آخر نوبه - أغنيه شعبيه

[daktara]

 إن جيت للحق معاك ميت حق  يا عبد الحق يا غالى

 واهى مره و توبه و آخر نوبه أسيب دارى و عيالى

 دانت مستتنى و مرتاحه  وشايلنى على كفوف الراحه

 وان جيتنى يا عبده بصراحه   ح ارجع ويّاك طوّالى

****************

ما اعرفش انا إيه بسّى جرى لى   ولا  إيه خلاّنى أسيب دارى

دا نا عايشه طول عمرى ف حالى   لا بابصّ لجارتى ولا لجارى

عين و صا بتنا والله يا عبده   مش غلطتنا أيوه يا عبده

كان مالى ومال عمّى و أرضـــه   وياريتنى فضلت كده ف حالى

وان جيت للحق معاك ميت حق    يا عبد الحق يا غالى

****************

إزيّك يا أعز ما لىّ                و ازىّ محمد و هنيه

على ننى عينيّ يا عينىّ       دانتوا ضنايا والضنى غالى

عاملين إيه من غيرى يا عبده     مين بيأكل طيرى يا عبده

أسبوع ولا تسأل كده برضه       ولا تطّمن على أحوالى

وإن جيت للحق معاك ميت حق   يا عبد الحق يا غالى

*****************

قالوا فى الامثال مِن ساب دارُه             بيقلل قدرُه و مقداره

إحترت و أولادى احتاروا         واهى غلطه ياريت تغفرهالى

عدّيها المره دى يا عبده         رجعنى لأولادى يا عبده

دا الغصن عليه شوكُه وورُده      و عشان الورد اغفرهالى

وإن جيت للحق معاك ميت حق  يا عبد الحق يا غالى

(Edited by daktara at 4:05 am on Oct. 1, 2001)

(Edited by daktara at 4:19 am on Oct. 1, 2001)