بيت صغير فوق جزيرة لوحدك..ماذا ستفعل وماذا ستحمل معك؟!

[المدهش]

تخيل وتخيلي معي.. أنه جاءتك دعوة فردية مجانية لمدة أسبوع في بيت صغير فوق جزيرة بعيدة..شاكلة الاقامة خمس نجوم مع طعام وشراب يكفي لمدة أسبوع والبيت متوفر به كل وسائل الترفيه..وغير مسموح لك باصطحاب أحد معك..فماذا ستفعل خلال هذا الأسبوع وماذا ستحمل معك إلى تلك الجزيرة المنعزلة.

[فولان بن علان]

لأني لا أحب العزلة حتى لو كانت كل أساليب الرفاهية متوفرة

فإني وبكل ثقة سأرفض هذه الدعوة أو أعطيها لغيري

ولو فرض وكانت اجبارية من جهات أمنية مثلا :blush:

فسأحمل معي كمية كبيرة من الكتب المتنوعة

أقلام رصاص

عدة صيد سمك

دراجة

ألواح للرسم وألوان

مع إني مش بأعرف ارسم :sad:

[سمـ مصر ــا]

عرضك مدهش أخى مدهش

أنا محتاجة هذا العرض جداً

أول شئ أفعلة بعد وصولى الجزيرة مباشرة انى أنام وأنام وأنام (مهو مفيش حد يصحينى ويقلقنى ولا دوام ولامواعيد )

وبعد ما اشبع نوم .. أتفقد الجزيرة وأنزل أعوم والعب مع السمك شوية وأكيد بصطاد كام سمكة أشويهم

أما اية اللى أخدة معايا .... تليفونى بس علشان أغيظ زوجى وأنا مستمتعة تحت أشعة الشمس :blush:

[مصرية الهوى]

ياسلاااااااااااااام :blush: ..

أول حاجه هأعملها زي ما سما قالت هأناااااااام .. هأنام الليل كله من بعد صلاة العشاء لحد الفجر ..

بعدين أصحى اتفرج على منظر الشروق وطبعا عشان هي جزيرة اكيد هأشوف بحر ولو من بعيد ...

بعدين أقعد أفطــر على زقزقة العصافير الجميلة وصوت الشيخ عبد الباسط عبد الصمد وهو بيقرأ سورة طه ..

بعدين أقعد أقرأ ( ما انا هاخد معايا كتب ) ..

بعدين أروح أتمشى وأجري على شاطئ الجزيرة ..

والظهر أروح أعمل أكلي بنفسي .. وبعد الظهر .. أتمدد شويا واسمع اليسا والا محمد منير ..

واكيد عشان فيه وسائل الترفيه .. يعني فيه نت هأخش على المحاورات واكلم اهلي واصحابي على الماسنجر ..

وأتفرج على حاجه ممتعة في التليفزيون ..

وبعد العصر .. أعمل الشاي .. وأقعد أشربه بهدوء ..

وبعد المغرب هأتعشى .. واتمدد لحد العشاء ..

بعدها أصلي وانااااااااااااام ...

يا سلاااااااااااااااااااااااااام أنا عشت في حلم لذيذ ..

وتخيلت بيت فلونه فاكرينه ؟؟ ..

مليش دعوى يا مدهش وديني هناك :sad:

[sendrella119]

انت متأكد ان الموضوع اسبوع بس :sad:

ولا الحكاية حترسي زي ما رسيت علي Tom Hanks

في فيلم Cast Away

ده انا اتجنن :blush:

[hopsan]

اما انا اول حاجه آخدها معايا النصبه بتاعه الدرا انشالله ملاقيش حد ابيعله

و اسحب اللاب توب من تحت سرير الواد محروس ( هو بتاعى فى الأصل ) علشان اتابع تحركات كليو ..هل نزلت اسكندريه ولا لأ و كمان آسجل صوت الدوشه اللى هنا علشان مرجعش احس بغربه تانى و اللى اسمعه اعيده تانى و منساش اسجل خناقات الأولاد علشان اشعر انى لسه عايش و اهم حاجه اسجلها ..( ام العيال و هى بتقول اقفل التلاجه يا محروس ...البس الشبشب يا محروس .....طفى الكمبيوتر يا محروس .....لمعتى القزاز يا اشطه؟؟؟ ( ده اسم الشغاله الحقيقى ) ..غسلتى المواعين يا اشطه.....انت قاعد على الكمبيوتر كل ده بتعمل ايه ؟؟؟؟ ( الكلام ده ليا ) ).........أهم حاجه آخدها معايا ..هى العربيه ..حركنها فى كل شبر فى الجزيره و المكان اللى اسيبه مزعلش عليه علشان حركنها فى الشبر اللى جنبه

و بكده اقدر استمتع بالجزيره و الوحده الجميله

الدرا المشوى ...مين يقول هات..؟؟؟؟