الزواج عن طريق المنتدى

[فولان بن علان]

أحيانا تأخذ المواضيع شكلاً ساخرا ولكنها تخفي جدية محتملة

مثل موضوع العزوبية والزواج

هل يمكن أن يحدث تقارب في الأفكار يصل إلى درجة طلب اليد والزواج

هل الكلمات والحروف المكتوبة ترسم صورة حقيقية أو تقارب الحقيقة

تكفي للبناء عليها

تم تعديل 28 مايو 2006 بواسطة فولان بن علان

[khedr]

[وليد صفوت]

تم نقل الموضوع الى الأرشيف ....

رجاء مراعاة ان الهدف الأساسى من هذا الموضوع هو مناقشة ظاهرة الزواج عن طريق المنتديات ... و الموضوع الذى نُقل الى الأرشيف كان مجرد مثال ...

الإدارة

[محمود الشاعر]

انا معرفش ايه الموضوع القديم ومش عاوز اعرف

بس اللي عاوز اعرفه بجد ولازم اعرفه

ايه الســـــــــــــــــــــر الخطير فى حالة الحب المصرية الخالصة والشهامة الحقيقية اللي عمرها ما تموت

الله عليكم بجد الواحد حاسس انه مطمن فعلا على نفسه وعلى اصحابه

عائلة بحق وحقيق

وشكرا يا وليد ظننا كان فى محله انسان على قد المسئولية سرعة بديهة واستجابة رائعة

اشكركم كلكم

[se_ Elsyed]

بعد إذن السادة المشاركين في الموضوع

تمت عملية التشفية بنجاح

والآن يُمكننا العودة إلى مناقشة الفكرة الأساسية له .

وشكراً لإبننا وليد اللي سايب مذاكرته وإمتحان الكيميا اللي عنده بُكره وعمال يراقب المنتدى

مع إني قلت له قبل كده

قووووووووووووووووم ذاكرررررررررررررررررررررررررررر

مع تحياتي

المعلم سين سين الجزار

[MZohairy]

لا لا لا لا

مادام العمليه دخلت في عيله واحده و مش عارف ايه

يبقى لازم اتدخل :wub:

انا حتدخل يا جماعه

[yasovinas]

الواحد علشان يتجوز لازم يعرف الطرف الاخر كويس

وطبعا علشان اعرف الطرف الاخر يجب ان يكون في حوار ،،، ودي المشكله! طريقة التواصل ، يعني لو انا مثلا شايف واحده ساكنه في البناية اللي ساكن فيها ، وراقبتها شوية وعجبتني شكلاً "كبداية" وبعد ذلك لاحظت عليها الالتزام في المواعيد يعني تخرج الصبح وترجع على موعد انتهاء الدوام ؛؛ واذا خرجت بعد ذلك بتكون مع حد من اهلها وبترجع في موعد معقول ،،،،للي اقصده اني شايفها من حيث المبدأ ممتازة ،،،، طيب ايه الخطوة التاليه؟؟

طبعا المفروض اني اكلمها واعرف عنها اشياء كتير،، وبرضه يفترض ان الحوار او التعارف يتم ليس كعريس او شخص جاي يخطب،، ولكن كشخص عادي مثلة مثل الاخرين ،، لان هناك فرق لما الانسان بيتعامل مع واحد تاني او مع عريس او عروسه طبعا فاهمني

المهم هذه هي الخطوة او المرحله الصعبه اللي هي مرحلة التعارف او التواصل ،، يعني مين يعرفني عليها او يقدمني لها ؟؟

النت او المنتديات عموما ومنتدى "المحاورات" خصوصا هو مكان وساحه جيده جدا للتعرف على الاشخاص الاخرين وايجاد سبب او وسيله للتحاور والنقاش معهم بدون اي تكليف او تكلف

طبعا كما ذكرت هو وسيله لبداية تعارف ، وليس الوسيله النهائيه لهذا التعارف يعني ما ينفعش اني اختار عروسه واحبها واقتنع بيها اقتناع تام من مجرد معرفتي بيها على النت او المنتدى ، ولكنها كبدايه فهي بدايه جيده ، اني ممكن اتقدم او اتعرف على هذا الشخص او هذه الانسانه رسميا بعد ذلك

المقصود هو ان النت او المنتديات هو احد الطرق او الوسائل الجيده للاختيار المبدئي ، اما كوسيله نهائيه ،، يعني اني اتعرف على انسانه واحبها وارتبط بيها واتفق معها على كل التفاصيل عن طريق المنتديات او النت ،، وما نتقابلش الا يوم الفرح !!!! صعبة جداً

للعلم هذه الحاله حدثت لاحد معارفي ولكن اهله شافوا العروسه واهلها ،، وهو تواصل معها لمدة ستة اشهر عبر الشات صوت وصورة،، ولانه كان موجود في الخارج فتزوجها بتوكيل،، وسافرت له !! وبعد زواج لمدة سنتين نتج عنه طفل جميل جدا،، الا ان هذا الزواج للاسف فشل او نقول انه في غرفة الانعاش حاليا

ادعو الله ان يتعافى ويستمر ودعواتكم لهم ان ربنا يهديهم

[nancy]

اهم مشكلة فى الجواز دلوقت ان الناس مش بتعرف تتعرف على افكار واحلام بعض

فالمحاورات هنا بتحقق دة وانا مع الجواز من مكان محترم زى دة

بس خلاص حبينا واتجوزنا وخلفنا وخلصنا

دى نصيحة للى ممكن يتجوز :wub:

[khedr]

بس خلاص حبينا واتجوزنا وخلفنا وخلصنا

دى نصيحة للى ممكن يتجوز :wub:

[nancy]

خضر انا معنى كلامى انة مجال جيد لاختيار شريك الحياة فدى نصحتى للى لسة فى مرحلة اختيار الشريك

انما بالنسبة لى الاختيار فى الجزئية دى خلص

واضح كلامى :wub:

[khedr]

خضر

واضح كلامى :blink:

والله واضح

انا اللي نفسي

بس مش قادر اتكلم

[ابن بلد]

ظن ان التقاء الافكار على النت لايكفى

لاقامه علاقه تصل للزاوج بعد ذلك

ولكن كما قال الاخ ياسو( تعارف مبدئى بحت)

قد تجده كثيرا يقابلك فى حياتك اليوميه

فى بنت الجيران او زميله فى العمل

او فى ندوه او صدفه فى قطار

ولكن قرار اختيار الزوجه او الزوج

يحتاج للالتقاء وتوافق الطباع اكثر من الافكار

فقد يكون التقاء للافكار مهم ولكن الاهم من ذلك

التاكد من عدم وجود بعض الصفات او القدره على تقبلها

فعلى سبيل المثال لا الحصر

صفه العصبيه والتلفظ اثناء العصبيه بالفاظ جارحه

صفه العند

صفه الغيره ومدى مقياسها

صفه البخل والى اى درجه تصل

صفه التبزير وايضا الى اى درجه تصل

صفه سوء التصرف فى المواقف

الصفات الشكليه ومدى تقبل بعضهم لها

التوافق الاجتماعى ومدى تقبل بعضهم له

تبادل المشاعر وكيفيه ابرازها بشكل ايجابى

الرغبه فى التغير من اجل الاخر للافضل

تحياتى

ابن بلد

ابو عبد الرحمن

[فولان بن علان]

الكتابة هي ذلك السحر الذي يعكس ما بداخل الإنسان دون أن يدري

الكتابة تبرز صورة العقل والتي هي أهم من صورة الشكل

بل وتعكس الأخلاق والثقافة والتدين

وبالذات الكتابة التفاعلية في المنتديات تخرج ما بداخل الشخص دون قصد

وهذا كله لا يكفي لبناء حياة زوجية

ولكنه ربما كما قال ياسو تكون شرارة البداية

قبل الانترنت كانت الكتابة عن طريق المراسلة سببا في زواج بعض الناس

كان لي زميل مصري تزوج جزائرية عن طريق المراسلة

ولكن هل يمكن أن تحدث طرائف أو مقالب

أذكر فيلم قديم لجان بول بولموندو

قصته مبنية على علاقة قامت عن طريق المراسلة

واتفقا على اللقاء للزواج

ولكن كانت الرسائل مراقبة

تم خطف المراسلة الأصلية

وعند اللقاء لأول مرة انبهر بتلك السيدة التي قابلته وتعلق بها بشدة

ولأنها كانت تقرأ الرسائل المتبادلة فلم يشك أنها هي

ولكن في النهاية اكتشف انها كانت نصابة

ولم تكن هي التي تراسله

بل خططت لتستولي على ما لديه مع شركاء لها

[khedr]

التاكد من عدم وجود بعض الصفات او القدره على تقبلها

فعلى سبيل المثال لا الحصر

صفه العصبيه والتلفظ اثناء العصبيه بالفاظ جارحه

صفه العند

صفه الغيره ومدى مقياسها

صفه البخل والى اى درجه تصل

صفه التبزير وايضا الى اى درجه تصل

صفه سوء التصرف فى المواقف

الصفات الشكليه ومدى تقبل بعضهم لها

التوافق الاجتماعى ومدى تقبل بعضهم له

تبادل المشاعر وكيفيه ابرازها بشكل ايجابى

الرغبه فى التغير من اجل الاخر للافضل

هذه الصفات التي تم ذكرها لا يمكن ان تتعرف عليها

او تتبينها الا بالعشره والمعيشه والاختلاط المباشر

هي مشكله وضوح وصراحه وحريه......في العلاقات

[nancy]

خضر شكلك عاوز تتكلم اكتر عموما

ممكن تنام على الشيزلونج وتحكى

دكتورة نانسى معاك يلا قول :blink:

بالنسبة للعيوب الى اتكلمت عليها دى مش حتبان الا مع العشرة حتى الخطوبة مش بتوضح كل دة

احنا بنتكلم ان المعرفة المدئية من المنتدى ممكن يكون الشخص حكى عن نفسة وافكارة اكتر على اعتبار انة مش بيخطط دة بيفضفض فمش حيمثل

دة المقصود

[wa7d]

خضر شكلك عاوز تتكلم اكتر عموما

ممكن تنام على الشيزلونج وتحكى

دكتورة نانسى معاك يلا قول :blink:

بالنسبة للعيوب الى اتكلمت عليها دى مش حتبان الا مع العشرة حتى الخطوبة مش بتوضح كل دة

احنا بنتكلم ان المعرفة المدئية من المنتدى ممكن يكون الشخص حكى عن نفسة وافكارة اكتر على اعتبار انة مش بيخطط دة بيفضفض فمش حيمثل

دة المقصود

العيوب عند الرجل بتبان فورا ، ورغم ذلك فالمرأة غالبا بتظن إن مادام الرجل بيحبها فهى ممكن تصلح كل العيوب الموجوده فيه . أما العشرة فهى فقط تثبت للمرأة " إن الرجل المعيوب لن ينعدل " . الحل إن المرأة لا تحاول أن تصلح فى الرجل عيبا ، بل تديله الكارت الأحمر وترمى وراه قلة من الأول .

[khedr]

دة بيفضفض فمش حيمثل

دة المقصود

اولا ...انا مع المعرفه والتعارف عن طريق المنتدي

لأن زي ماانت بتقولي الواحد بيتكلم مش بيمثل

لكن

لو تلاحظي او خليني عن نفسي

انا فعلا با اكتب كل اللي جوايا ومش با امثل

لكن في الواقع هل كل اللي انا با اتمناه اقدر احققه او اللي با اكتبه اقدر انفذه

والا ها اصطدم بالاطراف اللي معايا.....والردوود الفوريه الواقعيه

يعني انا حاليا با اكتب في موضوع معين وابدي فيه الرأي

والطرف التاني بياخد الرد ويقراه ويرد عليه.....نلاحظ فيه وقت ....يعني هدنه

لكن في الواقع انا مش هااخد الهدنه دي الرد علي طول.......كده مضبوط

وهنا يبدأ التفاعل والردوود عليها وهي دي الواقعيه.......

[عنبو]

للرفع.............................