الضرب فى الميت

[ezzat afifi kotb]

                الضرب فى الميت -- اعمال مبتسرة

                                 1

طالع بصاروخ يزرع له سفير ---- واختار له مدار ف الاتموسفير

كوكب جواسيس برموز تشفير ---- يبعت اخطار يرجع تحذير

اقماره فوقنا تلف وتسعى ---- وتصور ف النملة بتسعى

وتكبرها ستة ف تسعة ---- مع بصامتها فوق الجير

ادى باب العلم والاستشعار ---- دنيا الارقام واحنا الاصفار

عايشين فى هزائم وبأصرار --- ماشيين ف الصف بدون تفكير

فارس العصر الوحش المارد --- ذو الجباروت والدم البارد

ماشى برعونة وف طوله فارد ---- اخد الصفعة بدون تخدير

وقع الوحش وكان مذهول --- من هول الصدمة كان مبلول

مش عارف مين المسؤل --- وف اى خرابة كان التدبير ؟

دايخ لسة الناتو يلحقنى --- يدش البصلة ويفوقنى

ماء وشى هربان من دقنى --- مين يساعدنى بدون تأخير

اندهش القاصى ووقع الدانى --- وصدى اللطمة كان ف ودانى

وحش عجين صنع الزلابانى ---اتجنن من صوت التفجير

                    2

اضرب هى الجثة بتتألم --- ولا الضرب ف ميت علم

ايوه صحيح العلم اتقدم ---- لكن الابكم كيف يتكلم ؟

يرفع ايده عليك ويشاور --- تشوفه تقول ابكم بيحاور

كفه ف وشه دعاء ع الغادر --- كفه ف وشك معناه سلم

جلدنا فوقه علامة الضرب --- وياما أكلنا زبيب الغرب

بلادنا ساحات تدريب الحرب --- نشن فى الاطفال واتعلم

الطوبجى الاعمى ميهموش --- تطلع صايبة ولا فشوش

الاطفال دى ح تبقى جيوش --- اجتث جذور وفروع تتقلم

ومين يفهم م الابكم هووه ----وتحت الانقاض جثة اخوه

ينبش يطلع زند ابوه --- لم الاشلاء وفصلها وقسم

وفوق البكم النظرة جريحة --- مأساة حرب ف عينه فصيحة

لأ يا عالم ... لأ بالتشويحة --- ابن المسلم ليه يتيتم

خداع الرحمة يغطى البلوة --- بعد القصف بيرمى الحلوى

ادفن واصبر يمكن سلوى --- تعشش ع الاحزان وتعتم

وقف الابكم مستنى طحين --- سرحت شظية ف الواقفين

الاطراف قالوا مش رجعين --- دس رماد ف النزف واكتم

ومع البكم ضاعت اطراف ---ووحوش بتردد باستظراف

ح نبيد بالعدل وبالانصاف --- واللى يعيش لازم يتحجم

واحنا عقولنا فيها اورام ---من كتر ما شوفنا من اجرام

نشوف البؤس نقول يا حرام --- وندعى على الشيطان يتألم

                         3

مش عارف ابدأ من فين ---- وما ابدأ مين يسمع زين

مشكلتى ف الجسم سمين --- وبسرعة اجرى مترين

ولا اعرف ازيف وازور --- وبذوق للأعور اقول اعور

واتظاهر واهتف واجعر --- تمسكنى الشرطة م الكتفين

قبل ما يسئلوا ع الاحوال --- م المتنقى كلام يتقال

وابقى ف ايدهم زى شوال --- كوم واحدف م ارجلين

انزل ع الراس عضمها يندك --- ورقبتى تحتاج لمفك

وف ظهرى الدعمات تنشك --- والضمادات اربط شهرين

ماشى ف مظاهرة ياواد يا تخين --- فين يوجع ما تقول لنا فين

الصفعة تخللى شرارة م العين --- تخبط ف الارض ترد اثنين

خلعوا الكتف وعضمة اندش --- واسمع شتمة تقول يا مفش

بتقبح ف الريس بوش --- وحط صوابعه ف العنتين

يا ابن الجنية والجان --- قر وقول قبل ما تتهان

اصل جدودك من طالبان --- قلت انا جارى فى فلسطين

عزت عفيفى قطب

[حسن ابراهيم حسن]

لا فض فوك و لا عاش شانئوك ياسى عزت