هذيان

[ezzat afifi kotb]

                 هذيان

ابو رجلين عرجة ومكسورة ---فى الاستاد شاط الكورة

تسمع شهقة ف المقصورة ---- طلعت اوت اه يا خسارة

الواد حريف اهه رقص باك --- كومه ع الارض وقام حياك

اهتف واحنا نقول وياك ------- قانون الفيفا دين وحضارة

بس العيب ف الكابتن لالى ------- لما يشوط الكورة يعلى

والجماهير تدعى وبتصلى ----- نكسب دورى وكاس الحارة

بكرة فريقنا القومى ح يلعب ------ ضد فريق الاسد المرعب

عنده انيميا ومعانا يكسب ------- بالتوفيق مش بس شطارة

جبنا الجون واخدنا ثلاتة --------- سلبيات الكوتش شحاته

يقابل الخصم بكل بساطة -------- بدون انذار غيره بأشارة

اسهل حاجة تغير كوتش -------- لما بيخسر ايها ماتش

بس كراسى الرؤسا كوتش ----- تمط على التغيير بمهارة

وقبل الماتش هناك ترفيه ----- كل الشعب بيغرق فيه

يبقى اصول شغل التوجيه ---- الالهاء عن ذل الغارة

والهتافات يا عرب امجاد --- معاركنا حتبقى ف الاستاد

والقدس ح ترجع يا اولاد ----- بالجول الذهبى بجدارة

طلعت واحدة وبالمكياج ----- لابسة يادوبك لبس بلاج

ومفاتن عمله لها كولاج ------ بتهز وجماهيرنا مثارة

فين النخوة يا عربى فين ؟ ---- فين العزة مش داريين ؟

واحنا بنرقص بالردفين ----- امراضنا علاجها بقطارة

بتهز كتاف وياها نهود ------- وبتغمز بعيونها السود

ادونا سلاح ادونا بارود ------ القدس ح ترجع والبيارة

وبناتها عريانة السرة -------- مفاتنها مكشوفة وحرة

ادى اخرة تقليدنا لبرة --------- تقاليدنا تحرقها شرارة

واشرب من كاس القارات --- واهذى يا مسطول باقترحات

ح نسمى الرؤساء كوتشات ------ ونغير سياسات منهارة

فخامة الكوتش بعقد صريح ------- لو يخسر ياخد تسريح

وابعد عن لغو التصاريح ----- الاستمرار مرهون بجدارة

يجى فخامة الكوتش اياه -------- وجلالة الكوتشات وياه

ف الوحدة يخسروا مباراة ------ يتنحوا قبل الصفارة

بس فخامة الكوتش الثورى -- ناوى يفض الكاس والدورى

ويعمل مرمى حارسها مغاورى -- ويسجل اهداف بغزارة

فخامته بيشرح ف التكتيك -- اهجم حبة واعمل ديك

وارجع باصول البوليتيك -- وغطى ع الخيبة بعبارة

نفسى ف كوتش لكل قيادة --- كوتش بخبرة فوق العادة

عنده كرامه وعنده رياده --- يغلق اسراف كل وزارة

عزت عفيفى قطب