الحلم المصري

[yasovinas]

اغنية قديمه سمعتها بتقول

قال ايه بيحلم ابن آدم ؛؛؛ قلت له شقه

قال ايه يشبع ابن آدم ؟؟؟ قلت له طقه

قال حد مخلد فيها ؟؟ قلت له لاءه

قال ايه يعجل بعمرة ؟؟ قلت له زقه

ما علينا ؛؛؛؛؛ سؤالي او موضوعي هو " ايه حلم المصريين؟" او ايه اقصى اماني المواطن المصري المطحون والذي اذا تحقق يصبح رااايق ومبسوووط ؟؟؟

تم تعديل 24 مايو 2006 بواسطة yasovinas

[yasovinas]

• لما يقرأ مانشيت في اي جريده يفضح الحكومه ويفش غلهمنها
  
• لما المدير بتاعه يبعت له في مكتبة ويقول له "انا مبسوكط منك ؛؛؛؛؛؛؛؛؛؛بس!!!!"
  
• لما يلاقي شغل ؛؛؛او لما يتطلب في شغل
  
• لو طلع في التليفزيون ؛؛؛ او لو اسمه اتنشر في الجرنال {حتى لو كان منشور ضمن اقارب المتوفي }
  

و للحديث بقية ؛؛؛؛؛؛؛ لو كان في العمر بقية

[khedr]

ياسو عدت الينا وعادت المواضيع الجذابه الطريفه

علي ما أظن ان الكلمات للاستاذ بيرم التونسي ولم تغني علي ما أظن

..............................................................

ما يسعد

لحظه ميلاد طفل صغير

ضحكه طفل

دعوه عجوز لا تعرفه ولا تعرفها

جلسه بالليل متأخر في ميدان التحرير

كبايه شاي ليبتون فتله بنعناع ساعه العصاري علي قهوه في التوفيقيه[/color

[Cleo]

اغنية قديمه سمعتها بتقول

قال ايه بيحلم ابن آدم ؛؛؛ قلت له شقه

قال ايه يشبع ابن آدم ؟؟؟ قلت له طقه

قال حد مخلد فيها ؟؟ قلت له لاءه

قال ايه يعجل بعمرة ؟؟ قلت له زقه

دى مش أغنية يا ياسو دى إحدى رباعيات صلاح جاهين... :wub:

أول ما عينى جت على السطر الأخير منها دلوقتى.... مش عارفة ليه افتكرت سعاد حسنى :blink:

[yasovinas]

صباح الخير على كل الاصدقاء الغاليين

هذه الكلمات هي على ما اظن من كلمات بيرم التونسي فعلا ولكني اذكر جيدا ان هناك من غناها ،،،،

خضر باشا من اجمل اكواب الشاي التي كنت اعشقها كوباية شاي ساعة المغربية على المقهى على كورتيش بحر اسكندرية ؛؛؛؛؛لكنها كانت شاي كوشري ماركة القلاحه بتاع التموين زمااااان

طيب ايه بيبسط ابن مصر كمان وكمان

• لما يلاقي حاجه عليها تخفيضات او مكتوب عليها {3 بسعر 2} :P
  
• كل اول شهر وهو خارج من خزنة المصلحه وجيبة مليان ومتأمن ؛؛؛؛ ولو لمدة اسبوع بالكتير !!! :blink:
  
• لما ينهي مصلحه وينجزها في اي مكتب حكومي ؛؛؛؛ في يوم واحد وباقل قدر من حرق الدم والاعصاب :wub:
  وللحديث بقية ؛؛؛اذا كان في العمر بقية
  

تم تعديل 25 مايو 2006 بواسطة yasovinas

[nancy]

لحظات السعادة عن المصريين قليلة

حتى لو ضحك يقول الله ما جعلة خير

للاسف مبنعرفش نفرح اوى

بس من اللحظات السعيدة

لما ابنك او بنتك تتكلم فى موضوع وتبصلة وتقول ادة دى كبرت اوى

لما تعمل شغل ولما يخلص الناس تهانيك

لما تقابل اخواتك واهلك بعد سنين الغربة

لما حد يقولك وانت بتودعة انت صعب تتنسى

لما تسافر قبل شريك عمرك وتقابلة بعد شهر وتحس انة وحشك وان قربة نعمة كبيرة

[محمود الشاعر]

الاحتياج سبب كل الكوارث والجرائم وفساد الزمم

علشان كده المصري بيحلم بمرتب كويس يعيشه مستور هو ومراته و اولاده

شقة مناسبة

مواصلات فيها مراعاة لادامية البشر اللي ركبنها

صحف و جرايد حقيقية مفيهاش تزوير

قوانين حقيقية مفعلة ومش متعطله و تمشي على الصغير و الكبير

نظام وتخطيط

حريـــــــــــــــــــــــــــــــــــــــــــــــــــــــة

حريـــــــــــــــــــــــــــــــــــــــــــــــــــــــة

حريـــــــــــــــــــــــــــــــــــــــــــــــــــــــة

[ابن بلد]

حلم المصرى

(الشعور بالامان واحساسه بانه انسان)

وتفسيره عندى كما يلى

حينما يدرس يجد عمل يطبق ما تعلمه

فى وظيفه مناسبه

حينما يعمل يجد دخل مادى يكفيه

دون ان يحتاج للرشوه او الاقتراض او عمل اضافى

حينما يريد ان يعلم ابناءه يجد مدرسه واسلوب تعلم

ينمى عندهم مهاراه الفهم والبحث

ولا يكون التعليم قاصرا على امتحانات اخر العام

ودروس خصوصيه فقط

حينما يريد ان يذهب للمستشفى

يجد مكان امن ونظيف ورعايه ويعالج

دون الاحتياج لطبيب خاص او مستشفى خاصه

حينما يتعرض لمشكله يجد فى قسم الشرطه

من يسمعه دون الاستهزاء به وقد تصل لايذاءه

حينما تهان كرامته داخل او خارج الوطن

يجد من يعيدها اليه

حينما يهدا الاحساس بالانتماء

يجد من يوقظه بداخله

حينما

كفايه كده

[yasovinas]

• بيحلم انه يلاقي مواصلة رايقة وهو راجع البيت
  
• انه يعرف يصلح اي حاجه بايظة بنفسة من غير ما يحتاج صنايعي يذبحه
  
• ان اي حد ما يعرفوش يقول في حقة كلمة حلوة
  
• بيحلم انة يلاقي حد يخلص له شهادة المخالفات
  
• بيحلم انه يسفر ابوة وامه للحج
  
• يا سلام بقى على دعوه من قلب ست الحبايب