طلب زواج ... غريب

[nancy]

الاعلان دة كان فى موقع بيجيلى على الاميل

لفت نظرى ان شاب بالمواصفات دى يطلب عروسة بالمواصفات الى كتبها

بس ياترى دة هزار ولا اكتئاب ولا حقيقة

انا فى نظرى دى نكتة وعلشان كدة حطتها فى الباب دة

ياترى اية رايكم

انا كتبت المواصفات زى ما جتلى بالظبط

العريس الخامس@@@

السلام عليكم ورحمة الله وبركاته

كيف حال العرايس والعرسان ان شاء الله كلكم بخير

حبيت اسلم على زوار قسم الزواج واعضاء المنتدى وعندي لكم عريس جديد اليوم

عريسنا اليوم موصفاته كالتالي :

السن:30

العنون:جمهوريةمصر العربيه

المهنه:مهندس كمبيوتر ونظم معلومات

الحاله الماديه: متيسر والحمد لله

الحاله الاجتماعية: اعزب

مواصفاتى: رياضى احب والعب كمال الاجسام

الوزن: 85 الطول:186

مواصفات الشكل:الشعر مائل لللون الاصفر بدرجه كبيرة

الوجه ابيض مشبع بلون احمر خفيف

باختصار مواصفاتى جميله وهذا ليسى غرور والحمد لله

بل لكى تطمئن العروسة ان العريس مناسب

مواصفات العروسه:

طبعا الجمال,الاخلاص,على خلق

السن:28 : 50 انا موافق وليسى عندى اى موانع

الوزن:85 الى 100 ك سورى انا عارف طلبى غريب شويه

ولكن عادى الوزن ليسى شرطا ولكن يفضل هذا اوزن

الحالة الماديه :ليسى شرطا

الحاله الاجتماعية: بنت او عزبة او مطلقه او ارمله ايضا ليسى شرطا

الجنسيه او الدوله يفضل مصريه من المنصورة اما لو وجدت من اى دوله ما في مانع

وعليه اتمنى من الراغبات او اللاتي تجدن في انفسهن توفر الشروط المذكورة اعلاه مراسلتي على الخاص وان شاء الله يصير خير

واذكر على حضراتكم بأنه يمنع منعا باتا مراسلة اي عضو او عضوة للزاوج بدون اعلامنا بذلك انا او المشرف العام

كما اذكر بأن اي تواصل سيكون عن طريق الاهل مباشرة وتحت علمنا

هه اية رايكم

[محمود الشاعر]

أكيد ده واحد بيهزر يا نانسي

أو محتال

أو شكله غلط

المهم هو في حاجة غلط والسلام

ثم من الهبلة العبيطة أم بدوي اللي ترضى بواحد زي ده

الاغرب انا وجدت اعلان زواج لواحد سعودي (واحد سعودي مش شتيمة ولا انقاص من احترام الشعب السعودي ) طالب ان اللي هتتجوزه تشتغل وتصرف عليه وهو قاعد فى البيت وكمان هى اللي تتكفل بمصاريف الفرح وتاسيس البيت

المهم اما انها بقت شوطة وفرة صابت الرجالة واما هما مش رجالة اصلا

[yasovinas]

انا اتوقع ان اللي بيكتب او بيسجل البيانات دي واحد بيتسلى او بيستعبط لان اصلا الموضوع من اوله لآخرة ودا في رايي الشخصي عبط في عبط

مش عارف ومش قادر اتخيل ان واحد يطلب عروسه ويحط مواصفاته وكمان يحط مواصفات العروسه اللى عايزها لاء وايه كمان المسئول عن الموقع هو اللي هينسق الموضوع والاتصال هيكون عن طريق الاهل!!!! :unsure: يا حلاوة (يا عنتبلي :wub: )

[nancy]

انا كمان مستغربة اوى ازاى واحد بالمواصفات دى عاوزة واحدة 50 سنة ومش مهم مطلقة ولا ارملة

وعوزها 100 كيلو

مواصفات وهمية

انا فى راى الى طلب الطلبات دى يا مجنون يا عندة مشكلة مش قايل عليها

يا بيهزر .....................او مختل عقليا :unsure:

[محمود الشاعر]

او جربان

أو مجزوب

او عنده عاهة

او ممسوك بكيلو دقيق

او

او

او

الفراغ الفكري و العاطفي وقبل ده فراغ القلب من الايمان الصادق كل هذا يؤدي الى كل هذه المشاهدات اليومية من تفاهة وانحطاط

على رأي عادل امام (رغم اني مختلف معاه فكريا وفنيا ومع الفيلم نفسه كذلك ) احنا فى زمن المسخ

[se_ Elsyed]

انا كمان مستغربة اوى ازاى واحد بالمواصفات دى عاوزة واحدة 50 سنة ومش مهم مطلقة ولا ارملة

وعوزها 100 كيلو

مواصفات وهمية

انا فى راى الى طلب الطلبات دى يا مجنون يا عندة مشكلة مش قايل عليها

يا بيهزر .....................او مختل عقليا :wub:

أو مفتقد لحنان الأم .. وعايز واحده كبيره وخبرة تحتويه :wub:

[nancy]

محمود وسى السيد

موتونى من الضحك

ولهى لو مش عيب كنت بعتلة

واعرف اية مشكلتة اصلا

بس الواحد مش صغير على الجنان دة

:wub:

[محمود الشاعر]

خليك بعقلك احسن يا نانسي محدش عارف عندهم ايه

صدقيني الرجالة لما بتتهبل بتتهبل

اسئلي واحد انا يعني جرب يستهبل ومعرفش

[nancy]

اسئلي واحد انا يعني جرب يستهبل ومعرفش

ازاى يا محمود؟؟؟؟؟؟ :lol:

[Cleo]

بحب جدا أقرا الإعلانات دى بالذات فى مجلة زهرة الخليج...

يكاد النصاب يقول "أنا أهو"

مثلا:

العريس:

الجنسية: (مصر/ سورى/ أردنى/ فلسطينى)

السن: 25 سنة

المواصفات: أبيض البشرة شعر كستنائى عيون عسلية

المهنة: عامل تكييف

الحالة الاجتماعية: أعزب ولم يسبق له الزواج

مطلوب:

سعودية أو إماراتية أو كويتية، حسناء :lol:

السن : 19 - 41 :sad:

الحالة الاجتماعية: عزباء أو مطلقة أو أرملة ولا مانع من وجود أبناء :lol:

العروسة:

الجنسية: (مصرية/ سورية/ أردنية/ فلسطينية)

السن: 25 سنة لم يسبق لها الزواج

المواصفات: خمرية البشرة الشعر أسود العيون عسلية

المهنة: لا تعمل

المؤهل: متوسط

مطلوب:

خليجى ويفضل إماراتى :blink:

ميسور الحال :blink:

أعزب أو مطلق أو أرمل لا مانع من وجود أطفال

السن: 30-55 سنةB)

ألا أونا ألا دويه ألا تريه

[محمود الشاعر]

اسئلي واحد انا يعني جرب يستهبل ومعرفش

ازاى يا محمود؟؟؟؟؟؟ :ph34r:

جربت مرة اشوف ايه اللي بيحصل وصدقيني حسيت انى واحد هندي صعيدي فى جنوب الصين :)

[نورية]

الصراحة مش عارفة بس مواصفات غريييييييييييييبة <_<

دة تقريبا بالوزن دة عايز يعمل فيلم Cow Woman زى فيلم Cat Woman ....Bat Man :D

الصراحة المواقع دى مش باقتنع بيها اوى برغم انى عندى واحدة صاحبتى قابلت جوزها فى موقع زى دة.. بس الصراحة عشان موضوع ان الواحد مغترب فساعات بيلجأ للماقع دى عشان يمكن يتحقق حلمه و يلاقى شريك حياته اللى يكمل معاه المشوار

فكرتينى يا نانسى بمشهد فى فيلم مش فاكرة اسمه

عرييييييييييييييييييييس يا امااااااااااااااااااااى

طخه بس ماتعوروش يا بووووووووووووى

هع هع هع هع هع هع

<_< :lol: :lol:

[mohameddessouki]

انا كمان مستغربة اوى ازاى واحد بالمواصفات دى عاوزة واحدة 50 سنة ومش مهم مطلقة ولا ارملة

وعوزها 100 كيلو

مواصفات وهمية

انا فى راى الى طلب الطلبات دى يا مجنون يا عندة مشكلة مش قايل عليها

يا بيهزر .....................او مختل عقليا <_<

برغم ان البعض بيعتبر رسالة الاستاذ العريس هزار او غير جادة الا ان فى الحياة ما هو اكثر غرابة ولا يخطر على البال فلماذا لايكون هذا الشاب حقيقى؟ ثم طلباته فى الزوجة ليست غريبة فهناك من يبحث عن لقمة نظيفة ، اكلة شهية، وهناك من لايدق على نوع الاكل يعنى جزراية ..اممممم .. فجلة ..ماشى ... خيارة مفيش مانع ـ مع الاعتذار للفنان نجيب الريحانى ـ اى اى حاجة فى البيت وخلاص رمرام ..ممكن ! عنده عيوب خفية لم يذكرها ...ممكن !

بعدين عاوزين اية من راجل مقاييس الرجوله عنده .. البياض...الشعر الاصفر...الطول...العرض... الوزن

لم يذكر الرجولة ..كلمة... قرار...مسئولية...تدين....ايمان... احترام للنفس... الصدق...

ثم انه لم يذكر شىء عن ماما...! لان اليومين دول انتشرت ظاهرة الام اللى بتمشى زوجها وابنائها الرجال والكل يسمع كلام ماما