بيدور بيه حوار الطرشان ده اصبح - لا مؤاخذة يعنى فى الكلمة - اسلوب فجّ و سوقى الى حد السب فى احيان كثيرة ....

مكن نعتبر ده راجع لحالة انفعالية سببها الأحداث الأخيرة زائد اعباء الحياة و ده له تأثير عليا شخصياً بس بتفرق من شخص لأخر فى التحكم فى انفعالاته ....

اذكر انى بعثت لأكثر من عضو فاضل رسائل ادعوهم فيها الى الهدوء فى الحوار كما ناشدت الجميع فى احد الموضوعات الساخنة ( مش فاكر انهى موضوع ) فى التحلى بالهدوء اثناء الحوار لكن برضو فى اشخاص للأسف مقتنعين بأن اسلوبهم فعلاً صح و اننا احنا اللى منحازين لأشخاص معيينين رغم اننا كإدارة فعلاً مالناش اى علاقة بالأشخاص دول ! :P

لكن ارجع و اقول ان الأحداث الأخيرة و اللى بلا شك اثّرت على انفعالاتنا ليست حجّة او عُذر بأى حال للوصول الى حالة الحوار الحالية .....

لكن معلش يا د/ شانا ... انا كواحد مُنسّق غير مسؤول عن النغمة التى يستخدمها العضو فى اثناء كلامه .... و ليس فى قواعد المحاورات اى شيئ يحدد النغمة او الـtone اللى المفروض يتحدث بيه العضو الى الجميع .... لكن فقط يمنع توجيه السباب او السخرية من الأعضاء و ده اللى اقدر اعمله فعلاً لو وجدت تجاوزات من النوع ده ....

اما النغمة الإنفعالية الحالية فهى راجعة بشكل اساسى الى حاجات كثيرة :

- العضو الجديد لم يقرأ جيداً فى محاورات المصريين حتى يتعرّف على اسلوب الأعضاء الراقى و الجميل ..... و هنا اجدد دعوة الأساتذة عادل ابو زيد و الأفوكاتو الى قراءة الموضوعات القديمة و تراث المحاورات قبل المشاركة ... يعنى فترة استطلاع و ده عشان مايدخلش العضو الجديد يشارك و يصبح كالنغمة النشاز .....

- التربية .... وطبعاً دى ملهاش غير انه يحاول يغير من نفسه و من اسلوبه ... و حتى هذا الحين ياريت مايشاركش :blush:

- التلقّى الخاطئ ... و ده فى رأيى سببه الطرفين القارئ او المُتلقّى و الكاتب ..... فالكاتب ممكن يكتب موضوع بغرض المزاح فى ابواب دعوة للإبتسام او الموضوعات الخفيفة ..... و ممكن الموضوع ده لو اتقال فى الواقع بين الأعضاء ( يعنى لو متواجدين وجهاً لوجه مايبقاش فى مشكلة ... لكن استخدام الفاظ معينة من الكاتب و موود القارئ او الحالة الإنفعالية اللى فيها القرائ اثناء قراءة الموضوع بتخللى احياناً الموضوع يتفهم غلط و يخرج - كنتيجة طبيعية - عن سياقه الخفيف الى خناقة !

فى النهاية ارجو اننا كأعضاء نفتكر حاجة واحدة بس اثناء كتابة الموضوع :

ومـا مــِن كاتبٍ إلا سيبلى ....... ويُبقي اللهُ مــا كتبت يـداهُ

فلا تكتُب بخطِك غير شيءٍ ....... يسُرك في القيامةٍ أن تراهُ

[بنت شعنونة]

السيد محمود مصطفى كتب.. هنا

انا موافق الأنسة نانسى واسمحى لى ان اخاطبك بالأنسة .

لازم من يكتب يكون يهدف الى شيء مفيد او وجهة نظر غير هدامة المرأة نصف الرجل ولايمكن التقليل من شأنها لانها فى النهاية هى امى واختى وزوجتى وبنتى ..... وبنتى دى انا كمان بحبها اوى لان عندى منها اتنين زى العسل وبموت فيهم ومسمحش حد يزعلهم انا بحب احترم المرأة المحترمة وكل اولادنا وبناتنا ومانملك من ايمان محترمين ومحدش يزعل اى بنت هنا دول اخواتنا

مش كدة ولا اية ........ محمود مصطفى

كتب في موضوع اخر يخصني..

الست شعنونة ازاى سبتى العيال دول من غير ماتادبيهم انتى طيبة اوى انا لو منك اشترى كلب من بتوع الشرطة وخلية فى العربية علشان المواقف اللى ذى دى

وبعدين انتى ممكن كنتى اتصلتى بالمنتدى واحنا كنا نجيلك بسرعة زى النت

او انك كنتى نزلتى من العربية وعملتى ان العربية عطلت حركة ندالة زيهم

المهم دة موضوع فعلا لازملة حل سريع بس مش مؤقت احنا احسن حاجة ندعى عليهم

الست دلوقت لها حقوق زى الراجل مش كدة ؟

اية فى اية احنا متسويين ازاى معرفش مع ان فية فرق غريبة؟

المهم معلهش تعيشى وتخدى غيرها دول عيال قولالات الادب وشبيحة ومتزعليش حقق عليا

!!!!!!!!!!!!!! :) :lol:

الغريبة بقى انه هوا هوا نفس الشخص كاتب مفس الحروف

لكن سبحااااااااااااااااااااااااااااان الله يا اخي

لله في خلقه شؤون فعلا يعني!!

دا للسؤال عن تعليقي

مع الأعتذار للاخ محمود يعني.. بس فعلا انا مستغربة! :P

نيجي بقى لتعليق الاستاذ وليد..

كلامك جميل جدا يا وليد ولكن.........

هل المفروض ان حرية المنتدى تتيح فتح اي مواضيع "تافهه" و "هايفة" ودا مش من وجهة نظري ولكن دا كان تعليق اكتر من فرد من افراد المنتدى..

هل سياسة وقوانين المنتدى تسمح بفتح هوا هوااااااااااا نفس الموضوع لكن بتعابير مختلفة!!!!! خاصة لو كانت من نفس العضو؟

دا انا فاكرة لما حد كان بيكتب موضوع فكرته مكررة كان بيتقفل تلقائي او يضم للتاني مع رسالة لصاحب الموضوع تفهمه انه مكرر وخلاص!

خد عندك مثلا...

حجاب المراة.. المراة و المكياج..حقوق المراة.. حديثي الزواج!!!

وكله في فترة يومين ورا بعض مثلا!!

طبعا انا لا احجر على حرية حد في الكتابة عشان بس استاذ مدهش ما يفتكرش اني قصدي اغلس

لكن انا مستغربة من سياسة الأدارة اللي كلنا عارفينها من يوم ما اشتركنا

لكن اعتقد انه فيه شوية تسهيلات جديدة او تغيرات او اي حاجا..

هل ياترى من حرية المنتدى انه يبدي اكثر من 5 اعضاء امتعاضهم من موضوع بعينه دون اي تدخل من الأداره!

انا لا انكر اني انا شخصيا قصرت بعدم الأبلاغ عنه

لكن من "قرفي" واعذوروني في الكلمة بس اللي في قلبي على لساني

الصراحا اليومين اللي فاتوا الواحد سمع شوية مفردات هنا..... فلللللللللللللللل

لا والأحلى اساليب السخرية على كل لون.. نقي واختار يا عبد الستار..

انا عن نفسي ناوية ابطل حرقة دمي وها اعمل " بلوك" للمواضيع اللي تفرس لا بتزيد ولا بتنقص " بالنسبة ليا على الأقل"...

" وش حد مفروس ومستغرب جدا"

[وليد صفوت]

طيب يا د/ شانا خلينا نبقى صرحا اكتر .... و انا عارف انك صريحة جداً ....

سبب هذة المشكلة هم بعض الأعضاء الجدد الذين لم يتعرفوا على اسلوب المخاطبة الأمثل عبر النت ( و ده مش تقليل منهم و من إضافاتهم و لكن الموضوع يتعلق اكتر بإستخدام المصطلحات الصحيحة للتعبير عن المعنى المُراد ) .....

ثانياً ماتنكريش ان اللى خلاكى "مفروسة و مستغربة" :lol: هو الهجمة الشرسة على المرأة فى مواضيع مختلفة وضعها اكتر من عضو ..... فى وقت متقارب ....

انا لن اتحدث بإسم الإدارة الأن و لكنى اتحدث بصفتى عضو يناقش مشكلة فى التواصل بين الأعضاء زملائه و بعضهم, ....

هل المفروض ان حرية المنتدى تتيح فتح اي مواضيع "تافهه" و "هايفة" ودا مش من وجهة نظري ولكن دا كان تعليق اكتر من فرد من افراد المنتدى..

اعتقد انك تقصدى نفس المواضيع الـAnti-Feminine لأن باقى المواضيع على حسب ما يظهر امامى على شريط العناوين مواضيع مختلفة باقة من المواضيع الكثيرة بعضها جاد و بعضها خفيف و بعضها مُجاملات و علاقات إجتماعية بين الأعضاء ( مثل توقيعات الأخت مصرية يعنى مصرية ) و بعضها مختص بشئؤن الخدمات العامة ( كطلب الإستفسار الى المانيا و امريكا ) و غيرها من الموضوعات ..........

و تانى دليل على انك تقصدى المواضيع دى انتى قولتيه بنفسك ان اكتر من عضو اشتكوا من الحدة و الأسلوب المتجاوز و ده ماحصلش بوضوح الا فى الموضوعات دى ...

بس احب الأول اشكر استاذ احمد هادى على خُلقه القويم و اخلاقه العالية لأنه اعتذر عن مواضيع اثارت جدل و ربما ضيق بعض الأعضاء منها .. و الإعتذار ده مايجيش إلا من شخص يحترم قدره و يحترم المكان و يحترم و يقدر من يحدثهم .....

لكن اعتقد انه فيه شوية تسهيلات جديدة او تغيرات او اي حاجا..

لا تغيير فى اى سياسيات اتبعتها محاورات المصريين ( ده بقى كلامى كمشرف و مُنسق :) )

و لو كان يحدث اى تغيير سلبى فى سياسة المحاورات فأرجو ابلاغنا بذلك و كما قال استاذ عادل ابو زيد بأن على الجميع المشاركة فى إدارة المحاورات ....

ثم انه بلا شك المحاورات تغييرت للأفضل بشهادة الكثيرين عما كانت عليه منذ زمن و ده راجع بشكل كبير الى الأستاذ عادل ابو زيد و الى ارادة المشرفين الحقيقية الى جعل المحاورات بيت لكل المصريين .... يستوعب كل انواع الموضوعات و فى مختلف المجالات الجادة منها و الخفيفة و الهادفة و الثقافية ......

تحياتى ....

[بنت شعنونة]

استاذ وليد

كلام حضرتك فيه "جزء" من الصحة

لكن جزء كبير غلط

بدليل....

قلب كدا في المحاورات من امد التاريخ

شوف كاااااااااااااااااااااام موضوع اتفتح ضد المرأة سواء كان جاد او هزار

ولالالالالالالالالالالالا عضوة زعلت " وانا اولهم على اساس اني بتكلم عن نفسي" على ما اذكر وما كانش فيه الغضب الجماعي دا..

لييييييييييييييييه بقى؟ :P

اجابة السؤال دا عندك انت مش عندي وهيا الفيصل في كللللللللللللللللللللل موضوع الطرشان دا...

معلش عندي تعليق بسيط ومش عاوزة حد يزعل مني..

المحورات كان فيها اجيااااااال متتالية

واذا اسعدني الحظ ممكن اسمي نفسي من الجيل التاني او التالت مش عارفا العدد مظبوط بس احتمال التاني..

مين اللي قال ان المحاورات تغيرت للأحسن؟؟

افتح مواضيع الجيل التاني دا كدا وقولي هل فعلا انت شايف كدا

وهل فعلا دا رايهم؟

كام موضوع على صيغة " نداء" لمن ذهبوا للا عودة..!

تفتكر دا مؤشر للأحسن..

بعد احداث مش عارفة كام -كام عشان انا ماكنتش موجودة وقتها :) المحاورات بقت محلك سر..

مؤخرا.. بقينا غريبيييييييين جدا!!

معلش سامحوني عارفا دمي تقيل وكلامي دبش النهاردا

بس ما اتعودتش اقول غير اللي في قلبي وان كنت زعلانة جداااااااا من نفسي وانا بتكلم اصلا لآنه مش مفروض اتكلم

عموما اتمنى انه كلامي ما يكونش غلط

ولو غلط ياريت حد يقولي..

والسماح مرة تانية

تحياتي.. :lol:

[White heart]

أتفق مع العزيزة "شانا" من حيث المبدأ بوجه عام .....

و بوجه خاص مع هذه النقطة:

هل سياسة وقوانين المنتدى تسمح بفتح هوا هوااااااااااا نفس الموضوع لكن بتعابير مختلفة!!!!!

دا انا فاكرة لما حد كان بيكتب موضوع فكرته مكررة كان بيتقفل تلقائي او يضم للتاني مع رسالة لصاحب الموضوع تفهمه انه مكرر وخلاص!

تحياتى.

[Cleo]

يغير من نفسه و من اسلوبه ... و حتى هذا الحين ياريت مايشاركش :lol:

- التلقّى الخاطئ ... و ده فى رأيى سببه الطرفين القارئ او المُتلقّى و الكاتب ..... فالكاتب ممكن يكتب موضوع بغرض المزاح فى ابواب دعوة للإبتسام او الموضوعات الخفيفة ..... و ممكن الموضوع ده لو اتقال فى الواقع بين الأعضاء ( يعنى لو متواجدين وجهاً لوجه مايبقاش فى مشكلة ... لكن استخدام الفاظ معينة من الكاتب و موود القارئ او الحالة الإنفعالية اللى فيها القرائ اثناء قراءة الموضوع بتخللى احياناً الموضوع يتفهم غلط و يخرج - كنتيجة طبيعية - عن سياقه الخفيف الى خناقة !

:

ومـا مــِن كاتبٍ إلا سيبلى ....... ويُبقي اللهُ مــا كتبت يـداهُ

فلا تكتُب بخطِك غير شيءٍ ....... يسُرك في القيامةٍ أن تراهُ

كون كلام معين اتكتب فى باب الابتسام بصفة هزار لا يعنى بالضرورة أن على الطرف الأخر أن يتقبل وهو راضى على طريقة :هل هذه نكتة؟؟ إذن علي أن أضحك... ها... ها ... ها ... ها"

فيه فرق بين الهزار وبين الجليطة و التجريح، وكون الهزار ده -على حد تعبيرك يا وليد- خفيف على قلب الرجال، فهو سمج ومهين وتقيل على قلب السيدات زخصوصا بعد أن أبدت أكثر من زميلة امتعاضهن من هذه المواضيع، فلم يعار اعتراضنا أى اهتمام، طالما أن الكلام يروق "للبعض الأخر"

ماتزعلش يا وليد... بس الموقف ده أشبه ما يكون ب "خيار وفاقوس"

[عصفور طاير]

أولا أنا مع الأخ مدهش في أن أحيانا بتخرج الموضوعات من سياقها، ولكن غالبا دا بيحصل بعد ما بيكون الموضوع الأساسي استوفى أغراضه من النقاش، وبدأت الآراء تتشعب فيه وبالتالي بيخرج عن مساره.. وأعتقد إن ده طبيعي في كل المناقشات اللي في الدنيا ما دامت ليست في دائرة بحث أو ندوة علمية، فهي مجرد محاورات أو نقاشات مفتوحة لكل عابر سبيل.. وفي رأيي أنه يجوز تقبل هذا ما لم يكن بفعل بفاعل.. يعني البعض بيتعمد تشتيت الموضوع، وفيه ناس وأعتقد إنهم معروفين، بيدخلوا أي موضوع إما تحدث فيه مشادات بسبب استفزازه، أو يغلق تماما لانحرافه عن مساره الموضوعي ربما لنفس السبب.. وإذا تم البحث عن العامل المشترك في تلك الموضوعات، وتم استفتاء رأي حول السبب سوف يتوقف العجب.

أما عن الموضوعات التي سماها الأخ وليد بالـAnti-Feminine ، أو التي وصفتها الأخوات بأنها هايفة، أو التي من الممكن وصفها بصورة أخف على أنها موضوعات خفيفة فهي بالفعل بدت كثيفة في الفترة الأخيرة، ربما بسبب بعض الأعضاء الجدد، أو لانشغال الأعضاء، أو لانعدام القضايا الحيوية أو هي سدة نفس.. يعني ممكن تفسير الحالة بأنها مجرد موجة عابرة، لكن أرجو أن تكون مؤقتة.

بس أنا مش عارف ليه حاسس إن الموضوع ده محتاج الأخ زهيري عشان يهدي النفوس :unsure:

[فولان بن علان]

كون كلام معين اتكتب فى باب الابتسام بصفة هزار لا يعنى بالضرورة أن على الطرف الأخر أن يتقبل وهو راضى على طريقة :هل هذه نكتة؟؟ إذن علي أن أضحك... ها... ها ... ها ... ها"

فيه فرق بين الهزار وبين الجليطة و التجريح، وكون الهزار ده -على حد تعبيرك يا وليد- خفيف على قلب الرجال، فهو سمج ومهين وتقيل على قلب السيدات زخصوصا بعد أن أبدت أكثر من زميلة امتعاضهن من هذه المواضيع، فلم يعار اعتراضنا أى اهتمام، طالما أن الكلام يروق "للبعض الأخر"

ماتزعلش يا وليد... بس الموقف ده أشبه ما يكون ب "خيار وفاقوس"

احترام وتقدير للأستاذة كليو

أعتقد فعلا أننا نحتاج لمراعاة مشاعر واحاسيس الجميع

ولعلها كبوة ترسخ متانة الحوار ورقي المحاورات

ممكن أعتذر بالنيابة لجميع السيدات بالمحاورات

[المدهش]

لماذا نغضب دائماً من النقد ..لماذا نطالب بالحرية والديمقراطية ونمارس القهر على أنفسنا وعلى أولادنا وزوجاتنا وتلاميذنا وأصدقائنا..لماذا نطالب بالحوار ثم نسخفه حين لا يأتي على هوانا ..لماذا نفرح للمديح ونطير بكلمات الاطراء ونصك آذاننا أمام أي كلمة عتاب ونعتبرها إهانة..لماذا ندعي أننا مثقفون ومتحضرون وننكر على الآخرين فضيلة الاختلاف معنا..لماذا نأخذ أي كلمات أو أفكار مختلفة معنا على أنها إهانات موجهة لنا ..لماذا نحتكر لأنفسنا الحقيقة ونعتبر معتقداتنا وآراءنا هي الصحيحة وننصح الناس بما ليس فينا..أليس هذا دليل على أننا نقول ما لانفعل ..ونفعل ما لانقول؟!!!!!..حسبي الله ونعم الوكيل.

لما كانت المداخلة فى موضوع مستقل وترتبط بنفس الموضوع فقد تم دمجها داخله

الإدارة

تم تعديل 22 مايو 2006 بواسطة عصام شوقى

[Cleo]

كون كلام معين اتكتب فى باب الابتسام بصفة هزار لا يعنى بالضرورة أن على الطرف الأخر أن يتقبل وهو راضى على طريقة :هل هذه نكتة؟؟ إذن علي أن أضحك... ها... ها ... ها ... ها"

فيه فرق بين الهزار وبين الجليطة و التجريح، وكون الهزار ده -على حد تعبيرك يا وليد- خفيف على قلب الرجال، فهو سمج ومهين وتقيل على قلب السيدات زخصوصا بعد أن أبدت أكثر من زميلة امتعاضهن من هذه المواضيع، فلم يعار اعتراضنا أى اهتمام، طالما أن الكلام يروق "للبعض الأخر"

ماتزعلش يا وليد... بس الموقف ده أشبه ما يكون ب "خيار وفاقوس"

احترام وتقدير للأستاذة كليو

أعتقد فعلا أننا نحتاج لمراعاة مشاعر واحاسيس الجميع

ولعلها كبوة ترسخ متانة الحوار ورقي المحاورات

ممكن أعتذر بالنيابة لجميع السيدات بالمحاورات

أشكر لك ذوقك :ninja:

[وليد صفوت]

يغير من نفسه و من اسلوبه ... و حتى هذا الحين ياريت مايشاركش :ninja:

- التلقّى الخاطئ ... و ده فى رأيى سببه الطرفين القارئ او المُتلقّى و الكاتب ..... فالكاتب ممكن يكتب موضوع بغرض المزاح فى ابواب دعوة للإبتسام او الموضوعات الخفيفة ..... و ممكن الموضوع ده لو اتقال فى الواقع بين الأعضاء ( يعنى لو متواجدين وجهاً لوجه مايبقاش فى مشكلة ... لكن استخدام الفاظ معينة من الكاتب و موود القارئ او الحالة الإنفعالية اللى فيها القرائ اثناء قراءة الموضوع بتخللى احياناً الموضوع يتفهم غلط و يخرج - كنتيجة طبيعية - عن سياقه الخفيف الى خناقة !

:

ومـا مــِن كاتبٍ إلا سيبلى ....... ويُبقي اللهُ مــا كتبت يـداهُ

فلا تكتُب بخطِك غير شيءٍ ....... يسُرك في القيامةٍ أن تراهُ

كون كلام معين اتكتب فى باب الابتسام بصفة هزار لا يعنى بالضرورة أن على الطرف الأخر أن يتقبل وهو راضى على طريقة :هل هذه نكتة؟؟ إذن علي أن أضحك... ها... ها ... ها ... ها"

فيه فرق بين الهزار وبين الجليطة و التجريح، وكون الهزار ده -على حد تعبيرك يا وليد- خفيف على قلب الرجال، فهو سمج ومهين وتقيل على قلب السيدات زخصوصا بعد أن أبدت أكثر من زميلة امتعاضهن من هذه المواضيع، فلم يعار اعتراضنا أى اهتمام، طالما أن الكلام يروق "للبعض الأخر"

ماتزعلش يا وليد... بس الموقف ده أشبه ما يكون ب "خيار وفاقوس"

و لما انتى يا كليو عارفة انه موضوع تافه و الهزار اعتبرتيه جليطة ... ليه ما بعثتيش رسالة للإدارة و خاصية الشكوى من المداخلات مُتاحة للجميع ؟

ليه سكتى على التهريج اللى اعتبرتيه جليطة ؟ بل و رديتى كمان فى نفس الموضوع برد غامض انا شخصياً ما فهمتش منه هل انتى زعلانة من الموضوع ام هى بداية لمداخلات ساخرة لكى ( ده بجد ) ؟

----------------

د / شانا :

لييييييييييييييييه بقى؟

اجابة السؤال دا عندك انت مش عندي وهيا الفيصل في كللللللللللللللللللللل موضوع الطرشان دا...

لأ يا شانا ... الإجابة دى انا قولتها بالفعل فى وسط كلامى اللى فات .... و انتى اكيد قريتيها ...

مين اللي قال ان المحاورات تغيرت للأحسن؟؟

افتح مواضيع الجيل التاني دا كدا وقولي هل فعلا انت شايف كدا

وهل فعلا دا رايهم؟

كام موضوع على صيغة " نداء" لمن ذهبوا للا عودة..!

تفتكر دا مؤشر للأحسن..

انتى ربطى ليه بين غياب الأعضاء القدامى ( و اللى كان لأسباب عديدة بعضها شخصية ) و بين المحاورات ؟

انتى مقياسك غلط يا د/ شانا .... مش معنى ان الأعضاء القدامى اللى احنا بنقدرهم و بنحترمهم غابوا لأسباب ما ... يبقى المحاورات بالضرورة ستتغير للأسوأ !

هناك اعضاء جداد فىمنتهى النشاط و الرغبة فى النقاش الجاد و الإستفادة و الإفادة .. و مش هقول اسماء عشان أأكد كلامى .... لأنهم كُثر .

و على الجانب الأخر , غياب الأعضاء القدامى بالتأكيد أثر على ثراء المحاورات بكتاباتهم الغنية .... و لكننا كإدارة غير مسؤولين عن غيابهم ؟ إحنا ايه اللى يخلينا نتحمل مسؤولية غياب الأعضاء القدامى ؟

اسلوب المحاورات كما هو لم يتغير .... و لو تلاحظوا ان كل عام فى هذا الوقت يتغيب البعض من المشرفين لأسباب قهرية متعلّقة بحياتهم العملية ... فيجب ان نراعى تلك النقطة ....

تحياتى ...

[زعلان]

لا أعتقد أن هناك مواضيع خرجت عن سياقها او أنحرفت عن المسار الذي كان يقصده كاتب الموضوع واخص هنا عدد من الموضوعات التي تم اثارتها أخيرا حيث كان التوجه العام لها هو استثارة فئة ضد أخرى سواء في اطار طرح هزلي أو اجتماعي وهذا النوع من المواضيع يصنف بالعنصري حيث انه اعتمد غالبا على التفرقه الجنسية واتسم بعدم الموضوعية والتطاول في محاولة للنيل من الاخر والاستهزاء به