مصير كل زملكاوي - تقليب مواجع

[se_ Elsyed]

أولاً أنا بأتقدم بإعتذار لكل زملكاوي عن الموضوع ده

لكن مش بإيدي والله يا جدعان

الموضوع ده جه جالي بالميل إمبارح ولما سمعت المقطع موووووووت على نفسي من الضوحك

خصوصاً وإن أسلوب وأداء عمرو أديب .. مالوش حل .. وبجد ينفع يبقى مُمثل كوميدي هايل

يالله عيشوووو

لتحميل الفيديو

إضغط هنـــــــــــــــــــــــــــــا.. (حجم الملف 4.41 ميجا بايت)

[se_ Elsyed]

شكر خاص للأرتيست موديست على مجهوداته الرائعه

وبالرغم من إنه زملكاوي وكنت حاسس إنه بيتألم وهو بيظبط الحركات دي .. إلا إن رسالته الفنية ... تغلبت على عاطفته الزملكاوية .. وأخرج لنا هذه التحفة الفنية ... فحييوا معي هذا الجُندي المجهول ( ولا بلاش جُندي أحسن وليد صفوت بيتضايق من الكلمة دي :angry2: )

[Modest]

وبالرغم من إنه زملكاوي وكنت حاسس إنه بيتألم وهو بيظبط الحركات دي .. إلا إن رسالته الفنية ... تغلبت على عاطفته الزملكاوية

.

[yasovinas]

رررهههييييب بصراحه انا بعد ما ضحكت حتى مش عارف حصل ايه لاوجادي

(اسألوا نوريه هي اللي عارفه)

بس بجد الراجل صعب عليه قوي موديست انت من الاحرار يا مودي

تخيلوا بقى لو الدكتور :angry2: هو اللي مكان عمرو اديب هيقول اييييه ؟؟؟؟؟ :wub:

[sendrella119]

اوكي يا س س

يوم لك ويو علييييييييييييييييييييييييييييييييييك :angry2:

بيدك يا موديست.............لا بيد ...س س

ويحك :wub:

[Modest]

شكر خاص للأرتيست موديست على مجهوداته الرائعه

كل ما أشوف الكلمة دي أفتكر الأفلام القديمة اللي كان دايماً يقولوا فيها أرتيست على الـــ....

رقاصة :unsure:

[Modest]

رررهههييييب بصراحه انا بعد ما ضحكت حتى مش عارف حصل ايه لاوجادي

:P

عارف يابو سكندر ;) .. نفسي النهاردة تعملوها في ماتش الأهلي و أضحك بعدها لغاية ما مش عارف يحصل إيه لأوجادي :lol:

إلا يعني إيه أوجادي :wub:

بيدك يا موديست.............لا بيد ...س س

حاولت ابوّظ الملف لكن أخلاقي كرجل زمالكاوي منعتني :unsure:

عموماً يا سندريلا ده تغيير تكتيكي مؤقت إنما استراتيجيتنا واحدة

تم تعديل 6 يونيو 2006 بواسطة Modest

[se_ Elsyed]

إيه ده ... ساندي طلعت زملكاوية يا رجاله

عامة أحجز لها يا ياسو مكان في منتجع الإستشفاء اللي عاملينه للزملكاوية بصحراء النقب .. وإبقى فكرني أكتب لها كُرس العلاج المعتاد

- 6 جلسات كهربا يومياً 1400 ميجا فولت

- مشاهدة مباراة الـ 6/1 3 مرات يومياً

- زرع عدد 6 بابيت على شكل أبو تريكه وبركات في حجرة الإعاشة

- طلاء الحُجرة باللون الأحمر القاني مع تركيب ساوندي سيستم يّذاع من خلاله الأهازيج الأهلاوية الشهيرة .. مع تصميم عدد من الشعارات والملصقات الأهلوية ووضعها بشكل عشوائي في غرفتها من عينة " الأهلي فوق الجميع " " اللي خايف يروح " " الأهلي عمهم وحابس دمهم " " زملكاوي إشترى كيكه .. طلع له فيها أبو تريكه " " زملكاوي شرب شربات .. طلع له فيه بركات "

وأنا أبصم بالعشرة إنها هاتخف خلال 7 أيام مكسيمم

-----

أ. د. س س .. إستشاري أمراض الزمالك المستوطنة .. وزميل نادي برشلونة إف سي