الخريطة الظاهرة لمدينة القاهرة

[Cleo]

شكرا ياكيليو على الموضوع الظريف ده

زمان قبل 15 سنة كده كانت أحلى فسحة لى فى القاهرة أبدأها من باب النصر مرورا بشارع المعز ياسلام على الخانات والوكالات و الأسبلة كنت مغرم جدا بالأخيرة وحتى نهاية القاهرة القديمة عند بوابة المتولى ومرورا بالمغربلين وشارع القلعة والسير مابين أثتين من أحلى جوامع القاهرة السلطان حسن والرفاعى وتنتهى الرحلة فى القلعة أحلى مكان كنت أحس به بالراحة النفسية ... باترى الأماكن دى أخبارها إبه ؟

ياريت المزيد

تسمح تقبل منى الهدية البسيطة دى؟

http://www.egyptiantalks.org/invb/index.ph...opic=11551&st=0

[se_ Elsyed]

الفصل الأول

بنات وسط البلد

أما بقي لو رحت شانتييه حسب أوامر كليو ... فطبعاً بعد ما تطلع منه مش ح يتبقي في جيبك غير إتنين جنيه و ربع و بالتالي لازم تخطط كويس للحركة القادمة تفادياً لغسل الصحون ... و وقتها ما فيش أحلي و لا أحمل من القعاد علي النيل في أكثر أماكنه تميزاً أمام النيل هيلتون - في وسط البلد برضه - و تضرب لك واحد حمص الشام او كوز درة مشوي أصلي .... و يا سلام لو ليك في المغامرات تاخد لك فلوكة أو مركب شراعي ساعة العصاري لتري من ناحية النيل قاهرة أخري غير التي تعرفها .

هنا لازم الإدارة تتدخل باللون الأحمر

سيادتك قولت في محضر التحقيقات إني هاخرج من مطعم مطعم شانتييه ( يعني يُغني بلغة الفرنجه ) ومعايا في جيبي اليمين إتنين جنية وربع

يبقى قولي لو ضربت واحد حمص شام بإتنين جنية - ده على إفتراض إني خارج لواحدي من غير أي يمامه معايا - .. أدي كده فاضل معايا ربع جنيه

تقوم تزيد البله طين وتقولي إركب فلوكه ... كل ده بالربع جنيه اللي فاضل ؟

إوعى تقولي أصلي أنا عامل إشتراك في شرطة المسطحات المائية فبأركب ببلاش ؟

وحتى بعد ده كله .. اروح بيتنا مشي ؟

:rolleyes:

[Hammer]

الفصل الأول

بنات وسط البلد

أما بقي لو رحت شانتييه حسب أوامر كليو ... فطبعاً بعد ما تطلع منه مش ح يتبقي في جيبك غير إتنين جنيه و ربع و بالتالي لازم تخطط كويس للحركة القادمة تفادياً لغسل الصحون ... و وقتها ما فيش أحلي و لا أحمل من القعاد علي النيل في أكثر أماكنه تميزاً أمام النيل هيلتون - في وسط البلد برضه - و تضرب لك واحد حمص الشام او كوز درة مشوي أصلي .... و يا سلام لو ليك في المغامرات تاخد لك فلوكة أو مركب شراعي ساعة العصاري لتري من ناحية النيل قاهرة أخري غير التي تعرفها .

هنا لازم الإدارة تتدخل باللون الأحمر

سيادتك قولت في محضر التحقيقات إني هاخرج من مطعم مطعم شانتييه ( يعني يُغني بلغة الفرنجه ) ومعايا في جيبي اليمين إتنين جنية وربع

يبقى قولي لو ضربت واحد حمص شام بإتنين جنية - ده على إفتراض إني خارج لواحدي من غير أي يمامه معايا - .. أدي كده فاضل معايا ربع جنيه

تقوم تزيد البله طين وتقولي إركب فلوكه ... كل ده بالربع جنيه اللي فاضل ؟

إوعى تقولي أصلي أنا عامل إشتراك في شرطة المسطحات المائية فبأركب ببلاش ؟

وحتى بعد ده كله .. اروح بيتنا مشي ؟

:ph34r:

يا سلام علي تحابيكك يا س . س يا أخي :rolleyes:

إنت ما لكش في الأفلام العربي و لاً إيه ....

حين تتواري الحبكة الدرامية في سبيل تفريخ و إظهار براعة المخرج .. و ده بالظبط اللي إحنا شفناه أعلاه .. تفريخ <_<

ثم إن بالعند فيك كباية حمصشام ( ده نطقها السليم ) بواحد جند ... يبقي إنت و اليمامة ليكوا نصيب في الحمص .

أما عن الفلوكة ... فاليمامة بقي فيها الخير و البركة بعد وصلة إندهاش و أسف منك إنك نسيت محفظتك التانية بتاعة الجيب الشمال في الييت .

و اليمامات لا تمانع هنا علي أمل الحصول علي وجبة كاسيتات حب رومانتيكية مشبعة علي صفحة النيل الخالد .

[واحد تاني]

زمان قبل 15 سنة كده كانت أحلى فسحة لى فى القاهرة أبدأها من باب النصر مرورا بشارع المعز ياسلام على الخانات والوكالات و الأسبلة كنت مغرم جدا بالأخيرة وحتى نهاية القاهرة القديمة عند بوابة المتولى ومرورا بالمغربلين وشارع القلعة والسير مابين أثتين من أحلى جوامع القاهرة السلطان حسن والرفاعى وتنتهى الرحلة فى القلعة أحلى مكان كنت أحس به بالراحة النفسية ... باترى الأماكن دى أخبارها إبه ؟

ياريت المزيد

يا سلااااام ... بجد صاحب مزاج

من فضلك تقبل شديد احترامي .... الراجل دا فاهم يا جماعة مش حافظ :)

طالما قلت (خان و وكالة و سبيل) ونضيف كمان (بيت) يبقى هنبتدي نتكلم عن القاهرة

[سيزيف]

الفرق بين الاسكندرية والقاهرة هو الفرق بين محل العمل ومحل الراحة و الاسترخاء.. القاهرة الأعصاب فيها مشدودة والكل بيجرى لأن القاهرة مزدحمة بأهلها وضيوفها وأيضا لأن أغلب فرص العمل فى مصر مركزة فيها.. ففيها وافدين كتير من المحافظات المختلفة بييجوا عشان الوظيفة ويرجعوا محافظاتهم فى نهاية الأسبوع.. عشان كدة أهل القاهرة لما بيحبوا يستجموا بيخرجوا منها، وأهل المحافظات لما بيحبوا يدوروا على لقمة العيش بييجوا القاهرة :P

:) :angry2: :angry2:

ياعم واحد ماتزعلش... احنا مصريين.. يعنى استحالة نتكلم عن الفسحة والخروج من غير ما نتكلم عن محلات الأكل والحواوشى :D

الفرق بين الاسكندرية والقاهرة هو الفرق بين محل العمل ومحل الراحة و الاسترخاء.. القاهرة الأعصاب فيها مشدودة والكل بيجرى لأن القاهرة مزدحمة بأهلها وضيوفها وأيضا لأن أغلب فرص العمل فى مصر مركزة فيها.. ففيها وافدين كتير من المحافظات المختلفة بييجوا عشان الوظيفة ويرجعوا محافظاتهم فى نهاية الأسبوع.. عشان كدة أهل القاهرة لما بيحبوا يستجموا بيخرجوا منها، وأهل المحافظات لما بيحبوا يدوروا على لقمة العيش بييجوا القاهرة :P

العزيزه كليو

معك كل الحق

بس الغلطه دى مش السبب فيها سكان الاقاليم قد ماهى غلطه نظام الحكم شديد المركزيه الذى يجعل حلول كل المشاكل فى العاصمه

و فى اعتقادى ان زحام القاهره الخانق يمكن ان يخف كثيرا اذا ما توزعت اختصاصات الوزارات و الجهات الحكوميه على الاقاليم

و للاسف هذا غير ممكن الا بواسطه شبكه اتصال الكترونيه قويه و معقده و على درجه عاليه من الكفاءه

تم تعديل 30 مايو 2006 بواسطة shinercorner

[yasovinas]

اخويا الكبير ابو السيد في موضوع طالخريطة السرية لمدينة الاسكندرية" قال في وسط الكلام انه حاسس انه كان بيصيف فوق السطوح :angry2:

انا بقى وبجد حاسس اني كنت بروح كفر ابو رمانه وليست قاهرة المعز :P

بداية ارجوا ان اسجل اعجابي الشديد بهذا الموضوع واللي انا {واعوذوا بالله من قولة انــــا} السبب في اثارة المعلمه "كيداهم عبباسط الشماشرجي" لفتح هذا الموضوع بل وانها نزلت بنفس العنوان اللي قلته لها سرقة عيني عينك :)

شكراً شكراً يا جماعه لا شكر على واجب :P

ما علينا انا منتظر استكمال هذا الموضوع لاني سوف اطبعه قبل نزولي مصر المحروسه وسوف اكون من مداخلاتكم برنامج سياحي كامل متكامل لمدة اسبوع في قاهرة المعز مع المدام والاولاد - طبعا مع الدعم الفني والتقني من موضوع العلامه طفطف بتاع الرمرمه لان لا فسح بدون رمرمه

احكي لكم مغامرة لي في قاهرة المعز

زمااااااان بعد الحادثة اياها وفي شهر العناية المركزة (شهر العسل) ذهبنا اسبوع في القاهره وطبعا اخوكم عامل فيها مرشد سياحي وركنت العربية في وسط البلد واتمشينا على رجلينا من الساعه خمسة العصر يا محترمين لما الساعه 11 بالليل بنتمشى ونلف وطبعا المدام فرحانه وفي قمة السعادة علشان بتتفرج على المحلات ؛؛؛؛؛؛ والحقيقة اني بلف علشان مش فاكر مكان العربية فين :angry2:

[se_ Elsyed]

سؤال يحمل معاني الإستفسار والإستعباط

ليه الواحد أيام الدراسة والكلية كان عامل زي اللي مركب في رجليه موتور 36 حصان 4 سلندر - عشان البنزيم - وبرفارف .. وما كانش بيتعب من اللف ..

يعني بعون الله كان ممكن الواحد يقزح من ميدان العتبة الخضرا مروراً بشارع الازهر ثم لميدان الحُسين ويروح راجع تاني واخد شارع محمد علي وصولاً إلى قلعة صلاح الدين القليوبي ... وبعد ما يعمل دماغ في القلعة يرجعها مشي تاني .. وولا تحس بتعب ولا حاجة بل بالعكس إحنا وشلة الأصحاب الفقر اللي فرقتنا الغُربة وفرقنا حُسني مبارك داخل بلدنا وخلا كل واحد ملهي في المم كنا بنبقى في غاية الإنبساط والبراءة بالرغم من إننا جميعاً ما كناش بيبقى في جيوبنا إلا ملاليم تُعد على الأصابع ومع ذلك بنحس إننا بنملُك الدُنيا بحالها ...

بالرغم من إن الواحد لسه في أول الثلاثينات .. لكن الظاهر الترف والحياة الناعمة قضت على ميزة الإستمتاع بالحياة ..

إيه دا دا .. دي هاتقلب بغم ولا إيه ..

لأ يابا .. خليني بس أخلص من ناصر .. قصدي من سطل العناب وأرجع أكتب عن شارع محمد علي ... وشارع كلوت بك وأختمها بالقلعة ... يـــــــــاه اللي يجازيكو يا عيال فكرتونا بالذي مضى وولى

عارفين ميزة الموضوع ده والموضوع التاني بتاع الدولة المجاورة ده إيه ؟

إنه نابع من القلب يعني لا كت ولا بيست ولا معلومات من اللي مرطرطة على النت

عفارم عليكو يا ولاد

[ATHENA]

لا بجد بجد بجد موضوع تحفه...و بجد يعني بحسدكم على ان ليكم ذكريات هناك :P

انا عماله اقرى و احاول اتخيل معاكم خبرة السنه و ربع الي عشتها في مصر :)

هو يعني انا كنت من الجامعه للبيت من البيت للجامعه لنص البلد حيث كشري التحرير و الحق يتقال مش عارفه في اي شارع..كنت بنزل من محطة مترو مش فاكرة اسمها يمكن السادات و امشي على خط حافظاه و اوصله و كتر الله خيري..كنت احيانا بتمشى مع اختي في نص البلد و فاكرة اماكن كتير من اللي اتقالت و منها التمثال ابو صباع و ميدان الاوبرا..مش هو برضه عنده نادي المعلميين؟ :angry2:

شكرا عشان انعشتم ذاكرتي و فكرتوني بأيامي في مصر

افتكر اني كنت بتوه جدا في شوراع نص البلد و اتصل بوالدي الله يصبره و يعد يشرحلي ازاي اقدر اخد اقرب مترو و ارجع بيتنا :angry2:

كوكي الحقينا بالمعجم الكوكيتي عشان نعرف نسيح في البلد :P

سؤال يحمل معاني الإستفسار والإستعباط

ليه الواحد أيام الدراسة والكلية كان عامل زي اللي مركب في رجليه موتور 36 حصان 4 سلندر - عشان البنزيم - وبرفارف .. وما كانش بيتعب من اللف ..

يعني بعون الله كان ممكن الواحد يقزح من ميدان العتبة الخضرا مروراً بشارع الازهر ثم لميدان الحُسين ويروح راجع تاني واخد شارع محمد علي وصولاً إلى قلعة صلاح الدين القليوبي ... وبعد ما يعمل دماغ في القلعة يرجعها مشي تاني .. وولا تحس بتعب ولا حاجة بل بالعكس إحنا وشلة الأصحاب الفقر اللي فرقتنا الغُربة وفرقنا حُسني مبارك داخل بلدنا وخلا كل واحد ملهي في المم كنا بنبقى في غاية الإنبساط والبراءة بالرغم من إننا جميعاً ما كناش بيبقى في جيوبنا إلا ملاليم تُعد على الأصابع ومع ذلك بنحس إننا بنملُك الدُنيا بحالها ...

بالرغم من إن الواحد لسه في أول الثلاثينات .. لكن الظاهر الترف والحياة الناعمة قضت على ميزة الإستمتاع بالحياة ..

الواحد فعلا كان ممكن يعد يلف و يمشي اربع خمس ساعات متواصل و يرجع و ينزل محطة مترو و يطلع و ميحسش بتعب

عكس هنا في دول الخليج الواحد لو مشي اتنين متر ممكن يعتبر نفسه بطل رياضي..

تم تعديل 30 مايو 2006 بواسطة ATHENA

[واحد تاني]

بمناسبة المشي ... كنت لما اتمشى مع احد الاصدقاء على الكورنيش من جليم نتكلم ونحكى فى قصص وحكايات ... نكتشف فجأة اننا وصلنا القلعة فى الانفوشي ... نقوم بمنتهى التلقائية نلف للخلف در عشان نكمل التمشية فى اتجاه البيت احسن نتأخر. :huh:

فين يا شباب الجايد بتاع الرحلة دي؟؟؟ :)

محدش هياخدنا نشوي فى نزلة السمان ؟ نركب خيل ؟ احنا جايين نتفسح والا هنقضيها محلات ؟

طب فى حد ناوي يعزمنا فى الاوبرا ؟ الهناجر ؟ متحف الفن الحديث ؟ طب حتى المكتبة السمعية -هي لسه فاتحة -؟

في كمان محل اسمه (بيكري) فى ش عباس العقاد بيعمل فطار ممتاز ... تشيز سالاد و عصاير ولا اروع ... يا ترى لسه موجود؟

فسحونا بقى .... ايه الحر ده افففففف :rolleyes:

تم تعديل 31 مايو 2006 بواسطة واحد تاني

[Cleo]

بمناسبة المشي ... كنت لما اتمشى مع احد الاصدقاء على الكورنيش من جليم نتكلم ونحكى فى قصص وحكايات ... نكتشف فجأة اننا وصلنا القلعة فى الانفوشي ... نقوم بمنتهى التلقائية نلف للخلف در عشان نكمل التمشية فى اتجاه البيت احسن نتأخر. :blink:

جالك كلامى.. يعنى لما أقول ربع رغيف كايزر من الصغير أبقى مش غلطانة -_-

فين يا شباب الجايد بتاع الرحلة دي؟؟؟ :huh:

محدش هياخدنا نشوي فى نزلة السمان ؟ نركب خيل ؟ احنا جايين نتفسح والا هنقضيها محلات ؟

طب فى حد ناوي يعزمنا فى الاوبرا ؟ الهناجر ؟ متحف الفن الحديث ؟ طب حتى المكتبة السمعية -هي لسه فاتحة -؟

في كمان محل اسمه (بيكري) فى ش عباس العقاد بيعمل فطار ممتاز ... تشيز سالاد و عصاير ولا اروع ... يا ترى لسه موجود؟

فسحونا بقى .... ايه الحر ده افففففف :rolleyes:

يا\ى الاستعجال يا ربى... انت هتصبر علينا شوية ولا نمنع دخول الاسكندرانية؟؟ إففففففف مليتوا البلد :)

:)

[se_ Elsyed]

طب خدوا السؤال الإستفزازي ده لأبناءنا مواطني دولة الأسكندرية الشكيكة

زمان قوي في السبعينات وشوية من الثمانينات كانت الأبله تيجي في الفصل وتقولنا : إسمع يالا منك له لها .. في رحلة الإثنين الجاي للقناطر الخيرية أو متحف الشموع أو المتحف المصري أو الأهرم أو عين حلوان أو المتحف الزراعي ... إلخ من الأماكن المتعددة في جمهورية القاهرة الإشتراكية العُظمى .. فكانت تقولنا كل واحد يروح لأمه النهاردة يعيط ويدبدب في الأرض ويقولها طلعوني الرحلة دي بدل ما أولع لكو في نفسي - طبعاً كانوا بيحلقوا لنا وكنا بنولع في نفسنا .. غالباً يعني -

ده كان إستفزاز لابد منه - الله يمسيك بالخير يا أستاذ عادل -

السؤال هنا بقى : هل الإسكندرانية عندهم رحلات مدرسية وهما صغيرين برضوا والعيال كانت بتحرق نفسها ؟

أصل على رأي بنتنا كليو .. الإسكندرية يادوب تتلف في رغيف فينو .. ومن الصغير أبو بريزة كمان :rolleyes:

[hopsan]

جالك كلامى.. يعنى لما أقول ربع رغيف كايزر من الصغير أبقى مش غلطانة

يا كليو يا ست البنات ...انتى رحت فين خلينى اشوفك ...رحتى بعيد ليه؟؟؟؟ ....ايوه كده ..الله يفتح عليكى

حضرتك بقالك مده بتتكلمى فى حكايه الربع رغيف ...مافيش فايده برضه!! ...هو مافيش عندكو غير اكل و بس ....كل الكلام لازم يرتبط بلأكل احنا عايزين غذاء الروح و القلب و النفس و ياريته اكل بالفعل الا كل كلامكو اكل بقيقى .

و بعدين لو اسكندريه تتلف فى ربع رغيف يبقى ميجيناش 3 مليون بشرى كل طلعه صيف و الغريب ده بيحصل كل سنه ....طيب اللى جم السنه اللى فاتت بيجو السنه دى ليه ....الموضوع مش محتاج ذكاوه طالما اللى شافوه و لفوه فى ربع رغيف السنه اللى فاتت جايين يلفو الربع التانى ؟؟؟؟؟؟

[yasovinas]

طبعا يا ابو السيد كنا بنعيط وندبدب في الارض ونطلع رحلات مدرسيه

خد عندك

رشيد وادفينا

الكنج مريوط

النزهه

حدائق انطونيادس

قصر المنتزة

القلعه ومتحف الاحياء المائية

المتحف الروماني

ها اقول كمان ولا كفايه

ايوة وابوقير

وكمان في المعسكر الدولي بتاع الكشافه اللي في ابو قير

[hopsan]

نسيت تقول كمان شركه النحاس ..علشان نشوف ان مصر دوله صناعيه من الدرجه الأولى

و افتكر رحنا فى ابتدائى شركه اسباتس و اللى كانت بتصنع بلو كروس و سيدر

0 مش كتير فاكرين المشروبين دول )

اذكر و دى حقيقه لما كنت فى اعدادى ..آل طلعونا رحله لشركه البيره ..اه و الله

و تخيلو طوفان الأطفال امام زجاجات البيره ...و لا تعليق اكثر من ذلك

[Cleo]

طبعا يا ابو السيد كنا بنعيط وندبدب في الارض ونطلع رحلات مدرسيه

خد عندك

رشيد وادفينا

يادى النصب... بنقول اسكندرية مش البحيرة.. إففف

عموما الكلام ده مش مكانه هنا.. هنا القاهرة :rolleyes:

[واحد تاني]

جالك كلامى.. يعنى لما أقول ربع رغيف كايزر من الصغير أبقى مش غلطانة :)

تم ترك اسم بنتنا اللى مش عارفه مصلحتها :rolleyes: عند بوابة الرسوم بالعامرية وسوف تمنع من دخول الاسكندرية هذا العام

حتى لو كانت رايحة محمود سعيد بسان ستيفانو ... وبعدين المسافة اللى اتكلمنا فيها حضرتك يعنى حوالي 16 كيلو متر جرام تقدري تفيدينا بعلمك تتمشى فى كام يوم حداكم فى البلد ؟ :huh:

[hopsan]

ياسلالالالالالالالالالالالالالالالام

حتى فى صفحه قاهره المعز اصبح الكلام يخص اسكندريه حبيبتى ...الله عليكى يا بلد

مافيش فايده ...البلد دى لها طعم غريب كده مش عارف اقول طعم ايه و بعدين الناس مش عارفه تسيب الحديث عن الإسكندريه حتى بره صفحتها و فى صفحه مصر المحروسه ...هو العيب فين ؟؟؟ فى البلد ولا فاللى مش عارفين يكتبو...مواه مواه .. دى بوسه على خدين إسكندريه الجميله طبعا

ملحوظه

انا اعتذر لأنى وضعت الكلام الجميل ده فى صفحه اسكندريه و كان المقصود احطه هنا

حاجه غريبه

[Cleo]

الفصل التانى

هوبا تيتا مامبو

----------------

حضرتك عاوز تنزل مصر الجديدة... يبقى تاخد الأوتوبيس المكيف من التحرير وتنزل فى أول روكسى عند نادى هليوبوليس كدة...

لو دخلت يمين مع المترو تبقى فى شارع الميرغنى... أشهر علاماته "زلط" للأحذية ... تفضل مكمل على طول لحد ما يخلص سور نادة هليوبوليس..

هوب... بس....

ارمى اللى فى ايدك واطلع اجرى -_-

شايف الشجر العالى اللى هناك ده؟؟؟ أيوة اللى ورا السور ده يا عم أيوة عند محطة النزين المحتلة.. قصدى اللى فيها عساكر كتير دى.. أيوة تعالى قبله بقى وعدى الشارع الناحية التانية أسلم... هو ايه اللى ليه؟؟ :huh: عشان العمر مش بعزقة يا عم انت مش عارف ان ده بيت الأشبا.. إحم قصدى بيت الد.. يووووووه قصر الرئاسة ... لأ المدور اللى على الناحية التانية ده القصر الجمهورى... وانت مالك انت قصور كتير ولا شوية؟؟ :blink: ماهى بلدهم وهم حرين فيها :rolleyes:

حرقت دمى.. تعالى نبرد أعصابنا تعالى نخش باسكين روبنز مانا عارفاك مش بتاع مقاطعة...

أبو شقرا ..!!!!! :)

لأ مع نفسك انت بأة :)

يتبع....

[Hammer]

كده يا كليو التأخير ده كله و سايبانا في زحمة وسط البلد و دوشتها ؟؟

هليوبوليس جميلة و هادية .... و كلنا لينا فيها ذكريات بالزعطيط

بس كده في مصاريف مواصلات زيادة علشان أكيد راجعين بعدها علي الجيزة أو مصر عتيقة

يلا مش إشكال... كله في سبيل تنشيط السياحة الداخلية لمواجه تحديات و متغيرات السياحة الخارجية:rolleyes:

إديها يا أستاذة و إحنا معاك

تم تعديل 31 مايو 2006 بواسطة Hammer

[Cleo]

كده يا كليو التأخير ده كله و سايبانا في زحمة وسط البلد و دوشتها ؟؟

هليوبوليس جميلة و هادية .... و كلنا لينا فيها ذكريات بالزعطيط

بس كده في مصاريف مواصلات زيادة علشان أكيد راجعين بعدها علي الجيزة أو مصر عتيقة

يلا مش إشكال... كله في سبيل تنشيط السياحة الداخلية لمواجه تحديات و متغيرات السياحة الخارجية:rolleyes:

إديها يا أستاذة و إحنا معاك

تسلم يا هامر...

الحقيقة انت عارف ان محافظتنا الحبيبة كبيييييييييرة جدا يعنى الواحد يقضى فيها خمسين سنة مايجيبش أخرها.. فخلينا ماشيين تخصصات.. أنا تخصص شرق النيل وغرب النيل نسيبه لطفشان أو أى حد جيزاوى أصيل...

أنا مصر عتيقة، فلو قصدك القاهرة الإسلامية، أنا كنت حطيت وصلة لموضوع كنت عاملاه زمان كله صور التقطتها بكاميرتى أثناء جولاتى فى القاهرة القديمة لأنها ما ينفعش نتكلم عليها بقيقى.. لازم صور :) الوصلة مرة تانية أهى

http://www.egyptiantalks.org/invb/index.ph...opic=11551&st=0

هو العيب فين ؟؟؟ فى البلد ولا فاللى مش عارفين يكتبو

مالقيوش فى الورد عيب قالوا أحمر الخدين :huh:

و بعدين لو اسكندريه تتلف فى ربع رغيف يبقى ميجيناش 3 مليون بشرى كل طلعه صيف و الغريب ده بيحصل كل سنه ....طيب اللى جم السنه اللى فاتت بيجو السنه دى ليه ....الموضوع مش محتاج ذكاوه طالما اللى شافوه و لفوه فى ربع رغيف السنه اللى فاتت جايين يلفو الربع التانى ؟؟؟؟؟؟

معلش أصلهم طفشانين من الاسكندرانية اللى زاحمين شوارعك يا مصر.. صحيح أنا بقول كل واحد يقعد فى بلده ومالوش دعوة ببلد التانيين :blink: