إن جالك الميري ؛؛؛؛ اهرب ..... وادعي لي

[yasovinas]

جلس مسجون وموظف في قطار الصحافه متقابلين ودار هذا النقاش وهذه المقارنه بين احوال كل منهم فاسمعوا وعوا

الموظف : ايه اللي رماك الرميه السودا دي يا ابن الحلال ؟!! انت شكلك ابن ناس ومش وش اجرام

المسجون : وانت ايه اللي عمل فيك كده يا ابن الناس؟؟!! انت شكلك ابن عز ومش وش بهدله

الموظف: انا اللي رماني كده القوى العاملة

المسجون : وانا اللي رماني هنا القوى الغاشمه اللي اسمها الفقر

الموظف بس انت كده محروم من الحريه

المسجون : باستهزاء هأو يعني انت اللي مستمتع بيها قوي يا خي

الموظف : لا مش مستمتع بيها بس ,,,,, وسرح الموظف قليلا ثم انكسرت عينة في الارض وساد صمت رهيب

المسجون في نشوة انتصار : قول لي انا في السجن عايش في زنزانه واسعه وشرحه 15 متر × 25 متر ؛؛؛ وانت؟؟

الموظف : المكتب اللي قاعد فيه بالكتير 8×10

المسجون : طيب انا لما بزهق من المساجين زمايلي واتخنق منهم اقوم ضارب لى واحد منهم ولا اعمل اي مخالفه يقوموا موديني على الحبس الانفرادي استجم هناك كام يوم ؛؛؛؛ وانت ؟؟

الموظف : انا ؟!!!! لا طبعا انا علشان اقعد في مكتب لوحدي دي عايزة معجزة ومجهود جباااار

المسجون : انا رحت السجن بكيفي وبمجهودي الشخصي ولا مؤاخذة ,,,,,,, وانت ؟؟؟

الموظف : انا سوقت طوب الارض وبوست الايادي والاقدام علشان اتعين في الوظيفه

وللحديث بقية ؛؛؛؛؛؛؛؛؛؛؛ اذا كان في العمر بقية

تم تعديل 2 يونيو 2006 بواسطة yasovinas

[khedr]

هه.....وبعدين

[yasovinas]

فكرتني والله يا خضر نكمل ونحكي

المسجون : طيب يا عم المستوظف انا لما ابقى كويس وملتزم ومؤدب في السجن ؛؛؛؛ بيكافئوني بتقليل المدة

الموظف: انا طول عمرى مجتهد ومؤدب وملتزم ومكافأتي ان الشغل بيزيد علية وطبعا

المسجون : بكل شماته انا باكل ثلاث وجبات مجاناً في السجن وانت ؟!!!

الموظف : وهو يتذكر ما يحدث يوميا انا بضيع ربع الراتب على الاقل علشان اكل لقمه وانا في الشغل وكمان بنقعد نفكر ونقول ونعيد كووول يوم {هناكل ايه النهاردة}

المشجون : وبكل غرور كبار المساجين ضيوف دائمين في التليفزيون وبرامجه مثا "خلف الاسوار "

الموظف : بشماته وايه يعني ما كبار الموظفين ضيوف دائمين في صفحات الكاريكاتير

المسجون : عندنا المسجون اللي عنده نزعه سادية بيعزلوهم عن باقي المساجين

الموظف : وفي اسى ةواقتضاب " عندنا بيرقوهم

وللحديث بقية ؛؛؛؛؛؛؛؛؛؛؛ اذا كان في العمر بقية

[yasovinas]

المسجون وقد لمعت عيناه وابتسم : عندنا في السجن ممكن تقضي اليوم كله تسمع نكت وقصص وكمان شعر

الموظف بغيظ : عندنا في المكتب تقضي اليوم كلة ما بتسمعش غير اوامر وتوجيهات

المسجون وقد فرد جسمه ورفع راسه بشكل مستفز : عندنا في السجن نبدأ اليوم بطابور الرياضه يقوي الجسم ويقوي العمود الفقري

الموظف وقد انحنى ظهرة وتكور : احنا بنبدأ يومنا برأس منكس في الاوراق او شاشة الكمبيوتر كبداية لمشوار تآكل فقرات الظهر والاصابه بالديسك

المسجون محاولا اظهار الوجه الطيب الورع : في السجن عندي فرصه للتوبة في اي وقت

الموظف بيأس : انا ما فيش قدامي فرصه للتوبة قبل سن الستين

وللحديث بقية ,,,,,, ان كان في السجن بقية