بعتّ جواب - أغنيه

[daktara]

بعتّ جواب  ما  رديتشى         وادينى تانى باكتب لك

ورغم الغربه مانسيتشى         أطمّن فى البعاد  قلبك

و خايفه زحمة الايــام         تخلّى حبنا أوهـــــام

وخايفه تقول لى ما فضيتشى   بعت جواب ما رديتشى

                 ***************

كتبت بكل أشواقى             كلام م القلب له معنى

دموع العين فى أوراقى        و نبض القلب فى المعنى

كلام اتقال كتير بينّا         ما بين قلبك و إحساسى

فى يوم ما الحب قابلنا       أنا فاكراه و ليه ناسى

و خايفه زحمة الايام           تخلّى حبنا أوهـــــام

و خايفه تقول لى ما فضيتشى   بعت جواب ما رديتشى

                 ****************          

ياريت مايكونشى بُعد العين     منسّى القلب أحبابه

يا ريت يجمع ما بين قلبين     سهاد الحب و عذابه

و تفضــل لهـفة الاشـــواق     تروّى زهرة العشاق

و عين الحب ما تنامشى       بعتّ جواب ما رديتشى

                 ****************

سافرت و عدّت الايام            ما فكرتش تكلمنى

لانا عارفه فاضل لك كام        ولا عايز تطمـّنى

يا قلبك كل دى قسوه          أوام راحت كده النشوه

دا حتى الحب لو نزوه          حلاوته برضه ما تهونشى

وانا حبيت بإحساسى            و قلبى لسه بيقاسى

ولو كسلت أو ناسى             أدينى تانى باكتب لك

وخايفه زحمة الايام             تخلى حبنا أوهام

وخايفه تقول لى ما فضيتشى   بعت جواب ما رديتشى

(Edited by daktara at 4:11 am on Oct. 1, 2001)

[bansia]

لماذا تكتب على انك دكتورة وليس دكتورا

تحياتى الى جميع دكاترة جامعة الزقازيق وانا من الغربة بابعت لهم اشواقى بس يادكترة انت لسة مفتحتش عيادة ولا اية

[daktara]

عزيزى بانسيا او عزيزتى

كل مشاركاتى قديمه و مكتوبه من اكثر من عشر سنوات وبعض اغنياتى او معظمها مكتوبه

على لسان المطربه اللى المفروض تغنيها و فى الوقت ده ما كانشى فيه مطربين ذكور قد كده

اما حكايه العياده فلى طبعا عياده  بسى الفتره دى انا مسافر و الشهرين دول انا فى اجازه يعنى فاضى نسبيا

سلامك للشراقوه وصل