اللي مرباش كلب ميعرفش الوفاء على أصله

[MZohairy]

واضح انك فاهم في الموضوع يا هوبسان

تقدر تقولي الدالميشن ممكن يستحمل يعيش في المناطق الحاره؟

لأنه بصراحه عجبني جدا و من اظرف الأنواع

[hopsan]

عمنا زهيرى

مش قادر افهم معنى كلمه حاره ؟؟؟؟

الدلميشن او الدلماس عايش و متهنى هنا فى مصر و بيكبر و بيترعرع زى الفل و شفته كمان فى استراليا و دى فى الصيف حر جدا اللى بيبقى هنا شتا...كان اولى الجيرمان بتاع المانيا ميقدرش يستحمل الحر بتاعنا اهم حاجه اهم حاجه ميه متجدده و يعيش فى ايتها حته ...سيبك من ده كله ...بينى و بينك كلمه عالماشى و احنا بنقزقز كوزين دره و على حسابك.............. الكلب نجس و دى انت اقريت بيها و لله الحمد يبقى كده مافيش مشكله ...النجاسه و انت سيد العارفين تقابلها الطهاره

انا مش حتكلم فى الدين علشان لا نثير اى حساسيه مع حد بس... الشك يا حبيبى.... يعنى لما نكون فى حاله شك فنقطع الشك باليقين و ايه هو اليقين انى لما يجى ميعاد الصلاه و الشىء ده انا بعمله اغير هدومى و اتوضأ و اصلى فى مكان لا يدخله كلب ..بس خلاص

انت كده خلصت الكوز اللى معاك تاخودلك واحد تانى؟؟؟

[MZohairy]

سيبك من موضوع نجس ده الله يخليك

انا عايز كوز سخن بس يكون طري :blush:

[yacho]

معلش يا زهيرى انا احب كل الحيوانات وهى بيبي

انما لما بتكبر مش بحبها

بس عموما مش باحب اربى اى حاجة عندها اسنان او بتطلع صوت

علشان كدة مش باحب اربى غير سمك وبس وممكن اهتم بالزرع

زهقت من العصافير والاختراع الجديد الى اسمة هامسر (حد يربى فار فى البيت مع العلم عندى واحد علشان بناتى بس بكرهه موت ونفسى ساعتة تيجى بس من غير تدخل منى)

انما انا معاك ان الكلب بيكون وفى جدا

وكمان الاعتماد علىالكلب فى مساعدة فاقدى البصر واكتشاف الامراض عند اصحابهم زى السرطان

وادى حاجه كمان انا ونانسى متفقين فيها مع بعض .. انا كمان مش بحب الحيوانات الا وهى صغيره وبيبى

وبنتى عندها هامستر .. بس بصراحه انا بحبه عشان مكلبظ .

موزهيرى .. الكلاب وفيه ومخلصه وكل حاجه .. بس موضوع انها مش طاهره ووجودها بيمنع دخول الملايكه البيت

يخللى الواحد يضحى بيها ويحبها كده من بعيد لبعيد او يا سلام لو عندك جنينه حلوه وفيها مكان مخصص للكلب يبقى

كده ممكن تبقى يعنى متطمن شويه بالنسبه لطهاره البيت والمكان اللى انت عايش فيه .

يا ريت بقى كوز دره محروق سنه . . واعلى بالراديو عشان دى اغنيتى الفضله

يا كلبى خبى لايبان عذابك

تم تعديل 4 يونيو 2006 بواسطة yacho

[khedr]

هناك دعاء علمني اياه احد الاصدقاء

بسم الله الذي لا يضر مع اسمه شئ في الارض ولا في السماء وهو السميع العليم

وهذا يقال اذا احسست بالخوف من مهاجمه الكلاب الضاله لك

وصدقوني هذا دعاء عن تجربه ....احيانا تضطرني الظروف الي النزول من المنزل في الليل المتأخر

واجد عدد لا بأس به من الكلاب الضاله تحيط بي من كل جانب

ولكن عندما ا قرأ ذلك الدعاء اجدني امر من جوارهم بدون اي اذي ولا مشاكل

[Lembic]

هناك دعاء علمني اياه احد الاصدقاء

بسم الله الذي لا يضر مع اسمه شئ في الارض ولا في السماء وهو السميع العليم

وهذا يقال اذا احسست بالخوف من مهاجمه الكلاب الضاله لك

وصدقوني هذا دعاء عن تجربه ....احيانا تضطرني الظروف الي النزول من المنزل في الليل المتأخر

واجد عدد لا بأس به من الكلاب الضاله تحيط بي من كل جانب

ولكن عندما ا قرأ ذلك الدعاء اجدني امر من جوارهم بدون اي اذي ولا مشاكل

المشكلة إنى بترعب من الكلاب وبالذات اللى بتعض!

[واحد تاني]

والله يا استاذ Lembic انا كل مشوف الصورة اللى حضرتك حاططها دي بضحك بجد ...وادعيلك عشان ضحكتينى

وعشان كده عاوز اهدي لك اغنية :

كلب ايه اللى انت جاي تقول عليه

انت عارف قبلا معنى الكلب ايه

كلب ايه ...

كلب اه...

اسف يا استاذ زهيرى على الفاصل ... تقدر تواصل

[MZohairy]

خلاص

كده بقى مش لازم ننسى أغنية الأستاذ فريد الأطرشكلبي و مفتاحه

اللي غناها في فيلم .... الطوق...... و الأسوره

و تعتبر من الأغاني .... العظام...

واللي لما غناها مره في قرية ........أرمنت .... خلت الجمهور من ابتهاجه يهز ديله :blush: أقصد يهز المسرح من التصفيق

كلبي و مفتاحه

دول ملك ايديك

و مساه و صباحه

هوهولي عليك

كلبي و مفتاحه و مفتاحه دول ملك ايديك

ولا أغنيته التانيه الشهيره .. عضني قد ما تقدر يا حبيب الكلب

و لا الأغنيه الجميله هوهو....

هو بس هو اللي ساكن في قلبي

هو بس هو اللي وهبته حبي :blush:

[hopsan]

yacho

وادى حاجه كمان انا ونانسى متفقين فيها مع بعض .. انا كمان مش بحب الحيوانات الا وهى صغيره وبيبى

وبنتى عندها هامستر .. بس بصراحه انا بحبه عشان مكلبظ .

موزهيرى .. الكلاب وفيه ومخلصه وكل حاجه .. بس موضوع انها مش طاهره ووجودها بيمنع دخول الملايكه البيت

يخللى الواحد يضحى بيها ويحبها كده من بعيد لبعيد او يا سلام لو عندك جنينه حلوه وفيها مكان مخصص للكلب يبقى

كده ممكن تبقى يعنى متطمن شويه بالنسبه لطهاره البيت والمكان اللى انت عايش فيه .

يا ريت بقى طوز دره محروق سنه . . واعلى بالراديو عشان دى اغنيتى الفضله

يا كلبى خبى لايبان عذابك

yacho انا اللى بابيع الدره مش زهيرى

و من عينيا يا فندم ..آدى و احد طوز ..اقصد كوز دره معتبر محروق سنتين كمان

و بعدين و ماله ربى فار ...أقصد هامستر فى البيت ...آهى حاجه بتمشى و خلاص

و اسعو الأغنيه دى ...حيرت كلبى معاك و انا ادارى و ......اهوهو

الدره المشوى ....مين يقول هات...؟

[yacho]

yacho

yacho انا اللى بابيع الدره مش زهيرى

و من عينيا يا فندم ..آدى و احد طوز ..اقصد كوز دره معتبر محروق سنتين كمان

و بعدين و ماله ربى فار ...أقصد هامستر فى البيت ...آهى حاجه بتمشى و خلاص

و اسعو الأغنيه دى ...حيرت كلبى معاك و انا ادارى و ......اهوهو

الدره المشوى ....مين يقول هات...؟

ميييييييييييييييييييييييين hopsan

وغلاوتك انا مشى شايفه .. لا وكمان مش عارفه اكتب

بتتريق عليا .. طب مانيش شاريه منك تانى .. هاه :lol: ;)

واهديك اغنيه

كلبى القاسى يحب ويصبح ناسى

تم تعديل 4 يونيو 2006 بواسطة yacho

[م الغزالى]

مش عارف ليه أحب أشارك فى موضوعات الأخ العزيز زهيرى ؟؟ عموما طالما بطل يهدى النفوس أنا لم أنسى هديتى له بس مستنى شوية لما تنتهى الفترة الممنوحة له

عموما

فى ألمانيا يوجد 22 مليون و700 ألف حيوان منزلى ( طبعا لا تدخل فى التعداد الأسماك المرباه فى الأحواض ) طبعا حسب أخر إحصائية ف 2004 أما الأن فأكيد زادوا شوية

منهم 5 مليون كلب طبعا الأرانب و الهامستر تسبقها بتقريبا 800 ألف و بعده تاتى الطيور ( طبعا مش للأكل ) ب 4 مليون و 700 الف

السؤال المهم هنا تفتكروا كام تتكلف تغذية هذه الحيوانات والرعاية الصحية و التأمين عليها و كم تكفى هذه الأموال لإطعام ملايين الجائعين فى أفريقيا ومناطق الجفاف فى العالم ألثالث

مجرد تسؤل ! أعزكم الله

[hopsan]

Koenig der Loewen

طبعا تكفى تأكل كتير و لكن هما عندهم الحيوان و رعايته اهم بكثير من ان يعيش انسان على الهبات و مد المساعدات

و ده كلام واحد من جيرانهم و هو سويسرى و قال لى بالحرف الواحد انا بعمل المستحيل علشان اعيش و ادفع فواتيرى فلماذا جوعى العالم لا يفعلون المثل ..فعل المستحيل لإيجاد لقمه العيش ..لماذا نحن المنوطين بالصرف عليهم و دفع اموال تذهب لجيوب سماسره الحروب .هم يدفعون ليرو نتيجه ما يدفعونه امامهم اى فى حيواناتهم

و بعدين لو تعيد قراءه عنوان زهيرى و المداخلات فلن تجد اى علاقه بالكلب ووفائه و ما سطرته سيادتكم ..و آسف للتدخل

تاخودلكش كوز دره تطرى بيه على قلبك ...( يمكن علشان انت جديد هنا معانا فأنا المعتمد الرسمى لبيع الدره )

[MZohairy]

بتاع الدره

انت يابتاع الدره

تعالى هنا

كوزين لو سمحت بس مش مجلدين

الراجل Koenig der Loewen عايز يوريك ان الشعب الألماني بيفهم زيي

بس مش اكتر

خد يا عم الدره بتاعك وحش أوي

فين الهديه ياKoenig der Loewen ؟ :angry2:

[hopsan]

يا زهيرى

.

.

.

.

انت يا زهيرى.......خد اقولك

انت فهمت الأول اKoenig der Loewen كان بيقصد ايه..؟

الراجل عايز يفهمك ان الألمان دول بيربو كلاب بفلوس كتيره ...يعنى بيشترو اكل الكلاب مخصوص من السوبر ماركت الخاص بهم ...مش اللى فضل من غدا النهارده نزحلقه للبوبى اللى عندنا بدل ما نرميه فى الزباله

فالرجل يقصد ان الواحد من دول بدل ما يستمتع بتربيه كلب او حيوالن اليف يتبرع بالفلوس دى و يروح اكثر من نصف المبلغ إن مكنش كله لسماسره الغذاء و العصابات و يفضل الشعب كما هو جوعان

و بعدين انت زى ما بتقول انهم بيفهمو زيك ..و طبعا بتقصد الألمان .طيب انا اقولك ايه مفهومهم عن الكلاب و بعدين ابقى قول هل مفهومهم زى حضرتك ولا لأ

العالم دى بتربى كلاب و حتى الحيوانات علشان هما لما بيرجعو من شغلهم مبيلاقوش حد فى البيت و البيت بيبقى فاضى عليهم يا ولداه و مش لاقين حاجه يمارسو فيها الأمومه و الأبوه غير الحيوانات و بالطبع الكلاب افضلهم ...اولادهم لما بلغو ال 16 سنه لهم الحق فى الخروج من المنزل و العيش خارجه ( يعيشو حياتهم ) فلذلك تجد 85% من مربى الحيوانات اعمارهم تزيد عن 46 سنه و عزاب ..اى يعيشون لوحدهم و النسبه الضئيله و اللى عندهم حيوانات و اطفال دول علشان تعليمهم حب الحيوانات ..( علاقه طبيعيه ) ...فحضرتك لسه مصر ان الألمان بيفهمو زى حضرتك ..؟

معلهش..... هات كوزين الدرا ..ملكش نصيب فى الطيب ...الف واحد يشتريهم و لا إكمنى غلبان و عنديش ميكرويف اعمل عليه الدرا اللى انت عايزه ...يا عم دى الأرزاق على الله

[MZohairy]

يعني انتو جايين على الصرف على الكلاب و خلاص بقى من علامات الأسراف؟!!!!!!!!!!!!!!!!!!!!!!!11

ولما معظم الأسر المصريه الغير مقتدره يبقى عندها موبايل واتنين وتلاته واربعه ده مش اسراف؟

و لما الخليجيين يجيبوا اربع عربيات لكزس بأربع سواقين و اربع خدامات لأسره واحده ده مش اسراف؟

و غيره و غيره

اشمعنى جيتوا على الغلبان و استقويتوا ؟ :angry2:

هاتلي الكوزين بتوعي تاني لحسن جعت :wub:

[عادل أبوزيد]

وجدت هذا الموضوع فى الموضوعات المشابههة أو المقترحة كما أسميها ووجدته موضوعا جديدا فأحببت أن أسهم فيه ببعض خبراتى السطحية.

ما سبق كان إستهلالا لابد منه

لم أمتلك كلبا طوال حياتى إلا لماما من عدة أيام إلى شهرين هذا فى طفولتى وشبابى ، إبنى الصغير (30 سنة الآن) إقتنى القطط و الأسماك و كان يحلم بإقتناء كلب و يوم ما أحضر له عمه كلب ضخم الجثة أظنه جيرمان شيبارد و أعذرونى إذا كان الإسم غلط و أحضر له أيضا بيت للكلب وضعناه فى سطوح الفيلا و بقى معنا الكلب ربما سنتين و بعدها مللنا من أعباءه و أهديناه إلى خال زوجتى أخذه عنده فى العزبة فى الريف.

الكلب كان ودودا للغاية و صديق لكل أفراد العائلة و لكن ربما الحياة فى المدينة فى مدينة نصر فكان الكلب يشكل عبئا كبيرا كان الأمر يستتبع إرسال البواب عدة مرات فى الأسبوع لشراء هياكل فراخ لزم طعام "روفاس" و هذا إسم الكلب الذى إختاره أحد إبنى على إسم كلب رئيس الوزراء البريطانى تشرشل.

و كلفت البواب إنه يفسح الكلب كل يوم و أحضرت إتنين مدربين للكلب واحد يدربه على الطاعة و الآخر يدربه على الشراسة و كل هذا كان مقبولا ...... حتى بدأ إزعاج الجيران بعوائه العالى فى "إنصاص الليالى" و إشتكى الجيران فلم يكن هناك مفر من التخلص منه.

إقتناء الكلاب الكبيرة بالذات فى المدن يمثل عبء كبير لا يتحمله كل بيت.

[أمل حياتي]

الأخ الفاضل عاد ابوزيد

موضوع الكلاب ده موضوع غريب وانا استغربت العنوان ودخلت اقرا

واعتقد ان احنا نظرتنا كمسلمين صعب نتقبل وجوده باستمرار في المنزل حتى لو احضرناه فتره

وهذا ما حصل لحضرتك

بالآخر هي مسأله شخصيه ولكن طبعا لابد ان نعود لمدى صلاحيته من الناحية الاسلاميه كتطبيق

واعتقد ان فقراء العالم اولى طبعا بنفقات هذا الحيوان

تم تعديل 29 أكتوبر 2010 بواسطة حمال الأسيه

[قلب ابيض]

موضوعات زوهيرى بشكل خاص تجتذبنى وتثير فضولى دائما

وادخلها وانا واثقه تماما انها سوف تنقلب مهما كانت اهدافها الى اهداف دينيه او سياسيه

زوهيرى تقبل تحياتى اولا

طبعا لم استطيع ان اقرأكل المداخلات واكتفيت باول صفحه واخر مداخله لانى تقريبا عرفت اللى بينهم

اولادى وزوجى من محبى بل المولعين بتربيه الكلاب

منذ سنوات ليست بقليله تعدت العشر سنوات ولدينا سلاله من ابناء واحفاد

وردا على كل من تطرق لتربيتها سواء بمصروفاتها او حرمانيتها او ما الى ذلك

فما المانع من تربيتها بغرض الحراسه ؟

والمانع ان وجد المكان المنسب كحديقه المنزل مثلا للتربيه ؟ بحيث تكون عن اماكن الصلاه او حتى المعيشه ؟

وما المانع من اقتنائها واطعامها الطعام الخاص بها طالما انى بالمقارنه اتصدق واطعم المحتاج وارعى الله فى البنى ادم والحيوان؟

ما المانع ان تكون هوايه مثل هذه موجوده لابنى ترقق قلبه على الحيوان وبالتالى اكيد لن يقسو على الانسان

وبمناسبه وفاه الحيوان على فراق صاحبه فانا اوكد تلك المعلومه وما شهدت من وفاء اطلاقا من انسان كوفاء الكلاب باصحابها " مع احترامى وعدم المقارنه بين الانسان والحيوان "

[Diab]

الكلب حيوان وفي وهو صديق للمصري من زمان أيام الفراعنة

استغني عنه اغلب العرب في الجزيرة العربية لانه بيستخدم ماء والماء كان شحيح فيمكن الأستغناء عنه

لكن مش كل حيوان نحبه أو يبقي وفي نربيه لأن بكدة أولي منه ان الفلاح يربي أبو قردان في بيته

تم تعديل 30 أكتوبر 2010 بواسطة Diab

[MZohairy]

موضوعات زوهيرى بشكل خاص تجتذبنى وتثير فضولى دائما

وادخلها وانا واثقه تماما انها سوف تنقلب مهما كانت اهدافها الى اهداف دينيه او سياسيه

زوهيرى تقبل تحياتى اولا

طبعا لم استطيع ان اقرأكل المداخلات واكتفيت باول صفحه واخر مداخله لانى تقريبا عرفت اللى بينهم

اولادى وزوجى من محبى بل المولعين بتربيه الكلاب

منذ سنوات ليست بقليله تعدت العشر سنوات ولدينا سلاله من ابناء واحفاد

وردا على كل من تطرق لتربيتها سواء بمصروفاتها او حرمانيتها او ما الى ذلك

فما المانع من تربيتها بغرض الحراسه ؟

والمانع ان وجد المكان المنسب كحديقه المنزل مثلا للتربيه ؟ بحيث تكون عن اماكن الصلاه او حتى المعيشه ؟

وما المانع من اقتنائها واطعامها الطعام الخاص بها طالما انى بالمقارنه اتصدق واطعم المحتاج وارعى الله فى البنى ادم والحيوان؟

ما المانع ان تكون هوايه مثل هذه موجوده لابنى ترقق قلبه على الحيوان وبالتالى اكيد لن يقسو على الانسان

وبمناسبه وفاه الحيوان على فراق صاحبه فانا اوكد تلك المعلومه وما شهدت من وفاء اطلاقا من انسان كوفاء الكلاب باصحابها " مع احترامى وعدم المقارنه بين الانسان والحيوان "

كلام جميل يا قلب ابيض و كله منطقي

على فكره و رغم عشقي للكلاب كمخلوقات و تربيتي لأنواع عديده كثيره بمختلف الاحجام منها ما يزيد وزنه عن 120 كيلو كالسان بيرنار و منها ما يصل وزنه لكيلو و نص زي الشيواوا مثلا

الا انني لم اغفل الشق الديني في الموضوع

و قرأت فيه بكل تعمق و بكل اخلاص و رغبه في الوصول الى الحقيقه

و سألت علماء دين و علماء بيطريين كثر بعد و قبل و اثناء القراءه

و وصلت لقناعه تامه تخصني وحدي و لا اجبر احد على الاقتناع بها

و هي ان الكلب حيوان لا يختلف عن اي حيوان منزلي آخر من الناحيه الصحيه و الناحيه الدينيه

قناعه متيقن منها لدرجة الكمال

و اعذروني على عدم الدخول في التفاصيل لعدم التشتيت

و اتفق في النهايه مع الاستاذ عادل على ان تربية الكلب مسئوليه و عبئ مش سهل

الا ان المقابل النفسي اكبر بكتير قوي

شكرا