كلام في الديكور ... أنت تسأل و المهندسة نانسي تُجيب

[se_ Elsyed]

الأخت العزيزة الباشمهندسة / نانسي

بعد التحية ... وبعدين

كاتب هذا الموضوع هو أحد أعضاء منتدى محاورات المصريين والذي يريد أن ينهل من علمكم الغزير وخبرتكم العريضة - حوالي 3 متر - في مجال الديكور ..

فلا يخفى على أحد الدور الذي يلعبه الجمال في حياتنا ... والجمال يبدأ من حيث المكان الذي نعيش فيه - ما عدا اللي ساكنين إيجار جديد :wub: ... وبالتالي عايزين من حضرتك بعض الأفكار الجريئة والجديدة في ديكورات المنازل .. ويا حبذا بعض المواقع الإنترنتية المُهتمة بهذا الموضوع .. ولا سيما إن معظمنا خيبه في المواضيع دي وبيضرب أخماس في أسداس لو حب يبيض أوضة في الشقة حتى - ما عدا زميلنا الحاج ماجد أبو طاقيه اللي ما شاء الله عليه شكله إيده طايلة في المواضيع دي -

وأسمعي مني هذه القصة الإنسانية عشان أصعب عليكي وأشجعك على الكلام

العام الماضي إتصلت بي أختي التي تقيم في الدنمارك منذ فترة طويلة ... وقالت لي إنهم الصيف ده - اللي فات يعني - هايوضبوا شقتهم اللي أخدوها جديد في عباس العقاد فعلى طول قلت لها طيب لازم تتفقوا مع مكتب ديكور وتقولوا له على الأفكار اللي في دماغكو وهو يعرض عليكو أفكار جديدة متنوعة وفي الأخر تتفقوا على الشكل النهائي .. وما تنسيش تعملوا عقد بينكم وما تنسيش برضوا تحطو شرط جزائي بحيث لو أخل بالعقد أو بالديكور المتفق عليه تروحو مخزقين له عين من عيونه وتسيبو له التانية عشان يتحسر على اللي إتخزقت ... فقالت لي لأ جوزي مصمم إنه يشرف على العملية بنفسه خلال شهرين الأجازة اللي نازلينهم وهو هاوي الحاجات دي .. وأنا كمان ده أنا حتى بقيت لهلوبه في الدهانات وبقيت أعرف أزرع شجر وورد في الجنينة ... وأسكت بقيت كمان أعرف أجيب بوهيه وأدهن سور الجنينه .. قلت لها سور جنينة إيه وسور الأزبكية إيه ؟ فوقوا بقى من الرومانسية الحالمة اللي إنتوا فيها دي .. يا ماما سوق الصنايعيه في مصر والوطن العربي بشكل عام مليان وحوش كاسرة ومصاصين دماء .. وإنتي وجوزك هاتعلموا لي فيها عبد الحميد حافظ وزهرة العُلا يبقى هاياكلوكو ويحلو بهدومكو .. خصوصاً إن شكلكو مدي على فرافيري وأخدتو على العيشة الهنية في الدول الأسكندنافية .. وبعدين أساساً إنتوا حدودكوا مدينة نصر ولو روحتو لحد العباسية كنتو بتقولوا يا غربتي ياما .. يبقى سيبوكو من السكة البطالة دي وسيبوا العيش لخبازة .. يومين تلاتة وسي الأفندي أتصل بيه وقال نفس البؤين وأنا صايع .. إنت ماتعرفنيش .. وأسأل عليه في سراج مول .. ده انا بأنيم مدينة نصر من المغرب ..وأعرف أتعامل مع بتوع طايفة المعمار .... قلت له طب يا قيور أما نشوف وبكره أتفرج عليك وأنا بأكركر ..

المهم نزلول أجازة وراحوا سايبين شقتهم الأساسية اللي في مدينة نصر برضوا بس بعيد شوية عن الشقة الجديدة وأجروا شقة مفروشة لازقة في الجديدة عشان يبقوا في موقع الأحداث .. نزلت أنا وكل ما أروح عندهم ألاقي حبيبنا لابس الشورت والفانلة الكت وماشي لي في الشارع زي تامر حُسني قب لما يتسجن و عمال يشتري في طلبات ومون وبوهيات وحركات .. بعد إسبوع لقيناه متخانق مع مبلط السيراميك .. قال ليه وليه ماجاش الخميس والجمعه راح عامل له كمين يوم السبت قدام البيت ومجهز له حساب الشغل البسيط اللي عملها ومشيله العده وراميه في الشارع .. وراح إتفق مع واحد تاني يكمل الشغل ..

من غير ما أطول عدوا الشهرين وسافروا وسابوا لي أنا واخويا المفاتيح عشان البهوات الصنايعيه يكملوا الشغل اللي ناقص ... ومشي صاحبنا ودموعه على خده من اللي حصل له وفعلاً كان قرب يغير هدومه ببيجاما مقطعه ويقف ينظم المرور في مصطفى النحاس من اللي شافه من الصنايعية وسنينهم

مش بس كده ... اقسم بالله الشقة شفتها اساساً على المحاره وكان تقسيمها ومساحتها مبهرين .. اصبحت عبارة عن لوحه سيرياليه تعبر عن الصراعات الداخلية في مداخيل الإنسان البدائي ... وقلت يا خسارة الفلوس اللي راحت في الأرض ويا خسارة العاهات المستديمة اللي حصلت فيها .. على سبيل المثال راح إبننا اللي عايش بالعقلية الأوروبية يشتري شويه سيراميك على حركات من السلاب اللي في مكرم عبيد .. وعدى على البيت يقيل شويه من التعب رجع لقى السباك عامل مًصيبه سودا في الشقة .. فاليوم ده كان بيركب فيه البيه الصرف بتاع الشقة فالعقل بيقول إنه لازم يظبط منسوب مواسير الصرف الأرضية مع إرتفاع الأبواب الخشبية راح فاتي فتوى غير شرعيه ومعلي المنسوب زيادة عن اللازم وباالتالي البلاط لازم يعلى ولازم يتشال من الأبواب من تحت بالفاره عشان تبقى مريحه .. إيه اللي حصل بقى ؟ في حمامين بتوع غرف النوم اللي منفصلة عن الشقة وكلها في مستوى تاني مرتفع بنطلع له بسلمتين ظُراف .. فالبلاط بعد ما علي بقت راس الواحد تخبط في الكمره اللي فوق السلمتين لإنهم بقدرة قادر زادوا إتنين كمان .. وبقى كل واحد طالع أو نازل يدعي بُحرقه على سباك الغبره اللي شوه نصر الشقة تقريباً بغباءه ..

فأنا مع المثل اللي بيقول إدي العيش لخبازة ولو أكل نصفه .. ومكاتب الديكور حراقه شويه لكن هما الخبازين .. خصوصاً لما بنتكلم عن شقة محترمة الواحد صارف عليها قد كده ...

فياريت بقى تتبحبحي معانا كده وتقولي لنا شويه افكار يستفيد منها الجميع ولكي الأجر والثواب ...

إمضاء

فاعل خير

[nancy]

من عيونى يا س س

اى حد عاوز يسال على حاجةانا جاهزة

وممكن انظم معلومات عن الديكور فى شكل موضعات منفصلة

عموما انا بادرس كورس فى الديكور هنا وجمعت معلومات من الممارسة والدراسة ومن النت وكتب فى الديكور

واحتمال انزلها فى كتاب السنة الى جاية

عموما نبتدى فى الاسئلة

انا عندى مشكلة انى مش باعرف انزل صور على الردود الى بكتبها

فحد يفدنى فى الموضع دة لانى حاضطر اعتمد على معلومات كتابة بس

وبالنسبة للاحدث فى الديكور

دلوقت الاعتماد اكتر على الاضاءة انها تدى تاثير مختلف بتغير لون الاضاءة

وهنا فى السعودية بيهتموا جدا باساليب الدهانات من ترخيم وتعتيق ورسم

واعرف مواقع وعندى صور كتير

وبرضة عوزة اعرف بتعملوا لينك ازاى على موضوع برة موقع المصريين

معلش انا اعرف فى الديكور وضعيفة فى النت

يلا ربنا يسهل واعرف افيدكم

[khedr]

المهندسه الكريمه

والاخت الكريمه

والسيده الحليمه

..................................

...................................

وحتي ينتهي عمنا سي السيد من اللي في ايده

الموضوع ده اللي في الرابطه ممكن تستفيدي به في كيفيه المشاركه

حتي تتحفينا بما عندك من صور وتعليقات ولنكات

..................................

وسؤال سريع قبل الرابطه

هي اختيار الالوان يعني الابيض مع الاصفر ..وكده بتم علي اي اساس

..............................

الرابطه

كيف تكتب وتشارك في المحاورات

[nancy]

انا حانزل بكرة موضوع عن التاثيرات الفسيولوجية والالوان عموما فى الديكور

بس مبداءيا

طبعا وضع الالوان دةلازم يكون لة حسابات

لو بنتلكم فى الالون فية كنتراست

وفية الوان بنها هارمونى

بمعنى....الالوان منها المكمل ومنها المتضاد

ولو عندك ممر طويل مثلا لو عاوزة تخلية يخدع العين ويبان قريب خلى اللون فى اخر الممر احمر فتحس انة قريب

ولو حطيت لونة بيج حيبان اطول من العادى ولو حطيت اصفر حيكون على البعد الحقيقى

ولاسقف نفس الحكاية ديما بيتعمل افتح درجة من الجدار دة لو السقف واطى زى ما فى مصر الاسقف الجديدة كلها على 280 سم

فلازم تكون افتح علشان تحس انها عاليا

لو اعلى من 3 متر غمق برحتك لو عاوز

حتى كان طالع موضة ان جدار واحد يكون اغمق

دة ناجح بس لازم الموبيلية الى ادام الجدار تكون فاتحة علشان تكون بارزة

انما لو تقصد الوان اللبس دة موضوع تانى ممكن اكلمك عنة شوية

يعنى لو انت كلبوظ وقصير شوية تلبس قمصان مقلمة وتخليها برة البنطلون وبالوان غامقة لو كنت انت الى ابيضانى

ولو اسمر يبقى تبعد عن الزيتى والبترولى مثلا لانهم بياكدوا السمار اوى

وهكذا حسب مواصفات شكلك بتختارا للبس المناسب ليك

عموما لو عاوز نتكلم اكتر فى موضوع اختيار الانسب فى الوان اللبس مفيش مشكلة بس قولى انا اقولك الاحسن ليك لانى اشتغلت فترة فى تصميم الملابس

زى ماشتغلت فى الديكور وكمان تخصصى فيه دراسة مسرح

اى خدمة فى اى حاجة انا موجودة

واشكرك على الرابط الى بعتهولى نزلتة عندى علشان افهمة بشويش

[Modest]

عوزة اعرف بتعملوا لينك ازاى على موضوع برة موقع المصريين

بس كده؟ .. غالية و الطلب رخيص :ph34r:

فيه طريقتين:

الطريقة الأولى

ممكن تحتفظي بالجملة دي [*url=the link here]your text here على الكمبيوتر في txt file. و تستخدميها كل ما تحبي تضيفي لينك في أي من مداخلاتك مع استبدال the link here باللينك و your text here بالكلمة أو الجملة الدالة على اسم الرابط أو العنوان الذي تودين ذكرُه..... مع مراعاة إزالة الـ * التي وضعتها حتى لا تتحول الجملة إلى رابط فعلي.

إذا حبيتي تضيفي صورة بحيث بالضغط عليها توصلنا إلى الموقع الآخر ممكن تستخدمي الجملة التالية [*url=the link here]

(2)

(3)

الناتج هو

جريدة الأهرام

----------------------------------------------------------------------------------------

و الآن اسمحي لي أشكر س س على "التدبيسة" :ph34r: ... قصدي الموضوع الرائع :ph34r: و في انتظار أفكارك الجميلة.

[nancy]

اولا مرسى يا مودست على زوقك وسرعة ردك

وعلى فكرة انا محدش يقدر يدبسنى ابدا :ph34r:

بالعكس انا مبسوطة من س س انة فكر فى الموضوع دة

لان بصراحة مجاش على بالى ان الموضوعدة يهم حد اوى كدة :ph34r:

انا جهزت جزء عن اية هو اللون وبعدين عجلة الالوان وبعدين حندخل على الدهانات وورق الاحئط

اوكى يلا بينا .... دة اول جزء

ولو حسيتوا انة مفيد قلولى فاكمل عن المطابخ والحمامات وغرف النوم وغرف الاطفال وكل ما يخص الديكور

نبتدى :ph34r:

اللون

كلمة اللون يطلقها الفنانون التشكيليون وكذا المشتغلون بالصباغة وعمال المطابع ، ويقصدون بها المواد الصبا غية التي يستعملونها لإنتاج التلوين

أما علماء الطبيعة فيقصدون بكلمة اللون : تلك الأشعة الملونة الناتجة عن تحليل الضوء

إن اللون بمعنى الكلمة هو ذلك التأثير الفسيولوجي (أي الخاص بعلم وظائف الأعضاء)الناتج على شبكية العين ، سواء كان ناتج عن المادة الصبغية الملونة أو عن الضوء الملون. أذا فهو إحساس وليس له أي وجود خارج الجهاز العصبي للكائنات الحية.

الخواص المحددة للون:

بفحص لون شيء ما بنظرة تحليل وتعمق ، فإننا نجد أن هذا اللون يحدده ثلاث صفات

1- الكنه... هي تلك الصفة التي نميز ونعرف بها أي لون عن الآخر و الذي نسميه بأسمها –أنها تترجم بالصفات : بنفسجي -أزرق –اخضر..... إن التفاحة حمراء (احمر) هو كنه أو اسم اللون

2- القيمة .. يأتي بعد ذلك الدرجة التي نقصد بها إن درجة اللون فاتح أو غامق بمعنى أن القيمة تفرق بين الأحمر الفاتح والأحمر الغامق

3- الشدة.. هذه الخاصية تصف أو تميز قوة أو درجة تشبع اللون فهي تدلنا على درجة نقاء اللون

فإذا كان اللون فاتحا وفى نفس الوقت مشبعا فيقال لون حي

وإذا كان فاتحا ولكنة ممزوج بالأبيض فيقال لون شاحب ..

أما إذا كان لون غامق وفى نفس الوقت مشبعا فيقال عنة لون غامق

وأخيرا إذا كان لون غامقا وفى الوقت نفسه ممزوجا بالأسود فيقال لون داكن

كما يمكن أن يتأثر بظروف الرؤيا وان لون جسم يمكن أن يتأثر كثيرا بوجود أجسام أخرى في مجال الرؤيا كذا بظروف الإضاءة

إدراك وحس الألوان

إن اللون هو ذلك التأثير الفسيولوجي الناتج على شبكية العين فاللون ليس له أي حقيقة إلا بارتباطه بأعيننا التي تسمح بحسه وإدراكه بشرط وجود الضوء فلا نستطيع إدراك أي لون ألا مع وجود الضوء الواقع علية ثم انعكاسه إلى أعيننا و انه من السهل تصور إن أي لون إذا ما سلط علية ضوء قوى فانه يعكس إشعاعا أكثر وبالتالي يظهر أكثر نصوعا أما إذا وقع هذا اللون تحت ضوء خافت فانه يعكس ضياءا ًقليلا ويظهر غير واضح

و إن الدليل على إن اللون هو تأثير فسيولوجي بداخل العين وليس شيء خارج عنا ما برهنة العلماء انه في الظلام الكامل أمكن إشعار أعصاب المخ بإحساسات ملونة وذلك بالتأثير المنشط

(بالاستعانة بتيار كهربي)

وقد برهن العالم (نيوتن) إن الضوء هو أصل اللون فقد اثبت إن الضوء الأبيض يمكن

تحليله – بمعنى تشتيته- إلى ألوانه الأصلية كما وان هذه الألوان نفسها يمكن تجمعها لنحصل على الضوء الأبيض .. إذا فبوجود الضوء توجد الألوان ويتبع ذلك أن طبيعة الضوء تؤثر على طبيعة الألوان فنجد أن الألوان تختلف في مظهرها تحت ضوء النهار عنه تحت الإضاءة الصناعية .

وهناك حقيقة نجدها فى معظم اللغات إن الألوان الحمراء والبرتقالية تسمى ألوانا ساخنة أو دافئة وان الألوان الزرقاء والقريبة من الأزرق تسمى ألوانا باردة

ربما تأتى التسمية من منطلق أن الأحمر والبرتقالي هما لون النار والدم وكلاهما مصدر حرارة

كما قد يكون إطلاق البرودة على الأزرق ومشتقاته نتيجة لارتباطه بالماء والسماء التي تعطى إحساس بالبرودة

وهنا نعطى أمثلة توضح ارتباط اللون من الناحية السيكولوجية والفسيولوجية بهذه النظرية

في الخارج كان يوجد مصنع مطلي بالون الأبيض والأزرق المخضر فشكي عمالة من برودة المكان فتم إعادة طلائه باللون البرتقالي الفاتح فأحسوا بدفيء المكان

التوافق اللوني

نقول إن تكوينا لونيا حقق توافق إذا ما اثر على العين والنفس تأثيرا حسنا أما إذا لم يستطع النظر أن يقع بهدوء على لون أو أكثر من المجموعة اللونية فان العين والنفس تبتعدان عنه

وتحدث أحيانا حركات نافره متبادله بين لونين أو أكثر في المجموعة فنقول أن اللونين ليس بينها توافق وعلية فالتوافق هو الصفة الأساسية لمجموعة لونية نرتضيها

وعندما نحاول أن نجمع في تكوين واحد بين مجموعة من الألوان فان ذلك يدفعنا إلى التساؤل

كيف نتوصل إلى إبداع توافق فيما بينها دون إي تردد ؟ ولكن التوافق لا يخضع إلى نظرية ثابتة بل يرجع إلى الذوق الشخصي للمصمم والمتلقي أيضا...

ويرتبط اللون بتأثيرات رئيسية ثلاث

1- تأثيرات ذات قيم تشكيلية تتعلق ببحث الزوايا الخاصة بعلم الجمال

2- تأثيرات سيكولوجية تختص ببحث تأثير اللون على نفسية الإنسان

3- تأثيرات فسيولوجية تختص ببحث تأثير اللون على جسم الإنسان

يجدر بنا أن نوضح أن التأثيرات اللونية التي تسجلها العين غالبا ما يحدث لها تغيرات عميقة

ناتجة عن الضوء الذي يغمرها والذي يسمح بإدراكها وتحديد تأثيرها . إن مرجع هذه التغيرات

بخلاف ما ينتج عن تجاور الألوان مع بعضها فان ظاهرة انعكاس الضوء تعمل على تغير مظهر اللون

فسطح مدهون بالأبيض غير اللامع لا يفقد تشكيلية وجمالة بالإضاءات القوية إذ انه يعكس في جميع الاتجاهات كل الأشعة التي يستقبلها وتظهر حيوية أجزائه كما يحدد الظل علية بلون متدرج نتيجة الانعكاسات

بخلاف ذلك إذا ما دهن هذا السطح الأبيض اللامع وأضىء فأنة يصبح كالمرآة ويعكس صور الأشياء التي أمامه فبدلا من أن يأخذ رونقه فأنه يفقد جزءا كبيرا من قيمته الجمالية ومن تجانس مظهره إن الظلال علية لا تحدد بدقة كما وان الضوء الواقع علية يكسبه لمعانا يفقده شكله وجمالة

أما السطح المدهون بالأسود غير اللامع والواقع علية ضوء شديد فلا يظهر علية أي اثر للانعكاس بل يظهر خاملا من جميع التأثيرات الخارجية ولا يحدث له أي تغير أو تحول في لونه نتيجة لانعكاس الأشياء التي أمامه نفس هذا السطح إذا كان لامعا فان مظهرة يضيع بفعل الصور المتعددة للأشياء القريبة منه و يجدر ملاحظة انه بالنسبه للسطح الأسود سواء كان لامعا أو غير لامع فلن تظهر علية الظلال

نستخلص مما تقدم أن مساحات الألوان الفاتحة غير اللامعة لا تتغير بفعل الضوء الواقع عليها

كما وان هذه الأسطح الفاتحة اللون تكتسب جزء من لون الضوء الذي يقع عليها دون أن تفقد جمالها

أما مساحات اللون الغامق أللامعه فإنها تتغير بشدة فتفقد شكلها إذ إنها تعكس بقوة صور الأشياء التي أمامها

التأثير السيكولوجي للون

تؤثر الألوان على النفس فتحدث فيها إحساسات ينتج عنها اهتزازات بعضها يوحى بأفكار تريحنا وتطمئننا والأخرى نضطرب منها وهكذا تستطيع الألوان أن تهبك الفرح أو الحزن و الكآبة وسنرى فيما بعد إن هذه التأثيرات ربما تتعدى مستوى التأثير السيكولوجي إلى التأثير الفسيولوجي لتدخل في مجال التطبيقات العلاجية

وتنقسم التأثيرات السيكولوجية إلى تأثيرات مباشرة وأخرى غير مباشرة

أما التأثيرات المباشرة فهي ما تستطيع أن تظهر شيئا ما أو تظهر تكوينا عاما بمظهر المرح أو الحزن أو الخفة أو الثقل كما يمكن إن تشعرنا ببرودته أو سخونته

أما التأثيرات الغير مباشرة أو الثانوية فهى تتغير تبعا للأشخاص ويرجع مصدرها للأطرابات العاطفية والانطباعات الموضوعية وغير الموضوعية المتولدة تلقائيا من تأثير اللون

فاللون البرتقالي مثلا يحدث عاطفيا الحرارة والدفء ويمثل موضوعيا النار وغروب الشمس التي تشع منها هذه التأثيرات السيكولوجية المعبرة عن التأجج والاحتدام المشتعل

وهى تلك التأثيرات المحثة المنهضه، أما الأزرق الفاتح فيذكرنا وبالسماء والبحر ويوحي لنا سيكولوجيا بالهدوء والسكينة

أما بعض درجات اللون الأخضر قد تكون ذات تأثير ضار لدى بعض الأشخاص إذ يؤدى عندهم إلى الوهم والقلق والاضطراب في حين انه يذكر البعض الآخر بالطبيعه النباتية والحياة والخصوبة فيوحي لهم سيكولوجيا بالراحة والصبر والنمو والأمل

الألوان الساخنة والألوان الباردة

إن الألوان الساخنة هي الأحمر والبرتقالي والأصفر وأما الألوان الزرقاء والقريبة من الزرقاء فتسمى ألوان باردة

وقد يكون هناك بعد التجارب برهان على انه لا يوجد ارتباط بين الإحساس الفسيولوجي بالحرارة واللون وانه إحساس سيكولوجي فقط خارجا عن كل التغيرات الحرارية للإنسان

و ألوان ممكن أن تؤثر على العاطفة

فاللون الغامق عاده ما يبعث على الملل والحزن .أما اللون الوردي الفاتح فيثير فينا الرغبة والبهجه

ولنذكر في هذا المجال كوبري لندن المسمى (بلاك فيرير Black Frier )

اشتهر قديما بعدد مرتكبي حوادث الانتحار بإلقاء أنفسهم من فوقه إلى نهر التايمز

وقد وجد إن ذلك بسبب دهانه بالأسود . إذ إن عدد اليائسين من الحياة قد انخفض إلى الثلث بعد إعادة دهانه باللون الأخضر

خلاصة القول يمكننا التسليم بوجه عام بان الألوان الافتح أكثر ديناميكية والألوان الغامقة تبعث على الحزن

كما وان الألوان الساخنة محركة ومنهمه في حين أن الألوان الباردة مهدئة ومريحة.

[nancy]

نكمل ..... :ph34r:

الألوان والخداع البصري

إن الألوان لها تأثير سيكولوجي يسبب خداع النظر بالنسبة للمسطحات و الحجوم فالألوان الباردة وبالأخص الزرقاء الفاتحة القيمة التي كما قلنا تظهر و كأنها ترتد مما تعطى تأثيرا باتساع الحيز في حين أن الألوان الساخنة نجدها تتقدم وتعطى تأثيرا بقصر المسافة بينها وبين الرائي

وبالتالي بضيق الحيز ويمكن استغلال هذا التأثير بإحداث خداع بصري

ويمكن استغلال هذا التأثير بإحداث خداع للنظر ينتج عنه تصغير أو تكبير ظاهري للأبعاد

فمثلا يمكننا أن نزيد من اتساع غرفة صغيرة بطلاء حوائطها بالألوان الباردة الفاتحه

وبالعكس لجعل الحجرات الكبيرة اقل اتساعا باستخدام الألوان الدافئة لطلاء جدرانها

كذلك لتحسين مظهر صالة ضيقة وطويلة يمكننا دهان حوائطها المواجهة بلون أغمق من لون الحوائط الجانبية المطلية بلون بارد وفاتح القيمة

كما يمكن الإحساس بارتفاع أسقف الحجرات أو انخفاضه حسب التأثير المطلوب

خلاصة القول أن تحديد الدور السيكولوجي للألوان يستلزم دراسة عميقة

إذ أن هذه اللغة تخاطب العواطف والنفس برمزيه قديمه قدم الإنسان

ولقد حددت (ليو نور كنت) Leonore Kent فى كتابها Baint powerقوة تأثير بعض الألوان كما يلي

اللون الأحمر

انه لون النار والدم فهو يسبب الإحساس بالحرارة وان إشعاعاته القريبة من منطقة تحت الحمراء في المجموعة الطيفية تتغلغل بعمق في أنسجة الجسم

وهو يزيد من الانفعال الثوري ولهذا فهوا يسبب ضغطا دمويا قويا وتنفسا أعمق إلى جانب انه لون الحيوية والحركة وله تأثير قوى على طباع ومزاج الإنسان

اللون البرتقالي

لون التوهج والاحتدام والاشتعال وهو ساطع فيعطى إحساس بالدفيء كما يوحى بالإثارة وقد يكون له تأثير مهدئ لبعض الأشخاص بينما يكون مثير لأشخاص آخرين

اللون الأصفر

لون ضوء الشمس إن التجارب السيكولوجية قد برهنت على انه لون المزاج المعتدل والسرور

وانه مركز نورانية شديدة في مجموعة ألوان الطيف وهو لون محرك ومنهض للأعصاب ولو إن بعض الألوان الصفراء الساخنة قادرة على تهدئة بعض الحالات العصبية الشديدة

فيستعمل أحيانا لعلاج بعض الأمراض العصبية

اللون الأخضر

لون الطبيعة منعش رطب مهدئ يوحى بالراحة إذ يضفى بعض السكينة على النفس ويساعد الإنسان على الصبر لذا قد استعمل في بعض الأمراض العقلية مثل الهستريا وتعب الأعصاب

اللون الأزرق

هو لون السماء والماء انه منعش شفاف يوحى بالخفة حالم قادر على خلق أجواء خياليه

إن التوتر العضلي يتناقص تحت تأثير الضوء الأزرق لذا فهوا قادر على تخفيض ضغط الدم

وتهدئة نبض القلب والتنفس السريع وفى المجال العاطفي يوحى هذا اللون بالسلام

وقد دلت التجارب على أن هذا اللون أكثر الألوان تهدئ للنفس

اللون البنفسجي

لون مهدئ أيضا ويوحي بالحزن من خواصه انه رطب رقيق حالم

اللون الأرجواني

وهو درجة مختلفة قليلا من اللون البنفسجي ولكن يميل إلى الأحمر

ونظرا لارتفاع تكاليف تحضيره منذ العصور القديمة فقد اختير لونا رمزيا ومعبرا عن الفخامة الملكية ولهذا السبب انه يوحى بالعظمة والشيء الثمين

ولقد ذكر( مارتن لانج)Martin Lang فى كتابة تحليل الشخصية عن طريق الخواص السيكولوجية الآتية لمختلف الألوان

الأحمر : لون قوى- دافع- حيوي- باعث على النشاط

البرتقالي : لون محبب للنفس- اجتماعي

الأصفر : منشط للفكر- فلسفي

الأخضر : متفاهم -سمح -يدعو للثقة حساس

الأزرق المخضر : حساس

الأزرق : محافظ – حساس- جدي

الأرجواني : غامض- مخادع

البني : هادئ -محافظ -مثابر

الأبيض : طاهر

الرمادي : هادئ –محافظ

فإذا كانت معرفتنا باللون ترجع إلى أقدم العصور فان معرفتنا بعلم النفس يمكن أن تضيف لاستعمال اللون خبره حديدية أكثر ملائمة للنفس البشريه

المعالجة بالأشعة الملونة

عرف التأثير العلاجي للألوان منذ زمن بعيد ومازال حتى الآن مجال أبحاث عديدة مختلفة

فعلى وجه الخصوص نجد أن الضوء الأحمر قد تنبه الأطباء في القرون الوسطى سواء في الصين أو في أوروبا لعلاج مرض الجدري وإمراض حمية أخرى ذات طفح على البشرة مثل حمى الحصبة وكذلك لبعض الأمراض الجلدية

كما أعطت الإشعاعات الحمراء والصفراء نتائج هامه في معالجة الأطفال المتخلفين عقليا

والمصابين بفقر الدم تظهر هذه النتائج في زيادة عدد الكرات الحمراء مع زيادة في الوزن وميل للنشاط والمرح

كذلك استعمل منذ زمن قديم أضواء ملونه أخرى لمعالجة آلام الأعصاب فقد أجريت في بادئ الأمر تجارب عديدة حتى توصلوا إلى أن زوال الشعور بالألم ينتج من استعمال الضوء الأزرق أو البنفسجي

كما استعمل الضوء الأخضر في علاج مرضى الأعصاب فهو جيد إذا كان المطلوب تنظيم الروح والجسد ويجعل المريض مسيطرا على أفعالة

أما اللون الأزرق فيستعمل في حالات الإفراط في الإثارة والوسوسة

كما استعمله بعض الأطباء في معالجة الأرق وطرد الأفكار المتسلطة

ولهذه الأسباب فان اللون الأزرق محبب في حجرات النوم و حجرات المستشفيات لمرضى الأفكار المزعجة المتسلطة

وقد أعطى الدكتور( بودولسكى) Bodolosky فى كتابة

Le Docteur Preserit le Couleur تفصيلا لطريقة المعالجة باللون ونقلا عنه

يمكننا بإيجاز تلخيص التأثير الفسيولوجي بمختلف الألوان ... فقد ذكر :

إن اللون الأخضر

يمس الجهاز العصبي وانه لون مسكن منوم فعال في حالات سرعة الغضب وفى حالات الأرق والتعب فهو يخفض ضغط الدم وعلى العموم يعتبر

اللون الأخضر ذو تأثير مسكن وان استعماله لا يتسبب عنه أي ردود أفعال ضارة

أما اللون الأزرق

فهو مضاد للعفونة ويقلل من عمل التقيح ذو تأثير حسن في علاج بعض أنواع الروماتزم كما انه فعال في علاج مرض السرطان وهو مسكن بوجه عام

ولو إن التعرض له بكثرة يسبب بعض الوهن و انحطاط القوى

اللون البرتقالي

لون محث محرك يزيد طفيفا نبضات القلب ليس له تأثير على ضغط الدم ولكن يعطى إحساس بالراحة والمرح كما يساعد ويسهل حركة الهضم عند الإنسان

اللون الأصفر

لون منشط لخلايا الفكر ولذلك يستعمل في طلاء حوائط أماكن العمل .. فعال في حالات العجز الذهني كما انه فعال فسيولوجيا في حالات مرض السل فهو مضاد لنشاط هذا المرض كما إن بعض درجات اللون الأصفر يمكن أن تهدئ حالات عصبية معينة

اللون الأحمر

لون ساخن مثير يزيد حالات الالتهاب كما يزيد من الميل إلى الإثارة والغضب قادر على التوغل داخل أنسجة الجسم كما يزيد من التوتر العضلي وبالتالي يزيد من الضغط الدموي

اللون البنفسجي

يؤثر هذا اللون تأثيرا حسنا على القلب والرئتين والأوعية الدموية كما يزيد من مقاومة أنسجة الجسم

كل الكلام الى فات دة ملخص لغير المتخصصين من كتاب

نظرية اللون للدكتور يحيى حمودة (دار المعارف 1981)

دة لو حد يحب يقراء الكتاب نفسه ويتعمق فى الموضوع

[Hammer]

أختنا العزيزة المبجلة طويلة العمر ... نانسي

أنا المعذب ( هه - نون - طه ) و أعرض عليك سيدتي مشكلتي علي الله ألاقي لها حل .

قبل ما أبدأ المشكلة أود أن أسرد بعض التعريفات اللغوية الهامة التي لا يستقيم الموضوع دون الإتفاق علي معانيها ... فمشكلتي سيدتي تتعلق بما يسمي بالعامية ....

الأنتخة

و الأنتخة يا عزيزتي هي حلم كل رجل ( شرقي أو غربي ) في نهاية يوم شاق من العمل المضني أن ( يأنتخ ) في وضع مريح أمام التلفزيون تسترخي فيه عضلاته في جو من الريلاكسيشن و عادة ما تكون في الليفينج روم .

نيجي بقي للمشكلة .. أن طبيعة الليفينج أن تكون الكنبة في صدر المجلس امام التلفزيون و بالتالي هي المكان المناسب رب أسرة ديموقراطي زي حالاتي :ph34r: ... و الكنبه بتاعتي - مش عارف ليه - لا توفر أقصي درجات الأنتخة المطلوبة علي الرغم من إن إرتفاع مساندها مناسب .

و أنا علي إستعداد لشراء أي قطعة إضافية توفر أنتخة أحلامي ...

فكل ما أرجوه من سيادتك مراجعة الكتب و المراجع الخاصة بالديكور قسم الأنتخة لمساعدة أخوك في هذه المشكلة المؤرقة ..

و أكون لك من الشاكرين ... بل من المهللين كمان :ph34r:

[nancy]

شوف ياهمر

انا طبعا اعرف النتخة انا جوزى يجى من الشغل بالليل فيتانتخ على الانتيخ

يعنى لازم نفضى الكنبة الى امام التلفزيون

ونفضل كلنا نجرى انا اجهز العشاء والبنات يجيبو الطفاية واللب والسجاير والعصير

فاعرف النتخاة وعايشة فيها بقالى 14 سنة

عموما علشان تتانتخ

دة عاوز حاجة من اتنين

يا تجيب( ديفون )وهو عبارة عن كنيبة فى حجم السرير المفرد يعنى 2×1 متر

ويتحط عليها مرتبة عالية والكثير من المساند المتعددة الاحجام واللوان والاشكال

(دى الى عندنا)

حل تانى فية كرسى فوتى وله مسندر للقدم وبيكون وثير جدا وتنجيدة عالى

وزيادة فى النتخة لازم تعمل اضاءة هاديه من اباجورة ذات نور هادى جدا غير موجة ناحيتك

وجنبك ترابيزة صغيرة لوضع الريموت والعصايروالعشاء والموبيل لو حد رن عليك والطفاية لو بتشرب سجاير

وحاحول اعرف احط الصور ازاى وانزلك صور للحاجات دى الى وصفتهالك

ونكمل بكرة

[nancy]

واضح ان س س فتح الموضوع دة غلط <_<

عموما انا حانزل اسامى 4 مواقع فيهم الكتير عن الديكور ولو حد عاوز يسالنى مفيش مشكلة

www.byoot.com

www.deecoor.com

www.almuhands.org

www.hawaaworld.com

الرابع عالم حواء دة فية جزء عن الديكور انما فية كتير من الموضعات زى العناية بالجسم والبشرة والاكلات الجميلة جدا ........يعنى موقع ممتاز

وبرضة انا موجودة لو حد عندة اى أسئلة <_<

[Hammer]

فين يا نانسي الصور اللي وعدتيني بيتها

شكلك خليتي بيّ بعد ما بعت عفشي في إنتظار وصفاتك الأنتخية العظمي

[nancy]

المشكلة انى مش عرفة انزل صور على المنتدى

بس ولهى نفسى اوضحلك اكتر

بس حاشوف طريقة <_<

[محمود الشاعر]

شوفى يا نانسي لو عاوزة تحطي صورة من النت افتحي الصفحة اللي فيها الصورة وبعدين اضغطي عليها واعملي كلك يمين هتظهر نافذة فى اخرها كلمة

properties

كلك عليها هتفتح نافذة تانية وفيها كلمة

Address ( URL )

ظللي الكلام اللي موجود ادامها كله انشالله يكون اربع سطور وبعدين كليك يمين و اخذ نسخة بعدين تيجي المحاورات وتكوني فتحة الموضوع اساسا وفتحة اضافة رد وهتلاقى فيها ايقونة على هيئة شجرة كلك عليها هتفتح مربع حوار كلك جواه ثم

Ctrl + V

ثم OK

هتلاقى الصورة نزلت

وكملي الموضوع لاننا محتاجين فعلا دروس فى فن الجمال

شكرا

[nancy]

اشكرك يا محمود على ردك وحاحاول اعمل زى ما كتبتلى :angry2:

[bodi]

اشكرك يا محمود على ردك وحاحاول اعمل زى ما كتبتلى :P

اختنا العزيزه نانسي

جزاك الله خيلرا عن خبراتك اللي بتشاركينا بها في الموضوع ده و لاننسي برضه اخونا اللي زي العسل سي السيد صاحب قفكره الموضوع الجميل ده

نخشي في المشكله

انا يا ستي عندس حجره الليفينج مفتوع علي ممرين او طرقتينو المشكله اني لما اجي اشغل التكييف فلا نحس باثره لكون اللفينج مفتوح علي الممرين و لحل المشكله ده قمن بوضع باب خشيب له شكل جميل كافاصل بين احد الممرين و حجره اللفينج

المشكله باه في الممر التاني نقفله ازاي

زوجتي راسها و الف سيف (وحضرتك عرفه ان كلام الستات لازم يمشي في المواضيع دي و الا مش هنخلص) انها مش عايزه تحط باب شبه الياب اللي يقفل الممر الاول

طب نحط باب اوكرديون

لا شكله بيئه و موضه قديمه

طب نحط ستره تقيله

ايه :lol:

لا طبعا ما ينفعش

المهم انا غلبت معاها و طبعا في حلول شيك لكنها مكلفه للغايه(خراب بيوت يعني)

فاعيزين حضرتك يمخمخي معنا و تقولي لنا ازاي نحل المشكله دي

ولك الثواب من عند الله

اخوك المعدب باللفينج و التكييف و الابواب

بودي

[nancy]

شوف يا بودى

مبدائيا لازم يكون الباب المقفول مواجهه للتكيف

لان التكيف لازم يكون الجزء المواجهه له مغلق علشان يكيف باقى الغرفة

انما لو الممر التانى فى ناحية بعيدة عنة فمش مشكلة

بالنسبة لحل الممر التانى

لو الممر دة شكلة مستطيل عادى ارتفاع 220 وعرض متر زى حجم الباب

ممكن تجيب برافان متحرك ويتحط وقت تشغيل التكيف ويتحط على جنب وقت عدم استعمال الغرفة والمكيف

لو عندك الممر ارش يعنى نصف قوس من اعلى ممكن يتافل الارش بشغل من الخشب

او حتى فريم بس ويتشد فية ولو ورق حائط من الناحيتين

وممكن تعمل فكرة ان البرافان نفسة عبارة عن 3 فريم ووعلية نفس ورق الحائط المثبت فى اعلى الارش

لو كلامى مش واضح

الحل الى عندى

انك تكتبلى مقاسات الارش وارسمهولك بالتفصيل على التوكاد وابعتلك الفايل على اميلك بالتتاشمينت

بحيث لو ادتها لنجار ينفزها من الرسم الى حبعتهولك

وان شاء الله تتحل مشكلة فتحة الممر

[bodi]

شوف يا بودى

مبدائيا لازم يكون الباب المقفول مواجهه للتكيف

لان التكيف لازم يكون الجزء المواجهه له مغلق علشان يكيف باقى الغرفة

انما لو الممر التانى فى ناحية بعيدة عنة فمش مشكلة

بالنسبة لحل الممر التانى

لو الممر دة شكلة مستطيل عادى ارتفاع 220 وعرض متر زى حجم الباب

ممكن تجيب برافان متحرك ويتحط وقت تشغيل التكيف ويتحط على جنب وقت عدم استعمال الغرفة والمكيف

لو عندك الممر ارش يعنى نصف قوس من اعلى ممكن يتافل الارش بشغل من الخشب

او حتى فريم بس ويتشد فية ولو ورق حائط من الناحيتين

وممكن تعمل فكرة ان البرافان نفسة عبارة عن 3 فريم ووعلية نفس ورق الحائط المثبت فى اعلى الارش

لو كلامى مش واضح

الحل الى عندى

انك تكتبلى مقاسات الارش وارسمهولك بالتفصيل على التوكاد وابعتلك الفايل على اميلك بالتتاشمينت

بحيث لو ادتها لنجار ينفزها من الرسم الى حبعتهولك

وان شاء الله تتحل مشكلة فتحة الممر

شوف يا بودى

مبدائيا لازم يكون الباب المقفول مواجهه للتكيف

لان التكيف لازم يكون الجزء المواجهه له مغلق علشان يكيف باقى الغرفة

انما لو الممر التانى فى ناحية بعيدة عنة فمش مشكلة

بالنسبة لحل الممر التانى

لو الممر دة شكلة مستطيل عادى ارتفاع 220 وعرض متر زى حجم الباب

ممكن تجيب برافان متحرك ويتحط وقت تشغيل التكيف ويتحط على جنب وقت عدم استعمال الغرفة والمكيف

لو عندك الممر ارش يعنى نصف قوس من اعلى ممكن يتافل الارش بشغل من الخشب

او حتى فريم بس ويتشد فية ولو ورق حائط من الناحيتين

وممكن تعمل فكرة ان البرافان نفسة عبارة عن 3 فريم ووعلية نفس ورق الحائط المثبت فى اعلى الارش

لو كلامى مش واضح

الحل الى عندى

انك تكتبلى مقاسات الارش وارسمهولك بالتفصيل على التوكاد وابعتلك الفايل على اميلك بالتتاشمينت

بحيث لو ادتها لنجار ينفزها من الرسم الى حبعتهولك

وان شاء الله تتحل مشكلة فتحة الممر

الاخت الفاضله نانسي

الف شكر علي الرد الفوري

بالنسبه للتكييف فالممران يقعا علي جانبيه وليس اهدهم بالمواجهه للتكييف

ثانيا الممر اللي محتاج للاغلاق عادي و ليس ارش و اعتقد ان فكره البرافن فكره رائعه و ان كان البرافان لن يحكم اغلاق الممر و بالتلي كفاءه التبريد هتبقي ضعيفه

عموما لو انا عايز اشوف برافان شيك و بسعر معقول ممكن الاقيه فين

و شكرا

[nancy]

اولا الى يحدد الكلام دة انت ساكن فين لو فى السعودية او فى اسكندرية ممكن اقولك

غير كدة مش حاعرف اماكن بس فية ملاحظة مدام التكيف فى النص والممرين على الجوانب لازم البرافان يكون واخد من شكل الباب الى اتركب قبل كدة يعنى فية تماثل

[bodi]

اولا الى يحدد الكلام دة انت ساكن فين لو فى السعودية او فى اسكندرية ممكن اقولك

غير كدة مش حاعرف اماكن بس فية ملاحظة مدام التكيف فى النص والممرين على الجوانب لازم البرافان يكون واخد من شكل الباب الى اتركب قبل كدة يعنى فية تماثل

الاخت نانسي

انا ساكن في القاهره

بالنسبه للبرفان ممكن ترفقي بعض الوصلات لاشكال مختلفه منه

وهل الاوفر ان اقوم بشراءه جاهز ام بتصنيعه عند نجار

[nancy]

شوف انت لو عملتة عند نجار اوفر كتير وهو عبارة عن 3 فريم او قلة برواز كل واحد 45× 175 سم وسماكة البرواز 5 سم المساحة دى من اولة لاخرة بما فيها الفريم العلوى والسفلى

ومفصلات شيك ممكن 3 فى كل برواز اما الحشوة الداخلية اما من الخشب وعليها زخارف بالماركترى

او زجاج مرسوم او خشب ابلاكاش ويلصق علية شكل من اشكال ورق الحائط

حسب الامكانيات المادية

ولو عاوز ارسم هولك معنديش مانع

ولو عاوز امثلة برضة اوكى ولو مش واضح اى حاجة قولى

بس الصور والرسم معلش ابعتلى اميلك لانة معرفش غير عن طريق الاتاتشمينت