تذكرة سفر مجاناً لكل عروسة من مصر للطيران

[se_ Elsyed]

إيه الإستهبال ده ؟

يعني العروسة تاخد تذكرة .. وعريسها ياخد بومبه ؟

أو لو عريس يخيل شويه يخليها تسافر طيران وياخد هو حنطور ؟

بس فكرة لذيذة ومُبتكرة...

وسأقوم اليوم بعرضها على مدام سين سين .. على أساس إني أتجوز تاني ... ليس من أجل الزواج في حد ذاته ...

أبداً

ولكن عشان الزوجة الجديدة تستفيد من التذكرة وانا كمان أستفيد من السعر المُخفض .. ونقضي شهر العسل ونهيص .. وكل واحد يروح لحاله .. وهي تكون إستفادت وأنا كمان إستفدت ومصر للطيران إستفادت .. ومصر كلها إستفادت

بس أمانه عليكو لو ما ظهرتش لحد بُكره .. فهاندي كرافت وزُهيري عارفين عنوان بيتي فإبقوا إطمئنوا عليه .. أو جهزوا البلح الأبريم والقرص أم عجوه اللي بحبها وأطلعوا عليه القرافة ...

الشهيد سين سين

أشوف وشكوا بخير في الجنة ونعيمها إن شاء الله

للعروس فقط

تذكرة سفر مجانية من مصر للطيران!

كتب مجدي الشيخ :

قررت شركة مصر للطيران منح كل عروس تذكرة مجانية خلال شهر العسل.. ومنح عريسها سعراً خاصاً مخفضاً.

صرح صفوت مسلم مساعد رئيس القطاع التجاري ومدير التسويق بالشركة بأن القرار يسري اعتباراً من الخميس القادم وحتي نهاية سبتمبر.. ويعطي العروس الحق في اختيار السفر المجاني إلي أي بلد تصل إليه خطوط مصر للطيران مش عارف ليه مش مصدق بؤك يا أحمد يا شفيق .. اي بلد أي بلد ؟ إوعى تكون تقصد أي بلد داخل مصر ؟ أو التذكرة مجاناً لكن القُعاد على كُرسي داخل الطائرة بحسابه ؟ .. مشيراً إلي أن القرار يعد أحد الأساليب التسويقية للشركة خلال موسم الصيف الذي تكثر خلاله مناسبات الزواج.

جريدة المساء بتاريخ 27/5/2006م

[Blue_mind]

ده شغل لعب على نوفسويات

باعتبار ان مافيش راجل هيرضى ان عروسته تسيبه وتسافر لوحدها ...ده حتى العروسة نفسها ماترضاش لان الجانب العاطفي عند المراة اقوى من الرجل (هتقولي اومال ايه اللي بيحصل بعد كده هقولك ماهما لسه في العسل :angry2: )...

وبناء على ذلك الشركة خلت العرض للعروسة عشان تضمن ان العريس هيشتري ...انما لو خلوا التذكرة للعريس ؟؟

بين وبينك كده لو قالوا ان التذكرة للعريس والتخفيض للعروسة ’ مش ممكن بعض رجالة دماغها هتزقزق ... :)

تم تعديل 27 مايو 2006 بواسطة Blue_mind

[se_ Elsyed]

]طب بين وبينك كده لو قالوا ان التذكرة للعريس والتخفيض للعروسة مش في رجالة دماغها هتزقزق

تزقزق بس يا بلو

دي ستُغرد تغريد العصافير في أعشاشها المعششة

أنا أول واحد هالهف التذكرة المجانية .. وهاخلي العروسة تحصلني بالتوربيني أو الفرنساوي بتاع الساعة 7 .. وأهو منها تتفرج على معالم مصر العريقة من خلال نافذة القطار

يا روح ما بعدك روح يابا .. دي تذكرة بلوشي مش أي كلام

ده في حالة لو هاضرب شهر العسل داخل مصر

أما لو الزمن رجع بيه 45 سنة وحبيت أكون عريس .. فهاروح أعسل في ماليزيا ..

وبرضوا أروح أنا طيران بلوشي .. وهي تحصلني على أي مركب تُجارية .. وفي الحالات اللي زي دي .. الرحلة لن تستغرق أقل من 3 شهور ده ول خدت رأس الرجاء الصالح ... .. أكون أنا أنبسطت ورجعت بيتنا وتماما التمام .. وهي لسه تكون في الطريق ... مع نفسها بقى وكل واحد يدور على مصلحته يابا .