هل اكلت مره من صنع ايدك؟

[hopsan]

و اذا كان المعلم طفشان المسافر بعيد سواء طفشانا او مهاجرا او مشتغلا و قلبه ملسوع بأيام زمان و رمرمه الأكل و انا عازره حيث كنت مهاجرا فى الخارج و عدت بمحض إرادتى مؤخرا لما لسعنى ووجعتنى المرض البطال والذى اسمه بعد ترجمته الحنين للوطن و دى الترجمه الرسميه ناهيك عن الترجمه الحرفيه و التى استسيغها

ما علينا ...فعند قرائتى لمواضيع طفشان بك و الذى ادين له بشرف الفكره التى جائتنى كالصاروخ فى نافوخى

هو تكلم عن أكلات كان بيرمرمها فى الشارع ايام ما كان فى مصر المحروسه ..فما بالنا ان نكتب و نتذكر و يستفيد منا البعض بأكلات صنعناها بأيدينا ايام العزوبيه و ايام الجامعه و لكل ما يملك من معلومه ان يدلو بدلوه و بالتأكيد طالما هذا كان يحدث فرادى فإنه يقع تحت بند الرمرمه ..و لنا بقيه.....

[khedr]

.فما بالنا ان نكتب و نتذكر و يستفيد منا البعض بأكلات صنعناها بأيدينا ايام العزوبيه و ايام الجامعه

بند الرمرمه ..

ليه ياراجل يا طيب تقلب علينا المواجع.......(اه يا بطني اه)

المكرونه وما ادراك ما المكرونه

هي عشقي وزادي وزوادي

هي املي هي دنيتي...هي...مش هنخلص

اشتريتها من عند عم جرجس(لزوم الوحده الوطنيه)

وذهبت الي الشقه

واحضرت الصينيه ووضعتها فيها

ودخلت الي المطبخ ..........ثم

وضعتها تحت الحنفيه لاغسلها غسلا جيدا

وبعد ذلك وضعتها علي النار

ووضعت عليه الصلصه وتركت الحله حتي تغلي

ونزلتها علشان بالهنا والشفا

ممكن تكمل انت

والا انده لك

علي فراخ الجيران يكملوا

وهذه كانت نهايه عشقي وحبي لشئ اسمه المكرونه

اي خدمه عايز خبره تانيه واللا كفايه

مع تحياتي

[محمود الشاعر]

فى مرة وانا مسافر هف على بالي اني اكل عدس رغم اني عمري ما كنت باكلة لما امي الله يرحمها تعمله المهم معرفش ايه اللي خلاني اصحى بالليل وانا نفسي اكل عدس تاني يوم رحت السوق جبت كيس عدس ورحت غسلته كويس وبعدين حطيته فى الحلة انا كنت بشوف امي لما يستوي بتروح مسكاة وحطاة فى مصفاة و تصفيه المهم صفيته كويس ورحت رامي اللي خرج واخت القشر اللي فى المصفى وحطيت عليه مياة واقال اية بغلية محدش يسئلني عملت كدة ليه

طبعا ما كنش عدس كان عك و بالهنا والشفا

[الأفوكاتو]

الأخ محمود الشاعر,

لم أتوقف عن الضحكلعدة دقائق بعد قراءة مغامرتك مع " اليمك"أى العدس.

و للعلم, جميع أصدقائى الإنجليز يعزمون أنفسهم عندى لكى يتذوقوا الأكل الذى أعده لهم عندما يزورونى.

و قد صرحت زوجتى مرة أنى ربما كنت سأصبح ثريا لو فتحت مطعما, بدلا من التدريس الجامعى,

و لكن المشكلة أنك لا تستطيع فتح مطعم فى إنجلترا , بدون الحصول على مؤهلات رسمية فى فن الطباخة, و هذا ليس من ضمن مؤهلاتى .

لهذا , فضلت الفقر الأكاديمى, و اقتصرت على " تغذية" الأصدقاء.

إذا رغبتم فى وجبات شهية, سهلة, يمكنكم السؤال.

تحياتى.

[محمود الشاعر]

الأخ محمود الشاعر,

لم أتوقف عن الضحكلعدة دقائق بعد قراءة مغامرتك مع " اليمك"أى العدس.

و للعلم, جميع أصدقائى الإنجليز يعزمون أنفسهم عندى لكى يتذوقوا الأكل الذى أعده لهم عندما يزورونى.

و قد صرحت زوجتى مرة أنى ربما كنت سأصبح ثريا لو فتحت مطعما, بدلا من التدريس الجامعى,

و لكن المشكلة أنك لا تستطيع فتح مطعم فى إنجلترا , بدون الحصول على مؤهلات رسمية فى فن الطباخة, و هذا ليس من ضمن مؤهلاتى .

لهذا , فضلت الفقر الأكاديمى, و اقتصرت على " تغذية" الأصدقاء.

إذا رغبتم فى وجبات شهية, سهلة, يمكنكم السؤال.

تحياتى.

استاذنا الفاضل تحية من القلب معطرة بتراب مصر الزعفران

على فكرة انا اتحسنت جدا فى الطبخ لدرجة ان مراتي بتخليني اعمل الصواني علشان تضمن انها كويسة

وعلى العموم انا مستني وصفات منك محصلتش

على فكرة انا سمحت لنفسي اطلع موضوع قديم لك عن الالقاب وجدت فيه استفادة لنينا كلنا

شكرا يا عم الكل

[hopsan]

لى مغامرات اكل كثيره حيث كنت معروف فى الشله بإنى واد اسكندرانى صغير كما كانت تطلق عليا احدى بنات الشله و طبيخ من الدرجه الأولى ...بس طبيخى كله لا يتعدى المأكولات البحريه...ايام الشباب

و طبعا معظمكم يدركون عندما تكونون فى بلاد غريبه او بلاد المهجر او اى حته تانيه غير مصرنا المحروسه يبدأ الإشتياق بأماكن الزكريات و بعد كده بأكلاتنا اللذيذه

و فى يوم مطلعتلوش شمس و ده حقيقى يوم صيفى حار و مطر غزير ( لوس انجلس )

و كان يوم احد و فاضى و جوعان وتهيألى يومها انى شميت ريحه ملوخيه بالفراخ ( مش بحب الملوخيه بلأرانب ...أو بلأنارب على قوله المصاروه ) و طبعا ده كان مستحيل حدوثه فى منطقه لا يسكنها مصرى غيرى

و لكن ده اللى حصل و على الفور قامت قيامتى و ذهبت لمحل شينكو و هو ارمنى و معروف عنه انه بيبيع منتجات شرقيه منها بضائع كثيره مصريه ..انما الملوخيه المفرومه مش عنده و علمت بعد ذلك ان ادفينا لها منتجات و منها الملوخيه بس بعيده جدا عنى زى من هنا لمطروح علشان اجيبها و كان عنده ملوخيه ناشفه فى اكياس وورقه الملوخيه فيها قد الكف و اعتقد ان تلك النوعيه من الملوخيه كانت موجهه لإخواننا السوريين او الأرمن حيث يأكولون الملوخيه و هى شبه السبانخ و طعمها اعوز بالله و على الفور اشتريت فرخه ممتلئه و حلفت عليها لكولها كلها لوحدى بعد شرب طبق الملوخيه شرب و بدون معلقه

و فكرت تفتيت الوريقات لجعلها اقرب الشبه بالملوخيه اللى نعرفها فوجدتها طريه بعض الشيىء فقمت بوضعها فى الميكرويف ولا اعلم الدرجه الحراريه لجعلها ناشفه و تسهل تقطيعها و لكن الميكرويف جعلها اشبه بالمحروقه فقالت نفسى ولا يهمك انت عنيد و كمل المسيره وبعدين انت لوحدك يعنى محدش حيتريق عليك و اخذت بعض الثقه من اللى كانت موجوده عندى قبل القيام بتلك المغامره و قمت بفركها و طلعت ريحتها و اصدقكم القول احسست بالخدر يسرى فى عروقى و توقفت عن الحركه لمده ثوان اتشممها قبل الخطوه التى تليها

فكنت اشاهد امى رحمه الله عليها بعد اخذ الشوربه بتاعه الفراخ تروح عامله التقليه عباره عن ثوم كتيير و كثبره ....كثبره..؟؟؟؟ كثبره..؟؟؟؟ طيب انا معنديش كثبره و حتى معرفش انطقها بلإنجليزى و بحثت عن قاموس فى البيت و لم اجده و اتصلت بصديق لى و اعطانى المعنى بعد ان بحث فى قاموسه و ذهبت مره اخرى لأخونا الأرمنى و مافيش كثبره و رجعت و كلى تصميم على حاكولها يعنى حاكولها حتى لو كانت ناشفه و نصف محروقه و عملت التقليه بالكمون ...اهى حاجه قريبه الشبه او بمعنى اصح اقرب حاجه للكثبره فى البيت و بعد كده فى الترتيب يبقى الراديو

المهم وضعت الكمون على الثوم و حمرته كتير ووضعتهم كلهم فى الشوربه و مصحوب بشهقه قويه زى النسوان البلدى كادت اموت فيها يمكن الشهقه تعمل حاجه فى المزعومه بالملوخيه و شاهدت بأم عينى الطشه

يا سبحان الله ( زى عمرو خالد ما بيقول ) و كأن امى الله يرحمها بتطبخ قدامى

و سبتها على النار تغلى و بعد فتره رجعت لقيت ميه خضرا بتغلى ...امال فين الملوخيه بقوامها الثقيل

ما علينا نسيت اعمل الرز مش مشكله المهم عندى الملوخيه اللى حشربها شرب

غرفت او تقول صبيت شويه من الملوخيه فى طبق و مستننتش تبرد و رحت ساحب شويه بالمعلقه على اساس انها لما تبرد اشربها شرب و عديك على طعمها ولا ريحتها الكمونيه... و الله من كتر قرفى منها ماقدرت ابصقها رحت مكملها بلع و فضلت اتفرج على الفرخه اليتيمه و هى برضه بتتفرج عليا و كأنها بتقول يلا يا فالح خش عليا ..و الله ما كان لى نفس ابصلها حتى و قلتلها روحى يا حلوه على التلاجه و خليكى على العشا و قمت بدلق المحروسه المزعومه و التى كان يطلق عليها سابقا ملوخيه فى المكان التى تستحقه

الذ ما فى الموضوع هو انى اخذت الكيس اللى كانت فيه الملوخيه من الزباله و رجعت اشمه زى العيال اللى بشوفها بتشم الكله ربنا يكون فى عونهم ...و الى لقاء قريب فى مغامره من اكلاتى التحفه