بحب عيونك الحلوين..بخاف منهم!

[المدهش]

بحب عيونك الحلوين

بحب عيونك الحلوين

بخاف منهم

لاياخدونى لدنيا غريبة وبعيدة

واتوه منهم

بحب ف شعرك الناعم ..دهب مكسوف

شريطة بتربطه لا يطير.. حصان ملهوف

ونفسى اطوف

وادق بايدى على بابك

واحوش بالتانية خطابك

واوصى عليكى اصحابك

يعاتبوكى عشان خاطرى

يعاتبونى نفاد صبرى

مادام الامر مش بايدك

ومش امرى

ما تيجى نرجع الماضى ونتسامر

ده انتى الكلمة يا قصيدتى وانا الشاعر

ومن غيرك هغنى لمين.. بحب عيونك الحلوين

بحب الورد علشانك

عشان لونه ف لون خدك

بحب القمرة علشانك

عشان نورها شعاع منك

بحب حياتى علشانك

واحب تطول وانا جنبك.. وبندهلك

فى عز الحلم بندهلك.. باقوم من نومى اندهلك

ده حتى الطير عرف اسمك.. حفظ رسمك

وحتى النجمة عارفاكى.. وعارفة كتير حاجات عنك

وآخر مرة وصيتها..

تزين شعرك المجنون.. بعود ياسمين

بحب عيونك الحلوين

[bentmasria]

ماشاء الله

المدهش انت حقا مدهش

وغريب

وفعلا متميز

دى قصيدة غنائية ممتازة جدا

الصور رائعة ومنمقة

الوزن والموسيقى ممتازين

التناغم الجميل والراقى بين الحروف بدون وقفات او نشاذ

احييك فعلا

واحب اقولك المحاورات فيها منافسين برضه ممتازين زى شاعر الرومنسية وهشام جنيدى ودكتور خالد وكثيرين بس للاسف مقلين

واتمنى ان حروفك تصحى فيهم حب الحياة وترجعهم لينا تانى

اسعدتنى بحضورك الراقى وابياتك الرائعة

وانتظر واتمنى الكثير من القصائد الرائعة كهذه

واسمحلى اقولك بس بالعامية ردا على الجزء ده

بحب القمرة علشانك

عشان نورها شعاع منك

بحب حياتى علشانك

واحب تطول وانا جنبك.. وبندهلك

فى عز الحلم بندهلك.. باقوم من نومى اندهلك

ده حتى الطير عرف اسمك.. حفظ رسمك

وحتى النجمة عارفاكى.. وعارفة كتير حاجات عنك

وآخر مرة وصيتها..

تزين شعرك المجنون.. بعود ياسمين

بحب عيونك الحلوين

بحب الدنيا علشانك

عشان عشقى اتولد منك

واحب يدوم هنا عمرى .....هنا فى قلبك

وبعشق بكره جوه عنيك

وبحلم بيك

عشان اجمل لقا ف الكون.....هوا مجنون

وانا ف حضنك

بحب عيونك الحلوين

يا أغلى حنين

.....انا بحبك

جميل ورائع وخليتنا كمان نقلدك

:unsure: :ph34r:

دمت بكل الحب

[هشام الجنيدى]

احممممممممم مين قال جزر :sad:

انا موجود دائما يا بنت يا مصرية ............

وبعد اذن المدهش هقول حتة صغيره من نفسى عشان بس البنت المصريه متقولش مقلين :wub:

بحب عيونك الحلوين ....

عشان حلوين

عشان فيهم لقيت نفسى

وكان حلمى وكان نفسى

اعيش فيهم سنين وسنين

لكن قدرى تكونى بعيده عن عينى

واعيش اسال انا فينى

لانى بعتبر انك انا نفسى

وقالو البعد بينسى

وانا منسيتش يوم شفتك ده امتى وفين

لانى يا حبيبه القلب قبل العين

بحب عيونك الحلوين ......عشان حلوين

مع الاحتفاظ بحقوق ملكيه التعبير (بحب عيونك الحلوين ) للمدهش المدهش

شكرا لك على ابداعك الذى اعجبنى حقاواهلا بك معنا وشكرا للبنت المصريه علشان استفزت كلماتى ومخزون مشاعرى :blush:

[المدهش]

بنت مصرية ..

شكراً لمشاعرك النبيلة ومقطوعتك الجميلة وتشجيعي وآخرين على العودة إلى الشعر الذي هجرته منذ زمن وأرجو ألا يهجرني هو الآخر

الجنيدي..

مقطوعتك الشعرية جميلة ..ومش عارف أنا سمعت إن قصة 6 شخصيات تبحث عن مؤلف اشترك في كتابتها أكثر من مؤلف..وكذلك هناك أفلام يشترك في كتابتها أكثر من سيناريست وأكثر من مخرج ..لكن هذه ستكون أول قصيدة يشترك في كتابتها أكثر من شاعر وشاعرة..وأعتقد أنها فكرة جديدة وطريفة بالفعل ويالا كلنا نقول "بحب عيونك الحلوين"..يا لا يا شعراء محاورات المصريين ورونا الهمة ..وان شاء الله تطلع في الآخر قصيدة تحفة.

[bentmasria]

المدهش جاب الشعراء الكبار هنا وكمان ماشاء الله عليك والله هشام فعلا كان مقل خليته بكلامك الرائع يشارك ويبدع ميرسى يا هشام على الطلة الحلوة والكلام الرائع والفضل بعد الله يرجع للمدهش اللى اتشرفنا بيه هنا فى المحاورات كصديق وشاعر ونقول كمان ناقد فنى جميل

وباذن الله يكون لنا لقاء قريب يا استاذ هشام والمدهش وكل احبابنا فى مصر

لكم منى كل الاحترام والود

البنت المصرية

[shahd]

رائع يا مدهش استمتعت كثيرا بجمال ابياتك سلمت اناملك

[المدهش]

الشكر لك أنت يا شاعرتنا المبدعة ..وكنت أتمنى أن تشاركينا في كتابة القصيدة من جديد وتشدي معنا "بحب عيونك الحلوين".

[الباشمهندس ياسر]

جمييييييييييييييييييييييييييل اوي الكلام اللي هنا

[bentmasria]

المدهش شخصية ادبية واجتماعية متميزة

نفتقد حروفك اخى الكريم ونفتقد حروف هشام جنيدى

اتمنى ان اقرأ الحديد لاخى الكريم

وخالص التحية والشكر لسؤالك عنى

دمت بكل الخير ان شاء الله

البنت المصرية

[لماضة مصرية جدا]

بحب عيونك الحلوين

بحب عيونك الحلوين

بخاف منهم

لاياخدونى لدنيا غريبة وبعيدة

واتوه منهم

بحب ف شعرك الناعم ..دهب مكسوف

شريطة بتربطه لا يطير.. حصان ملهوف

ونفسى اطوف

وادق بايدى على بابك

واحوش بالتانية خطابك

واوصى عليكى اصحابك

يعاتبوكى عشان خاطرى

يعاتبونى نفاد صبرى

مادام الامر مش بايدك

ومش امرى

ما تيجى نرجع الماضى ونتسامر

ده انتى الكلمة يا قصيدتى وانا الشاعر

ومن غيرك هغنى لمين.. بحب عيونك الحلوين

بحب الورد علشانك

عشان لونه ف لون خدك

بحب القمرة علشانك

عشان نورها شعاع منك

بحب حياتى علشانك

واحب تطول وانا جنبك.. وبندهلك

فى عز الحلم بندهلك.. باقوم من نومى اندهلك

ده حتى الطير عرف اسمك.. حفظ رسمك

وحتى النجمة عارفاكى.. وعارفة كتير حاجات عنك

وآخر مرة وصيتها..

تزين شعرك المجنون.. بعود ياسمين

بحب عيونك الحلوين

انا عجباني الكلمات اللي فوق دي....

لا انا عجباني الاحساس...الكبير اوي......اللي بيجي في كلمات سهلة و ناعمة اوي

هو فيه كده!!!!!!

تحياتي

جدا جدا جدا

[هشام الجنيدى]

مين قال جزر تانى ...............انا موجود اهو يا بنت يا مصر ية وبتابع على قد مقدرتى .... مكنتش اعرف انى هنشغل للدرجة دى ..... ادعولى اخلص الماجستير على خير ...... وان ابات هنا :rolleyes:

وفيه قصيدة جيدة هكملها وانزلها قريب يا ريت تبقى تقريها ........

:rolleyes: