مسابقة ارخم النكت ههههههههه

[Dr.mmfriend]

انا جمعن هنا مجموعة لذيذه من النكت

ودي يا جماعة مش نكت بغرض الضحك

دي بغرض لما تكون مخنوق من حد وعاوز تخنق عليه :blush:

قوم قوله شوية نكت من دول

ياريت كمان لو حد عنده نكت من النوع ده يضيفها هنا

ابدأ باول حبة نكت

مرة بنتين ماشيين جنب بعض.واحدة وقعت فى حفرة..والتانية بتتكلم أنجليزى :P

مرة واحد ماشى فى الصحراء لقى قدامه زلطة ... !!!

مين اللى حرر الاقصى؟

احمد مظهر

طب ايه الشىء اللى بثمان رجول ورأسين؟

كلبين

ايه وجه الشبه بين الكمترى واليوستفاندى؟

ان الاتنين مش جوافه

طب مين مؤسس الدوله العثمانيه؟

عثمان أحمد عثمان

مره واحد راح يشتري موز فراح لبتاع الموز

وقوله : عندك مزه مزتين ثلاث موزات اربع موزات خمس موزات ست موزات سبع موزات تمن موزات تسع موزات عشرات موزات راح البياع رد عليه وقله لا معنديش موزه مزتين ثلاث موزات اربع موزات خمس موزات ست موزات سبع موزات تسع موزات عشر موزات

ههههههههههههههه

اوعي حد يضحك عليهم

كائن فضائي بشنب قابل كائن فضائي من غير شنب

قاله : تيجي نلعب رز وبسلة

التاني ليه انت فاكرني شماعه

قام واخد السنجه ونازل من الميكروباص

تنين خرافي قابل تنين هلامي قالوه تيجي ندحرج اللمونة على الزتونة قالوه ليه انت فاكرني كومدينو راح لم الشمسية ومشي

مرة ستاموني راح لبرباستو اله فينك يا واااااااد قاله هنا يا وااااااااااد

واحد بيقول لصاحبة يلا نلعب سكبولوس في البلكونة..صاحبه قاله يعني اية بلكونة؟

مرة واحد ماشي في الشارع لقا ربع جنيه في الارض

عمل نفسه عبيط وكمل طريقه

***********

مرة شبشب ماشي لوحده قابل شراب قاله فينك يا برعي قاله هنااااااااااااااااااك

واحد بيتاوب مراته قالتله بالمرة وانت فاتح بقك زعق للعيال عشان يذاكروا

واحد راح للدكتور بيحكى له عن حالته وبيقول انا كل يوم باصحى الآقى نفسى مندهش ، كل مرة بأ صحى الآقى نفسى مندهش .... راح الدكتور كاتب له على علاج .... فصحى تانى يوم لقى نفسة مش مندهش .......... فإندهش

مرة حوت بشنب قابل حوت من غير شنب قاله سلام عليكم وخد العجلة ومشى

واحد اتشل جم اصحابه يهنوا قالهم خايف من الفرحة امشي تاني

واحد اسمه ميمى بيدلوعوه و يؤلولوه يا حج عبد اللطيف

[MZohairy]

روعه يا دكتره

بعد النكت بتاعتك حسيت بألم في الكتف و الدراع الأيسر و مسمع في الجانب الأيسر في الصدر واتضح انه انسداد في الشريان التاجي مع عدة جلطات منتشره في جميع انحاء الجسم

و بعد ما فهمت بعض النكات الأخرى أصبت بفشل كلوي مصحوب بفشل كبدي و تهتك في الأمعاء مصحوب بانزلاق غضروفي حاد وفقان تام لحاستي السمع والبصر

أزدنا مما أعطاك الله :blush:

ياللا ياعم خلص علينا :blush:

خلينا نستريح من البلاوي اللي شايفينها في الدنيا :P

[النسر المصري]

آآآ بوو بابا لاو لا ...امبه امبه...اته اته :P

مداهد مداهد ..ناقاصة فوق......اشوله للا لولة ..إته إته :blush:

سلال وولاله..انه انه :blush:

وااااء :blink:

بخخخخخخخخخ

والسلام والرحمة على من اتبع الهدى....ولا حول ولا قوة إلا بالله

[nancy]

لا كدة صعب اوى بتهايالى لو حد غلس على حد بالنكت دى واحة والتانية تجرى باسرع ما عندك لان فية حاجات حتخبط فيك من الى بتتحدف

بس دى عجبتنى اوى

واحد بيتاوب مراته قالتله بالمرة وانت فاتح بقك زعق للعيال عشان يذاكروا :P

[سهيلة]

تصدق ياDr.mmfriend

انا ما قدرت اكملهم دول فعلا هياخدوا الجايزة الاولى ف الغلاسة

بس هحاول ادخل المسابقة بردو

مرة واحدة وجوزها متخانقين ف شهر العسل

المهم هوة قال لنفسو لالالا انا موش هصالحها لتفتكر انى ضعيف الشخصية وتاخد عليها

هية اللى لازم تصالحنى

وهية قالت نفس الكلام

المهم فات اسبوع وهما متخاصمين

الست قالت انا هبص علية من خرم الباب اشوفوا بيعمل اية

لاقيتو بيصلى وبعد ما انتهى من الصلاة قال

والنبى يا ست زينب خاليها هية اللى تصالحنى بسرعة

طبعا هية سمعت من هنا وطفت انوار البيت ومشيت مغمضة العينين وفتحت باب الغرفة

وكان حد ساحبها من ايدها وهية بتقوللللللللللل

موديانى فين يا ست زينب

موديانى فين يا ست زينب

[White heart]

- طيب ايه هى الحاجة الطويييييييييييلة البيضا اللى فى الصحرا؟

- الرمل

- لأ ... :lol: !!! الرمل برضه لونه ابيض ؟؟؟!!!

- طب السراب

- سراب ايه ؟ لأ طبعا !

- امال ايه ؟؟؟!!!

- فتلة بيضة :)

!!!!!!

طب واحدة تانية أصعب ..

- ايه هى الحاجة الطويييييييييلة السودة اللى فى الصحرا ؟

- ها أو ...... فتلة سودا ...

- لأ .... خيال الفتلة البيضا !!! :P

[R.M.G.]

تسأل الضحية

أنت : ماهي الفاكهة ام اربع رجلين؟

الضحية:(بعد تفكير طويل) مش عارف

أنت: الباميه

الضحية: وهي الباميه فاكهة؟

انت : وهي يعني الباميه باربع رجلين؟

وممكن برضو تعمل في ضحيتك الآتي:

انت : ماهو الفارق بين القلم الرصاص والكمنجه؟

هو: (طبعا كل مايقول حاجه تقوله لأ)..خلاص مش عارف

انت: ايه ده متعرفش الفرق بين القلم الرصاص والكمنجه؟معقول تبقى في سنك ده ولسه ماتعرفش تفرق بينهم؟

[White heart]

:sad: :lol:

- طيب ليه فيه ستات لم تخش تستحمى ما بتقفلش باب الحمام ؟ :P

- علشان مافيش حد غريب فى البيت ..

- لأ ....

- يبقى علشان فيه باب تانى للدوش و يمكن الاولاد يحتاجو للتواليت و الا حاجه .

- برضه لا ....

- يمكن ما فيش باب أساسا ...

- ايه دة انت عبيط و الا ايه؟ فيه برضه حمام فى الدنيا ما لوش باب ؟؟!!

- امال ايه ؟؟؟؟ :)

- علشان ما حدش يبص عليها من خرم الباب ..... :lol:

[Dr.mmfriend]

شجعتوني يا جماعه اقولكم كمان شويه حلوين

قصدي رخمين

استعدوا

بخيل حلم انه بيوزع فلوسه لما صحي قال حمار اللي ينام تاني

واحد اتونق فى ربع جنيه طلع من الخرم

واحد عمل حادثة دماغه طارت ، راح البيت بص في المرايه ، ما لاقاش دماغه ، جاتله سكته قلبيه مات .

مرة و احد لبس شبشب زيكو ... زيكو مشى حافى

مرة واحد دخل الجيش وخرج من الناحية التانية

مرة واحد سمع اغنية كمننا عجبته سمعها كمان ننا

مرة واحد اكل ارز معمر ضرب في وشه

مره سميرة سعيد كانت واقفه في طابور العيش فالراجل صاحب الفرن شافها

راح قالها عاوزه ايه يا ست سميرة

قالتله عايزة عيش

مرة واحد احول جة يعيط ، رجّع

ايه هو الحيوان الاخضر الصغير اللي بياكل الظلط؟

جاوبوا الفزوره دي......

[بنت شعنونة]

مرة واحد احول جة يعيط ، رجّع

هههههههههههههههههههههههههههههههههههههههههههههههههههههههههههههههههههههههههههههههه

ههههههههههههههههههههههههههههههههههههههههههههههههههههههههههههههههههههههههههههههههه

ههههههههههههههههههههههههههههههههههههههههههههههههههههههههههههههههههههههههههههههههه

ههههههههههههههههههههههههههههههههههههههههههههههههههههههههههههههههههههههههههههههههه

هههههههههههههههه

اااااااااااااه كنت ها اموووووووووووووووت من كتر الضحك

يا خرابي :lol: :) :P

[احمد هادي]

والله زمان

فكرتوني بمسابقة عملناها في رحلة لاسكندريه سنه 1992

علي كاس أرخم نكته

وفضلنا نقول في نكت رخمة لحد ما واحد صاحبنا قال نكته بمجرد ما خلصها كلنا بلا استثناء سكتنا بعدها واجمعنا انه لا يمكن يكون في أرخم من كده

مره واحد شاف الهرم الكبير لأول مره في حياته قال ياااااااااااااه كل دي حتت جنبه نستو ؟

[MZohairy]

واستمرت الأمراض تنتشر في الجسد المسكين :lol:

[سهيلة]

مرة واحد

اتنين

تلاااااااااااااااااااااااااااتة

:lol: :) :P :lol: :sad: :sad:

[khedr]

صرصار بيعاكس صرصاره في المطبخ

بيقولها قابليني

ورا

ال...............

رخامه

[yacho]

مره واحد اتنين تلاته طلعوا الجبل ...

نزلوا تلاته اتنين واحد .

حلوه مش كده :unsure:

[أسد]

ايه هو الحيوان الاخضر الصغير اللي بياكل الظلط؟

هي مش كده بالظبط ..

السؤال كالتالي :

ما هو الحيوان الأخضر الصغير الذي يعيش على بعد نصف متر من سطح الأرض .. ويأكل الزلط ..؟؟؟؟

الجواب ....

هو إبن الحيوان الأخضر الكبير الذي يعيش على بعد نصف متر من سطح الأرض ويأكل الزلط ..

[النسر المصري]

انا بقى فاكر كان في واحد بقلد واحد تاني رزل رزالة الخلق كلها ....وبيتريق عليه وهو بيقول النكتة دي

مرة واحد راح للبقال

قاله عندك زتون

قاله لأ...وهو عنده جوه ...هع هع هع هععععععع

:unsure: :P

[واحد تاني]

من كلاسيكيات الرخامة ....

اتنين مساطيل ماشيين فى الشارع, وفجأه ......

- الله !!! مش دا عبدالحميد صاحبنا ؟

- اه صحيح .... هو عبدالحميد صاحبنا

- طب ايه اللي رماه فى الشارع كده؟

- ملناش فييييه تعالى نشيلوه نطلعوا

- مش دي عمارة عبدالحميد صاحبنا؟

- اه هي عمارة عبدالحميد صاحبنا

- مش دي شقة عبدالحميد صاحبنا؟

- اه هي شقة عبدالحميد صاحبنا

- مش دا سرير عبدالحميد صاحبنا؟

- اه هو سرير عبدالحميد صاحبنا

المهم حطوه ونزلوا, وبعدين .....

لقيوه تاني مرمي فى الشارع !!!

- الله !!! مش دا عبدالحميد صاحبنا ؟

- اه صحيح .... هو عبدالحميد صاحبنا

- طب ايه رماه فى الشارع تاني كده؟

- ملناش فييييه تعالى نشيلوه نطلعوا

- مش دي عمارة عبدالحميد صاحبنا؟

- هي عمارة عبدالحميد صاحبنا

- مش دي شقة عبدالحميد صاحبنا؟

- هي شقة عبدالحميد صاحبنا

- مش دا سرير عبدالحميد صاحبنا؟

- اه هو سرير عبدالحميد صاحبنا

المهم حطوا ونزلوا, وبعدين .....

لقيوه برضه مرمي فى الشارع !!!

قالو لأ بقى ... الموضوع دا محتاج واحد فايق

تعالي يا جابر .....(البواب)

- مش دا عبدالحميد صاحبنا ؟

- قالهم اه صحيح .... هو عبدالحميد صاحبكم

- طب ايه اللي رماه فى الشارع كده؟

- قالهم ملناش فييييه تعالو نشيلوه نطلعوا

- مش دي عمارة عبدالحميد صاحبنا؟

- اه هي عمارة عبدالحميد صاحبكم

- مش دي شقة عبدالحميد صاحبنا؟

- اه هي شقة عبدالحميد صاحبكم

- مش دا سرير عبدالحميد صاحبنا؟

- لأ .... دي بلكونة عبدالحميد صاحبكم

[المنصوراوى]

انا قلت لازم احرر الموضوع دا اللى حبيس الادراج علشان نضحك

بدل من الهموم اللى الواحد فيها

نبدا

تعرف ايه الفرق بين الفيل و النملة

.

.

.

.

.

.

.

..

..

..

.

.

.

.

..

يا عم فكر بطل كسل

.

.

.

.

.

.

.

..

.

.

.

.

..

..

..

.

.

..

.تعبت خلاص حقول

.

.

.

.

.

.

.

.

..

..

.

.

.

.

.الفرق فى البيت فيه نملية بس ما فيش فيلية

الفيل ممكن رجلة تنمل بس النملة عمر ما رجلها تفيل

فيه سمك فيلية بس مفيش سمك نملية

فيه بروفيل بس ما فيش برونملة