رسوماتى (الدفعة التانية) .. مهيب

[مهيب]

واليكم الدفعة الثانية من رسوماتى المتواضعة جدا

التاجر و العفريت

لغز

معا

من العالم الآخر

نحن

مهيب

[nancy]

شوف يا مهيب

اول واحدة التاجر والعفريت

الى فوق دة مش باين انة عفريت ملامح الوجة مش بتقول كدة

وبعدين الابعاد المفروض ان فية عندك مستويات مختلفة من البعد

يعنى المفروض ان اقرب حاجة فى الصورة التاجر وبعدية جبل وبعدية مجموعة من الجبال وبعدين جبل وراة العفريت فالبعد عندك بيصغر الاشياء باينة عندك فى الصورة كانهم جنب بعض مش متقدمين على بعض

ونسبة العفريت للراجل قريبة كان الى بنهم مجرد شرايح مش مسافات

الصورة التانية اللغز هى كانها قطة على انسان حاجة وسط

وانت ماسح الخط الى يحدد الوجه بعد ما خلصت وحاسة انها ناقصة شىء يعنى انت نفسك مكملتهاش

الصورة التالتة معا دى من صور ثانوى :wub: الرومانسية واضحة فيها

بس مشكلتك النسب شوية وبعدين تزعل لو حللت شخصيتك من الرسومات ؟؟

اصل شكل الرسمة دى وضحلى انت كنت بتفكر فى موضوع العواطف دة ازاى فمينفعش اقولك كل الى فهمتة الا لما انت تقول اوكى ممكن

الصورتين الى بعد كدة دول تحليل رسمى لانهم عبارة عن مجموعة من الافكار والمشاكل والمشاعر

وحاجات كانت ملخبطة جواك حطتها فى صفحة واحدة من دون ترتيب

صح

مستنية ردك :angry2:

[ابن بلد]

وبعدين معاك يا فنان

واضح ان رغبتنا فى رؤيه المزيد من اعمالك

كانت فى محلها

تلك المجموعه من اللوحات يا مهيب

افرزت فيها بشكل كبير

حس درامى وهذا واضح كثيرا من اللوحه الاولى

فسرعان ما وجدتك باحساسك تنسج علاقه وحوار

بين التاجر والشخصيه الاخرى والتى اطلقت عليها انت العفريت

ناتى للوحه اللغز وهى لوجه ادمى

يحمل ملامح غضب وشراسه يحدث نفسه بمونولوج طويل

عن غضب شديد وقد يتطور هذا الغضب الى هجوم

لمن يريد ان يقترب منه

اما اللوح الثلاث الاخرى

ارى انه يوجد ارتباط شديد بينهم

وهى العشق الرومانسى المبكر عند الكثير

والتى عاده تبدا مع وهج سن المراهقه

والذى تاه بين تطورشكل الحياه

وارى انها معاناه شخصيه مر بها الكثير

من افتقاد الحس الرومانسى

تمنياتى بالمزيد من اكتشاف المواهب بداخلك

تحياتى

[مهيب]

نانسى ...

أولا .. طبعا أنا مش هناقشك فى تحليل الرسومات من الجانب الفنى ... بس بالنسبة لرسمة لغز انتى الوحيدة اللى شفتى موضوع القطة ده ... بس هى وجهات نظر ..

أما بقى عن تحليل شخصيتى ... فبيتهيألى صعب يا نانسى ... خاصة و ان فى بعض الرسومات رسمتها و أنا عندى 15 سنة ... يعنى هتبقى بتتكلمى عن بنى آدم تانى ... ممكن شخصيتى تبقى أوضح فى اللى بكتبه ... لكن فى الغالب اللى برسمه ياما بيبقى جوايا فكرة ... ياما باستحضر فكرة قدام الصفحة البيضا .. خاصة ان بدا من كلامك عن موضوع العوطف بان تحليلك هيطلع مش مظبوط قوى .. أو مش دقيق ... يعنى هيبقى ناقصك معلومات كتير قوى .. لأن اللى يقرب منى يعرف انه لو حب يحط ايده على أهم خمس حاجات فى شخصية سى مهيب أفندى .. مش هتبقى العواطف حاجة منهم

أما لو نفسك تحليلينى ... يبقى أنا معنديش أى مانع .. و مش هزعل .. بس ممكن أصححلك كلامك ... و أوعدك .. بالأمانة .. و حياة الأخوة .. الحاجة الصح هقول عليها صح حتى لو فضيحة .. و الغلط هقول عليه غلط حتى لو بطولة .. اتفقنا ؟؟ شيك هاند ؟؟

ابن البلد ..

شكرا على كلامك و اطراءك ... و زى مانت ماقلت بالظبط .. و ان كان فى اختلاف كبير فى المراحل العمرية ... والرسمتين الأخيرتين .. ربما كان التشابه بينهما فى الأسلوب ... لكن الرسمة الأخيرة تعبر عن بعض أشياء تصف بشكل رمزى مرحلة أيام لجامعة أنا و أصدقائى ... الغريبة أن كل منهم استطاع بدقة أن يحدد أي رمز يخصه .. لهذا دعنا نكتم ابتساماتنا الخبيثة ... و نرى ما ستقول نانسى .. حين تحلل شخصيتى من خلال تعبير يصف شخصا آخر .. لكن لا تخبرها .. فقط دعنا ننتظر

مهيب

[se_ Elsyed]

اللي إستخلصته من الدفعتين حاجه مهمه جداً وهي إن " مهيب لازم يتجوز وبأسرع وقت لإن الشحنات العاطفية اللي جواها واللي محسوسه قوي من رسوماته ممكن تفيض عن حدها وتفرقع " دي حاجه

الحاجة التانية من وجهة نظري الشخصية هي إن هواية الرسم تحتمل وجود ناس ما درسوش لا أبعاد ولا ظل ونور ولا كلام من ده وبرضوا أعمالهم بتطلع جميلة لإنها تلقائية .. عكس الشعر .. يعني ما ينفعش أرُص كلام جنب بعضه واقول ده شعر .. فده بقى لازم له دراسة وقراءة ...

ولكن الموهبة لا تمنع من ثقلها بالدراسة عشان الواحد يبقى محترف صحيح .

لكن مهيب إبننا موهوب بجد ...

مهيب : عايزك ترسم لي صورة بالفحم .. أنا بأتكلم جد ... ويا سلام عليه وأنا قاعد ومعايا الشيشة وراصص الفحم قدامي وفي نفس الوقت في الخلفية صورتي بالفحم برضوا .. بحيث لو أتزنقت في حتة فحم أقوم واخد الصورة وعامل بها دماغ .. يــــاه دي هاتبقى حاجة فانتستيك "

keep up ya man

[nancy]

لا طبعا منفسيش احلل شخصيتك ولا حاجة

وكمان انت بتقول دى رسمات وانت اصغر من كدة بكتير فاكيد شخصيتك وانت عندك 15

مختلفة عن ال28

ماعلينا

خالاصة الكلام انت ايدك حلوة بس عاوز تدريب كتير

وممكن تحط طبيعة صامتة زى حاجات فخار مختلفة الاشكال والاحجام

وتخلى النور القوى من ناحية واحدة

وبعدين ترسم الى انت شايفة

وعلى فكرة الفحم بيدى نتيجة حلوة

انما الاصعب القلم الرصاص

فية ف المكتبات علبة زى علب الالوان الخشب بس فيها اقلام رصاص من اول H5 لحدB5

فبتديلك تونات مختلفة فى الرصاص بتكون جيدة

بالنسبة للنسب

فى مانيكان خشب صغير بيكون فى محلات مستزمات فنون جميلة

طولة حوالى 30 سم

بيعلمك شوية حتة النسب دى

بس الرسمتين الاخرنين الى فيهم رسومات كتير دول فعلا مش رسمات دة زى ما واحد يكتب كل الى مضايقة بس بالرسم

وربنا يوفقك

[مهيب]

س س ::

اللي إستخلصته من الدفعتين حاجه مهمه جداً وهي إن " مهيب لازم يتجوز وبأسرع وقت

هو بصراحة آه ... فى دى عندك حق ... أكدب و لا أكدب يعنى

أما صورتك مع الفحم و الشيشة .. فدى حاجة عاوزة تكتيك .. و ديزاين .. و اخراج ... عاوزة قاعدة يعنى ... مكانك محجوز فى وقت القهوة .. و ابقى هات معاك كل اللى عاوز تطلعه فى الكادر

نانسى ::

بخصوص الترشيحات .. أنا ناوى آخدها بعين الاعتبار بجد .. خصوصا ان آخر مرة رسمت فيها تعتبر قبل التخرج بسنة .. يعنى من زمان جدا .. وفعلا محتاج ممارسة أكتر و صقل أكتر .. و بجد .. شكرا على النصائح .. خاصة لما تبقى من حد متخصص ..

مهيب

[se_ Elsyed]

... عاوزة قاعدة يعنى ... مكانك محجوز فى وقت القهوة .. و ابقى هات معاك كل اللى عاوز تطلعه فى الكادر

داكووور يا مان

أنا هازحلق العيال أساساً بعد كام يوم .. وهابقى عُزابي .. وساعتها هادور على حل شعري من غير ما حد يحاسبني .... هاننسق سوا وتجيب إنت الفحم وأنا عليه المشاريب ... أو نلعب على المشاريب ... ماشي ؟

[مهيب]

يا خوفى من س س لما تبقى عزابى ... و تطبيقا لقاعدة أن الممنوع مرغوب .. فثمة مصيبة ستحدث فى الرياض قطعا ... على العموم ماشى .. متفقين نبدأ نحضر يعنى من دلوقتى لجلسة هارون الرشيد ... حيث الطنافس و الآرائك .. و لما بدى يتسنى ... و الصاجات و المباخر .. و المعازف و القيان .. ماشى يا عم طلباتك كلها أوامر ..

عندى ليك قينونتين ... بيشتغلوا بالبطارية و بيقولوا سين سين ... و ميد ان تشاينا كمان ... بس انت تأمر

مهيب

[shahd]

لا يامهيب لااااااااااا انا كده امسك الخشب

رسام ونجم ادبي ساطع الله اكبر

انا مش بحسد انا بقر بسسسسسسس <_<

لا بجد ربنا يحفظك ويزيدك ياااااااارب :D

[مهيب]

ربنا يخليكى يا شهد المنتدى ... ولو انى أفضل تعديل الكلام من (رسام) الى (بتحب الرسم) و من (نجم أدبى ساطع) الى (بتحب تكتب - وتوجع دماغنا) ...

مهيب

[نبض الابداع]

مهيب .. انت فعلا فنان موهوب بس في حاجة في الرسومات بتقولي انك لسة مبتدئ حاول تتدرب اكثر واصقل موهبتك دي بدراسة علشان حكاية النسب دي صدقني انت فنان مهما قالوا عنك ..

( رأي خبير بالفن ) وكنت عاوزة اسألك على حاجة انت بتنزل الرسومات ازاي لان في عندي صور نفسي انزلها مش عارفة ياررررريت تساعدني اواي حد قرأ كلامي دة ممكن ؟

تم تعديل 29 أغسطس 2006 بواسطة نبض الابداع

[اصيله2]

بجد شويه صور حلوة