ماله الريس !!!?

[واحد تاني]

وصلني ما يلي على بريدي الالكتروني ...

من شخص لا اعرفه :sad: ... وليس لي به ايه صلة :blush: ... ويبدو انه يتحدث عن رئيس دولته التى تقع غالبا فى كوكب تاني :wub: ...

ماله الريس؟؟؟

أنا مبخافشى وحفضل أقول كلمة حــق عليها مسئـول

إن الريس راجــل طيــب وبشعبه دايما مشغـــــول

مشغول انه يلم فلوسنا بره سويسرا يحوشهالنا

وف حسابات سريه يشيلها نفسه يأمن مستقبلنا

شفتوا ازاى بقى قلبه رحيم عنده إيمان وضميره سليم

بيجوعكوا لجل تخسوا ياشعب يا محتاج لرجيم

من جهلكوا بتقولوا بطاله وان الاحوال مش شغّاله

دا الراجل نفسه يريحكم هى الراحه تبقى قواله؟

أما حكاية المنتجعات ليه تسموها المعتقلات؟

ليه الظن وسوء النيّه نفسه يفسحكوا يا بهوات

أما الكرسى واللى اتقال دا كلام مش محتاج لسؤال

الغلطه دى غلطتنا يا عالم إن مجبناش كرسى تيفال

والله انتم ظالمين الراجل ضيّع عمره ومين يستاهل

حتى الأكل بياكله بدالنا طالع واكل نازل واكل

بعد ده كلّه .. .. .... ماله الريس ؟؟؟ ؟؟؟

اذا كان المؤلف فى الجوار ... اظهر وبان فلا غبار

تم تعديل 3 يونيو 2006 بواسطة واحد تاني

[khedr]

طبعا البلد دي مش بلدنا....

واي تشابه بينه وبين بلدنا فهو مسؤليه المتخيل

واي تشابه في الشخصيات من محض الصدفه البحته