ليتنى كنت حمارا ..!!!!!!!!!!!!

[achnaton]

:P بسم الله الرحمن الرحيم

احباء المنتدى

ايه رأيكم تصلوا من اجلى ركعتين وتسألوا المولى الكريم .. أن يحفظ لى الجزء البسيط من المفهومية التى انعم الله بها على خلقه من بنى آدم .. وحرم منها مخلوقات اخرى .. ومش عاوز اقول الحمير .. فمين عارف !! .. كم تمنيت ان أكون من الصنف الاخير من المخلوقات .. عارفين ليه .. بس ما تعايرونيش بعد كده .. اقولكم .. وحسبى الله ونعم الوكيل من اللى حيضحك على خيبتى وتفكيرى .. فالحقيقة لى ما يقرب من خمس سنوات وانا بانفخ فى قرب يعلم الله عددها وسجلت بعض هذه النفخات فى هذا المنتدى الرائع .. وكنت اتنقل بكثير من الابواب لعل صرخاتى يسمعها من بيدهم الامر .. ابدا .. طلعت كل القرب مخرومه .. ولذلك كنا بندن فى مالطه ؟؟! .. الاول ظللت مده طويلة أطارد رئيس الوزراء السابق .." غراب الخراب " طبعا فاكرينه .. اللى خربها وقعد فى الآخر على تلها هو وتلاميذه من بعده .. طول الوقت وانا قاعد اهاتى ولا حد سامع منى كلمه .. وغيره من زملائه فى الوزارة الوزير اللى انكرت " تيزة "- الله يرحمها - انها اختارته وزيرا أو حتى تعرفه رغم انه كان معاه فى روما !! .. برضه كان اسمه عاطف .. ومشى عاطف .. ومات عاطف الله يرحمه .. كان ارحم واعقل من عاطف بتاع المنجه السوده اللى كان عاوز يغيظ الاستاذ عادل ابوزيد ويستورد المنجة من السودان .. ويأكلنا المنجه السوده .. زى ما اكلنا الايام السوده اللى احنا عشناها معاه وعايشينها حتى وقتنا الحالى .. ورغم انى حذرت ايامها من وزير تنظيف الجيوب اللى تفنن ايامها فى اختيار عناوين الكترونية غريبة لاستخدام فواتير التليفون فى تنظيف الجيوب .. وقلعنا هدومنا .. وباعها لنا تانى !!! وخرجنا من نقره بعد أن كسرنا مليون قلة ورا " غراب الخراب " جالنا بعده بقى مش " غراب " .. لأنه ممكن يكون بطئ فى الطيران لأ .. حابوا لنا " غراب الكترونى " زى الريح فى تنظيف الجيوب .. وآهى فضيت والناس ولا حول ولا قوة الا بالله بتشحت !!؟ .. وربنا يكرمهم اخوانا بتوع جماعة " الاخوان المسلمين " مش عارف ليه مانعينهم من اعلان حزب لهم .. ومانعين حتى جمعية لهم اكتسحت فى الدوائر اللى الضمير كان فيها المراقب العام ..!! انا صحيح مش اخوانى ومش حا اكون اخوانى.. لكن الحق يقال هم حاليا القائمين على مساعدة الغلابا اللى قفل الكساد مصادر رزقهم .. قولة حق لازم تتقال ..

وكم تكلمنا على سمارة ابو زمارة ..طبعا عارفينه ..! والابراهيمين اللى لم يكتفوا بسرقة الطين ..!! وآلاف الافدنة من الاراضى ونافسوا اسماعبل باشا فى امتلاك القصور .. ولا عين شافت اللى كانوا بيفبركوه .. والمصيبة كانوا بيسرقوا كمان عقول الناس بما يكتبون علنا وعلى صفحات الجرائد والمجلات .. وكم صرخنا كثيرا ولا حد هنا .. ولما اتغيروا لقينا التغير الى الأسوء .. وحسبى الله ونعم الوكيل .. والاسبوع اللى فات كتبت موضوع " كان نفسى اشوفه .. واسلم عليه وابوسه " !!؟ .. فى محاولة لتسليط الاضواء على التوعية الجديده من الاعلام المسموع والمقروء والمشاهد .. واستعذت بالله العظيم .. نفاق .. وتهويل.. ليس له مثيل .. فى كل وسائل الاعلام .. وخاصه الجماعة بتوع مستودع الفساد فى ماسبيرو .. وعرفت ان الافضل يبقى الواحد ولا مؤاخذه حمار !! .. أحسن وافضل .. ماهم مفترضين فينا كده بس انا حاكون سعيد لما ابقى حمار عارفين ليه ؟؟!! .. لأنى وانا بنى آدم كنت بأستخدم لسانى .. ولم يؤثر .. يمكن وانا حمار واستخدم رجلاي الخلفية فى رفسات متتالية .. يمكن تجيب نتيجه .. نرفس والباقى على الله يمكن تصيب وننفع الحانوتى بطريق غير مباشر والحال يمشى فى البلد شويه .. هى احسن حاجة استخدام الرفس بدل من الكلام !!!..

وأنيل .. واحقر .. انواع النفاق اللى قرأتها فى الحقبة الاخيرة من الزمن ما جاء فى مجلة " روزاليوسف " وبقلم مين .. أكبر رأس فيها .. ما اعرفش الراجل ده بياكل ايه ؟؟ عشان دماغه تشكل هذه الطرافات .. اللى بتحط على دماغ الواحد وتعكنن عليه لدرجة البكاء .. وهو غلبان ما بيقراش صفحات منتدانا .. واسمحوا لى اغمكم شوية وانقل لكم جزء من المقدمة من المجلة الموجود قدامى الوقت عدد 19 مايو

يقول " كرم جبر" فى افتتاحيتة النفاقية تحت عنوان " إنتباه " عن رحلته على طائرة الرياسة ببلاش :

{ روما .. برلين .. مراكش

لا وقت عند الرئيس للراحة !! }

واللهم لا لوم ولا اعتراض .. وربنا يديله الصحة والعافية .. ولكن لما سيادته يقول ..

تصنيع قطع غيار السيارات الالمانية فى مصر من الممكن ان يحقق صادرات قيمتها 8 مليار دولار

ويفسر ذلك فى الجزء الرابع من موضوع حضرته بقوله :-

{ باب رزق " جديد اسمه قطع غيار سيارات

حضور الرئيس ايضا هو الذى اشعل الحماس والرغبة لدى كبريات شركات صناعة السيارات الالمانية . للدخول فى شراكه مع مصر لتصنيع قطع الغيار فيها وتصديرها لسائر دول دول المنطفة . تصوروا مثلا ان دولة مثل تركيا تصدر قطع غيار قيمتها ستة مليارات دولار ستويا !

حجم الاستثمار الالمانى فى هذا القطاع يبلغ 80 مليار دولار سنويا ..لو حصلت مصر على 1% فقط سيكون نصيبها 8 مليارات دولار .. بما يعنى مزيدا من الخير وفرص العمل للشباب وهذا هو الشغل الشاغل والهم الاساسى للرئيس .. }

تفتكروا بقى ارد علي كلام الراجل ده باى طريقة .. بالطريقة القديمة كبنى آدم وأرد بالقلم والكلمة .. أو ارد بالطريقة الجديده اللى بأفكر فيها وهى الرد عليه كحمار .. على أساس أنه ايضا سبق واعتبر القارئ حمار !! .. اعطيه رفسة برجلى الخلفية اليمين رفسة متوصى عليها .. توضج له العلاقة بين النفاق وشغل النصابين .. وبين الكذب المبين ..؟؟! ودعونى اولا نحسب حسبة بسيطه من اللى بيتعلموها الاولاد فى ابتدائى .. هو الواحد من المائة من 80 مليار يبقى 8 مليار ؟؟ حتى الحسبه البسيطة دى عاوزين حسابه ؟؟؟ وبعدين ليه تتحط كده ببجاحة فى العنوان .. وأعتب على سيادة الريس ان ينزلق مع هذا الافاق فى وصف حياته اليومية .. مش معقول يرد السيد الرئيس على سؤال رئيس مؤسسة كانت يوما ما مؤسسة اعلامية مرموقه وسرقوها من اصحابها .. عن عمل الرئيس اليومى فيرد الرئيس .. وانا حانقل رده بالنص من كراسة الواجب بتاعة كرم جبر ..:-

{ قال الرئيس : سؤال مهم وحجاوبك عليه " .. من الصبح بدرى اجتماعات وتقارير واتصالات ولقاءات . وبعدين ساعتين فى الظهر شوية رياضه عشان الواحد يقدر يشتغل .. وبعد الظهر يتكرر ما حدث فى الصباح لغاية النوم .. لكن احيانا تشدنى بعض الاغانى والافلام حسب الظروف .. مفيش وقت غير للشغل } ..

مش ممكن با كرومه .. هذه المعلومه .. واتحداك الريس ما قالش الكلام ده .. ولا يقوله !! فيه رئيس لأكبر دوله عربية إسلامية يبدأ يومه بغير صلاة الصبح .. طب يا مفترى اللى بيفبرك حاجه بيفبركها صح .. ويصور رئيس الدولة ..فيقول .. فى الصباح اؤدى صلاة الصبح وكام ركعة شكر لله الذى اطال فى عمرى واشوف بلدنا فى احسن حال .. والصلاه رياضة للجسم والنفس .. بقى معقول الريس حيلعب رياضة الظهر متناسيا الرياضة الحقيقية فى الاربع ركعات بتوع الظهر .. ؟؟ ولا اقولك بلاش الكلام فى الموضوع ده .. والجدول اليومى للريس من العمل الشاق على مدى 51 سنه .. ونخلينا فى حكاية الفشرة الكبيرة بتاعة التصنيع لشركات السيارات الالمانية .. آهو انا بقى أبقى حقيقى حمار فعلا لو صدقتك فيما تقول .. لسبب بسيط الشركات الكبيرة دى قبل ما بتستخدم مسمار او حتى وصلة سلك بسيطه فى سيارة من انتاجهم بتكون معامل اختبار اخرى بعيده عن الشركة قد قامت بالواجب كاملا فى اجراء عدة اختبارات على هذه القطعة مهما صغرت على الاقل ثلاث معامل .. انت عارف حضرتك طقم المساحات اللى حضرتك ببتكلم عليه وبتقترحإنه يكونمن إنتاجنا ..؟ .. المستورد منه من بلاد مختلفة مغلف ومبين عليه كل البيانات بيباع فى بعض محلات السوبر مارك فى كل اوربا ؟.. بواحد يورو .. وبالالاف .. لكن الشركات نفسها لا تستطيع تركيبه او استخدامه .. معتل المواصافات يا كرومه .. بقولك ايه يا سيد كرم احنا خلصنا من سمارة ابو زمارة وزمارته.. حتطلع لنا انت بميكرفون .. واللى يتكلم على حاجه لازم يكون على الاقل عارف هو بيتكلم على ايه .. وعشان اكبسك واكشف حضرتك اسأل الميكانيكى بتاعك .. هل بساتم فرامل العربة الفيات الايطالية او حتى خرطوم الفرامل مثل زميلاتها فى السيارة الفيات الالمانية ؟؟ يعنى المستورده من المانيا لأن الأثنين بيصنعوا فى ايطاليا .. لكن هناك اختلاف كثير بين المكونات ومواصفاتها .. دا احنا فى نهاية الخمسينات صنعنا السيارة فى المحروسة الفيات دى ..او للحق جمعناها .. وقبل ما تقف على رجيلها وتنموا اوقف المماليك الجدد نموها .. كان عندنا عدة مسابك درجة اولى كان ممكن تنافس الانتاج الاجنبى قفلها وباعها تتار الكاكى جاى حضرتك تقول حنصنع ونصدر .. ما باعوا المصانع والشركات .. ورحل من زمان معظم الاسطوات .. ونجح طبيب الاطفال فى افساد خمسة اجيال ؟؟ وعليكى العوض يامصر .. غلبك بيعصر قلبى عصر ..

تم تعديل 30 أغسطس 2006 بواسطة achnaton

[khedr]

:lol:

يمكن وانا حمار واستخدم رجلاي الخلفية فى رفسات متتالية .. يمكن تجيب نتيجه .. نرفس والباقى على الله يمكن تصيب وننفع الحانوتى بطريق غير مباشر والحال يمشى فى البلد شويه .. هى احسن حاجة استخدام الرفس بدل من الكلام ..

وأنا

[White heart]

مش ممكن .... اسلوب العزيز achnaton لاذع بدرجه أكثر من رائعة ....

حقيقى برافو :lol:

هو الواحد من المائة من 80 مليار يبقى 8 مليار ؟؟

:)

ما تبقاش حنبلى .... دى غلطة مطبعية ....

بالمناسبة موضوع تصنيع قطع الغيار و تصديرها الى دول المنطقة ... أتذكر اننى قد قرأت منذ عدة اعوام عن خبر إنشاء خط لإنتاج احدى أنواع الدبابات الحربية ( لا أتذكر تماما التفاصيل ) لنفس الهدف .. أى تصديرها لدول المنطقة .... يا ترى دى جابت كام مليار ؟

تحياتى.

[حرفوش]

بالمناسبة موضوع تصنيع قطع الغيار و تصديرها الى دول المنطقة ... أتذكر اننى قد قرأت منذ عدة اعوام عن خبر إنشاء خط لإنتاج احدى أنواع الدبابات الحربية ( لا أتذكر تماما التفاصيل ) لنفس الهدف .. أى تصديرها لدول المنطقة .... يا ترى دى جابت كام مليار ؟

تحياتى

و أين ذهبوا؟ :lol:

[White heart]

بالمناسبة موضوع تصنيع قطع الغيار و تصديرها الى دول المنطقة ... أتذكر اننى قد قرأت منذ عدة اعوام عن خبر إنشاء خط لإنتاج احدى أنواع الدبابات الحربية ( لا أتذكر تماما التفاصيل ) لنفس الهدف .. أى تصديرها لدول المنطقة .... يا ترى دى جابت كام مليار ؟

تحياتى

و أين ذهبوا؟ :lol:

طب استنى لما نتأكد و تثبت التهمة الأول :P

مش يمكن ما تكونش جابت حاجة و دول المنطقة تكون قلبت على إستيراد " الحرباطاليا " و " البمب" من الصين الشعبية ؟

أو أكون انا مصاب بالتهيؤات .. أو بأدعى بما هو ليس صحيح؟ :)

[Alshiekh]

حتى الرفـــس محروم منـــــه

وحتى الفول والتبن مش موجود

ضحكوا عليك وركبوا وهزوا رجليهم

وحملوك حمول وهموم تفوق طاقتك

وفى الآخر علقوك علشان تكون فرجة لخلق الله

حجم الاستثمار الالمانى فى هذا القطاع يبلغ 80 مليار دولار سنويا ..لو حصلت مصر على 1% فقط سيكون نصيبها 8 مليارات دولار .. بما يعنى مزيدا من الخير وفرص العمل للشباب وهذا هو الشغل الشاغل والهم الاساسى للرئيس

ماتستغربش يا أستاذنا

ماهما دول أهل الثقة ، اللى بيلعبوا بالبيضة والحجر ، هم دول اللى يقولك 2 فى 2 باربعة تحب اخليهم لك 40 ؟؟

أمال يعنى ميزانية الدولة تتعمل ازاى لو ماكنش هو دول جدول الضرب بتاعهم؟

[Tafshan]

استمتعت جداً بما كتبت و تكتب يا اخ اخناتون :)

تعالى نتكلم شوية في ملف صناعة السيارات في مصر و ايه هيا اسباب صناعة السيارات الحقيقية ...

السؤال هو : مصر تصنع سيارات منذ اكثر من 30 سنه ...

هل تصدر مصر اي سيارة مجمعه ؟؟

هل تصدر مصر اي قطع غيار ؟؟

الاجابة معروفه طبعاً ... طب ليه بنصنع ؟؟

عشان الجمارك على "مستلزمات الصناعة" اقل من الجمارك على السيارة الكاملة و بالتالى اجدى للمستورد ان يستورد السيارة مفككة ثم يعيد تركيبها في مصر و بالتالى يستفيد من قانون حماية الصناعة (الجمارك) و يتنصل من الضرائب 10 سنوات و بالتالى يكسب اكثر .... و ما تكلفة هذا ؟؟

شوية مكن بقرض من البنك و لو ما مشيش المصنع اسيبه لهم و اخلع ...

و كم فرصة عمل وفرها مصنع السيارات ؟؟ 200 عامل ؟؟ - لاحظ ان وكيل السيارة المستورده يجب ان يوفر مراكز خدمة و خلافة و بالتالى الفرق في الانفاق الرأسمالى او في عدد العمالة سيكون في المصنع و عمال المصنع ... و عشر سينين اعفاء تجيب كل ما صرف في المصنع و بالتالى الموضوع اجدى بالنسبه له ...

طب و الدولة :lol:

لازالت تستورد بالعملة الصعبة و لا تصدر ... تستورد للاستهلاك المحلى ... لازال عجز الميزان التجارى كما هو ... بالاضافة الى خسارة عشر سينين ضرائب

و سلم لى على الصناعة

[achnaton]

3333FF]

بسم الله الرحمن الرحيم

مش عارف .. لى كام أسبوع مكتئب ومحبط ..كأى بنى آدم بيقرأ ويفهم.. فشوفوا معايا السنة الكبيسة دى ..الكبيسة بالكوارث .. عملت فيا إيه .. ؟؟؟ أعادت إلى التفكير فى أمنية قديمة تمنيتها من شهور .. فبحثت عن الموضوع .. وقلت لنفسى نطرح الامنية من تانى .. مين عارف .. ما هو احنا حاليا فى زمن المعجزات .. سفاح عشان ثراء زائل يقتل 1400 .. ويهرب على الاراضى البريطانية .. لغاية ما أولى الأمر يمسحوا الدماء .. وتتوارى دموع البكاء .. يظهر من أول وجديد .. !! خيبة تقيله .. وتتوالى الكوارث ..وكأن المواطن المصرى للحزن والبكاء وارث .. وتيجى حادثة قطار الموت بتاعة بحرى .. لتثير ذكريات قطار الحريق بتاع قبلى .. إنتم عارفين الوزير المسئول ده مين ؟؟ أنا يومها قلت أن المسئول الاول والأخير هو الوزير .. ولن أكرر ما سبق أن قيل .. ولكن الوزير محمد منصور ده إسمه الحقيقى .. محمد لطفى منصور .. ابن عمةاو خالة المغربى وزير الاسكان اللى كان وزير سياحة وجاب صبيه مكانه .. وشوفوا الاعلام بيقول عليه ايه :- ؟

بعد أن هيمنت غرفة التجارة الأمريكية وعائلات البيزنس على الحكومة الجديدة

وزير النقل الجديد.. البوابة الملكية لعبور جمال إلى عالم البيزنس

إذا كان خروج كمال الشاذلى هو أبرز معالم التغيير الوزارى فلا شك أيضا أن دخول رجل الأعمال محمد لطفى منصور فى هذا التغيير بتولى وزارة النقل هو علامة بارزة كبيرة بحجم خروج كمال الشاذلي. ويرتبط محمد منصور بصداقة قديمة وكبيرة بجمال مبارك بدأت منذ عودة جمال مبارك من هجرة لندن وتكوين ما يسمى بجمعية المستقبل فى نهاية 1998، فى ذلك الوقت كان محمد لطفى منصور قد تولى رئاسة غرفة التجارة الأمريكية وكانت هذه الغرفة هى المكان الذى اختاره جمال مبارك لدخول عالم الأعمال ولكن ينتقى منه أعضاء مجلس إدارة جمعية المستقبل التى أسسها. وبالفعل شارك محمد منصور بعد ذلك فى تمويل هذه الجمعية رغم أنه لم يكن من بين أعضاء مجلس إدارتها ولكن أعضاء بارزين فى الغرفة فى ذلك الوقت انضموا لعضوية هذه الجمعية مثل رشيد محمد رشيد وأحمد المغربى وجلال الزوربا ومعتز الألفى وعبدالسلام الأنور. وتوطدت الصداقة بين محمد منصور وجمال مبارك ولدرجة أن قام منصور بوضع تقليد جديد فى الغرفة وهو دعوة جمال مبارك للاجتماع السنوى للغرفة بصورة شبه دائمة للحديث أمامها وتقديم نفسه لجمهور رجال الأعمال وعالم الدبلوماسيين الأجانب ممن يحبون سماع كلمات عن الليبرالية والاقتصاد الحر والخصخصة

بقية المقال فى جريدة العربى الاسبوعية

http://www.al-araby.com/articles/991/060101-991-fct02.htm

اما انباء الشرق الاوسط فقالت :التاريخ: 07/08/2006

الإسكندرية- أ.ش.أ- يشهد الدكتور أحمد نظيف رئيس مجلس الوزراء والمهندس محمد لطفى منصور وزير النقل الإثنين مراسم توقيع عقد تأسيس شركة قابضة مصرية إماراتية بحرينية برأس مال قدره مليار دولار ، وذلك للاستثمار المشترك فى البنية التحتية فى مجالات النقل المختلفة.

يعنى المثل اللى بيقول " مفيش دخان من غير نار " ماكذبش ..وزى ما العصابة باعت فنادقنا الجميلة بملاليم وبنك الاسكندرية بعد ان سددت ديونه بالبلايين لبنك معروف ملاكه مين ..!! وعمر افندى واراضى مئات الفدادان .. و...و..., وحقول مين ولا مين .. حيبيعوا السكك الحضيض .. اوعلى الاقل حيوقفوا نموها بمشروع من المال المصرى المنهوب الافضل أكون حمار وابعد عن البنى آدمين ..

وبس خلاص .. تعبت .. نكمل بعدين .. [/size]

تم تعديل 30 أغسطس 2006 بواسطة achnaton

[Sherief AbdelWahab]

كرم جبر .. :P

عندنا في الكورة أبو جريشة ، أبو تريكة ، ومن ساعة ما قدم برنامج في المحور ظهر كرملة .. أبو باروكة!

حجم الاستثمار الالمانى فى هذا القطاع يبلغ 80 مليار دولار سنويا ..لو حصلت مصر على 1% فقط سيكون نصيبها 8 مليارات دولار

كرملة فاشل في الحساب كمان .. mfb:

8 مليار يبقوا 10% من 80 مليار ..

800 مليون يبقوا 1% من 80 مليار ..

واحد وواحد كام يا كرملة ؟ أكيد يوم الجمعة!

خلص الكلام

[mohameddessouki]

سبحان الله حتى على الحمورية لا يخلوا من الحسد !!!!

[otaka]

مش ممكن .... اسلوب العزيز achnaton لاذع بدرجه أكثر من رائعة ....

حقيقى برافو :wub:

هو الواحد من المائة من 80 مليار يبقى 8 مليار ؟؟

:D

ما تبقاش حنبلى .... دى غلطة مطبعية ....

بالمناسبة موضوع تصنيع قطع الغيار و تصديرها الى دول المنطقة ... أتذكر اننى قد قرأت منذ عدة اعوام عن خبر إنشاء خط لإنتاج احدى أنواع الدبابات الحربية ( لا أتذكر تماما التفاصيل ) لنفس الهدف .. أى تصديرها لدول المنطقة .... يا ترى دى جابت كام مليار ؟

تحياتى.

للاسف الدبابات المصرى عطلت فى جنوب لبنان و اتفضحنا و اللى كان كان -_-

مش عارف سنسن هيورى وشه لاولمرت ازاى :ph34r:

[عادل أبوزيد]

الفاضل إخناتون .... أدعو الله أن تكون فى أحسن حال

سيدى الفاضل الواضح أنك تعيش هموم مصر حتى الثمالة ..... أنا شخصيا كثيرا ما أتسائل و ماذا بعد ؟

هل يمكننى أن أتصور كيف سنخرج من النفق المظلم ....... هل أيى منا يرى بصيص ضوء فى آخر النفق ؟

و أحيانا أتمنى لو كنت مخبولا فأستطيع أن أفعل ما أشاء ضد من أشاء و المعنى فى بطن الشاعر !!!

و لكن وقفة مع النفس هل من العدالة أن ننسحب و نتوقف عن الكتابة يأسا ؟ أين حق الأجيال الجديدة فى أن ننقل لهم مشاعرنا و أفكارنا لعل منهم من يستطيع التوصل إلى الحل ؟

الشباب لهم كل الحق فى أن يعرفوا و يناقشوا و يجدوا اليد الحانية و العقول الصافية التى تستطيع أن تصوغ الأفكار بصدق و أمانة ....

دعنا نطرد اليأس و نحلم و نأمل

[achnaton]

السلام عليكم ورحمة الله وبركاته

لا أنكر أن اعجابى بهذا المنتدى يزداد يوما بعد آخر .. وكنت أنوى تسجيل إشتراكى به .. ولكنى إدين بالفضل لعمى المهندس أخناتون للتعرف على هذا المنتدى .. ولأنه وحتى اليوم يطلب منى نقل رسائله اليكم افضل أن يبقى إسمه وفكره فلى لقائى بكم بناء على تكليفه .. واليوم أكتب لكم عن محاواتى معه .. عندما طلبنى هذا الصباح وسألنى .. هل قرأت الجرائد المصرية .. ودخلت على محاورات المصرين؟؟ .. وقلت له .. قرأت ودخلت ولا جديد .. ولكن عندى خبر لذيذ يؤكد صواب رأيك عندما تمنيت ان تكون حمارا .. ففى بريد جريدة الاهرام اليوم رساله من طبيب بعنوان .." با احبك يا حمار " .. فقال اقرأها لى .. وقرأتها له ..

43862 ‏السنة 131-العدد 2007 يناير 8 ‏19 من ذى الحجة 1427 هـ الأثنين

باحبك يا حمار‏!‏

قال لي أحد أصدقائي‏,‏ وهو رجل قانون متقاعد‏.‏ إنه اعتاد ان يعهد إلي الجزار الذي يتعامل معه‏,‏ بشراء خروف لعيد الأضحي كل عام وقبيل العيد هذا العام قال له الجزار إن الخروف المحترم ذا القرنين والذي لا يقل وزنه عن‏50‏ كيلو جراما‏.‏ قد تجاوز ثمنه هذا العام باكو بأكمله فوصل سعره إلي‏1200‏ جنيه‏!‏

فقلت له‏:‏ ولم العجب؟ وأردفت قائلا‏:‏ لقد قرأت في الأهرام خبرا مفاده أن فلاحا مصريا كان يصطحب حماره في إحدي القري فسقط علي الحمار كابل كهربائي فصعقه في الحال‏,‏ وقد أصدر أحد القضاة حكما بتعويضه عن حماره بمبلغ سبعة آلاف جنيه‏!!‏ تصور‏!‏

وسألته‏,‏ بوصفه رجل قانون‏:‏ تري‏,‏ لو كان هذا الكابل الكهربائي قد سقط علي الفلاح نفسه‏,‏ وليس علي الحمار‏,‏ ولقي الفلاح حتفه‏,‏ كم كان يبلغ التعويض عن موته؟‏!‏

فابتسم صديقي وقال في حيرة‏:‏ لن يزيد تعويضه مع الأسف الشديد علي عدة مئات من الجنيهات تعد علي أصابع اليد الواحدة‏!!‏

فقلت له‏:‏ وهل تدنت قيمة الإنسان المصري الي هذا الحد؟‏!‏ فابتسم مرة ثانية وقال‏:‏

نعم‏...‏ ولهذا السبب‏..‏ سمعنا اخيرا مطربة تغني وتقول لحبيبها‏:‏ باحبك ياحمار‏!!‏

سعيد محمد توفيق

فقال عم اخناتون .. إسأل من فضلك جوجل عن آى حادث قطار من الحوادث المتلاحقة للسكك الحضيض - نفس تعبير الاستاذ " .. وشوف تعويض حكومة الخراب للموتى كان كام ..

ودخلت ووجدت .. موضوع نقلا عن موقع " سويس أنفو " يقول

كارثة مروعة

وكانت مدينة قليوب قد شهدت صباح الاثنين 21 أغسطس 2006 حادثًا مروّعًا بين قطارين، نجم عنه سقوط 58 قتيلاً وإصابة 165 آخرين بجروح، في حادث هو الأسوأ من نوعه منذ وقوع حادث قطار الصعيد في عام 2002، الذي راح ضحيته أكثر من 300 شخص.

ووفقًا لما أعلنته وزارة النقل ومحافظة القليوبية، فقد وقع التّـصادم بين القطارين المُـتجهين إلى القاهرة، والقادم أحدهما من المنصورة والآخر من بينها في الساعة 7.45 من صباح ذلك اليوم، وذلك عندما ارتطم القطار الأول بمؤخرة القطار الثاني لدى توقفه في منطقة قليوب.

كما أعلن الدكتور علي مصيلحي، وزير التضامن الاجتماعي أن الحكومة قرّرت صرف 5 آلاف جنيه للمتوفَّى وألف جنيه للمصاب، وقال إن هذا أقصى ما يُـمكن أن تقدمه الدولة طبقًا للََّـوائح والقوانين.

وكان عدد من أهالي الضحايا والمصابين في كارثة تصادم القطارين، قد تظاهروا عند مدينة قليوب في نفس اليوم، ونددوا بإهمال الحكومة، ونشبت مشادات بين أهالي الضحايا وأعضاء مجلس الشعب والمجلس المحلي عن الحزب الوطني الحاكم، كادت تتطور إلى اشتباكٍ بالأيدي لولا تدخّـل قوات الأمن.

حكومة "الموت"

وفي تصريحات خاصة لسويس إنفو، ألقى النائب البرلماني الصحفي محسن راضي، عضو الكتلة البرلمانية للإخوان المسلمين عن دائرة بنها، بالمسؤولية الكاملة على الحكومة، مشيراً إلى أن ما حدث ينبغي أن يفتح ملفات الفساد، لا في قطاع السكك الحديدية وحسب، ولكن في كافة مرافق الدولة، بينما تستمر مسيرة الإهمال والفساد، دون إصلاح، مطالباً باستقالة الحكومة فوراً.

ضحك عم اخناتون وكأنه يبكى .. وقال .. شفت إزاى قيمتى لو كنت حمار !!!!

م. وائل عبد الحميد

تم تعديل 8 يناير 2007 بواسطة achnaton

[Sherief AbdelWahab]

ليتني كنت حماراً ، كنت فرحت على الأقل برد المطرب الشعبي المسنود الفكر الجديد سعد الصغير لي! :wub:

خلص الكلام

[achnaton]

[font="Arial"]

بسم الله الرحمن الرحيم

صحيح هذه الامنية لم تتحقق .. ولكنى لاحظت الاسبوع الماضى وانا اتابع تصريحات وردود المستر احمد المغربى حامل لافته وزارة الاسكان والمرافق والتنمية العمرانية انه تصور ان كثير من مشاهدى التلفزيون قد تحقق لهم مثل هذه الامنية .. وتخيل فعلا انه مهندس بموجب الشهادة وبصرف النظر عن الخبرة والتدريب .. وبدلا من يحدثنا عن الخيبة التقيلة فى تنفيذ مشروع طريق المحور بكل ابعاد هذا المصطلح .. " مشروع طريق " حدثنا عن لصوص " بواطات " الكهرباء من اعمدة الانارة فلبت الطريق ضلمه ..!! ولهذا لم يلاحظ السيد الوزير المهندس اختلاف مناسيب الطريق .. وسوء حالة القواطع .. والخيبة التقيلة التى المت بالمساحات المجاورة للطريق .. وأرجوه ان يطلع على خرائط ولوحات المشروع كامله والتى عرضها علينا سابقه عندما كان يسوق لهذا المشروع .. وماذا كان ينوى تنفيذه !!! ولى فى هذا الموضوع مداخلة منفصله بموضوع شامل فقط اجمع ابعاده ..

والمهم هنا ان " الحمار " الذى تمنيت ان اكون مثله .. اثار حسد الكثيرين .. واصبح البعض يعامله على انه من البنى آدمين .. يمكن ولا مؤاخذه " الحمار " تمنى ان يكون انسان .. !!!! فاخضعوه للتفتيش وتوقيفه بالكمائن ..

http://tbn0.google.com/images?q=tbn:8mBCDy...D8%A7%D8%B1.jpg

ومش بس كده .. دول عشان يثقفوه عشان يتقبل ما يقولوه .. قرروا ان يوفروا كمبيوتر لكل " حمار " ومفيش حد احسن من حد .. :

[ http://www.geocities.com/jamals200/poto_gallerie/pcdel1.jpg[/ ]

http://www.geocities.com/jamals200/poto_gallerie/pcdel1.jpg[/img

ورغم كل هذا ... احمد الله أن امنيتى لم تتحقق ..

تم تعديل 30 يونيو 2007 بواسطة achnaton

[achnaton]

يمكن وانا حمار واستخدم رجلاي الخلفية فى رفسات متتالية .. يمكن تجيب نتيجه .. نرفس والباقى على الله يمكن تصيب وننفع الحانوتى بطريق غير مباشر والحال يمشى فى البلد شويه .. هى احسن حاجة استخدام الرفس بدل من الكلام ..

وأنا

واخيرا ثار الحمار .. وجاء الخبر فى الجرنال .. ورغم هذا الحمد لله انه سبحانه وتعالى لم يحقق لى امنيتى ..

ياترى الحمار ده حياخذ اعدام ؟؟؟؟

[font=Arial] حمار يرفس فلاحاً.. ويقتله

كتب السيد أبوعلي ٩/٧/٢٠٠٧

أثناء قيام فلاح من قرية المحامدة القبلية، يدعي عثمان أحمد عثمان «٦٠ سنة» بفك حماره من العربة الكارو، ركله الحمار عدة ركلات في أنحاء متفرقة من جسده، فأصيب بسحجات في الظهر وكسر في الحوض واشتباه نزيف في البطن، ولفظ أنفاسه فور وصوله المستشفي. تلقي اللواء أحمد عبدالوهاب، مدير أمن سوهاج بلاغا بالحادث، فانتقل اللواء عزت أبوالقاسم مدير المباحث الجنائية، وتبين للمقدم أمين طنطاوي رئيس مباحث مركز سوهاج عدم وجود شبهة جنائية، فصرحت النيابة بدفن الجثة.http://www.almasry-alyoum.com/article.aspx?ArticleID=67997

تم تعديل 10 يوليو 2007 بواسطة achnaton

[achnaton]

بسم الله الرحمن الرحيم

بعد اللى حصل فى البساتين .. وأخبار دبح الحمير - اللى زى الطين - .. واخفاق الوزارة الالكترونية فى توفير توفير الغذاء للأغلبية .. أعلن كده بصراحه انى من هذه الوزارة مستاء .. ولعزلها مشتاء (مشتاق ) .. ولأن الوزارة بتعتبرنى فى سياستها حمار .. اعلن بالفم المليان .. انى بنى آددم غلبان .. وصحيح باعانى من الحصول على رغيف .. وقفايا اتجلد من ضربات الهر نظيف .. ورغم كل ده .. الا سكين الجزار .. ولهذا لا أتمنى اكون حمار ...