لخبطه تم الـ 31 سنة يا ميييييييييييينز

[se_ Elsyed]

كل سنة وإنت طيب يا لخبطه .. ونتمنى أنك تبطل لخبطه عشان إنت ماشي في الـ 32 دلوقت يا مان .. يعني المفروض تكون عارف راسك من رجليك

نتمنى لك موفور الصحة والسعادة ورضا النفس والقناعة وفوق ده كل الستر

[الأفوكاتو]

كل سنة و أنت طيب يا عزيزى لخبطة,

و نعيش و نراك تصل إلى المائة بإذن الله( أقصد الشباب اللى زيك)

تقبل تحياتى.

[maksoof]

كل سنة و حضرتك طيب يا أستاذ لخبطة

و نعيش (أنا و أستاذنا الأفوكاتو) و نبارك لك فى ولاد ولاد ولاد ولادك بإذن الله :angry2:

[yasovinas]

زمان كان في اعلان بيقول

الوان اللخبطه بتلخبط لخبطه

ترسملك بنت حلوة وفي وشها شني

او ؛؛؛؛؛؛ مش فاكر الباقي

لخبطة يا لخبطة مساء اللخبطه

كل سنة وانت طيب وفي احسن حال وعقبال ما نبارك لك على ال 41 وبرضه وانت مبسوط وسعيد وفرحان واحنا كوووولنا معاك وولنا وعلى راسنا عمنا الغالي محمود الافوكاتو :angry2:

[shahd]

كل سنة وحضرتك طيب وبألف خير ولو انها جاية متأخرة :P

[لخبطه]

طبعا سعيييييييييييد جدا بالتهنئات الجميله من أعضاء جمال بحبهم وبعشق التواجد معاهم وبأمانه اتعلمت والله كتير من الناس هنا

وعلى فكره انا مش بحتفل بعيد ميلادي لكن الاحتفال المره دي والله أسعد قلبي بشكل ال تتخيلوه وربنا يخليكم لي يارب

واسف على التأخير في الرد مع أني دخلت أكتر من مره بس مش خدت بالي والله

عمي وعم عيالي من بعدي سي السيد شكرا يابو الواجب و الزوق ومردوده لك في في الاحتفال بالرئيس الجديد لمصر ( بحيث لا ينتهي أسمه بمبارك )

أستاذي وأستاذ كل من يعرفك (الأفوكاتو ) امد الله في عمرك ومتعك بالصحه و العافية وتبارك لي بالعيد ال60 ا نشاء الله

عمنا maksoof الله يديكم الصحه ياعمنا وشاكر جزيل الشكر على التهنئه الرقيقه

المبدع

yasovinas شكرا ياسيد الناس على التهنئة وعلى الاعلان اللى انا مش فاكره انته كنت بتشوفه فين في إذاعة الشرق الاوسط

الغالية شهد

الف شكرا على التهنئه الرقيقه وهيا مش متاخره ولا حاجه انا نفسي متأخر في الرد

[مهيب]

كل سنة و انت طيب يابو اللخابيط ... وكل سنة و احنا بنستمتع بردودك و تعليقاتك و آراءك الراقية المحترمة المنظمة اللى مش ملخبطة خالص ..

مهيب

[لخبطه]

الله يخليك ياعم مهيب ونردها لك في الافراح وفي المقالات بردو :blush:

[khedr]

لخبطه

كل عام وانت بالصحه والعافيه

واعذر اخواتك علي التأخير

لكن الحمد لله هناك رجاله وستات محترمين مش نسايين زينا

كل عام وانت بخير وبسلام

ونصيحه لك ولي.....امسك علي ايامك واوعي تعدي منك

[م الغزالى]

معلهش متأخرة شوية

عموما

كل سنة و أنت طيب يا عزيزى لخبطة .. متعك الله بموفور الصحة و خالص تمنياتى الطيبة لك

[لخبطه]

عمنا خضر

وانته بالف صحه وعافيه ياعمي وجزاك الله الف خير على الاهتمام

كلمة أمسك على أيامك دي وقفت قلبي ولسه مش قادر اوصل لبحر معناها

الغائب Koenig der Loewen فينك ياعم انا بشكر عيد الميلاد وبشكر المحافظ و السيد الوزير اللى خلاني اشوفك غايب ليه وفين مقالاتك الموزونه

[sendrella119]

كل سنة وانت طيب يا لخبطة

مش ناوي ...تغير الاسم وتخليه

لخبطيشن!!!

[سهيلة]

كل سنة وانت سعيد

ومحقق كل امانيك يا استاذ لخبطة

[لخبطه]

الغالية sendrella119

وانتى بالف صحه وعافيه وشكرا على التهنئه الجميله ........... الاسم انا اتورطت فيه بس هنعمل ايه اجراءات تغيير الاسم طويله وروتين

الغالية سهيلة

كل سنة وانتى بالف صحة وعافية وربنا يكتب لنا نتلاقي كلنا لغايه ما نوصل معاشات لان المكان هنا بيمثل نمط حياه لنا كلنا وسط أعضاء جميله زيك

[eastsoul]

لخبطة كل سنة و أنت طيب و عقبال 100 سنه

[mickey_egp73]

كل سنة و انت طيب يا استاذ لخبطة

انت طلعت ادي ايه رأيك في مرحلة الثلاثينيات دي(اصغر مني شوية)..

صعبة مش كده؟

[لخبطه]

روح الشرق

ألف شكر على التنهئه ونردها لك في عيد ميلاك الألف ان شاء الله :blush:

الغالي mickey_egp73

بس انته اكبر شويه مني مرحلة الثلاثينات عاملة زي ال 15 ساعة الأخيره في الماتش يعني أخدنا الخبره وبدأت الامورتتكشف هنكسب ولا هنخسر الله يستر شكرا عموا على الاهتمام

[المدهش]

كل سنة وانت طيب يا لخبطة ..وعقبال 100 سنة..وعلى فكرة انت كده وصلت إلى مرحلة منتصف العمر.. وهي مرحلة فارقة في حياة الانسان..وفرصة لمراجعة الذات وحساب ماذا تحقق من الأحلام وماذا بقي منها لكي يتحقق..إذا لم تكن متزوجاً ..يا ريت تفكر في هذه الخطوة المهمة ..فقد حان الوقت..وغذا كنت متزوجاً ربنا يهنيك ويحقق لك كل أحلامك..أتمنى لك مستقبل مبهر بإذن الله.