الخريطة الخفية لمدينة الإسكندرية

[se_ Elsyed]

ومن غير تريقه ولا نأوذة من اي أبو أحمدا أو أي أسكندراني يعمل فيها ماجلان ومكتشف القارات السبع لإني مستعد أزق عليكوا كليو ملكة القاهرة وحي الباطنية وتحت الربع تاكلكوا وتعرفكوا مين هما المصاروة على حق ربنا ..

---

صلوا عالنبي يا رجالة

إحنا المصاروة مهما شرقنا ومهما غربنا .. ومهما شرمنا أو غردقنا .. برضوا ما بنسلاش إسكندرية المارية ... اللي زحمتها سر جمالها .. واللي كل حاجه فيها غير .. ميه ... أكل .. موج .. قهاوي ... أسواق .... كله كله له طعم ولون وساعات ريحه ..... بس يظل هناك شيء ناقص .. وهو إن أهل مكه أدرى بشعابها .. وبالتأكيد برضوا في أماكن وزخانيق مستخبيه هنا ولا هنا تستحق الزيارة وإحنا ما نعرفهاش ..

فعايزين كده بالراحة وبإختصار ممل ومن غير تريقة ولا لوكلوك في الكلام ... من الخواجه ياسو وبقيت عصابة الإسكندرانية أبو أحمدات .. يضعوا لنا خريطة سياحية لمعالم الإسكندرية سواء بقى أثارات أو فراعين أو مساخيط أو مطاعم أو مزانق أو أسواق شعبية أو شواطيء ... إلخ إلخ .. بحيث الواحد يروح طابع الخريطة دي على ورقة لحمه كده وواخدها معاه أول ما يروح إسكندرية .. والعملية تمشي ثموث ويا يدعي للإسكندرانية يا

يدعي برضوا للإسكندرانية ..

وعشان نثبت لكوا إن إحنا برضوا ولاد بلد وجدعان ومن دولة مجاورة للإسكندرية الشقيقة وبنعرفوا في الأصول .. فهانفتحوا برضوا موضوع عن " الأماكن الساحرة .. في محافظة القاهرة " وأنا عن نفسي هالاغي كليو وأخليها تلبس الملايا اللف بتاعت المناسبات وتاخدكو في جولة سياحية في ملعبها ومنطقتها اللي عارفاها شبر شبر في مصر عتيقة .. وأنا برضوا هاشارك كده ببعض الأماكن الجميلة .. ومرحباً في الموضوع بكل قاهري وطني غيور على دولتة قاهرت المعز لدين الله الفاطمي ... وعاش التحالف القاهري الإسكندراني العريق

والسلام عليكم ورحمة اللة وبركاتة

[yasovinas]

اخونا الغالي وزير الحلاقة والفنون بدولة القاهرة الشقيقة مرحباً بك في اسكندرية عروسةالبحور وجميلة الجميلات

شوف يا صاحبي وزي ما قلت من غير لا تريقة ولا نقورة ندخل في الموضوع على طول

طبعا خلينا نبتدي بالمعالم المعروفه والاماكن المشهورة لمن لا يعرفها

قصر المنتزة محتاج يوم من اوله في الحدائق والشواطيء وطبعا انا بنصح بشاطيء عايدة

شواطيء المعمورة كانت زمان روعه بس للاسف لي سنين لم اذهب اليها فلن افيدك عن وضعها الحالي

اذا كنت من المصيفين المدمنين على التصييف الشعبي يبقى عليك وعلى منطقة سيدي بشر وخالد ابن الوليد وعيش حياتك هناك

اما اذا كنت مش كيف زحمه ودوشه يبقى انصحك بجليم ورشدي

اما اذا كنت جاي من الخليج وعامل قرشين حلوين عايز تصرفهم في المصيف يبقى عليك وعلى الساحل الشمالي

انا شخصيا جربت معظم القرى وانصح بقرية سيدي كرير وقرية الدبلوماسيين

مارينا ومراقيا خلاص راحت عليهم قوي

العجمي له طعم خاص في المصيف

اما لو انت دمااغ قوي يبقى نصيحتي ليك بسيدي عبد الرحمن

وللحديث بقية

[Cleo]

قصر المنتزة محتاج يوم من اوله في الحدائق والشواطيء وطبعا انا بنصح بشاطيء عايدة

شواطيء المعمورة كانت زمان روعه بس للاسف لي سنين لم اذهب اليها فلن افيدك عن وضعها الحالي

اذا كنت من المصيفين المدمنين على التصييف الشعبي يبقى عليك وعلى منطقة سيدي بشر وخالد ابن الوليد وعيش حياتك هناك

اما اذا كنت مش كيف زحمه ودوشه يبقى انصحك بجليم ورشدي

اما اذا كنت جاي من الخليج وعامل قرشين حلوين عايز تصرفهم في المصيف يبقى عليك وعلى الساحل الشمالي

انا شخصيا جربت معظم القرى وانصح بقرية سيدي كرير وقرية الدبلوماسيين

مارينا ومراقيا خلاص راحت عليهم قوي

العجمي له طعم خاص في المصيف

اما لو انت دمااغ قوي يبقى نصيحتي ليك بسيدي عبد الرحمن

وللحديث بقية

ده ايه الكروتة دى ؟ :blush:

أبو أحماااااااد... شكلك كدة حافظ مش فاهم :angry2:

[ATHENA]

ممكن نصيف في إسكندرية قبلي؟ :wub:

يا ريت الخواجة ياسو اللي مجابش سيرة المصايف القبلية في المعجم بتاعه يجيب على إستفسارنا بالصور :wub:

تم تعديل 26 مايو 2006 بواسطة ATHENA

[hopsan]

شوف حبيبى انا سكندرى ابا عن جد و اقدر اقولك بالتفصيل الممل ازاى تصيف عندنا بس قولى معاك كام او ميزنيتك كام لمشروع المصيف و ساعتها اقولك تروح فين .....و ان كنت عايز تاخدها من قصرها و تشوف حته تانيه يبقى وفرت عليا البحث و التدوير و متأخذنيش ....اسكندريه مليانه بأهلها و القاسم الأعظم منا لا يستطيع التصييف لسبب إخواننا المصاروه ولعو الأسعار و خربوها علينا و اللى مثلا انخبط فى دماغه وفكر يصيف فى المعموره فتتراوح اسعار اليوم الواحد و اكرر سعر اليوم الواحد يتراوح ما بين 200 الى 1200 جنيه مصرى لا غير و حتى اكون منصف بعض الشيىء تلك اسعار العام الفائت ولم يحدد السماسره اسعار عام 2006 طبقا لتوافد إخواننا المصاروه و عليه ارجوك ألا تأتى عندنا فلن يتبقى شيئا نصيف فيه و كأننا لا نملك تلك المدينه الفقيره بأهلها رغم كثره المصايف خارج نطاق الأسكندريه إلا ان إخواننا المصاروه مصرون على إكتساح الأخضر و اليابس فى مدينتنا التى اصبحت مكتظه بأهلها و الوافدون عليها من الصعيد و الفلاحين و كأن لا توجد مدينه لا نزوح لها إلا الإسكندريه فأرجوك يا أخى إذا كان لديك المال الكافى لمصيف محترم إذهب لمصيف آخر و سأساعدك و إن كنت مصر على الإسكندريه فلا مناص ...سوف اساعدك ايضا و إن كنت اشك فى جهلك بمدينتنا فهى ثلاث شوارع رئيسيه موازيه للبحر و عدده عشرات قائمه على البحر فلا يمكنك التوهان و تستطيع سؤال اى عابر عن اى شارع فسيدلك فتلك المدينه كان المفروض عند نشأتها ان يكون تعداد سكانها 250 الف نسمه اما الآن فخمسه فى عين اللى ما يصللى على النبى عددنا فاق السته ملايين ...فى نفس الشوارع و نفس الأزقه و نفس الحوارى التى كانت فى السابق

هل تعلم أن شارع الكورنيش الذى ذاد 3 حارات مره واحده فى كل اتجاه ...يعنى شارع آخر بجوار الشارع الأصلى قد اصبح الأن و قبل توافد المصطافين فى زحام مستمر عدا بعض المناطق التى يستطيع الجالس خلف عجله القياده ان يحرك عصا الفيتيس للمرحله الثالثه و يعود سريعا للمرحله الثانيه فى معظم الوقت

هل تتذكر الأسكندريه قديما ؟؟؟؟........انا اذكر عندما كنت صغيرا ان الشورع واسعه و عدد السيارات قليل واذكر ايضا مواقف سيارات التاكسى و كثره اللأخضر فى كل مكان و المعموره كانت فى عز الصيف تجد مكان تركن فيه سيارتك و مكان تستطيع السير فيه ساعه العصارى بعد الغذاء و كوب الشاى و ذلك قبل ان تستولى المحافظه على البحر لتؤجره لمن يدفع اكثر و اصبح الشاطىء حكرا لمن يدفع ...الكلام عن المدينه الماريه و التى ترابها زعفران يطول ويطول .....و اذا كان هناك كلام يجب ان يقال فأرجو ان يكون من سكندرى الأصل و ليس من وافد على البلد ....فكل حجا اولى بلحم بلده.........مع التحيه

[واحد تاني]

عقلي الباطن:

دا شكله هيطفش الزباين مننا

لا مؤاخذه يا افنديات ....موش قصده

اني هنطلع بس عشان العيال ع البحر هيستعوئوني

نخلصوا شوي... وبكره بالمشيئة نفسحوكوا اجدعها فسحة

تم تعديل 26 مايو 2006 بواسطة واحد تاني

[yasovinas]

في ايه يا عمنا مالك زعلان قوي كده

اسكندرية طول عمرها مصيف مصر وطول عمرنا بنفرح باهل القاهرة وضيوفنا ولو مش واخد بالك اقول لك ان خمسين من المائة من الاسكندرانيه بيعيشوا على موسم الصيف وعلى الاخوة المصيفين ابناء القاهرة والمحافظات الاخرى سواء من محال واسواق وتجار او من اصحاب سكن وشقق يؤجروها للمصيفين او اصحاب التاكسيات والميكروباصات وبعدين حضرتك زعلان من الكورنيش دلوقت امال من خمس سنين الوضع كان ازاي

اما بقى حكاية ان مافيش مكان تركن فيه او تتمشى فيه فدي حاجه اخحنا متعودين عليها من زمان قوي يعني مش جديده

معلش يا اخونا الاستاذ اصله باين عليه مزنوق في حته ضيقه في اسكندرية وحد دايس على رجله :wub:

[nancy]

يا جماعة انتم حتكرهوا الناس فى اسكندرية لية

هى بتبقى زحمة جدا بس جميلة بشكل عام

وهى ممكن تقسمها الى 4 شرايح تصيف

الى بتوع خالد ابن الوليد والسكة دى نوع معين مين المصايف الشديدة الشعبية

وان كان حتى الشواطىء فيها بقت برسم دخول

وبعديهاانك تاخد مصايف فى جليم ولوران احسن شوية

بس فى الاخر كلة حيقضى الليل اما المعمورة او محطة الرمل والسنيما وبحرى

او حتصيف انك تاخد مكان فى العجمى وفية كتير مصروية بياخدوا فيلل صغيرة من البدو وبيعملوا مستقر دائم ليهم

او قرى الساحل الشمالى فى منها الهادى ومنها الى كلة دوشة ومش على مستوى عالى من النظافة

هى كرير حلوة بس البحيرة عندهم ملزقة شوية فى القاع والبحر طبعا فى الساحل الشمالى ميتنزلش لانة بيكون عالى جدا

مرينا لها ناسها طبعا

انا بقى من اسكندرية وبصيف فى النادى بصراحة ولادى مش بيحبوا الرمل اصلا

بس ممكن نروح الشرم اخر الصيف اسبوع وخلصنا على كدة

[hopsan]

في ايه يا عمنا مالك زعلان قوي كده

اسكندرية طول عمرها مصيف مصر وطول عمرنا بنفرح باهل القاهرة وضيوفنا ولو مش واخد بالك اقول لك ان خمسين من المائة من الاسكندرانيه بيعيشوا على موسم الصيف وعلى الاخوة المصيفين ابناء القاهرة والمحافظات الاخرى سواء من محال واسواق وتجار او من اصحاب سكن وشقق يؤجروها للمصيفين او اصحاب التاكسيات والميكروباصات وبعدين حضرتك زعلان من الكورنيش دلوقت امال من خمس سنين الوضع كان ازاي

اما بقى حكاية ان مافيش مكان تركن فيه او تتمشى فيه فدي حاجه اخحنا متعودين عليها من زمان قوي يعني مش جديده

معلش يا اخونا الاستاذ اصله باين عليه مزنوق في حته ضيقه في اسكندرية وحد دايس على رجله :)

طالما انك ذكرت ان 50% من السكندرين بيعيشو على موسم الصيف يبقى انت مش سكندرى او وافد او على الأقل انت من المنتفعين بموسم الصيف و تعتقد أن كلامى قد يضرب موسمك فى مقتل

اطمئن فإذا كنت لا تعلم ان البلد قد ضاقت بأهلها فإعلم الأن ..و كأنك تعيش فى عالم آخر لا تدرى شيئا عن الزحام الخانق فى ايام الشتاء فما بالك بموسم الصيف حيث يرتاد البلد مالا يقل عن 2 مليون ما بين مصطاف وزائر و ليس كلامى قد يجعل الزائر يعدل عن زيارته للبلد و لكنها الحقيقه فلأسعار ترتفع فى الصيف حيث العرض و الطلب و ان كنت لا تدرى ان مستوى الدخل فى القاهره مرتفع عن مثيلتها الإسكندريه مما يجعل اهل البلد قد يحجمون عن التصييف لحين عوده المصطافين لبلدهم و نعزى انفسنا بأننا فى صيف دائم حتى لا نصاب بوجع القلب و الأمر لا علاقه له بحته ضيقه و أتى واحد من مخيلتك وداس على رجلى ...فرجاء ان تنزل من برجك العاجى الذى صنعته بنفسك و تنظر للأمر بنوع من الجديه فلا مزاح فى الحقيقه

[وليد صفوت]

في ايه يا عمنا مالك زعلان قوي كده

اسكندرية طول عمرها مصيف مصر وطول عمرنا بنفرح باهل القاهرة وضيوفنا ولو مش واخد بالك اقول لك ان خمسين من المائة من الاسكندرانيه بيعيشوا على موسم الصيف وعلى الاخوة المصيفين ابناء القاهرة والمحافظات الاخرى سواء من محال واسواق وتجار او من اصحاب سكن وشقق يؤجروها للمصيفين او اصحاب التاكسيات والميكروباصات وبعدين حضرتك زعلان من الكورنيش دلوقت امال من خمس سنين الوضع كان ازاي

اما بقى حكاية ان مافيش مكان تركن فيه او تتمشى فيه فدي حاجه اخحنا متعودين عليها من زمان قوي يعني مش جديده

معلش يا اخونا الاستاذ اصله باين عليه مزنوق في حته ضيقه في اسكندرية وحد دايس على رجله :)

طالما انك ذكرت ان 50% من السكندرين بيعيشو على موسم الصيف يبقى انت مش سكندرى او وافد او على الأقل انت من المنتفعين بموسم الصيف و تعتقد أن كلامى قد يضرب موسمك فى مقتل

اطمئن فإذا كنت لا تعلم ان البلد قد ضاقت بأهلها فإعلم الأن ..و كأنك تعيش فى عالم آخر لا تدرى شيئا عن الزحام الخانق فى ايام الشتاء فما بالك بموسم الصيف حيث يرتاد البلد مالا يقل عن 2 مليون ما بين مصطاف وزائر و ليس كلامى قد يجعل الزائر يعدل عن زيارته للبلد و لكنها الحقيقه فلأسعار ترتفع فى الصيف حيث العرض و الطلب و ان كنت لا تدرى ان مستوى الدخل فى القاهره مرتفع عن مثيلتها الإسكندريه مما يجعل اهل البلد قد يحجمون عن التصييف لحين عوده المصطافين لبلدهم و نعزى انفسنا بأننا فى صيف دائم حتى لا نصاب بوجع القلب و الأمر لا علاقه له بحته ضيقه و أتى واحد من مخيلتك وداس على رجلى ...فرجاء ان تنزل من برجك العاجى الذى صنعته بنفسك و تنظر للأمر بنوع من الجديه فلا مزاح فى الحقيقه

بتهيألى الموضوع ده خفيف ... يعنى مش مستاهل العنف ده فى الكلام يا استاذ 'hopsan' ... سى السيد بيسأل على اماكن جديدة و مزارات غير مشهورة فى الأسكندرية و الأخوة الأعزاء بيردوا فى جو خفيف فى موضوع خفيف ....

تستطيع ان تفتح موضوع جديد فى باب موضوعات جادة تناقش فيه إزدحام الأسكندرية و ما تشاء من نقاط أخرى ...

تقبل تحياتى ...

[سيزيف]

ماينفعش يا جماعه ان يدور حوار عن اسكندريه و اقف اتفرج

اييووووووووووووووووه يا جدعان

اسكنريه التى فى خاطرى لها الف سلام

و رغم انى صعيدى المولد فقد اتاحت لى الظروف ان اقيم بمدينه الاسكندريه لمده عامين لظروف عملى

و هما بالمناسبه اجمل عامين فى حياتى

و سر جمال اسكندريه و سحرها ليس البحر فحسب

فكم من مدن ساحليه تقبه مثلها على شاطىء البحر دون ان يكون لها جمال اسكندريه او شقاوتها او سحرها

ان سحر اسكندريه يكمن فى انها منذ ان بناها الاسكندر الاكبر و هى مدينه متعدده الثقافات و الجنسيات و الالوان

هى بوتقه ثقافيه و فنيه و اجتماعيه

و الاسكندرانيه على الرغم من ان بعض ناسها و اهلها دمهم حامى حبتين مثل اخونا العزيز هوبسان الا انهم كذلك يتميزون بالود و الترحاب بالغريب ايضا

و اقول لصديقى العزيز سى السيد ان الموضوع مافيهوش خريطه خفيه ولا حاجه

فاسكندريه كتاب مفتوح

و لكن اوصيك بضروره زياره مكتبه اسكندريه و القلعه ان لم تكن قد فعلت

و ان كنت من عشاق الشواطىء الهاى و المايوهات البكينى فعليك وعلى شاطىء عايده فى المنتزه او شاطىء بيانكى و مشتقاته فى العجمى و هناك شواطىء اخرى خاصه بالعجمى و لكن الدخول اليها يكاد يكون مقصورا على مجموعه معينه من البشر و لم احاول الدخول اليها اساسا

و ان كنت من عشاق المقاهى الشعبيه القديمه فهناك قهوه فاروق فى بحرى و قهوه البورصه فى محطه الرمل

و ان كنت من عشاق الجيلاتى و الرز ابو لبن و خلافه فعليك و على الشيخ وفيق فى بحرى او صابر فى الابراهيميه و العجمى و كمان جيلاتى عزه ف بحرى

وعشاق السمك اذا كانوا من هواه التوفير يمكنهم التوجه الى حلقه السمك فى بحرى او ابوقير - بشرط الخبره طبعا فى السمك - و الشراء باسعار معقوله و هناك العديد من المحلات التى تقوم بالطهى بسعر مناسب و بتلك الطريقه فان تكلفه الاكله لن تتجاوز نصف ثمنها فى المطعم

اما بقى لو حضرتك فييص و تحب البعزقه فمحلات السمك ممتازه و اذكر منها على سبيل المثال لا الحصر ابو اشرف و جزيره الملكه و سمكمك ف بحرى و زفير ف المكس و زفيريون ف ابو قير

و بالمناسبه بلبع فى ميامى بيعمل سمك ممتاز رغم انه اساسا تخصص لحوم

و يوجد مطعم شعبى اسمه حوده جندل تقريبا ف كامب شيزار ممكن تاكل فيه اكله جمبرى سريعه بسعر مناسب جدا و ان كانت قعدته مش ولابد لانه تقريبا ف الشارع

كل ده غير طبعا المشى على الكورنيش فى اى مكان ف اسكندريه و بالذات عند كوبرى استانلى و بير مسعود ف ميامى و قابل بقى يا معلم حمص الشام السخن و الدره المشوى اللذيذه و قراطيس الترمس المملح

و اخيرا اردد اغنيه سيد درويش الخالده

زورونى كل سنه مره حرام تنسونى بالمره

[واحد تاني]

برافو عليك يا عم (شاينر كورنر) لفيف صحيح.

هستأذنك بقى اخد س س فى ضيافتى النهارده .... الفسحة عندنا النهارده يا عم س س

صحينا بدري عشان نلحق اليوم من اوله... ياللا بينا بقى نفطر, نطلع على محطة الرمل تعالى نفطر هنا عند (محمد احمد) نطلع فى الدور اللى فوق احسن, بص ... شايف الصورة اللى متعلقة دى بتاعة مين؟ دى الملكة صوفيا وبص الصورة اللى جنبها الشيخ الشعراوي. الاسطورة اليونانية القديمة بتقول انهم اتصوروا هنا وهما بيكلوا فول (محمد احمد) ايه رأيك انا هطلب لك فلافل بالسمسم وجبنة مقلية وبيض عيون... ايه؟ ملكش فى الكلام ده؟ طب مش تقول! بلاش (محمد احمد) ياللا بينا قدامنا اهه (الصالون) على شارع سعد زغلول ناخد فطار انتركونتنيننتال على مزاجك او لو تحب عندنا (البن البرازيلى) فى ش سعد زغلول برضه, ناخد قهوة مع كرواسون لو مش عاوز تتقل او نروح فرع السلطان حسين وساعتها ممكن بدل (البرازيلى) نخليها (سيتى كافيه) قدامنا اهه على (ال امه)الناصية التانية من البرازيلى والا اقولك تعالى فى مكان ظريف فى ش فؤاد ممكن نفطر فيه اسمه (روستاري كافيه) هو احسن شوية من (سيتى كافيه) بس الخدمة عند التانيين احسن. ياللا نفطر بسرعة بقى احسن ضيعنا وقت كتير واحنا عندنا معاد....

ايوه اهه وصلنا فى معادنا... نركن هنا في الباركنج بتاع (تكا جريل) ع الكورنيش فى بحري وندخل (نادي الكشافة البحرية) هنقابل هنا واحد من مدربين الغطس عشان مظبطلنا (يخت) هنأجره منه النهارده. لأ يا عم يخت مش (فلوكة) هو 8 متر اه بس يساع م الحبايب 10 يعنى ممكن تجيب الولاد معاك.

توكلنا على الله ... ايه رايك بقى فى منظر اسكندرية من جوه الميه... شايف العمارات من بحري لمحطة الرمل كلها بارتفاع واحد وروح واحدة ازاى... بص تمثال سعد زغلول اهه. لف بينا شوية يا ريس جابر هنا... بص يا س س ده (ابوالعباس)واللى قدامه ده سيدى (الاباصيري) ووراهم سيدى(ياقوت) قدورة بتاع السمك هناك اهه هنتغدى فيه بكره انشاءالله,... ياعم متزقش, اكيد هنتغدى النهاردة كمان, بس ف مكان تاني ... قرب كده يا جابر عند (لسان السلسلة) عشان س س يشوف (المكتبة) من جوه البحر عامله ازاي. بص دي مكتبة اسكندرية الواد النرويجي اللى صممها بيقولك ان فكرتها بتمثل شمس المعرفة وهى بتشرق من بحر اسكندرية عشان كده مدروة زى قرص الشمس ومايلة فى اتجاه البحر و طرفها الشمالي نازل تحت الارض عشان تصدق ان الحضارة جذورها طلعت من هنا. معلش انا قلبتهالك حصة قراءة, خلاص متزعلش...

اطلع يا ريس جابر من (البوغاز) وكمل بينا فى اتجاه الرمل .... خلاص انا هسكت واسيبك تستمتع بالمنظر ومش هتكلم لغاية ما نوصل ابوقير.

معلش مش قادر اسكت... بص منظر قصر المنتزه من جوه البحر عامل ازاي وكل الشجر والخضرة اللى حواليه.... بتقول ايه؟ .... خضرة السلطة ايه بس يا عم انت جعت والا ايه؟ طيب ادينا وصلنا خلاص ابوقير. تحب نتغدى هنا فى جزيرة نلسون واللا نطلع للبر؟ جابر هيروح يجيب لنا من حلقة السمك شوية (سمك بوري) ويعملنا صنية (سنجاري) على فضلة خيرك شوية (مياس) و(دنيس) مقلي ويشوي لنا سمكتين (وقار) على مزاجك وبعد كده نقعد نأزأز ف شوية (كابوريا) و(رتسا). لو مش عايز ممكن نطلع على (زفيريون) هنا فى ابوقير نتغدى عنده. ونرجع هنا نقعد شوية ع الشط ... جابر مظبط لنا ترابيزة خشب وكراسى خوص من اللى كانو فى فيلم رصيف نمرة خمسة.

الف هنا وشفا يا باشا... لأ مش هنشايش هنا, لما نرجع بقى.... ارجع بينا يا جابر عشان نلحق نشوف الغروب من جوه البحر .

حمدالله ع السلامة... بص بقى عاوز تشرب قهوتك وتشيش فى جنبنا (جراند كافيه) او ممكن نتمشى لغاية (قهوة فاروق) يمكن نقابل (شاينر) هناك.وسمعت كمان انه بيقعد فى (البورصة التجارية) بتاعة محطة الرمل, يا اخي القعدة هناك بترجعك 70 سنة ورا,دا لو ليك فى القديم وعندنا ش صفية زغلول فيه (استريا) او (ايليت) وكمان (لورانتوس) و(سانتا لوتشيا) دا لو مش عاوز شيشة.وكمان قديم عندك (تريانون) و(سيسل) و(اتينيوس) و(بسترودس) بس الكلام دا بقى لو ليك ف الذكريات.

ياللا بقى نلحق معاد السينما ف (رينسانس) ش فؤاد عشان بعد كده هنتعشى باستا وبيتزا عند chez-gabi يعنى بالفرنساوي(عند جابي) واختلف المؤرخون فى موضوع (شى جابي) ده الجبرتي وابن هشام قالو ان جابي ده اسم مملوكي للشخص اللى بيجمع الضرايب والاتاوات وابن سيرين قال فى تفسير الاحلام ان جابي ده تحريف لاسم جابر وهو الجد الكبير للريس جابر اللى ساق بينا اليخت النهاردة.

ممكن قبل السينما نروح (شارع فرنسا) لو عاوز تجيب حاجة دهب للمدام وهبقى اشارولك على (زنقة الستات) عشان تبقى تجيبها معاك المرة الجايية تتسوق منها. وممكن نخطف رجلنا واحنا في ش فؤاد ندخل على (كوم الدكة) اوريك بيت سيد درويش ولولا اني عارف انك مش غاوي (اثارات) كنت جبتك الصبح (المتحف اليوناني) و (المسرح الروماني) عارف كمان كنا ممكن الصبح قبل ما نركب اليخت كنا دخلنا (قلعة قايتباي) كانت قريبة مننا وجنبها (الاحياء المائية) بس انا عارف انك جيت مع المدرسة وانت صغير.

ها... عجبك الفيلم؟ طب و(شى جابي) تعرف احلى حاجة تشربها عنده (الفيرجن ميرى), اه طبعا (نن الكوليك)... اه يا سيدى هو عصير طماطم بالشطة لازم يعنى تحرجنا.

لا لسه مفيش مرواح قبل ما تعيش جو الليلة الكبيرة عند ابو (العباس) تتفرج ع الحاوي وتمسك بندقية وتلعب فتح عينك تاكل ملبن يمكن تكسب لعبة للواد عمر. اهو انت خلاص عرفت بقى مكان حلقة السمك بتاعة ابوقير واللى هنا دى بتاعة الانفوشى عشان لو جيت لوحدك بعد كده. وهنا كمان بعد مكرم بتاع الايس كريم فيه (جزيرة الملكة) لو جيت اوعى تنسى تطلب شوربة سي فود والسبيط عنده حكاية.

اليوم خلص يا حزونبل ولسه محكيت-لكش حكاية البلبل...

قضينا اليوم فى محطة الرمل وابوقير ولسه ياما هتشوف كتير خليك معايا بكرة ... هنروح مكان خطير

واحد تاني

مندوب وزارة السياحة

ونؤجر شماسي

[nancy]

واحد تانى بجد انت شوقتنى للاجازة انا كمان من الى بيحبوا جدا شى جابى واعرفة من ايام ماكان مركز تجمع كل كليتى فنون جميلة وكل الى بيشتغلوا ويروحوا السونتر(المركز الثقافى الفرنساوى ) هو قريب منة كمان

وكتير رحت هناك انا اعرفة من اكتر من 17 سنة من ايام ماكان لة ناس معينين

لو حتعمل للفة دى بجد لس س حاجى واعزم نفسى معاكم

[se_ Elsyed]

لو حتعمل للفة دى بجد لس س حاجى واعزم نفسى معاكم

ده أنتي تشرفي يا نانسي

ده أنا أسيب الشمسية وأقعدأنا وعيالي تحت قيظ الشمس ولهيب الحر عشان تقعدي أنتي في الضُليلة

ده أنا أكل الشوك والقشر بتاع السمك وعيالي يكتفوا بالشم عشان تاكلي إنت البطارخ

أنا إيه اللي خلاني أتسحب من لساني أساساً وأقول أنا رايح إستنجريه

إوعي تفهمي كلامي الي جاي ده غلط .. إحنا ولاد ديره واحده واللي في جيبك في جيبي ... واللي في جيبي برضوا في جيبي ... أنا رايح السنة دي أصيف في الغردقة .. وقد سبق أن قولتي لي بإن هواها ما بيجيش على هواكي ... فروحي إنتي إستنجرية وإبقي أحكي لي عملتوا إيه ..

أما الردود على بقيت الأخوه فأستنوني بعد الفاصل عشان هاصنفكوا صنفين .. :

- إسكندرانية مش أبو أحمدات وبخلا وعلى رأسهم الخواجه اللي خيب ظني ياسو فيناس بابا دوبلوس

- إسكندرانية أبو أحمدات جدعان ومنهم واحد تاني وشاين كورنر المنتسب لهم بحكم قعدته عندهم سنيتن

نلتقي بعد الفاصل

( كلو كلو ... أيوه الفرسكا ... سميط وبيض وجبنه وبكلويز )

[nancy]

بقى كدة يا س س

ماشى .. لعلمك انا اسكندرنية وعارفة كل الى قالة واحد تانى

عموما يلا روح الغردقة ايكش تتشوى :angry2:

دة الحر هناك زى الرياض

بس على لله تشتكى من الحر :)

[Tafshan]

تحية لواحد تانى و يا رب تروح له و ما تروحش لواحد تانى :angry2:

الحقيقة اسكندرية كانت فسحتى المفضله رغم انى عمرى ما قعدت فيها اكثر من 3 ايام .. كانت احلى فسحي "تخاطيف" يعنى اروح يوم و ارجع ...

ايام الجامعه كنت احياناً تطلع في دماغى اشحن العربية على قد ما اقدر من الشله و هوب .. على اسكندرية .. و الحقيقة كانوا كلهم من زوى الاحجام الضخمه التى تأن تحتها اي عربية .. لكن انا كنت ولا بيهمنى ... نطير من جنب الجامعه على الكبري اللى جنبها - مش فاكر اسمه - و ننزل على كرداسه و نخرم شمال نبقى في الطريق الصحراوي و لا نتوقف الا عند ماستر في الطريق الصحراوى حيث النسكافيه المتين و نكمل الطريق الاسكندرية داعين الله ان لا يكون فيها "نوه" تفسد الرحلة السعيده .. و بما ان اليوم قصير فكنا نفضل الذهاب الى المعمورة و نركن السيارة و ننطلق على الاقدام .. نبدأ بايجار "عجل" حتى نتساقط من التعب و نتغذى عند بندق كشري او فطير او كبده كما يحلو لنا ثم نرتد سريعاً الى القاهرة و لا كأننا عملنا حاجه :)

[hopsan]

عم وليد صفوت صباح الفل

انا لم اتعمد العنف فى كلامى بقدر وصف حاله نعانيها فى كل موسم صيف و انت تعلم قبل غيرك ان المدينه لا تحتمل بشوارعها الضيقه من يعيش فيها اصلا و تعلم ايضا نحن نشرف بكل من يأتينا و لكن !!!.....و لكن لا اقارن الشريط الساحلى اى الأسكندريه بالقاهره من حيث المساحه التى يمكن الإمتداد فيها حيث يصعب و يصعب جدا الإمتداد للجنوب حيث نحن محصورون ما بين ترعه المحموديه و التى يصل العمق فيها احيانا ل 25 متر و يصعب الردم فيها لنتمكن من التوسع جنوبا و تعلم ايضا ان تلك الترعه هى المصدر الوحيد للشرب لدينا و لو مجازا ردمنا المحموديه فمن اين نشرب فكان الإمتداد لأقصى الشرق حيث ابتلعنا ابى قير و غيرنا من معالمها قهرا و قسرا و الإمتداد الأخر غربا حيث تم تعديل فى حدود الإسكندريه و اتلفنا شكل و موضوع العجمى و باتت رمالها التى كانت فى السابق مشهوره بالبياض الناصع رماديه من كثره التعامل عليها و نزحنا لما بعد ذلك بكثير و اصبحت العجمى مسكن عشوائى دائم الإذدحام و انتهت اسطوره التصييف فيها و من كان له فيلا هناك حولها لكتله خرسانيه عموديه و لا استثنى نفسى منهم فأنا فعلت نفس الشىء لا لشىء إلا لأنى وجدت نفسى محاصر بالعمارات و الفيلا اصبحت مقلب زباله ففعلت مثلهم ...لا اطيل عليكم فأنا من يتذكر جيدا الإسكندريه و ما كانت من قبل و اراها الأن فى حاله يرثى لها و ماذا بعد عشر سنوات ؟؟؟ اذا كان الإذدحام قد بلع الثلاث حارات المستحدثه فى شارع الجيش او شارع الكورنيش و ما تلى ذلك من رد فعل مثل ذبح الشاطىء الرملى الممتد من سيدى جابر و انتهاء بالسلسله فتلك مسافه ليست بالهينه و كانت المنفذ الوحيد و المجانى لسكان المنطقه و لم نتمكن من استحداث شاطىء رملى جديد حيث تكون فى تلك الحاله باهظه التكاليف ناهيك عما حدث فى مناطق سيدى بشر و ميامى حيث اكل البحر الرصيف وزحف للشارع و ذلك لسبب سوء فى التخطيط و تداركو الأمر بعدما ساءت الأمور و قامو بعمل مصدات للموج فى النهايه ...صدقونى انا لا انظر للموضوع بنظره سوداويه و لكنها الحقيقه و لا احد يلومنى اذا وجدت المنفس لشرح ما يجول بصدرى و لم ارد على ياسو إلا بإسلوبه حيث شممت التريقه فى كلامه و هو لا يدرى حقيقه الأمر و لم اجدك تعلق على كلامه وكل ما ذكر كان عن الفسح و المتع و لم يذكر احد ما تعانيه البلد من متاعب فى الصرف الصحى و قله ضغط الماء الحلو و اذدحام الشوارع و المخلفات و زياده فى الأسعار و ما الى ذلك من تبعيات الإقامه فكل هذا نحن الذين نعانى منه فقط

استاذنا shinercorner

انت وفيت و كفيت و تصلح مرشد حتى لأهل الإسكندريه و لكن اسمحلى تصحيح بسيط هو ان حوده جندل اسمه حوده جندر و مكانه فى الأزريطه بعد فندق الدلتا بشارعين او حارتين يمين و بعد كده يسار و تجده امامك و صحيح قعدته مش ولابد و لكن اسعاره مناسبه خصوصا فى العزايم حيث ( و ده سر لا افشيه لأحد ) ان لى اصدقاء من القاهره و عندما يأتونى معزومين فلابد و ان تكون اكله سمك.... فأستعين بهذا الحوده و تكون التكلفه بنصف السعر و هم يعتقدون انى صرفت ما املكه حتى ميراثى أو اذهب بهم ( شكلى كده حفشى كل اسرارى ) الى مطعم خطير لا يعلمه الكثيرون و هذا المطعم اسمه عروس البحر و يقبع بجوار المرسى ابو العباس و صحيح هو ليس على البحر مباشره مثل فش ماركت فى نادى الكشافه و لكن عندما تدخل المكان لا تشعر بإحتياجك للبحر حيث السقف مرسوم عليه و ايضا بالبارز اشكال بحريه خطير تغنيك عن البحر و ايضا عندما تنهمك فى تفصيص الكابوريا و تشرب الويسكى ( يقال عنها ماء سلطه الجنبرى او الكابوريا و هى قويه لمن لا يحتمل شربها و لكنها مطلوبه ) و الكم الهائل من السلطات والتى تشبعك قبل ان يأتيك الأكل و لا تنسى قول لف لى الباقى ...عدا ذلك انت اكثر من خطير

اخيرا اعذرونى عما بدر منى من تقل دم و لكن عندما كتبت ردى على سى السيد فضفضت بما يجيش به صدرى من حزن على مدينه لن تعود مره اخرى و انوه عن كارثه ستأتينا قريبا ولا حل لها مثل ما ذكرت سلفا و ربنا يكتر من المصايف الأخرى حتى نستطع ان نتنفس هنا

واحد تانى ...

لا استطيع إقفال رسالتى قبل ان انوه و ارشحك لتكون مخرج سياحى من الدرجه الأولى ..انا اتفسحت معاك حقيقى ولا املك تعليق على كلامك غير انك خطير

...و مرحبا و اهلا وسهلا بكم مره اخرى

[بنت شعنونة]

ممكن ادلو ب دلوي :P :D

لو ها تأجر شقة في اسكندرية ف عليك وعلى زوانق خالد ابن الوليد عشان ها تلاقي شقق مفروشة كويس وسعرها معقول

لو مريش يبقى المعمورة عشان الشقق هناك سعرها غالي شويتين بس فرشها بيكون شيك اوي

لو اوتيلات.. طبعا الفنادق الكبيرة معروفة

فيه فنادق سعر الليلة فيها للفرد بالافطار بيبقى 60 او 70 جنيه وهيا فنادق نضيفة " من ناحية النضافة" ولكن من ناحية الشياكة عادية.. زي فندق نوبل او فندق مكة او المدينة المنورة

فندق قاعود يعتبر وسط في سعره و شيك بالنسبة للي زيه.. وكل الفنادق دي مطله ع البحر..

نيجي للفسح

بالنسبة للبلاجات ماحدش يالني عشان انا بنزل بحر مطروح بس :wub: :wub:

بالنسبة للأكل..

لو الحالة المادية متوسطة عندك بلبع بتاع سيدي بشر او فرعه الجديد في داون تاون مدخل اسكندرية

عندك جرين بلازا دا في مدخل اسكندرية وملياااااااااااااااااان مطاعهم وكافيهات ومحلات اشكال والوان يعني دا لوحده فسحه وفيه الغالي وفيه الرخيص وهييييييييييييييص يا عم هيص ;)

فيه عندك انا ميشو ع الترام بتاع فاطاير هايل وعندك كمشري بندق في سموحة كويس

وعندك شاورمة شامي في جرين بلازا بس بتاع سموحة الشيف عنده هاااااااايل لازم تجربها

وفيه عندك قرية عبد الوهاب في الراس السودة بيقولوا على اكلها حلو بس هيا ك مكان اوريجينال خالص

لو الحالة المادية مريشة وعاوز مكان ساااااااااااااااااحر عندك زفريون في ابوقير بتاع سمك يوناني بس كااااااااارثة في الأكل وفي السعر كمان يعني على نفرين اعمل حسابك في 100 جنيه مريح وتقوموا لسا جعانين كمان :P

بالنسبة للساحل الشمالي

قرية عايدة انضفهم عشان فيها شاليهات واوتيل و الفندق اشيك وبيقدملك عروض قوية كمان من اوبن بوفيه لغرفة شيك لحفلات يومية والعاب اطفال وبسين وبحر يعني كلللللللللللللل حاجا بسعر واحد و ممكن تفتح السايت دا يساعدك كتير

www.waffar.com

بالنسبة للتمشية قلعة قايتباي بقت شييييييييييك جدا دلوقتي ترمس ودرة وطيارات و دكك للقعدة وشاي وبتاع فيما عدا الشحاتين فهي تحففففة ومنورة وجميلة

بالنسبة للفسح بقى عندك قرية الأسد على بعد يجي 30 ك من اسكندرية تنفع للعيلة وجمييييييييييييلة

عبارة عن جنينة حيوانات ع الطراز الفلاحي يعني اقفاص وحيوانات وسيرك جوا بيضحك بجد انا دخلته لأخويا بس انا انبسطت اوي كمان وفطير مشلتت ومش وبتاع وفيه كمان كباب وكفته ولحم نعام يعني تروح من الضهر لحد ما الدنيا تضلم و الكل مبسوط من كبير لصغير بس ابعد عن اخر الأسبوع عشان الرحلات والزحمة

فيه عندك افريكانو بعدها بشوية دي زي جنينة حيوانات مفتوحة يعني الحيوانات برا القفص وبياخدوك في عربية مصفحة باين عشان الأسد ياكلك براحته اللي راحوها قالوا تجربة جديدة لكن انا خفت " التذكرة بالغدا هناك"

لو افتكرت كمان ها اقولكم... :P

[wagdi]

اما بقى لو حضرتك فييص و تحب البعزقه فمحلات السمك ممتازه و اذكر منها على سبيل المثال لا الحصر ابو اشرف و جزيره الملكه و سمكمك ف بحرى و زفير ف المكس و زفيريون ف ابو قير

و بالمناسبه بلبع فى ميامى بيعمل سمك ممتاز رغم انه اساسا تخصص لحوم

و يوجد مطعم شعبى اسمه حوده جندل تقريبا ف كامب شيزار ممكن تاكل فيه اكله جمبرى سريعه بسعر مناسب جدا و ان كانت قعدته مش ولابد لانه تقريبا ف الشارع

معلش أن حاقول حاجة صغيرة أوي بس حزقاني... لأني بتغاظ أوي لما المصاروة ينزلوا أسكندرية ويروحوا أبو اشرف ولا جزيرة الملكة ولا زفريون ويقعدوا يسبحوا بحمد السمك هناك...

إلى عايز ياكل سمك صح أوي يروح شارع الطباخين في بحري يسأل على فرج... و يبقى جيبه دفيان أوي لأنه يعتبر أغلى محل سمك في مصر...يعني لو اتنين أكيلة ممكن تصرفولكوا تلتميت ربعميت جنيه مستريح.... بس مش حاتحتاج تاكل سمك تاني بقيت السنة.....:P

ولما تاكل عنده مرة حتقرف "بمعنى الكلمة" تبص في سمك المحلات التانية...

ملحوظة..."لو حد راح ياريت يقوللي علشان أحصل نسبتي :P "

[واحد تاني]

س س ... يا س س ... اصحى يا استاذ انت جاي تصيف والا جاي تنام؟

ياللا قوم عشان هنروح البحر ...الميه النهارده ايه بقى... مئولكش ... حصيرة

صحصح كده على ما نعمل القهوة

وشوف الصور بتاعت امبارح اهه طلعتها...

دوس هنا:

شوف العيال اللى كانت بتصطاد

والجدع ابو صوابع بتاع الشبك

يا عينى عليك فى الحزين

سعد زغلول هناااك اهه

والمكتبة

عيش ... وانا راجع لك ...

جهز نفسك والبس (البنيش) ده هنطلعوا النهاردة العجمي...