تصقيف حار ياجماعة..عودة الشاعرة بنت مصرية هيييه

[النسر المصري]

صحيت الصبح النهاردة ياجماعة وحاسس كدة اني مبسوط اوي مش عارف ليه

اصل امبارح حلمت اني كنت بااكل أكله إنما إيه......أبيض ف ابيض

وجنبي بنت صغيرة كده حاطه ريحة أخضر ق أخضر

وودانها أزرق ف أزرق

ده حتى مرا خيرها.......... بمبي ف بمبي......(أوع حد يضحك انا قولت اهو)

المهم صحيت من النوم وانا مبسوط كده ومنكشح ومتفرشخ من البلعوم إلى المريء

وعنها ياعم رحت ضاربلي كوبايتين خروع بالمهلبيه....وكاسر عليهم بيضتين إنما إييييه....أبيض ف أبيض

ورحت رازعهم في معدتي وقلب لوني بعد كده فوشيا ف فوشيا

ورحت نازل كده وانا لابس الحته البوني....وركبت عربيتي السبعتاشر متر (دي حقيقة مش كدبه)

ورحت خالع بسرعة عالدوام وانا متأخر يجي ساعة ونص كده

فلقيت المدير مستنيني ووشة أخضر ف أخضر....وماسك خرطوشة وقنبلة يدوية وآربيچية على كام بندقية رش وشوية دبابات كده لزم الغضب يعني

وعنها ياعم صبحت عليه بكل برود وقلتله بص ياجدع انت...انا مراخيري مكسوره صحيح.....بس ولا يفرق معايا ..فاهم...وبعدين ان مبسوط عشان كنت بحلم حلم اوي امبارح...عندك مانع

المهم ...ماطولش عليكم ف الكلام لحسن تناموا مني........رحت ماشي كده بكل ثقة وكبرياء ومره واحده.... سمعت ز ي ي وووووو........وبعدين.....بوووووم....ثم ...طراخخخخ... وبعدين ....وي وي وي وي وي وي.....وبعدين لاحظت دربكة وهيصة وزنبليطه...عرفت ان المدير جاتله وعكة صحية مفجأه ...وهيروح على أثرها يتعالج في القسم التخصصي...وانا بقى استغربت من الدلع بتاعه ده.....وقلت اكيد هو بيعمل نفسه عيان عشان طمعان في يومين مرضي

ا

المهم ...ماطولش عليكم ف الكلام لحسن تناموا مني!!!!

فتحت النت ...ودخلت عالمحاورات عدل.....بعد انقطاع اسبوع تقريبا بسبب الدربكة المتدربكة اللي انا فيها.....وببص كده بعيني ...ماصدقتش

البنت مصرية رجعت تاني ياجدعوووااااااان

وبهذه المناسبة السعيدة دي أحب أن أسند تنظيم حفلة استقبال بإدارة بنات المنتدى ..وتكون بإشراف كلا من

الجميلة نانسي...(طبعا انا كلي ثقة في قدراتها الفنية الرائعة)

اختي الأولى في الغربة ...ربنا يخليهالنا...مصرية الكويت :ph34r:

الست مصريه يعني مصري (فين التوقيع بتاعي بقى هه <_< )

العزيزة شهد (انت فين ياحاجة)

الآسره لحوراتها الجميله...سهيله

ياشو الغالية :huh: (

الشعنونة شانا (والله لو انا موجود لكنت ضربت العيال قلالات الأدب دول اللي ضايقوك وخلصا=تلك عليهم...ده بجد مش تهريج)

الست أصلو ..ايست سول

المهندسة الزميلة طماطم

العبقرية كليو :huh:

أوشان النوشا كامنوشا :wub:

الحدوته اللي مفيش زيها حدوته في ادنيا ....حدوته مصرية

طبعا عسولة المنتدى الأميره جيجي

زميلة المنه التاريخية...نشوى

المحمية تحت حمايتي الأبدية...نورية

عطر المنتدى ..الست عطر

وسماء المنتدى ..سما مصر

والست فوللاااانة...والست مورجانة...ترابتاتاتيت

وكل سيدات وبنات المنتدى الكرام وكل من لم تسعفني ذاكرتي في ذكره

أما الرجاله....فعليهم ياكلو ويستمتعوا بالحفلة وبس

يلا ورونا الهمة ياجودعااان

[الرافعي]

الأخت الكريمة مصرية

حمداً لله على السلامة .. المطرح نور فعلاً

وإن شاء الله الحبيب حمادة بخير

فيك الخير يا نسر .. وإن كانت الحتة التملقية الطويلة ووصلة النقوط اللي عملتها في أخواتنا دي تقيلة شوية ... بلاش إنت يا عم <_<

[النسر المصري]

فيك الخير يا نسر .. وإن كانت الحتة التملقية الطويلة ووصلة النقوط اللي عملتها في أخواتنا دي تقيلة شوية ... بلاش إنت يا عم <_<

أعمل اية بس يا معلم حلاوة...نفسي هفتني شوية عالتهييس...قلت اهيس بقى هو حد واخد منا حاجة.... :ph34r:

(انا بعتلمك اميل طويل عريض مخصوص عشانك وصلك ولا )

[shahd]

كده يانسر سبقتني :P

منورانا يا نوارة المحاورات

تم تعديل 20 مايو 2006 بواسطة شهد

[bentmasria]

ايييييييييييييييييييه ده كله يا عمور وانا لسه شايفاه ربنا يبارك لك ويسعدك ويصلح لك مراخيرك المكسورة

وكمان المدير ولجنة الترحيب واخضر ف اخضر اللهم اجعله خير يارب

ربنا يجعل أيامك كلها خضره يارب ويسعد الجميع يارب الكل الحمد لله فاكريننى وده فعلا جميل

اسعدتونى ودفيتونى الواحد من غيركم كان بردان بجد

محمد بيوزع القبلات على كل الاخوال والخالات ونفسه يشوفكم كلكم يللى اتجدعنوا وجهزوا لقاء قريب ان شاء الله

وحشتونى بجد

مانا ومادا

[النسر المصري]

ايه يابنات المنتدى ...فين الحفلة.....الرجالة ماتو من الجووووع

[وليد صفوت]

الف مرحب بعودتك يا مدام ايمان ..... ربنا يجعل ايامك كلها سعادة و دفا .....

[سهيلة]

[حمداللة بالسلامة بارق واعذب بنت ف المنتدى

بنت مصرية

المحاورات كانت مظلمة من غيرك