يخونك العيش والملح

[ragab2]

[b:post_uid0]

أنا اللى صنعتك وبنيتك

وضللت عليكى وحميتك

وضحيت وسكنت فى بيتك

أعوذ بالله من كلمة أنا

فاكرة أما قعدنا ع الكورنيش

وكلنا سميط وجبنة وعيش

وادينا الراجل بقشيش

دلوقت عاوزة فيلة ونيش

قبل  ماأخلص حتى الجيش

يخونك العيش والملح

أنا اللى كنت دون جوان

وعرفتك وانا مش نادمان

بس انتى اللى مالكيش أمان

أعوز بالله من كلمة أنا

ياما روحنا ع المراجيح

وكنا بنجرى ونسابق الريح

وكتيت من غير تصريح

كانت أيام لعب وتفاريح

والا  أما  ركبنا  الأتوبيس

وقعدنا  عروسة  وعريس

وضاعت الفلوس والكيس

وضربت ساعتها تفليس

ياما دخلتك السيما

وكنت عاملك  ريمة

ساعة مادخلنا  العزيمة

والا اما عملت لك وليمة

عند سعاد بنت فاطيما

كل ده مالوش عندك قيمة

والا يبقى  ارتكبت جريمة

والا رجعتى  لعادتك القديمة

أعوذ بالله من كلمة أنا

فاكرة أما جرينا فى القمح

وكل كلامك كان مدح

يخونك العيش والملح

والا أما روحنا  اسكندرية

وخدنا معانا خالتك زكية

وكان العوم عندك غية

نسيتى بلاج الأنفوشى

اما  كنا  بننزل بلوشى

واما سألتى فين بروشى

كل دة كان  من قروشى

وكل دة وهدمتى عروشى

يخونك العيش والملح

Edited By ragab2 on Feb. 15 2002 3:36pm

[ezzat afifi kotb]

جات لى بدمعه فوق الخد

وصور عرس كانت ف اليد

وقالتلى رجب عدى الحد

وشهر بيه فى نادى الوفد

احكى واقول قلت ملوش لازمة

كلمة ف ضحكة تعدى الازمة

الناس برجب واحد وانتى بتو

يعنى ف حبه ما تلاقى اخوه

وقالت لى ف زعله بقوله يا هوه

والنبى ترضى عشان شعبان

بالذمة الواد مش يشبه ابوه

ضحكت --رجوبتى يمكن تعبان

او ف الشغل هناك ضيقوه

---------------------------------------------

ادينى صالحتكو بقى يا عم رجب --- والست حافظة العيش والملح --- بس نفسها تكتب تقولها يخونك العيش والكباب

اخوك عزت عفيفى

[هشام عبد الوهاب]

ايه الجمال ده  الله ينور يا اساتذه

يا عم رجب  

جاى بتشكى و تتحاكى..... ما انت اللى كنت مدلعها  

سيما و كورنيش و بلاج   .......حتى المراجيح وديتها

ضيعت فلوسك و الكيس.......ضيعت قروشك و بروشها

كتيت م الجيش ،ضحيت......و سكنت فى بيتها و حتتها

وركبت عشانها الاوتوبيس...... دا ياريتك حتى ماحبيتها

[ragab2]

عشان خاطر عزت وهشام

طلباتكم أوامر تنفذ قوام

هايرجع الود وكله تمام

نعيش فى أمان وكمان فى سلام

وناكل ملوخية معاها حمام

فطارنا وعشانا غرام فى غرام

حمايا عمى أستاذ عبد السلام

راجل طيب وكبير المقام

الست مراته أم المدام

تتحط ع الجرح يحصل له التئام

شافت مرة حلم فى المنام

انى هاكون سعيد وعلى مايرام

ويكون ده الحال  ...  على الدوام

الواد دبشة أبو راسين قدام

اتجوز اختها الصغيرة هيام

عايش فى شقة مطبخ وحمام

كتير المشاكل خناقات وخصام

قلت لدبشة اتعلق فى قشة وبص لقدام

بكرة ابنك يبقى المحامى  همام

ويلبس بدلة ويتحزم بحزام

ليه يعيش فى مشاكل والله حرام

لازم تعيشوا فى سلام ووئام

وبكدة يبقى حسن الختام

(Edited by ragab2 at 11:37 pm on Oct. 26, 2001)