تابعتوا قناة الناس ولا لسه ؟؟

[مصري المصري]

بداية قناة الناس على النايل سات ترددها 11911 أفقي 27500 يملكها رجل أعمال سعودي ولكنها مصرية مية في المية ..

تضم هذه القناة الرائعة كوكبة من العلماء الثقات .. كفضيلة الشيخ محمد حسان ومحمد حسين يعقوب ومحمود المصري وغيرهم بالإضافة إلى البرامج الهادفة والخاصة بتربية الأبناء والبرامج الصحية والبرامج الخاصة بالمشكلات الزوجية وطرق حلها ..

هذه القناة تناسب كل الناس .. فهي اسم على مسمى .. تابعوها وبحق وبصدق هذه المرة أقول ( مش هتقدر تغمض عنيك !! )

تم تعديل 29 مايو 2006 بواسطة مصري المصري

[khedr]

تابعتها ولكن مش بصوره دائمه

واحس انها اضافه جديده

في .....الموضوعات..... المذيعيين ,,,,,التقديم

نأمل ان يكون لها دور في كم الفضائيات الموجوده

[محمودعساف]

تابعتها وهي فعلا ممتازه

بس للأسف مش منتشره علي الرغم من جوده الماده المقدمه منها

[Farida]

انا تابعتها و اصراحه مش مبسوطه زيكم كده ........اولا التليفونات على موبايل لداخل مصر و من خارج مصر على نمرة ارضى فحسيت انها ماديه شويه

بخصوص الشيوخ انا بجد تابعت المكالمات اللى بتيجى لهم و معظمها مشاكل اجتماعيه من نوعيه مرات اخويا ساكنه فوقى و بتبص لى و بتعمل لى ..و امى وانا صغيره كانت امى بتفضل اخواتى على و الغريب ان المفتين اللى جايبنهم بيردوا على الكلام ده.....و مره واحده سألت محمد حسين يعقوب عن النقاب تيين منه عينها ولا لأ ....قالها رد افحمنى انا شخصيا و هو انه قالها لأ تغطى عينها من النقاب علشان فتنه.....و معظم الشيوخ كلهم ميه واحده من نوعيه غطى عينيك فى النقاب ماعدا شيخ كبير اسمه باين محمد عبد الله و هو من شيوخ الأزهر و كان بيقول ان النقاب سنه و ساعتها نزلت المكالمات على دماغه تقول له اتقى الله ......و معظمهم ماحدش بيقول هم خريجى ايه ولا بيفتوا بصفة ايه ......و شفت كمان الأعلان اللى كان عامله الشيخ محمد حسان للقناة ايام الأساءة للنبى وهو انك لو عايز تنصر نبيك ابعت SMS على رقم معين و ساعتها مافهمتش ازاى انصر النبى ب SMS

[صلاح ضحا]

الاخ مصري المصري

متابع منذ فترة قناة الناس وهي فعلا قناة ممتازة ولكنها ليست مصرية ميه بالمية لأنها تمويل سعودي وما اتمناه فعلا هو قناة دينية مصرية وبتمويل مصري وإشراف الأزهر الشريف

ولا يخفي علي أحد دور الأزهر الشريف رغم المحاولات العديدة والمستمرة لتهميش دورة القيادي في التعريف بالاسلام

[مصري المصري]

أختنا فريدة .. بالتأكيد لم أتوقع أن تحظى القناة بإعجاب الجميع فهذه طبيعة الأشياء .. وأعتقد أنك توافقيني على أنها محاولة جادة في وسط كم هائل من الإسفاف ..

وأعتقد أنها قناة شبه متكاملة في موادها الإعلامية .. ومحترمة (( وليست متزمتة )) في واجهتها التي تطل بها علينا فمثلاً .. كل مذيعاتها محجبات ( بالعند في التليفزيون المصري ) وهي تختار برامجها بدقة شديدة بحيث تكون في قلب اهتمام المشاهد .. فلن تجد مثلاً برنامج عديم الأهمية أو لمجرد ملئ ساعات إرسال القناة ..

أخي العزيز .. صلاح الضحا .. نعم أوافقك أنها ملك لرجل اعمال سعودي ولكنها مصرية الهوى والهوية من مذيعين ومقدمي برامج وتقريباً كل الجروب العاملين بها من المصريين .. كما أنها تبث من داخل مصر ..

[Sherief AbdelWahab]

لا أعتقد أنها قد كدة ، مع احترامي للجميع..

تفتقد القناة للإمكانيات والمقومات الفنية والمادية والبشرية التي تؤهل القناة لتكون دينية ، ونقص الإمكانيات ليس في صالحها ، بالإضافة لتبني خط ديني متشدد إلى حد ما قياساً بالرسالة مثلاً..

كانت زميلتنا شعنونة على وشك الالتحاق بتلك القناة .. لكن عدداً منا وأنا منهم تشككت في الوضع ونصحتها بالابتعاد..وأعتقد أن نصيحتي كانت في محلها.. فلا أعتقد أنهم قادرين على التفاهم مع أفكار شعنونة ، وهي أفكار ممتازة قياساً على ما تقدم هذه القناة في الوقت الحالي..

خلص الكلام

[Cleo]

لا أظن أن تقوم إيران بتمويل قناة دينية تبث فى الدول العربية لنشر المذهب السنى، كما لا أظن أن تقوم السعودية بتمويل قناة دينية تبث فى مصر إلا لترويج الفكر الوهابى..

أخشى ما أخشاه أن يتحول الخلاف بين الفكر الوهابى والوسطية الأزهرية كما الخلاف بين المذهبين الشيعى والسنى فى يوم من الأيام

[بنت شعنونة]

انتوا بجد معجبين بالقناة دي؟؟؟؟؟؟؟؟؟؟ :angry2: :angry2:

والا بتهزروا؟

استاذ مصري

انت متاكد انك تابعتها؟ والا حضرتك بتذيع برنامج فيها او ليك حد فيها؟

معلش سامحني

لأني دخلت "استوديو" اذا صح التعبير يعني هذه القناة وصورت هناك ما يعادل نص ساعة واتذاعت على اربع حلقات

وكنت في غااااااااااااااااااااااية القرف فيما بعد وعلى التريقة اللي خدتها على وجودي في هذه القناة اللي بالعافية اطلق عليها " تافهه" وسامحوني في التعبير

وكلللللللللللللل البرامج اللي فيها غير موثوق فيها ابداااااااااااا واسمعوها مني كلمة

من اول الشيوخ اللي فيها لحد اصغر مذيع

فيه قناة في الدنيا تدور على مذيعين مجانا؟؟؟؟؟؟؟؟

مش ممكن يعني؟

انا مرة فتحت القناة على شيخ صغير كدا شكله يا دوبك 18 سنة مثلا ولا اعرف اسمه

انما فتحت لقيته بيقول انه اوامر ربنا لا تناقش ولا تفهم نسمعها وننفذها كدا زي ما هيا

رحت رافعة السماعة واتصلت ما فيش ثواني كنت ع الهوا وقلتله حضرتك بتهزر؟؟؟؟؟؟

مافيش حاجا اسمها كدا

دا ربنا اول امر نزله كان اقرأ

لو كانت اوامر ربنا تنفيذ بس كان اول امر يبقى نفذ باسم ربك

مش اقرا؟

لالالالالالالالالا

ابعدوا عن القناة دي قبل ما تخرب عقل الناس... :)

[Farida]

شعنونه انا كمان رأييى زيك كده الشيوخ اللى بيجيبوهم دول مش عارفه بيجيبوهم منين و المصيبه الناس بتسألهم اسئله قويه و الأجابات بتبقى صادمه بجد

[أسد]

إللي نفسه يطلع في التليفزيون .. ويكون مذيع بأي برنامج يختاره في إطار أفكار تلكالقناة ..

يحضر مبلغ يكفي نتاج حلقة .. أو إثنين ..

ويتصل بقناة الناس ..

يعرض أفكاره .. إذا وافقوا عليها ..

يصور .. ويطلع على الهواء .

ويبقى مذيع ..

أو مفتي ..

هذه حقيقة ..

إللي مش مصدق .. يجرب ويحاول

[مصري المصري]

بداية أنا سعيد بتجاوب الأعضاء الكرام مع الموضوع .. مع أو ضد ليس هو المهم .. ولن أقوم بالدفاع عن هذه القناة الجميلة والرائعة في كل شيء .. فمن يتابعها جيداً سيدرك كم هي قناة " فريدة " في اسلوبها وتناولها لموضوعات تمس المواطن في حياته اليومية بأسلوب إسلامي راقي بعيد كل البعد عن الإسفاف .. يعني الحكم للمشاهد في نهاية الأمر ..

الغرض من فتح الموضوع بالنسبة لي هو تعريف الأعضاء الكرام بقناة الناس .. وهو هدف تحقق إلى حد بعيد بالثناء من بعض الأعضاء والهجوم من البعض الآخر .. فشكرأ للجميع ..

وأختم بقول الشيخ محمد حسين يعقوب الذي يستهل به دائماً برنامجه الجميل في قناة الناس .. (( إني أحبكم في الله ))

[بنت شعنونة]

بس برضه يا استاذ مصري

حضرتك ما قلتلناش

حضرتك بتشتغل ايه في القناة ؟

معد والا مقدم برنامج؟ :blink: -_-

" عقلي الباطن بيقولي اني متاكدا ان حضرتك ليك صلة بالقناة بطريقة او باخرى لأن دي هيا طريقتهم في التعريف عن نفسهم وسياستهم في الأنتشار انه اللي شغال فيها يلم حبايبة عشان يتفرجوا عليه و واحد يقول للتاني وهكذا لحد ما تتعرف :) "

ما تزعلش مني :huh: :rolleyes:

استاذ اسد

الكلام اللي قلته صحيح ودا اللي حصل معايا اول ما رحت

لكن ربنا سلم

واللي حضرتك ما تعرفوش كمان انه لو فكرتك كويسة سواء عجبت او لا مادام واخدا طابع الدقن مش ها اقول اسلامي لالالالالالالالالالا الـــــــــذقــــــــــن

يبقى ها تعجب ولو تنحت شويتين مش ها تدفع ولا مليم وها تعمل البرنامج بشرط انك ما تقبضش ولالالالالا مليم

واللي عاوز يطلع على القناة يقولي وانا اقوله استوديو التصوير مكانه فين ونمر تلفونات المخرجين فيها كمااااااااااااااااااااااان

[مصري المصري]

أختنا الفاضلة شعنونة .. !!

يبدو أنك مصرة أن لي علاقة بالقناة .. وإصرارك هذا سيجعلني أعترف ..

نعم لي علاقة بقناة الناس ..

وهو أني ..

.

.

.

.

.

.

.

مشاهد محترف لجميع برامجها .. ومعجب بما تقدمه من مواد إعلامية أكثر من رائعة .. إنها باختصار إحدى النقاط البيضاء القليلة في الثوب الأسود للقنوات الفضائية ..

عقلي الباطن يؤكد لي أن لك ( أنت وليس أنا ) تجربة مريرة في التقدم لشغل وظيفة في هذه القناة ..!! :blush:

ما علينا .. نرجع لقناة الناس .. :huh:

من البرامج الأكثر من رائعة لهذه القناة هو برنامج فضفضة .. ويأتي يومياً في الحادية عشرة مساءاً وحتى الساعة الواحدة .. فيها يتم التحدث عن ما يهم الناس من أمور عقيدتهم ودنياهم .. وهو برنامج ممتاز أنصحكم بمتابعته .. وهتدعولي .. عيبه الوحيد أنه بيخليني أتأخر كل يوم عن الدوام .. :blush:

(( وأكيد يا شعنونة عرفت الآن أنا بشتغل مُعد لأنهي برنامج بالضبط !! ))

[أبو العيال]

الفاضل / مصري المصري

أشاركك الرأي بأنها قناة جيدة تحترم عقلية المشاهد .. وأعتقد أنها إذا استمرت على هذا التميز ستكون في خلال فترة قصيرة جداً القناة المفضلة لمعظم المشاهدين في مصر .

تحياتي لك

[Sherief AbdelWahab]

خارج الموضوع:

لكليو الحق في أن تخشى .. فنحن دخلنا بالفعل دائرة الصراع بين الفكر الوهابي ، وما تسميه عزيزتنا كليو الوسطية الأزهرية ، وبين الصوفية العفريت الذي أخرجه بتوع الفكر الجديد من القمقم ويريدها الأخيرون أن تسيطر على المؤسسة الدينية الأزهرية إن لم تكن تسيطر بالفعل ، بأمارة مركز صالح كامل للاقتصاد الإسلامي ، محفل اجتماعاتهم ، وبأمارة شيوخ الأزهر الذين يحولونهم إلى أولياء وينصبون لهم الموالد..

إنه الصراع بين قناة الكوثر ، وقناة الناس ، وقناة المحور ، وربنا يستر..

عذراً للخروج عن الموضوع يا جماعة الخير..

خلص الكلام

[Cleo]

خارج الموضوع:

لكليو الحق في أن تخشى .. فنحن دخلنا بالفعل دائرة الصراع بين الفكر الوهابي ، وما تسميه عزيزتنا كليو الوسطية الأزهرية ، وبين الصوفية العفريت الذي أخرجه بتوع الفكر الجديد من القمقم ويريدها الأخيرون أن تسيطر على المؤسسة الدينية الأزهرية إن لم تكن تسيطر بالفعل ، بأمارة مركز صالح كامل للاقتصاد الإسلامي ، محفل اجتماعاتهم ، وبأمارة شيوخ الأزهر الذين يحولونهم إلى أولياء وينصبون لهم الموالد..

إنه الصراع بين قناة الكوثر ، وقناة الناس ، وقناة المحور ، وربنا يستر..

عذراً للخروج عن الموضوع يا جماعة الخير..

خلص الكلام

عزيزى شريف..

بل أقصد الصراع بين قناة اقرأ والمنار والمحور :angry2:

[Sherief AbdelWahab]

ما هو فيه قناة تانية اسمها الكوثر ، دة غير قناة الناس اللي بنتكلم عليها ، وأسمع إن القارئ مشاري راشد عمل قناة خاصة بيه ..

أقول إيه غير :

خلص الكلام

[Farida]

وأعتقد أنها إذا استمرت على هذا التميز ستكون في خلال فترة قصيرة جداً القناة المفضلة لمعظم المشاهدين في مصر .

:angry2: :o

انا اعرف ان التباين فى الأذواق مطلوب و لكن ان يكون التباين للدرجه دى ....تبقى القناة المفضله فى مصر .....اشك جدا ......

[Sherief AbdelWahab]

شعنونة العائدة بعد غياب طال :

بما إنك كنتي ح تبقي مذيعة أكيد شفتي المذيعات هناك..

أنا مع إن تكون المذيعة محجبة أو غير محجبة بس تكون مؤهلة ، يكون صوتها مميز وقوي مش زي عاهات قناة سترايك اللي أصواتهم عيانة طحن وبينهجوا وهمة بيتكلموا..

شفت برنامج جلسة عربي .. والبرنامج بصراحة كان كشكل وكصورة جلسة تعذيب .. والحوارات نمطية جداً وخالية من الابتكار.. وأي واحد متعلمله تواشيح ثري دي ستوديو ماكس القديم يعرف يعمل تتر أحسن منه..

اترحمتي من الناس دي فعلاً..

وأرجو ما تكونيش فهمتي العبارة اللي قلتها في مداخلتي الأولى في الموضوع غلط :

وهي أفكار ممتازة قياساً على ما تقدم هذه القناة في الوقت الحالي..

لأن أفكارك حلوة على الإطلاق .. وخسارة في ناس زي القناة دي.. أنا أعمل قناة أحسن منها.. ومبهزرش..

خلص الكلام