هل انت شجاع ولا جبان

[yacho]

Yacho كتبت

(( احساس وحش قوى انك تكون مش سعيد ومطلوب منك تسعد كل اللى حواليك ))

طيب ماهو لو الانسان مش حاسس انه سعيد ( سواء الزوج او الزوجه ) يبقي اكيد هدا الشعور متواجد ايضا

عند الطرف الاخر

ويبقي الاتنين رضوا بالتعايش بهده الطريقه من اجل الكيان الاجتماعي فقط

طيب هل فيه طريقه اخري ؟

اعتقد اننا فعلا محتاجين موضوع منفصل

د.خالد

مرحلة التعايش بهذه الطريقه من اجل الكيان الاجتماعى فقط .. من وجهة نظرى بتمر بيها

كل علاقه متوتره بين زوجين .. ولكن المرحله دى تطول او تقصر على حسب ظروف

كل علاقه وقوة احتمال الطرفين .. لكن اللى انا لاحظته فى حالات مشابهه انها مهما

طالت بييجى وقت لو الامور بين الزوجين ماكانش فيها تحسن .. واحد فيهم ان ماكانش الاتنين

بيقول لنفسه خلاص انا مش قادر ويحاولوا يلاقوا الحل المناسب اللى ينهوا بيه العلاقه دى

بشكل يكون مرضى للطرفين ده لو ناس محترمه وولاد ناس طبعا .. ومش عايزه اتكلم على النوعيه التانيه

عشان كده الموضوع حيتشعب ويطول .

sorry يا محمود انى خرجت شويه عن الموضوع الجميل .

[ATHENA]

اولا....

اسئله للبنات ..

1-هل حبيتى من قبل؟

آآه

2-هل تشعرين بالفراغ العاطفى؟

آآه

3-هل تبحثين عن نصفك الاخر؟

حاليا لأ...بقى في آخر قائمة أولوياتي اللي تتزعمها الدراسة رغم إني بسمع كتير إني هندم لو أجلت البحث كتير

4-هل انتى مزاجيه؟

بمليون مزاج

5-هل انتى معقده؟

كنت الأول معقدة جدا مع الدنيا كلها و دقيقة جدا و بدق على الواحدة لكن مع الخروج للدنيا و الدراسة و الشغل المصاحب ليها بقيت كل يوم عن يوم باخد الامور ببساطة عشان أعيش سعيدة

6-هل تشعرين بالملل؟

آآه أحيانا لكن معظم الوقت لأ لأني صاحبة نفسي بشكل كبير

7-هل لديك ذوق باختيار ملابسك؟

حسب المزاج وقت الشراء بتكون ملابسي..فعشان كده عمري ما بتشري و أنا مكتأبة

8-هل لديك الشجاعه والصراحه ان تقولى عيوبك الحقيقية بالمنتدى؟

مش أوي بصراحة و مش لأي حد و مش عايشة عقدة الذنب بسبب عيوبي و لا حاسة اني مضطرة اذكرها طالما مش بتضر حد...

9-هل تكرهين شخص ما ولماذا ؟

مش كره بكل معنى الكلمة ممكن نفور أبدي و تجاهل الوجود لبعض الشخصيات اللاأخلاقية...مرة حسيت إني بكره شخص ضرني نفسيا لدرجة فظيعة و أنا في سن أصغر من كده و مكنتش بشخصيتي و سذاجتي استحق من شخص ناضج الألم النفسي ده كله اللي أهداه ليا في سن يستحق من أمثاله العطف لكن مع مرور الزمن نسيت الشعور ده و لو مر عليا هعامله زي اي واحد مر عليا في الشارع لكن مع عقاب حرمانه للابد من القرب ليا بأي درجة

10-ماذا تصفين شكلك العام؟

غربي الى حد ما مع طول زايد ...

11-هل تمت خطبتك ولم يتم شىء بسبب رفض الخاطب لكى؟

لا

12-ما الصفه التى تطلق عليكى غالبا؟

..حساسة زيادة عن اللزوم

13-من هو العضو الى مزهقك فى المنتدى؟

مفيش حد بقى يزهقني لا في منتدى و لا في الواقع لأني حاطة مسافة أمان بيني و بين معظم الناس....

14-هل انتى مغروره وشايفه نفسك؟

معتزة و فخورة بنفسي جدا بس مش مغرورة....

15-هل انتى حنونه؟

آه جدا .. بس مش مع كل الناس و قفلت ماسورة الحنية من سنتين لما لقيتني بتضر بسببها....

16-هل كذبتى مره كذبه قويه ودخلت على الكل؟

لأ كنت مثالية جدا من صغري و صدوقة جدا بس كل ما بكبر و بحتك بالدنيا كل ما بتعلم أنواع الكدب الأبيض أكتر و أكتر ...

17-تحسين ان فى شىء ناقص فى حياتك وما تعرفين السبب؟

آه و في طريقي لتحقيقه بإذن الله...

18- هل ندمتى على قرار اخذتيه بحياتك؟

لا.... لأن كل خطوة مهما ضرتني حاسه إنها علمتني كتير بدري..

19-تحسين انك مظلومه؟

اه و من بدري بشهادة جميع المعارف لكن في طريقي للتحرر من الظلم كل يوم بيوم و قربت جدا الحمدلله

20-هل انتى غيوره؟

آه بس بإعتدال و برود ظاهري بيتحول لبرود حقيقي في حالة عدم تقدير أو إستعباط الطرف الآخر...

تم تعديل 29 مايو 2006 بواسطة ATHENA

[khedr]

ويبقي الاتنين رضوا بالتعايش بهده الطريقه من اجل الكيان الاجتماعي فقط

طيب هل فيه طريقه اخري ؟

اعتقد اننا فعلا محتاجين موضوع منفصل

د.خالد

............................................

...........................................

واحد فيهم ان ماكانش الاتنين

بيقول لنفسه خلاص انا مش قادر ويحاولوا يلاقوا الحل المناسب اللى ينهوا بيه العلاقه دى

بشكل يكون مرضى للطرفين

yacho

...........................................

...........................................

ممكن حد فيكم يفتح موضوع عن العلاقه الزوجيه بعد فتره من الزواج

او اي عنوان يختاره .....ولنتحاور فيه

شكرا لكما

[cute teen]

1-هل حبيتى من قبل؟ya kind of

2-هل تشعرين بالفراغ العاطفى؟no

3-هل تبحثين عن نصفك الاخر؟not yet

4-هل انتى مزاجيه؟ya

5-هل انتى معقده؟noooooo

6-هل تشعرين بالملل؟sometimes

7-هل لديك ذوق باختيار ملابسك؟ya

8-هل لديك الشجاعه والصراحه ان تقولى عيوبك الحقيقية بالمنتدى؟no not all of them

9-هل تكرهين شخص ما ولماذا ؟ ya cuz their really boring

10-ماذا تصفين شكلك العام؟cute

11-هل تمت خطبتك ولم يتم شىء بسبب رفض الخاطب لكى؟no am still young

12-ما الصفه التى تطلق عليكى غالبا؟psyhcoo, crazy,baby

13-من هو العضو الى مزهقك فى المنتدى؟no

14-هل انتى مغروره وشايفه نفسك؟no

15-هل انتى حنونه؟ya u can say so

16-هل كذبتى مره كذبه قويه ودخلت على الكل؟ya big time

17-تحسين ان فى شىء ناقص فى حياتك وما تعرفين السبب؟ya

18- هل ندمتى على قرار اخذتيه بحياتك؟ya

19-تحسين انك مظلومه؟ sometimes ya

20-هل انتى غيوره؟ ya

[ياسر ابو احمد]

ثانيا ......

اسئله الشباب ..

1-هل حبيت من قبل؟

مش فاكر .. هو انا عقلي دفتر ..!!

2-هل تشعر بالفراغ العاطفى؟

أحياناً ..

3-هل حققت هدفك بالحياه حتى الان؟

لا ..

4-هل انت معقد؟

غالباً ..!!

5-هل ندمت على قرار اتخذته فى حياتك؟

كتير ..!!

6-هل خطبت مره ورفضتك البنت؟

أي نعم ..!!

7-هل انت قد المسؤليه؟

أحياناً ..!!

8-هل لديك الشجاعه والصراحه انك تقول عيوبك الحقيقية

نعـم .. أحب أن اكون على خلق ..!!

9-هل تشعر بالملل؟

أحياناً ..

10-هل انت قاسى بالتعامل مع الجنس الاخر؟

على العكس ..!!

11-ماذا تصف شكلك العام؟

أرستقراطي ..!!

12-ما الصفه التى تطلق عليك غالبا؟

شيك .!!

13-هل بالك مشغول بشىء؟

زي ايه يعني ..!!

14-هل تحب تكره عضوة بالمنتدى؟

بين ..بين ... يعني احب امسك العصايا من الوسط ..!!

15-هل انت بوجهين؟

أحياناً ..!!

16-هل تتقبل النقد الصريح جدا؟

لأ .. أوعى .. ازعل منك !!

17-هل انت عصبى؟

لمّا حد يصرخ جنبي وخصوصاً الاطفال ..!!

18-هل انت مغرور وشايف نفسك؟

مش قوي يعني ... لأ انا مش .. مغرور .. بس شايف نفسي شويه ..

19-هل انت حنون؟

مع الاطفال .. عاطفي مع الكبار ..

20-هل انت منافق ومحتال ؟

ليه الغلط ده ياباشمهندس .. :) .. لأ

[Folana]

الموضوع ده منقول من أحد المنتديات علشان محدش يقول انه بتاعي انا

هل أنت جريء و صريح ؟؟

اولا....

اسئله للبنات

..

ثانيا ......

اسئله الشباب ..

؟

السلام عليكم ورحمة الله .....

طب مافيش اسئلة لكبار السن اللى من دفعتى ...يعنى فوق السبعين كده وانت طالع .....ولا التوكيل بتاعنا قفل خلاص؟؟(وش صباح)؟؟؟؟ :o

[otaka]

ثانيا ......

اسئله الشباب ..

1-هل حبيت من قبل؟

مش عارف انا عرفت بنات كتير لكن حب وقتى لانى مش بفتكر و لا واحده منهم من الاساس

2-هل تشعر بالفراغ العاطفى؟

لاء

3-هل حققت هدفك بالحياه حتى الان؟

على الصعيد المعنوى الحمد لله على الصعيد المادى لسه بدور على شغل علشان عقدى خلص

بس الموضوع ده نسبى يعنى انا راجل كليه تجاره احلامى لا تتعدى خروجه حلوه مع ناس ظريفه يعنى الامور الماديه لا تعنينى فى شئ من الاصل و ده اللى انا خايف منه علشان اكيد هيسبب مشكله لزوجتى ده لو اتجننت و اتجوزت من الاصل

4-هل انت معقد؟

اه انا سيكوباتى و سرنجاتى

5-هل ندمت على قرار اتخذته فى حياتك؟

الحمد لله لاء

6-هل خطبت مره ورفضتك البنت؟

و لا فخر احنا جامدين قوى و ان كانت المعارضه بتيجى من الاهل علشان انا و لا مواخذه شكلى قلق :o

بس معنديش مشكله مع الاخوه البنات دايما الباهبهات هما اللى بيحطوا تحتى خطوط

7-هل انت قد المسؤليه؟

للاسف

8-هل لديك الشجاعه والصراحه انك تقول عيوبك الحقيقية

دى الميزه الوحيده اللى فيه المشكله ان الناس مش بتصدق الواحد لما ينتقد نفسه

9-هل تشعر بالملل؟

لاء

10-هل انت قاسى بالتعامل مع الجنس الاخر؟

تقدر تقول مفترى

11-ماذا تصف شكلك العام؟

الحمد لله بعمل مشاكل بين البنات :)

12-ما الصفه التى تطلق عليك غالبا؟

اللى بيحبونى بيقولوا عليه اجنن

و اللى مش بيحبونى بيقولوا عليه مغرور و عامل فيها زعيم

13-هل بالك مشغول بشىء؟

اكيد النشاطات اللى بنعملها لاولاد الشهداء و اللاجئيين

14-هل تحب تكره عضوة بالمنتدى؟

انا معرفش حد و مش بكره حد لان الكره ده ضعف

و بحب اسلوب على بابا

و اراء استاذ دسوقى و العزيز واحد و ده فى حد ذاته انجاز علشان هما طرفى نقيض

15-هل انت بوجهين؟

ابقى كويس الصبح و شرير بعد الضهر مثلا يعنى

16-هل تتقبل النقد الصريح جدا؟

طالما موضوعى

17-هل انت عصبى؟

لاء

18-هل انت مغرور وشايف نفسك؟

موووووووت بس مش عارف ليه الصراحه

19-هل انت حنون؟

مش عارف

20-هل انت منافق ومحتال ؟

لاء

بس الموضوع لو فيه اشتغاله انا ابو الاحتيال و عندى مبدا

لا يوجد ضمير فى الهزار

تم تعديل 22 أغسطس 2006 بواسطة otaka

[shawshank]

موضوع هاااااااااايل يا أستاذ محمود

1-هل حبيت من قبل؟

اه

2-هل تشعر بالفراغ العاطفى؟

لأ

3-هل حققت هدفك بالحياه حتى الان؟

اه الحمد لله ... يا الله بقه حسن الختام

4-هل انت معقد؟

تقدر تقول بنسبة 45% اه . أكتر عقدة الانتقام ، ذي الأخت nancy كده . يعني ماحبش اسيب حقي أبدا ، و لو حد غلط فيه ، تفضل معلمة فيا لمدة طويلة و قد أنتقم منه انتقام فظيع . بس لو جه اعتذر بنسى كل حاجة لو حسيت ان اعتذاره صادق فعلا .

كمان محبيش احرج حد أبدا و لا أشوف حد بيُحرج قدامي .

كمان بحاول مغلطش مع أي حد أبدا ، و في المقابل ، مبعديش أي غلطة لحد ... يعني على الواحدة

5-هل ندمت على قرار اتخذته فى حياتك؟

لأ الحمد لله

6-هل خطبت مره ورفضتك البنت؟

لأ

7-هل انت قد المسؤليه؟

جدا الحمد لله

8-هل لديك الشجاعه والصراحه انك تقول عيوبك الحقيقية

اه

9-هل تشعر بالملل؟

لأ

10-هل انت قاسى بالتعامل مع الجنس الاخر؟

أحيانا كثيرة

11-ماذا تصف شكلك العام؟

معقول

12-ما الصفه التى تطلق عليك غالبا؟

حاد و ناشيف ... يعني tough .. يعني يا أبيض يا أسود

13-هل بالك مشغول بشىء؟

علطول

14-هل تحب تكره عضوة بالمنتدى؟

نهائي

15-هل انت بوجهين؟

حاولت كتير أكون بوجهين ، لكن كنت بكون تعبان اوي و غالبا بفشل و لا ألبث إلا أن أعود لوجهي الأصلي ، و ساعتها أكون سعيد جدا .

16-هل تتقبل النقد الصريح جدا؟

أحبه جدا و أتمناه علطول

17-هل انت عصبى؟

تقريبا 40% من وقت الاحتكاك بالآخرين .

18-هل انت مغرور وشايف نفسك؟

نهائي خالص

19-هل انت حنون؟

ليست عندي المبادرة ، لكن دائما أرد المبادرة الحانية بأضعافها ... يعني يمكن بدون حساب

20-هل انت منافق ومحتال ؟

برضه حاولت كتير أكون كده ، خصوصا في البيع و الشرا ، لكن مبعرفش خاااااالص

[shawshank]

حذف للتكرار

تم تعديل 23 أغسطس 2006 بواسطة shawshank

[Folana]

السلام عليكم ورحمة الله .....

حيث انى شاعرة بملل هل

ممكن اعتبر نفسى بنات وأشارك ؟....ممكن طبعا .....

اولا....

اسئله للبنات ..

1-هل حبيتى من قبل؟

- أكيد

2-هل تشعرين بالفراغ العاطفى؟

- ولا غير عاطفى

3-هل تبحثين عن نصفك الاخر؟

- نصفى الاخر موجود ....فيه حد بيدور عليه؟

4-هل انتى مزاجيه؟

- جداااااااااااا

5-هل انتى معقده؟

- بمعنى ايه معقدة؟....لكن لا اعتقد

6-هل تشعرين بالملل؟

- كتير جدااا .لا.نى مودية جدا...

7-هل لديك ذوق باختيار ملابسك؟

- ذوق عالى جدا فى كل الاختيارات

8-هل لديك الشجاعه والصراحه ان تقولى عيوبك الحقيقية بالمنتدى؟

- ايوه عندى طبعا ...بس مش حاقول الا لو حد سألنى

9-هل تكرهين شخص ما ولماذا ؟

- مش بمعنى الكره..لكن بأنسحب تماما من حياته ...ليه بقى ...لاسباب كتير

-

10-ماذا تصفين شكلك العام؟

- جميلة طبعا ...بقى ده سؤال؟ mfb:

11-هل تمت خطبتك ولم يتم شىء بسبب رفض الخاطب لكى؟

- لا...انا اتخطبت من الجامعة واتجوزت او مااتخرجت على طول ... :sad:

12-ما الصفه التى تطلق عليكى غالبا؟

- والله ..معظم الناس بتقول على طيبة جدا...اخواتى بيقولوا على كتومة واحيانا لئيمة (علشان مش باحكى على حاجة )

وحيث انى سرطانية فأكيد انا رومانسية

13-من هو العضو الى مزهقك فى المنتدى؟

- مزهقنى بمعنى انه مناكف يعنى ؟.... على المستوى الشخصى كلهم اخوة واخوات لى وباحب اتابع مداخلاتهم واشارك معاهم ...اما على المستوى العام ...فبأزهق من اى عضو يتكلم كتير بجهل ويناكف ويجادل ...بازهق واقول يوه بقى مش حنخلص...

14-هل انتى مغروره وشايفه نفسك؟

- تقدر تقول انى شايفة نفسى ايوه ...وفخورة بنفسى واسرتى ..اما مغرورة دى فطبعا لأ

15-هل انتى حنونه؟

- جــــــــــدااا...خالص...لدرجة انى باجى على نفسى كتير جدا

16-هل كذبتى مره كذبه قويه ودخلت على الكل؟

- والله حأفتكر ايه ولا ايه :angry: ....

17-تحسين ان فى شىء ناقص فى حياتك وما تعرفين السبب؟

- أحيانا كتير باشعر بكده .....

18- هل ندمتى على قرار اخذتيه بحياتك؟

- ايوه طبعا ...قرارات

19-تحسين انك مظلومه؟

- كنت.....زمان كان ممكن الشعور ده يكون ملازمنى ..بس ده لانى كنت شخصية اكئتابية..بس دلوقت لا طبعا خالص ..(اتعالجت) -_-

20-هل انتى غيوره؟

- جدا ...بس باغير على جوزى اكتر حاجة ..وأغير على بناتى كمان مااحبش حد احسن منهم

..

=

[New]

هل انت عصبى؟

تقريبا 40% من وقت الاحتكاك بالآخرين .

طب وسع كده لو سمحت.... :sad:

حمدالله على السلامة ومستقبل باهر ان شاء الله... -_-

1-هل حبيت من قبل؟

طبعآ... زوجتى

2-هل تشعر بالفراغ العاطفى؟

لا..

3-هل حققت هدفك بالحياه حتى الان؟

شخصيآ نعم الحمد لله... عائليآ بحاول..

4-هل انت معقد؟

نهائى... انا شخص واضح وصريح وبتعامل مع الناس من المنطلق ده.

5-هل ندمت على قرار اتخذته فى حياتك؟

لا ... الحمد لله.

6-هل خطبت مره ورفضتك البنت؟

لا ... خطبت وتزوجت الانسانه اللى تبادلنى نفس المشاعر.

7-هل انت قد المسؤليه؟

نعم الحمد لله.

8-هل لديك الشجاعه والصراحه انك تقول عيوبك الحقيقية

ليه لا ... كلنا عندنا عيوب.

9-هل تشعر بالملل؟

لا..

10-هل انت قاسى بالتعامل مع الجنس الاخر؟

نهائى ... انا دبلوماسي لابعد الحدود.

11-ماذا تصف شكلك العام؟

كويس

12-ما الصفه التى تطلق عليك غالبا؟

حاجات كتير منها: مثقف جدآ... ناجح ... طيب ... خدوم

13-هل بالك مشغول بشىء؟

بأشياء كتيرة

14-هل تحب تكره عضوة بالمنتدى؟

لا نهائى ...

15-هل انت بوجهين؟

لا ... حاولت ان اعامل كل واحد بمعاملته بس بصراحة معرفتش

16-هل تتقبل النقد الصريح جدا؟

افضل ان يكون النقد بناء.. واتقبله تمامآ طالما لم يدخل فى نطاق التجريح.

17-هل انت عصبى؟

لا بس اتمنى ان احكم نفسى ساعة الغضب.

18-هل انت مغرور وشايف نفسك؟

واثق من نفسى ممكن... بس مغرور لا ... لأنى اكره الغرور والتكبر.

19-هل انت حنون؟

نعم

20-هل انت منافق ومحتال ؟

لا ... مفكرتش اكون كده... ربنا يحفظنا...

انا كده ابقى عيان؟؟؟ :angry:

[dr.sAsSo]

1-هل حبيتى من قبل؟

2-هل تشعرين بالفراغ العاطفى؟

3-هل تبحثين عن نصفك الاخر؟

4-هل انتى مزاجيه؟

5-هل انتى معقده؟

6-هل تشعرين بالملل؟

7-هل لديك ذوق باختيار ملابسك؟

8-هل لديك الشجاعه والصراحه ان تقولى عيوبك الحقيقية بالمنتدى؟

9-هل تكرهين شخص ما ولماذا ؟

10-ماذا تصفين شكلك العام؟

11-هل تمت خطبتك ولم يتم شىء بسبب رفض الخاطب لكى؟

12-ما الصفه التى تطلق عليكى غالبا؟

13-من هو العضو الى مزهقك فى المنتدى؟

14-هل انتى مغروره وشايفه نفسك؟

15-هل انتى حنونه؟

16-هل كذبتى مره كذبه قويه ودخلت على الكل؟

17-تحسين ان فى شىء ناقص فى حياتك وما تعرفين السبب؟

18- هل ندمتى على قرار اخذتيه بحياتك؟

19-تحسين انك مظلومه؟

20-هل انتى غيوره؟

..

الموضوع ده بجد مميز

مع انى شخصية كتومة فى الغالب ومحبش اتكلم عن جوانب شخصيتى

لكن حبيت اختبر شجاعتى

عشان كده جاوبت الامتحان ده

وحاولت اكون صريحة على قد ماأقدر

1.انسان واحد هو الى اتشديت له وهو بيحبنى جدا ساعات بحس بحب كبير تجاهه وساعات لا مشاعر متلخبطة اوى

هبقى احكى الموضوع ده بعدين وكلكوا هتضحكوا عليا

2.اه لانى بجد نفسى أحب حب حقيقى

3.لا لست أبحث لكن انتظره

4.مش لدرجة مزاجية لكن قوةالموقف هى الى ممكن تقلب مزاجى

5.لا معتقدش

6.الملل ده حسب المكان الى بتواجد فيه بس عموما حياتى مفيهاش ملل

7.سؤال الملابس ده فظيع لانى طول عمرى اعتمادية على ماما بالدرجة الاولى ربنا يخليهالى كل حاجة هى الى بتجيبهالى انا بثق فى ذوقها بس دى مصيبة طبعا لكن السنة دى لما بعدت عن ماما الحمدلله بدأت اعتمد على نفسى وأقدر أقول انى بقى ليا 70%من ذوق ملابسى

8.محدش بيوصل لدرجة انه يبوح بكل شئ لكن الصراحة مهمة ولو حاولت أقول بعض عيوب فيا فده من باب انى الاقيلها حل

بس انى اقولها كلها صعب

9.والله عمرى مكرهت حد ممكن استتقل دم حد أو اتخنق منه لكن مبتوصلش لكره وبرجع أقول يمكن أكون ظالمة

ولانى مبحبش حد يكرهنى بحاول دايما اتعامل مع الكل كويس مهما كان واحدة صاحبتى اعتبرت ده ان معنديش كرامة معرفش هى صح ولا لا؟

10.عادى انا زى البنى ادمين راس وجسم ورجل وايدين

كل بنت بتشوف فى نفسها جمال بس ده نسبى لان ممكن واحد يقول عنى حلوة واحد جنبه يقول مش حلوة

بس المهم عندى انى الحمدلله بهتم بنفسى ومتهيالى ده كفاية

11.لا

12.صحابى :مرحة

أهلى :مجنونة

الى مايعرفونيش: عاقلة

13.لا انا مبقاليش كتير ملحقتش ازهق من حد ههههه

14. عندى ثقة فى نفسى

15.لما بحب الى قدامى بجد بحب ادي له انتباهى واحسسه بالاهتمام بالذات الاطفال لانى بعشقهم

16.كذبه ابريل بس لانى غاوية مقالب وهزار وكل مرة اعملها فيهم ويصدقوا

17.ناقصنى انى اقرب اكتر واكتر من ربنا كل لحظة ولو كانت صغيرة مبذكرش فيها ربنا او ادعيه برجع اندم عليها اوى

18.لم اواجه قرارا مصيريا حتىالان غيردراستى والحمدلله راضية عنها

19.لا ميتهياليش بشعربظلم من الناس لان لو حاجة انا مش واخدة حقى فيها فانا مؤمنة ان ربنا قادر يرجعهولى سواء دنيا او اخرى

ومتهيالى اكبر ظلم بتظلمه هو ظلم نفسى وده الى نفسى ربنا ينقذنىمنه

20.غيوره من النجاح واما الاقى حد احسن منى

دايما اقول لو انا اقدر اعمل كده ليه مكونش زيه؟

الغيرة حافز كبير عندى وبتساعدنى فى التقدم

اما الحب

نعم غيورة لان دقات قلبى بتسبقنى دايما للانسان الى بحبه