آه من الحرف

[فنان محتار]

دنيا الحروف دى دنيا عجب ..

تلقيها كده كلها ليها سبب ..

28 ايه يابا دى غابة فيها عبر ..

ملايين ملايين يمكن اكتر من البشر ..

حرف مع حرف تلاقى بتتولد كلمات ..

اهات من بشر مظلومة منداسة بتنطق حروف

وحروف تترص تدافع عن ظالم وحروف تانى بتنصر المدبوح ..

هى الحروف كده لعبية تقعد تلاعبها تلاقيها كما الحواديت ..

حواديت ايه دهى اصل كل حكاية ..

فى البدء كان الحرف آه واكيد هيكون فى النهاية ..

فنان محتار انا ويمكن اللى حيرنى مع الالوان هى الحروف ..

[هشام الجنيدى]

حرفى كتبتك من روحى ومن وجدى

فهل اراك يا حرفى تواسينى

اغرورقت عيناى بالدمع فهل يجدى

معها الكلام وقد سالت على الطين

يا ويل نفسى من ذنب يورقها

ومن شيطان يغوينى

كتبتك فى مفكرتى

دليل الحق للدين

كتبتك توبة نصحا

لعل الله يهدينى

فكن يا حرف لى ظلا

وكن ماء لتروينى

وحين الغدر من اعدائى كن سيفا

وكن درعا لتحمينى

[bentmasria]

العزيزة فولانة شكرا لتواجدك هنا ولتشجيعك الراقى

فناننا المحتار

الحرف حكاية ومعاناة وميلاد وترحال وحياة

اسعدتنا بحرفك وننتظر المزيد

[dr gml]

آه من الحرف بين لهاث الروح والقلم

آه من الحرف وسط أنين الصمت كالكلم

آه من الحرف مثل سطوع النور بالظُلم

آه من الحرف وكان البدء فى القِدَم

آه من الحرف لا أدرى

كما الدمعات فى الفرح

أم الضحكات بالألم ؟

مع التحية و الشكر

[bentmasria]

هشام جنيدى فينك يا دكتور

رائع وشجى كغهدك يا صديق الحروف

كن بكل الخير

دكتور جمال

لهاث الروح والقلم وانين الصمت حكايات تقصها الحروف وتعبر عنها الكلمات

سيدى مبدع دائما

وآه من الحرف

إن يُنطق فيغويينا

او تسكن الاحزان من دمع مآقينا

او يخلب الالباب حين يثيرنا حسنا

او ينطق البوح بين حروفنا عشقا

آه من الحرف يكتبنا ويحكينا

[Salwa]

آه من الحرف.

يسحرنى ويطوينى..يطربنى ويشجينى..

.يداوينى فأكتب فى دواوينى..

يعلقنى فى حبال الصبر فأعزف لحن أشجانى.

ويصعد بى جبال الوجد فتقلقنى موازينى.

اقلمه..اعلمه..اهدهده..فيهدينى.

ياحرفا قد حوى ..نجواى..

يا دمعة وبسمة واطياف تنادينى..

رويتك نبع ايامى واحلامى ..

واشجرت ..واثمرت .

نجوما ....وقمرا ....فى بستانى.

----------

ايمان ياصديقة الروح والبوح ..

لن اترك العنان لحروفى فترتع فى حقولك الندية ...

فلندعها ترتاح بعضا من الوقت على بساطك السندسى الأخضر.

ولنا عودة ان شاء ربنا العظيم.

[bentmasria]

سلوى الروح وصديقة البوح

لطالما كانت حروفك شمعات تنير القلوب وتدل على اقصر الدروب

وحين قلت

ياحرفا قد حوى ..نجواى..

يا دمعة وبسمة واطياف تنادينى..

رويتك نبع ايامى واحلامى ..

واشجرت ..واثمرت .

نجوما ....وقمرا ....فى بستانى.

صدقت حقا ونثرت ندا من حروف فى ساحة زهورنا الصغيرة

انتظرك دائما وادرى انك ستعودين

لانك من حرف وكلمة ساهمت فى صياغة الحياة

وحشتينى

[dr gml]

وآه م الحرف بيناور

لا بيكتبنى بالكامل

ولا بيرحل وينسانى

صدى قوله

يكممنى

ويقصف قلمى ولسانى

والاقى صوتى متقطع

ما بين شطين

وبحر غريق

ومين يقدر يلم كلام

ونصه ف الحلوق مكتوم

ولما اتعب

واجمع غنوة محرومة

من الكلمات

وباستعجل

الاقى الوقت منى فات

والاقى لحن قلبى نشاز

وحلمى اللى اتولد فىّ

شبيه طوبة ف وش قزاز

[bentmasria]

االه عليك يادكتور بس انت والله موش لوحدك

والاقى لحن قلبى نشاز

وحلمى اللى اتولد فىّ

شبيه طوبة ف وش قزاز

آه من الحرف

ولما حروفنا تنطقنا

حنين وحنان وحبة جنان

ونكتب على اللى كان فينا يموتنا ....يصحينا

بتخنقنا ....ايادى لسه موش شايفة اللى راح منا

ولا خايفة مشاعرنا تجننا

ولا حاسة.... بشوقنا لبكره راح منا

وبفضل حرفنا ف الروح

غنا مدبوح

وراح منا

[هشام الجنيدى]

بتخنقنا ....ايادى لسه موش شايفة اللى راح منا

ولا خايفة مشاعرنا تجننا

ولا حاسة.... بشوقنا لبكره راح منا

وبفضل حرفنا ف الروح

غنا مدبوح

وراح منا

مرحش بعيد......

حزين يمكن .....مخاصمنا

مجرينا وراه مشواير.....

مصحى ضمير .....يأنبنا

لكنه اقرب لكف الايد ....

من العصافير....

لانه رغم انه حزين .... وعامل انه ....مخاصمنا

ميقدرش انه ينسانا ..... لانه احنا

لانه الفرح فى المحنة

لانه الضل لما الشمس تلمحنا ...فتلفحنا

تلونا بلون الضى .... تورينا طريق المى

نبص بعين ماليها الشوق..... نشوفه جوه ملامحنا

لانه مهما تتغير وشوشنا هنعرفه فيها .....لانه احنا لانه احنا لانه احنا