ياترى انت بتصلي..ارجوكم تدخلو تشاركوني الألم (النسرالمصري)

[النسر المصري]

الحقيقة ياجماعة انا حبيت افتح الموضوع ده هنا في باب المواضيع الجادة..ومش في هدى الاسلام

لاني حبيت نتكلم فيه من كل النواحي ..مش من الناحية الدينية وبس

في كتير من الناس مابيصلوش..ودي حقيقة لازم نعترف بيها

وفي اللي بيصلي بس مقطع....(وانا واحد منهم)

وفي اللي ملتزم بالصلاة بتوقيتها....بس بايظ وبيشتم واحيانا بيضرب مخدرات (ودول انا شفتهم بعيني...وحجتهم ان الصلاة حاجة والبلاوي الزرقة دي حاجة تاني) وفي مقولة اخرى..(ده ملهوش علاقة بده)

وفي طبعا اللي ملتزم بالصلاة ..أدبا ودينا واخلاقا..وده أسمى درجات الايمان

طيب.....في اكيد مننا بيمر بتجربة من دول (اكيد طبعا مش صنفالصلاة و البانجو ده ).

او في اللي مر بواحدة منهم (بردو مش الصلاة و البانجو)

وإكمني انا واحد من المتقطعين في الصلاة....ورغم محاولاتي المستمرة والأبدية في اني اعالج النقطة دي....وعلى الرغم من محاولاتي المستمره في تثقيف نفسي دينيا وتاريخيا وتهذيبيا واجتماعيا.....

ورغم اني دخلت مرحلة الفحولة وسن الثلاثينيات

ورغم اني جامعي واعمل بوظيفة نحمد الله عليها هي اكثر مما يتمناه المرء

إلا إنني كالأعمى...والأطرش..والأخرس....مازلت اتقطع في الصلاة بشكل عشوائي ..ولو رسمناها بيانيا....لوجدت رسم بياني عجيب المهبط والمرتفع...وكأن كل وقت يوجد شخص آخر

ذهبت إلى عمره في العشر الأواخر من رمضان اللي فات...واعتكفت..وقرأت القرآن....ولكن....مازلت انا هو انا....ما السبب...اكيد هو ضعف مني...بس اريد ان اسمع حلولا كثيره

اريد ان اكون فعلا قوي الإيمان...وليس مجرد حكاوي دينية أطلقها هنا وهناك...

لله الحمد..انا لم أخطيء في حياتي اي من الكبائر

ولكني متضايق جدا من نفسي

بل سأدهشكم بقولي اني ايام الإعدادية كان لي أصدقاء من مختلف الجنسيت..نجتمع معا في نهاية الاسبوع في ديوانية احد الاصدقاء..ليقوم بتثقيفنا احد الشيوخ المحترمين

بل وكنت الوحيد في اخوتي الذي اذهب للصلاة الفجر حاضر

وايام الجامعة كنت أؤذن في مسجد الكلية...وكان لي صوت جهور قوي ....وتثبت بالصلاة فترة طويلة

لكن ماذا حدث

وكيف انا الذي كنت اعمل للكلمة حساب...وللخطوة الف حساب.....وللعمل مليون حساب.....قبل ان أقدم على احد منها.....

كيف وأنا الذي لم أخطأ في حياتي باحد تلك الكبائر...وكنت دائما الب الروحي لجموع ضخمة من الزملاء والأصدقاء ...يتجمعون حولي ليتقبلو من النصح

سواء النصح الفني..او ديني..او حتى نفسي

كيف وانا الذي اعتمدت عليه الاسره كانني الأخ الأكبر...بل وأن كل أصدقائي هم ممن قاربوا على الربعينيات والخمسينيات...بل وكان بعضهم يسبقوا اسمي بكلمة استاذ

كيف وبعد ان رزقني الله من حيث لا أعلم...ووجد لي مركزا مرموقا في عملي

كيف وكيف وكيف .....بعد كل هذا.....أجد نفسي

مهمل في حق الله سبحانه وتعالى...وفي حق نفسي التي لاأملكها.....

كيف ياناس ...كيف لي بذلك.......من اين اتاني ذلك الاهمال

انا الآن دخلت على مايقرب من الست سنوات ومازلت مهمل في صلاتي

ماذا أفعل ياجماعة...اشروا علي يرحمكم الله!!!!!!!!!!!!!!!!!!!!!!!

[nancy]

متزعلش يا عمرو دى مشكلة عامة عند ناس كتير

انا مثلا عملت ولا عشر عمرات وحجيت مرة

وحافظت جزء عامة وتبارك

وكنت منتظمة فى حلقات دين ونقراء رياض الصالحين واللاذكار وفى السنة

والكبائر وكتب كتير اوى من النوع دة

بس برضة مش عارفة انتظم فى الصلاة

ولاقيت الحل فى بناتى انى كل فرض اصر انهم يقوموا معايا واشجعهم والحقيقة انى بتشجع بيهم

علشان الحق فى اليوم اربع فروض من الخمسة

والحفظ رجعت اجيب واحدة تحفظنى انا وهما علشان انا ارجع احفظ وهما كمان

فاخدتهم حجه

وياريت الى يعرف طريقة احسن للانتظام فى الصلاة يقولنا عليها

لانى عوزة اواظب من غير ما ادور على حافز نفسى يبقى حاجة كدة من الاداء الطبيعى لليوم

وربنا يعنا جميعا على نفسنا الضعيفة

[سهيلة]

كلام جميل اوى اللى قولتو

ملخص الموضوع كلو ف الاتى انك تعرف طبعا ان الصلاة عماد الدين واساسة ومن تركها ترك الدين

لا دة كمان الصلاة اول ما يحاسب عليها العبد

اذا اية الحل

انا هحكى لك تجربتى يمكن تستفاد منها

انا كنت اصلى ف غير الاوقات يعنى ااخر الصلاة عن مواعيدها ومرة اة ومرة لا

لغاية ما جة رمضان وقررت انى التزم بالصلاة ف ميعادها

عارف اول اسبوع ف الالتزام صعب موووووووووووت

ثقيلة الصلاة وعايزة جهاد من النفس عشان تسيب اى حاجة ف ايدك وتقوم تلبى ندا اللة

فكر فيها كدة

لو المدير ندالك ف الشغل بتعمل اية

هل بتتوانى او بتتاخر علية ساعة

طبعا لا

فكر كدة

ربنا هوة اللى بيناديك

ربناااااااااااااااااااااااااا

العظيم الكبير ذو الجلال والاكرام خالق الكون

المهم نرجع لموضوعنا

كنت بقاوم لغاية فعلا كسرت الاسبوع الاول التزام ف الصلاة ف مواعيدهااااااااا

موش هتتخيل حجم الراحة النفسية اللى المت بىىىىى

ومن يومها وانا الحمد للة

ملتزمة وبقت الصلاة عندى ضرورة لا اتركها بقت روتين او اتوماتك اسمع الاذان الاقى نفسى لا اراديا اقوم اصلى

على فكرة الموضوع دة من رمضان اللى فات بس

بس انا فرحانة انى لحقت نفسى

الحمد للة على نعمة الصلاة

فعلا فرق كبير بين الالتزام وعدمة

[عمر عباس]

بسم الله الرحمن الرحيم

أخوتى الاعزاء

فى الاصل ... ماهو مضمون العبادة .... ؟ انها حب الله ... لو أحببت .... ستعبد وبأخلاص ...

كيف تحب ؟ ..... لآبد أن تعرف من تحب .....

أذا عرفت ..... ستحب ... وأذا احببت ستعبد بأخلاص ..... بل ستنتظر الوقت للقاء من تحب ...

كيف تعرف الله ؟

من الآية 21 سورة الحشر

لَوْ أَنزَلْنَا هَذَا الْقُرْآنَ عَلَى جَبَلٍ لَّرَأَيْتَهُ خَاشِعًا مُّتَصَدِّعًا مِّنْ خَشْيَةِ اللَّهِ وَتِلْكَ الْأَمْثَالُ نَضْرِبُهَا لِلنَّاسِ لَعَلَّهُمْ يَتَفَكَّرُونَ

هُوَ اللَّهُ الَّذِي لَا إِلَهَ إِلَّا هُوَ عَالِمُ الْغَيْبِ وَالشَّهَادَةِ هُوَ الرَّحْمَنُ الرَّحِيمُ

هُوَ اللَّهُ الَّذِي لَا إِلَهَ إِلَّا هُوَ الْمَلِكُ الْقُدُّوسُ السَّلَامُ الْمُؤْمِنُ الْمُهَيْمِنُ الْعَزِيزُ الْجَبَّارُ الْمُتَكَبِّرُ سُبْحَانَ اللَّهِ عَمَّا يُشْرِكُونَ

هُوَ اللَّهُ الْخَالِقُ الْبَارِئُ الْمُصَوِّرُ لَهُ الْأَسْمَاء الْحُسْنَى يُسَبِّحُ لَهُ مَا فِي السَّمَاوَاتِ وَالْأَرْضِ وَهُوَ الْعَزِيزُ الْحَكِيمُ

حاول أن تعرف .... تقرب سيساعدك الله أن تعرف ... ولكن أحذر عزة الله وأنت تقترب ....

مثلا معنى ... مؤمن ... اله مؤمن بماذا ..... الله مؤمن بذاته وقدراته ولا يحتاج الى إيمان أحد من خلقه ... لذا لو أجتمع كل خلقه على أتقى قلب رجل واحد مازاد فى ملكه شيئا .....( الحديث الشريف )

وتختلف عبادة الذى يعرف عن العبادة التقليدية ..... انظر اليه وهو يصلى تجده يبكى فى خشوع ...

انه يحب ... وهذه لحظة أخلاص وصدق تام بينه وبين الله ...

اتمنى من الله لكم جميعا من كل قلبى ان تعيشوا هذه اللحظة دائما ..

عمر... أخوكم فى الاسلام

[النسر المصري]

نانسي...هو ده الكلام اللي بيحصلي بالظبط زي مابيحصل معاك تمام...مش عارف اية السبب...مع اني كنت ملتزم بالصلاة في مواقيتها

بس ست سنين كتير أوي أوي أوي...

لكن تجربة سهيلة أعتقد فعلا قوية.....لإني سمعت ان اللي يلتزم بالصلاة اربعين يوم في أوقاتها...لن يتركها ابد الدهر بعد ذلك

إلا إني كنت أصلي لسنوات ..ومع ذلك فشلت في المحافظة

ربنا يثبت ايمانك وصلاتك يا سهيلة....وربنا يقدمنا عالصلاة انا وياكي يانانسي والمسلمين أجمعين

[mickey_egp73]

قلبت علينا المواجع و تعبت قلبنا يا استاذ "النسر المصري"

لازم تفكرنا بتقصيرنا يعني.

و الله انا مش عارف..

للاسف الحلول موجودة و معروفة بس مفيش عزيمة لتطبيقها.

و الواحد خايف طيب ايه العذر اللي الواحد يقدر يعتذر بيه لربنا؟ مفيش.

الصحة موجودة. الوقت موجود. الجهل مش موجود. القدرة موجودة ..

طيب ليه؟

اعتقد ان السبب الاساسي هو الشعور ان لسه فيه وقت زي الشعور وقت المذاكرة و الامتحانات

"طول الامل" اعتقد العلماء بيسموه كده.

وكمان الطمع و الامن من مكر الله.

اسأل الله الهداية

و الله المستعان

[ابن بلد]

حكايه تقطع الصلاه انا كمان مريت بيها

وسالت نفسى ايه السبب فى كده

ولقيت الاجابه

انى اليوم اللى ما كنت بقوم اصلى الفجر

ما كنت بكمل يومى بالصلاه

تانى سبب

تأجيل وقت الصلاه ولو ربع ساعه لانى عاده بكون على سفر او الميه مقطوعه

لاقيت بعد كده الربع ساعه تبقى نصف ساعه وبعد كده تبقى ساعه وهكذا

وكان الحل معايا مالاتى

اولا

المحافظه على صلاه الفجر

حتى لو نايم قبل الفجربساعه

ثانيا

منين اسمع الاذان

اذكر نفسى بانى لو ما صليت دلوقتى

ما راح اصلى

واوقات ما اكون على سفر

قرات وراجعت جيدا فى سنن التيمم عشان كده

ومتى اصلى وانا لابس الشراب

او كيف اتوضا ولا يوجد ماء للوضوء

حتى لا يكون هناك حجه للتاخير

دى تجربتى مع تقطيع الصلاه

وازاى حاولت اخرج منها

الاهم من ده كله

انه مجرد تحدثك اخى الحبيب

النسر المصرى

فى هذا الامر

بدايه للحل والخروج

من المشكله تلك

[النسر المصري]

طبعا كلام عمر عباس لا يخلو من الحقيقة

فعلا الحب هو مفتاح العبادة والخشوع

ولكنه ظل مفتاح...وبقت مشكلة وضع المفتاح في القفل

وقد حكت نانسي عن تجربتها وحكيت عن تجربتي

بل وميكي ( المتألم بحسرة) أيضاً هو صاححب تجربة أليمه

وكلنا نحب الله حبا عظيما...ونفخر باننا مسلمون...ومجرد دخول هؤلاء الناس هنا هو اثبات لذلك الحب يااستاذ عمر عباس

والمشكله كيف نخرج منها

ابن بلد اثار نقطة حيويه وهامة...وهي مرتبطة بحل النقطة التي اثاراها ميكي

الوقتتتتتتت

نعم المشكلة جزء منها متعلق بالوقت.....وقد حلها ابن بلد بان لاأؤجل لاني سو فلا أصلي صلاتي اذا أجلت

بس معلش...المشكلة ظلت معقدة بردو....

والحلول دي اعتقد ان احنا عرفنها الى حد كبير

ولذلك انا عندي رؤيا أخرى أرجو انكم تتفهموها كويس

ماذا لو كان السبب هو سبب نفساني بحث

فانت في عصر السرعة..كل شيء بسرعة...أكلك بسرعة...شربك بسرعة ....شغلك بسرعة....اربعتلاف تليفون في اليوم وبسرعة....عشرات المقابلات في اليوم وبسرعة.....كل حاجة لازم بسرعة....بجانب طلبات البيت والأولاد والمدارس والزيارات العائلية والفسح ووووووو..وكل ده بسرعة....وبعد ده كله تبقى مقصر...فيبقى احساسك دنيوي بحت....

وتتناسى شعورك الديني شيئا فشيئا

طيب اية الحل؟؟؟؟

هل آخذ أجازة مع نفسي لمدة شهر وحيدا في مكان خالي من تلك الانشغالات لكي أحاسب نفسي مثلا؟

أم أنني أبالغ بهذ الاقتراح ؟؟؟ وأن الحل ابسط من ذلك وهي مجرد عزيمة فقط لاغير؟

اية رأيكم

[Blue_mind]

كون ان احنا بنفكر في الصلاة وحاسين بالتقصير في دي علامة خير ان شاء الله ..على الاقل لم يُطبع على قلوبنا ,في ناس غيرنا مش حاسة بحاجة ....

ومعروف ان ان الصلاة في وقتها من أحب الاعمال الى الله...وفعلا نصيحة الزملاء بالصلاة بدون تاخير اهم واول حاجة عشان الواحد يبدا يحافظ على الصلاة كلها ....حاول تعود نفسك انك بمجرد ما تسمع الادان تسيب اي حاجة في ايدك وتقو تتوضا من غير تفكير لانك لو فكرت او قلت لأ خمس دقايق او لسه الاقامة العملية هتجر معاك...وفي دلوقتي برنامج المؤذن الي بيتحط على الكومبيوتر

الصلاة والعبادة نعمة من نعم ربنا لذلك لازم نطلبها من ربنا وندعيه انه يرزقنا بيها زي ما بندعي للمال والصحة والسعادة ...بالعكس المفروض ان اكثر دعائنا يكون دعاء بالاكثار من الطاعة والاقلال من المعاصي

((اللهم اعني على ذِكرك وشكرك وحسن عبادتك)) ((يا حي يا قيوم بك استغيث اصلح لي شأني كله ولا تكلني الا نفسي طرفة عين))....ومعروف ان من اداب الدعاء الالحاح والاكثار في الدعاء وتدبر معانيه مع عدم استعجال النتائج

الطاعة تجر الطاعة والمعصية تجر المعصية , وقد قيل ((اذا لم تقم ليلك وتصم نهارك فاعلم ان خطيئتك كبلتك)).....حاول توجد طاعة اخري تداوم عليها حتى لو كانت بسيطة ((احب الاعمال الى الله ادومها وان قل))....مثلا قراءة القران اقرا ربع حزب في اليوم ما بيخدش عشر دقائق....بلاش ربع حزب صفحة واحدة بتاحد حوالي ثلاث دقائق...بلاش قراءة خليها استماع ويكون من شيخ تحب صوته وطريقة قرائته....بممارستك هذا الطاعة والمداومة عليها رجلك هتتجر للباقي ان شاء الله .....ماتنساش الصدقة يُقال ان عمر بن الخطاب رضي الله عنه فاتته صلاة العصر مرة في جماعة فتصدق بقطعة ارض....اذكر اني سمعت من ان المبادرة بالصدقة عند ارتكاب الذنب او التقصير في الطاعة تعتبر طريقة من طرق مكافحة وسواس الشيطان ومعرف ان الصدقة تطفىء غضب الرب...

المرات اللي هتصلي فيها حتى ولو لم تكن مواظب جرب تطول في الركوع خليه بمقدار عشلا تسبيحات بدل ثلاثة (على فكرة انا احينا اركوع بيخلني اخشع اكتر من السجود مع ان الواحد بيكون اقرب لله في السجود بس عادي طالما وجدت راحة في حاجة معينة مش لازم اخنق نفسي واضيق عليها)....كذلك السجود طبيعي نطيل في السجود عشان بندعي بس من الحاجات اللي بتساعد على الخشوع عند السجود تمكين الجبهة واليدين بمعنى الصاق كفك كله على الارض وجعل جبهتك كلها تلامس الارض (معلش ده ممكن يسبب ضغط على مراخيرك وانت مش ناقص بس استحمل وكله بثوابه :angry2: )...

اقولك على حاجة كمان خف من التلفزيون والفيديو كليب ومن سماع الاغاني شوية .....بقول خف مابقولش بطل .....(بس اوعى تقول لوليد صفوت اني قلتلك كده :) )....نقطة اخرى غض البصر مهم جدا بطريقة لا تتخيلها ;) ....عارف ان الناس هتقولي اني قلبتها خطبة جمعة ومواعظ وانك بتسال على الصلاة فقط..بس صدقني كل ما قلته يخص الصلاة وعن تجربة

حاول تستحضر الايام اللي كنت بتحافظ فيها على الصلاة وتفتكر شعورك ولحظات وجودك في الجامع او اوقات الخشوع وصلاة التراويح و ..و..و..الخ......

كمان تذكر دعاء سيدنا ابراهيم عليه السلام ((رب اجعلني مقيم الصلاة ومن ذريتي ربنا وتقبل دعاء)) واذكر ان النفسيرين قالوا ان اقامة الصلاة تفرق كتير عن اداء الصلاة ....وكمان فيه((ربنا هب لنا من ازواجنا وذريتنا قرة اعين واجعلنا للمتقين اماما))...على فكرة الدعائين دول ينفعوا بردة للجواز :angry2:

في النهاية اذكرك ان اهم حاجة فعلا الدعاء والالحاح ان الله يعينك على الوقوف بين يديه ...واعلم ان الله اذا عَلِمَ صدق النية اعان

اعوذ بالله من ان اذكركم وانسى

[nancy]

عمرو فعلا مفتاح الموضوع انك تسرع لما تسمع الادان

او حاجة تانية لما تصحى الصبح تتوضى اتوماتيك وتصلى الصبح فى العمل فى شغلك معرفش ان كان فية مصلى ولا لا بس هنا فى السعودية وقت الصلاة مقدس

يعنى جوزى الصبح يصلية اول ما يصحى والظهر فى المكتب جماعة والعصر كمان

المغرب فى المكتب والعشاء بليل بعد دش اخر اليوم

فبيرغم نفسة انة يواظب حتى لما نكون برة ووانا معاه ويسمع الادان يركن العربية عند اول مسجد ويدخل يصلى حتى لو فى القاهرة وبنتفسح ممكن يسبنى واقفة على باب المسجد ويلحق الصلاة

يعنى تتعامل مع الصلاة كانها من سياق اليوم جزء من حركتك

[mohameddessouki]

الحقيقة ياجماعة انا حبيت افتح الموضوع ده هنا في باب المواضيع الجادة..ومش في هدى الاسلام

لاني حبيت نتكلم فيه من كل النواحي ..مش من الناحية الدينية وبس

في كتير من الناس مابيصلوش..ودي حقيقة لازم نعترف بيها

وفي اللي بيصلي بس مقطع....(وانا واحد منهم)

وفي اللي ملتزم بالصلاة بتوقيتها....بس بايظ وبيشتم واحيانا بيضرب مخدرات (ودول انا شفتهم بعيني...وحجتهم ان الصلاة حاجة والبلاوي الزرقة دي حاجة تاني) وفي مقولة اخرى..(ده ملهوش علاقة بده)

وفي طبعا اللي ملتزم بالصلاة ..أدبا ودينا واخلاقا..وده أسمى درجات الايمان

طيب.....في اكيد مننا بيمر بتجربة من دول (اكيد طبعا مش صنفالصلاة و البانجو ده ).

او في اللي مر بواحدة منهم (بردو مش الصلاة و البانجو)

وإكمني انا واحد من المتقطعين في الصلاة....ورغم محاولاتي المستمرة والأبدية في اني اعالج النقطة دي....وعلى الرغم من محاولاتي المستمره في تثقيف نفسي دينيا وتاريخيا وتهذيبيا واجتماعيا.....

ورغم اني دخلت مرحلة الفحولة وسن الثلاثينيات

ورغم اني جامعي واعمل بوظيفة نحمد الله عليها هي اكثر مما يتمناه المرء

إلا إنني كالأعمى...والأطرش..والأخرس....مازلت اتقطع في الصلاة بشكل عشوائي ..ولو رسمناها بيانيا....لوجدت رسم بياني عجيب المهبط والمرتفع...وكأن كل وقت يوجد شخص آخر

ذهبت إلى عمره في العشر الأواخر من رمضان اللي فات...واعتكفت..وقرأت القرآن....ولكن....مازلت انا هو انا....ما السبب...اكيد هو ضعف مني...بس اريد ان اسمع حلولا كثيره

اريد ان اكون فعلا قوي الإيمان...وليس مجرد حكاوي دينية أطلقها هنا وهناك...

لله الحمد..انا لم أخطيء في حياتي اي من الكبائر

ولكني متضايق جدا من نفسي

بل سأدهشكم بقولي اني ايام الإعدادية كان لي أصدقاء من مختلف الجنسيت..نجتمع معا في نهاية الاسبوع في ديوانية احد الاصدقاء..ليقوم بتثقيفنا احد الشيوخ المحترمين

بل وكنت الوحيد في اخوتي الذي اذهب للصلاة الفجر حاضر

وايام الجامعة كنت أؤذن في مسجد الكلية...وكان لي صوت جهور قوي ....وتثبت بالصلاة فترة طويلة

لكن ماذا حدث

وكيف انا الذي كنت اعمل للكلمة حساب...وللخطوة الف حساب.....وللعمل مليون حساب.....قبل ان أقدم على احد منها.....

كيف وأنا الذي لم أخطأ في حياتي باحد تلك الكبائر...وكنت دائما الب الروحي لجموع ضخمة من الزملاء والأصدقاء ...يتجمعون حولي ليتقبلو من النصح

سواء النصح الفني..او ديني..او حتى نفسي

كيف وانا الذي اعتمدت عليه الاسره كانني الأخ الأكبر...بل وأن كل أصدقائي هم ممن قاربوا على الربعينيات والخمسينيات...بل وكان بعضهم يسبقوا اسمي بكلمة استاذ

كيف وبعد ان رزقني الله من حيث لا أعلم...ووجد لي مركزا مرموقا في عملي

كيف وكيف وكيف .....بعد كل هذا.....أجد نفسي

مهمل في حق الله سبحانه وتعالى...وفي حق نفسي التي لاأملكها.....

كيف ياناس ...كيف لي بذلك.......من اين اتاني ذلك الاهمال

انا الآن دخلت على مايقرب من الست سنوات ومازلت مهمل في صلاتي

ماذا أفعل ياجماعة...اشروا علي يرحمكم الله!!!!!!!!!!!!!!!!!!!!!!!

اخى الفاضل

كونك حددت المشكلة فانت اقتربت من الحل . العيب انك ليس لديك عزم

اذا عزمت فتوكل على الله

وثق طالما انك تبحث غن سبيل الى اللع ثق ان الشيطان سيقعد لك على هذا الطؤيق ليمنعك من الوصول او الاستمرار

خذ قرارك بالانتظام فى الصلاة واقبل تحدى الشيطان لافشالك فاذا كان عندك عزم ولا تقبل الهزيمة تحداه واشحن نفسك وتوكل على الله

ضع الله امامك يناديك عند كل صلاه فهل تذعب اليه وهو ملك الملوك ام تنهزم وترفض دعوته لك ؟

[النسر المصري]

بلو مايند الغالي

نانسي الجميلة الصديقة الوفية

الفاضل محمد دسوقي المحترم

انا في فترة الخناقة النفسيه دلوقتي وهصلي غصبا عن عين الشيطان...وهافضل احارب و اكافح لحد لما اثبت باذن الله

دعواتكم معايا

وقولوا يارب

[السويفي]

السلام عليكم

انا عندي اقتراح بسيط وهو....

لما تسمع الاذان وتكون بتعمل اي حاجه ...... اسألك نفسك سؤال

هو الي انا بعمله احسن من الصلاه؟؟؟ :rolleyes:

واذا كنت مكسل قول لنفسك

انا يارب تعبان بس هصلي يمكن الصلاه ده تخفف عني من ذنوبي

وتذكر قول الله تعالي

(يومئذ يتذكر الانسان وانا له الذكري # يقول ياليتني قدمت لحياتي)

الايه ده فعلا بتوريك كميه الندم على فوات العمر وهو بيقول ياليتني

فعلا انا فعلا الكلمه ده بحس اني بقولها يا ليتني

................. ويأتي الرد الصعب

(فيومئذ لا يعذب عذابه احد# ولا يوثق وثاقه احد)

تم تعديل 1 يوليو 2006 بواسطة السويفي

[سهيلة]

انا سمعت يا جماعة من صديق قاللى انا موش بصلى عشان موش حاسس بالخشوع ف الصلاة

موش عارفة حبيت اشارك بكلام ليس من تفكيرى انا ولكنى سمعتة من احد الدعاة واقتنعت بة كليا

وفعلا رديت بة على صديقى هذاا وحبيت اعرض عليكم الامر يمكن يكون فية استفادة

الداعى رد على السوال بالتالى

قال

كيف تصل للخشوع ف العبادة وانت كنت عاصى وفجاة بدات تلتزم

كيف تشعر بحلاوة الايمان فجاة

ان قلب الانسان اشبة بالكوب المملوء

وقلب العاصى مملوء سيئات

فعندما يلتزم بالاعمال اللى بتقربة من ربنا

كل عمل يعملة يوضع ف الكوب وينقص من الكوب قصادة عمل سىء

وهكذا يتناقص الكوب شيئا فشيئا من المعاصى اللتى كانت تملاة وتتبدل حسنات ايضا شيئا فشيئا وتشعر بالراحة ف القلب ايضا تدريجيا

اذا لابد من المثابرة على فعل الحسنات والتقرب من اللة حتى يتبدل كل الكوب حسنات

وعندها تبلغ المنزلة العليا من الخشوع والشعور بحلاوة الايمان التى نسمع عنها

اللهم بلغنا حلاوة الايمان والخشوع ف العبادة

[nash]

أخي الكريم النسر المصري

......................................

رغم أن هذا الموضوع منذ فترة..لكن وجوده في البانر جعلني أقرأة

بسيطه والله ..عند سماع الآذان...قم فتوضأ..وصلي لله ولا تفكر في شيء..ولا تسوف...صدقني أخي الكريم..هذه الطريقه مضمونه..لا تفكر ..أجعلها بشكل أوتوماتيكي..ولا تنتظر ولا حتي خمس دقائق..

هذه الطريقه سمعتها للشيخ الطنطاوي..ربي يرحمه..وهو شيخ سوري بشوش..وقال أيضا..إن شاءالله سيأتي الخشوع في الصلاة بعد ذلك..هذه الطريقه مجربه..

....................................................................................................................

دمت في رعايه الله وحفظه

أختك ناش