ماكياج الرجال..حين صارت كلماتي عسلاً غطى الذباب شفتي

[المدهش]

أدوات الماكياج عند النساء: هي إصبع الروج وقلم الحواجب وبودرة الوجه والماسكرا.

أدوات الماكياج عند الرجال: هي إصبع الخيانة والقلم المرتعش وبودرة النفاق والمسخرة.

وإذا كان محمود درويش يقول"حين صارت كلماتي عسلاً غطى الذباب شفتي..فإن كل المنافقين في الحكومة والاعلام المصري قد أصبحوا قنابل موقوتة تنقل التلوث عبر الأجيال وتسمم الناس ببضاعتها الفاسدة.

وإذا كان سيد حجاب قد غرد..الغش طرتش رش ع الوش بوية..ما دريتش مين بلياتشو أو مين رزين..فنحن نعرف جيداً من هو البلياتشو الذي يلعب على جميع الحبال في بلدنا المنهوب ، ومن المناضل الصابر.

وإذا كان مبارك قد دفع من جيب الشعب 50 مليون دولار لشركة أمريكية لزوم النيو لوك الذي ظهر به أيام حملته الانتخابية الوهمية..ووضعوا له روج وبودرة وآي لاينر وآي شادو"وآي يا دماغي" وظهر بالجاكت ""الاسبور" مع عماد الدين أديب في الاوربيت..إذا كان رب البيت قد لجأ إلى الميك آب على الطريقة الأمريكية فلا غرابة إذن من انتشار وضع الماكياج بين الشباب بعد أن تفشى بين الفنانين الرجال"مش رجال أوي يعني" ..وعوض الله على الرجالة!!!!

[Cleo]

فعلا من كذا يوم وأنا عاوزة أفتح موضوع مشابه..

عن صبغ الشعر للرجال من غير كبار السن... يعنى ايه؟؟

يعنى مفهوم طبعا أن الكثيرين من كبار السن يقومون بصباغة شعرهم لإخفاء الشيب.. وده فى الغالب بيتك باستخدام ألوان أقرب للون الطبيعى للشعر قبل زحف الشيب... يعنى الأسود والبنى وأحيانا الأحمر...

لاحظت مؤخرا أن بعض الشباب "الذكور" يقومون بصبغ شعرهم بألوان غريبة كالأصفر والكستنائى... وبيكون فى الأغلب لاون لا يتماشى مع لون بشرتهم أو حواجبهم...

إيه مبرر الشاب انه يصبغ شعره بهذه الألوان الشاذة؟

[احمد هادي]

سذاجة

هيافة

عبط

هبالة

مشاكل في الطفولة

فضا وقت

فضا مخ

قله حيا

اتصلي علي 09000000 واختاري ولابد تكسبي لأن اي اجابه لان كلهم صح وأيهم صح

[nancy]

اكتر حاجة مش بتعجبنى انهم بيلبسوا لبس اكبر من مقاستهم والبنطلون نازل اوى وشكلة فظيع

دة جنب الوان الشعر والاكسسوار من السلاسل

طيب البنات تلبس اية

[عطر]

أدوات الماكياج عند النساء: هي إصبع الروج وقلم الحواجب وبودرة الوجه والماسكرا.

أدوات الماكياج عند الرجال: هي إصبع الخيانة والقلم المرتعش وبودرة النفاق والمسخرة.

تسمح لي اخذ المقولة المأثورة وأضعها توقيع لي !!

[وليد صفوت]

انا مش شايف ان الموضوع يستاهل كل ده ...

مادام هو محافظ على شكله فى حدود الإحترام يبقى مافيش مشكلة .... و طبعاً استثنى من موضوع الإحترام ده تسقيط البنطلون لأنه تصرف مش محترم خالص .....

اما كلمة مكياج فيها لا تجوز لأن لا يوجد شاب يضع مكياج فالكلمة اصلاً مستفزة او موضوعة بعناية لإستفزاز الأعضاء ... بينما كل المقصود هو صبغ بعض الشباب لشعره .. و إلا فليأتى من يقول مكياج بدليل على ان الشباب فى مصر يضعون مكياج بالفعل !!

نيجى لصبغ الشعر ....

صبغ الشعر اصلاً مكروه دينياً لما فيه من تغيير لخلقة الله التى خلقنا عليها .... حتى لو كان لمداراه الشيب ... فالله قد خلقنا بحيث يشيب شعرنا و هذة على الجميع و ليس على الشخص الذى يصبغ شعره وحده .. فينبغى علي من يفكر فى هذا ان يصرف تفكيره لأن الله تعالى يريد ذلك لعباده و لا ينبغى ان نسير عكس التيار .....

اما اجتماعياً .... فهو مقبول لكبار السن الذين يدون ان يخفوا سنهم الحقيقى او الظهور فى مظهر متألق أكبر وقت ممكن .... ام الشباب فهو حر تماماً فى فعل ما يريده كما قلت مُسبقاً .... و لكن تلقائياً عليه ان يتحمل كل العواقب حسنة كانت ام سيئة ..... عليه ان يتحمل تريقة و سخرية زملائه منه و عليه ان يتحمل تلقيحات الكلام له فى الشارع .... هيحس للحظات انه - لا مواخذة - مبقاش زى الأول .. وذلك لأنه قبل ان يصبغ شعره للأصفر او الأحمر أو الفزدوقى :P كان يسير فى الشارع لا يستطيع احد ان يكلمه .. اما بعد الصبغة فهو يخاف ان يمر من امام مقهى حتى لا يلقى ما تلقاه فتاة تعبر من نفس المكان ... ذلك لا اعتقد ان من يصبغ شعره يستمر طويلاً فى هذا .... اما من يستمر فهو بالتأكيد لا يغادر سيارته إلا الى منزله :P

تحياتى ...

[se_ Elsyed]

صبغ الشعر اصلاً مكروه دينياً لما فيه من تغيير لخلقة الله التى خلقنا عليها .... حتى لو كان لمداراه الشيب ... فالله قد خلقنا بحيث يشيب شعرنا و هذة على الجميع و ليس على الشخص الذى يصبغ شعره وحده .. فينبغى علي من يفكر فى هذا ان يصرف تفكيره لأن الله تعالى يريد ذلك لعباده و لا ينبغى ان نسير عكس التيار .....

...

اللون الإسود بس هو اللي حرام يا وليد

لذلك تلاقي الناس اللي فاهمه بيصبغوا أي لون تاني غيره وخصوصاً بإستخدام الحناء

أنا عن نفسي ولو زحف الشعر الأبيض المتوسط حتى وكسى لون شعري .. فلن اقوم بصبغه فلا هو عيب ولا حرام إن الواحد يبقى شعره أبيض أو gray بالتحديد

حكاية بقى مكياج وروج وكلام من ده .. ده بصراحه لا شفته ولا سمعت عنه .. اللهم إلا في الفنانين ومع بابا حُسني اللي علبة الورنيش الأسود ما بتفارقش جيبه وشعره دايماص ( أجلاسيه )

[المدهش]

عطر..

طبعاً يشرفني أن تأخذي هذه المقولة كتوقيع لك ..لكن يا ريت كمان تعلميني طريقة عمل التوقيع..لأني مستجد في التعامل مع الكومبيوتر وكل الأعضاء تقريباً لهم توقيعات خاصة ..فيا ريت لو سمحتي تقولي لي أعمل توقيع ازاي .

[Cleo]

فيه فنانين من الرجال بيبالغوا دايما فى ظهورهم فى جميع المناسبات بالمكياج...

أشهرهم 3:

- عمرو دياب (مكياج وضبغة شعر ونفخ عضلات بالكومبرسور)

- عبد الله بالخير (بحس إن المكياج قرب يدلدق من على وشه :unsure: )

- جواد العلى (الشخص ده مريب وبحس إن شكله مقزز جدا)

هناك أيضا حسين فهمى اللى دايما بيحط طلاء أبيض فى المنطقة أسفل العين

بينما فنانيت كتير أخر لا يستهدمون المكياج إلا فى الأعمال الفنية فقط لخدمة الشخصية اتى يلعبونها..

[وليد صفوت]

مش عارف يا س س .. انا اللى فاكره ( بدون مصادر ) ان الحنة فقط هى المحللة و ليست السوداء كمان .... و إنما درجات الأحمر فقط ....

لا املك مصادر تؤكد كلامى و لكنى سألت منذ زمن فقيل لى ان الصبغة على إطلاقها حرام .... عموماً إذا كان كلامى صحيح فسأأتى لك بالكلام موثق قريباً ..

[عطر]

عطر..

طبعاً يشرفني أن تأخذي هذه المقولة كتوقيع لك ..لكن يا ريت كمان تعلميني طريقة عمل التوقيع..لأني مستجد في التعامل مع الكومبيوتر وكل الأعضاء تقريباً لهم توقيعات خاصة ..فيا ريت لو سمحتي تقولي لي أعمل توقيع ازاي .

شكرا لك المدهش حقا انت مدهش

الصراحة انا اخيب منك في الحكاية دي كل اللي اعرفه اني اكتب كم كلمة على صورة وبس

اما حركات الفلاش واللزي منه ماليش فيها

اشوف مصرية يعني مصرية ماشاء الله عليها

[سيزيف]

طب بالمناسبه

ايه رايكم فى زراعه الشعر بالنسبه للرجاله

على فكره

انا مش اصلع

بس شعرى ابتدا يخف شويه من قدام

فمره بدردش مع واحد دكتور صاحبى و قاللى ان فيه عمليات زرع شعر " طبيعى " مش صناعى

بيبقى ماخوذ من مؤخره الراس اللى الشعر بيبقى فيها كتير و يتم زرعه بمقمه الراس

و بيطول زى الشعر الطبيعى تمام

انا مفكرتش ف الموضوع قوى على اساس ان شعرى حالته كويسه ف الوقت الحالى و مش مضايقنى

بس ماخبيش عليكم

معرفش هعمل ايه لو الموضوع اتطور و العمليه سرحت