النسر المصري... إذن بالانقطاع عن المحاورة مؤقتاً

[سمـ مصر ــا]

أخى الفاضل الرافعى

هل تظن أن جميع الشركات الخاصة هنا فى الكويت

يهمها القانون الظلم شنيع عاى العاملين فى القطاعات الخاصة

وكم من أشخاص نفس حالة الاستاذ عمرو وزملائة

كثيرون وعلى فكرة أصحاب الشركات الخاصة يكلوا مرتبات الموظفين ويحلوا بيهم كمان بدون

أى أحساس (( واحنا مبنقبضش واللى مش عجبة الباب يفوت جمل )) فتستكين الناس لعل الفرج جاى

المفروض هنا يكون فية موقف لسفارتنا فين السفير والعمالة المصرية متبهدلة كدة

المفروض يا استاذ عمر ترحوا للسفير ويتم شرح الموضوع

ولو السفارة تدخلت انتو حتاخدوا معاشاتكم المتأخرة لكن من الممكن الشركة بعد كدة

تقول لكم مع السلامة

لا نملك الا الدعاء ربنا يسهل وتتحل من عندة ان شاء الله

وعموما هانت الانتخابات بعد كام يوم وان شاء الله يتعين المدير المنتظر

وطمنا عنك اول بأول

وربنا معك استاذ عمرو

تم تعديل 25 يونيو 2006 بواسطة سمـ مصر ــا

[النسر المصري]

صديقتي الغالية نانسي

عارفة يانانسي...عارفة ...مش هتصدقي نظرة الانكسار اللي بين عيون الشباب المتزوجة وهي على وجوهها الوجم والخوف والغضب....لكن فلتصدقوني اولا تصدقوني....مايشغل بالي ولاقلبي شيئا من نفسي...انما شاغلني شاغل واحد للآن...اولاد الناس دول...ومراتاتهم....ذنبهم اييييييييه.......وعشان كده انا متصدرلها...ولا فارقة معايا.......لانهم خايفيين يتكلموا....وهم معذوريين ...وراهم مسؤوليات مرعبة...اما انا فمصيبتي لاشيء يذكر...انا ممكن اكل عيش حاف....ولا تفرق معايا..وممكن يفنشوني...بردو مش هتفرق معايا.......بل لو هم كنسلوا اقامتي عشان تحريضي الدائم على الشكاوي...فبرضو مش فارقة معايا..الحمدلله..عندي شقتي...وعندي ابويا وامي واخواتي.....وعندي نعمه الاجتهاد في عملي....(وبرسم حلو :angry2: ) ...لكن دول موضوعهم تاني خالص....وربنا يرحمهم من جحيم الدنيا....مرسي اوي يانانسي على مشاعرك الرقيقة...وكل يوم بيثبت انك تكوني انجح شريكة لي في العمل باذن الله

عزيزي الغالي بلو مايند

تحياتي وتقديري لك ولدعائك لنا يا أخي العظيم

صديقي الحبيب الرافعي ....

الأمر لله ياصديقي الحبيب....ولا أطلب سوى الدعاء....ولكن بجد اشكرك على التنويه بالبحث قانونيا عن مخرج لتلك المشكلة مع استاذنا الكبير الافوكاتو

الحقيقة يااستاذنا العظيم الدكتور عقدنا مسجل فيه شروط مع المنظمه بانه لايحق لاي من الطرفين انهاء التعاقد الا بانذار مسببق بثلاث شهور اذا لم يوجد مشروع يعمل به..وأما اذا كانت لديه مشاريع فعليه انهائها اول ثم تبدأ فترة الجزاء تلات اشهر وذلك لقبول الاستقاله

وكان قد حادثني هاتفيا استاذ عادل وتحاورنا حول ان ابدأ بتقديم اوراقي لجهات عمل مختلفة...وبدأت بالفعل....ولكن توقفت فجأه وذلك بعد علمي بانه لايحق انهاء التعاقد قبل انهاء المشروع...ومن بعدها فكرة ايقاف المستحقات والمتأخرات....وبالتالي فانا ملزم بالعمل لديهم لمده لا تقل عن ستة اشهرهي المده المتبقية لانهاء المشروع اذا ماقدمت استقالتي الآن......ولكن لانه يوجد لي مستحقات فانا مضطر تاجيل ورقة الاستقاله لحين استلام كل المتأخرات...اي بعد شهرين من الآن سيبدأ تقسيطهم.....ومن ثم انتظر حتى استلم كل نقودي لتقديم الاستقالة.....يعني خدلك كده سنه اذا كانو مهتمين في الاساس

هذا ماحدث يااستاذ عادل...وهذا ما جاء بنص العقد يااستاذ افوكاتو...ونحمد الله على كل حال

الغاليه جدا سما مصر

طبعا فكرة السفاره مطروحة ولكن انت عارفاهم....ولا يسألوا فيكي.....لكني ماسكتش...ووصلناها لكبار رجال الدولة...وكتبنا عريضة لكل مكان..ولكن لا حياة لمن تنادي...

لكن تعاليلي هنا

انا اول مره اعرف انك هنا ف الكويت ...هو ده بجد ولا انا فهمت غلط؟؟!!

[مصرية يعني مصرية]

الله.......

كل دا يحصل لك يا عمرو و أنا مش عارفة :rolleyes:

انا مشفتش الموضوع إلا دلوقتي حالا

والله يا خويا المشاكل دي منغصة عيشتنا

بس إحمد ربنا إن مشاكلك مادية بس

و دي أمور بإذن الله حتتصلح آجلا أو عاجلا

و أتمنى انها تنصلح بسرعة

وعليك يا عمرو بدعاء الكرب وهو

قال رسول الله صلى الله عليه وسلم : "من كانت له حاجة ‏إلى الله تعالى، أو إلى أحد من بني آدم فليتوضأ

وليحسن الوضوء ثم ليصل ركعتين ثم ليثن ‏على الله عز وجل وليصل على النبي صلى الله عليه وسلم ثم ليقل :

لا إله إلا الله الحليم ‏الكريم سبحان الله رب العرش العظيم الحمد لله رب العالمين أسألك موجبات رحمتك ‏وعزائم مغفرتك

والغنيمة من كل بر والسلامة من كل إثم لا تدع لي ذنباً إلا غفرته ‏ولا همّاً إلا فرّجته ولا حاجة هي لك رضاً إلا قضيتها يا أرحم الراحمين"

رواه الترمذي وابن ماجه

[النسر المصري]

الله يخليك يامصرية ..والله طول عمرك بنت بلد واصيله

وانشاءالله ربنا هيفكها علينا

بس انا زعلان منك حبتين

فين الوجو بتاعي انا يعني عملت لوجو للكل وانا لا ...كده بردو

[shahd]

اخي الفاضل النسر المصري ربنا يوفقك وتتحل مشكلتك على احسن ما يكون

معلش دايما متأخرة بس غصب عني والله :blink:

[النسر المصري]

اختي العظيمة العزيزه شهد

ياشهد مين اللي يتجرأ ويقولك اتاخرت ولا مش عارف ايه...انت ليك مكانه عظيمة ف قلوبنا....،دعوتك عندي بالف ميعاد...اشكرك الشكر الجزيل

[مريوم المصرية]

ربنا يوفقك، وكل مشكلة وليها حل ،

وبرضو في دعاء تاني(لا إله إلا أنت سبحانك اني كنت من الظالمين)

وان شاء الله ترجع لنا بالسلامة قريب :)

تم تعديل 8 يوليو 2006 بواسطة مريوم المصرية

[Diab]

تروح وترجع بالسلامة يا نسرنا العزيز بس متغبش علينا كتير

تم تعديل 8 يوليو 2006 بواسطة Diab

[النسر المصري]

الغالية مريوم

اشكرك جدا على مشاعرك النبيله ياسيدتي الرائعة...ولكني بدأت ارجع مشاركا في المنتدى مره أخرى ....رغم عدم وجود حل لمشاكلنا

اشكرك جزيل الشكر مره أخرى ايتها الرائعة

صديقي النوبي دياب

تعرف يادياب ان انا اساسا من العريش....يعني احنا تقريبا كده عادات وتقاليد واحده...اصلي قريت موضوعك بتاع النوبه..وعرفت انك نوبي....وطبعا اكمني انا جذوري عربيه بدويه قديمه...اذن فنحن متطابقين تقريبا في العادات......اما ياصديقي العزيز عن حالتي فباذن الله هتتحل قريب

اتمنى التواصل فور ايفير