على الهواء مع شيرو المجنون! - لا وقت للعقل في زمن الجنان!

[Sherief AbdelWahab]

شيرو المجنون يحييكم من مامبوزيا بلد المسخرة تمشي على قدمين..يشارككم الجنان العلني الأكاديمي..ويبحث معكم عن حلول لأسئلة شغلت الرأي العام..

مثلا..من هو قاتل سعاد حسني؟

1-غرنديزر

2-العفاريت

للإجابة عنوان مامبوزيا سهل و مايتوهش!

خلص الكلام

[Sherief AbdelWahab]

عفوا ..لقد تسرعت قبل أن أقدم لكم الموضوع كعادتي..

شيرو المجنون مواطن محبط يعيش في دولة تشبه بلادنا إلى حد كبير.."جامهورية مامبوزيا"..لا أحد يسألني أين تقع في أي داهية؟!

الموضوع هو أولى محاولاتي الحقيقية في الأدب الساخر..قد يكون دمي ثقيلا أو لا أجيد انتقاء كلماتي ..لكنها كما ذكرت محاولة تحتمل النجاح و الفشل..

عموما ..شيرو المجنون يسره تلقي أسئلتكم في ما يخص مامبوزيا ..و مصر ايضا!

في انتظار آرائكم..بس بشويش!

خلص الكلام

[Sherief AbdelWahab]

س سؤال:لماذا يستعين المسئول في مامبوزيا بمصور الفنانين المامبوزيين امثال هاني شكرون و علي الحفار و جودة فؤاد؟

خلص الكلام

[abla]

صباح الفل ياشيرو الجبار ... اخاف اقولك ياابو الاشرار تدليل آخر لشيرو تفتكر اني باقصد جمع شرير :)  المهم اهو لقب حلمنيشي باخلعه عليك بالمرة  ويمكن يمر في الزحمة ;) انت دايما مستعجل كده ياشيرو ياخويا ... طيب مش تستني لما نجاوب على اسئلتك واحدة واحدة ... انت عارف ان الاسئلة العويصة محتاجة تفكير عميق وطويل ... باقولك ايه استني لما ارجع م الشغل ونشوف حكاية مامبوزيا دي وسعاد حسني وكل الحكايات وتوابعها ... ماتخلصش الكلام قبل ماارجع ;) ;)

[هشام عبد الوهاب]

العنوان  9 شارع الحلمنتيشى ميدان الغلابه مامبوزيا القديمه

الاسم صابر ايوب ماشى فحالى

رقم التليفون:  للأسف مقدم عليه من 20 سنه  بس قالولى حايركب الابوع اللى جاى

محمول البقال اللى ف اخر الشارع ( استقبال المكالمه بنص جنيه  افترا بقى) : 012222222222222

الاجابه و يارب اكسب انشالله كرتونه صابون

--------

1- قاتل سعاد حسنى   الرجل الاخضر

2-يستعين المسؤلين فى مامبوزيا بمصور الفنانين المامبوزيين علشان يطلعهم نوغه صغيرين

و احب اسمع اغنيه  موعود بالعذاب يانا      واشوف حته من فيلم  خللى بالك من هدومك

شكرا و يارب اكون جاوبت صح...........

[semsemah2000]

متهيألى اللى قتل سعاد حسنى هو ..... بن لادن

و المسئول الكبير بيتصور زى الفنانين علشان بيغنى على الناس  و يمثل عليهم  و يرقص على الحبل مع الكبار

[daktara]

السلام عليكم ورحمه الله و بركاته و بعد

اما ممبوزيا فاعتقد ان اصلها منبوزيا وهى اتحاد كلمتين (منبوز) و (يا) ويقال انها كانت تسمى

منبوز يا كل مصرى سواء كنت فى بلدك او خارجها وبعد ضريبه المبيعات و ضريبه المشتريات

و ضريبه الدخل و ضريبه الخرج اصبح الباقى منها منبوزيا ويصح ان تقولها بدون ادغام او تدغمها و تصبح ممبوزيا الاهم ان اصلها مصرى و ستظل كذلك رغم عيون الحاسدين اللى

تندب فيها عود يا حلاوه

اما عن الاسئله الممبوزيه التى طرحت فالاجابه عليها تاتى فى وقت اخر وذلك لنفاذ صبركم علىَ

[Sherief AbdelWahab]

المسئول في مامبوزيا -و الوزراء بصفة خاصة -مصابون بالغيرة من المطربين بالذات ..لأن صورهم تعلق على الأبنية و محلات الكاسيت ..وكل واحد من المطربين -عمران دياب مثلا- واخد "close"يجنن..

الوزير شايف أنه مش أقل من عمران دياب و لا على الحفار و لا هاني شكرون..الكلوز بتاعه في جرنال "خوفو"و لا "المامبوزية"مش لازم يبقى أقل..و إلا حيقولوا عليه ايه في بلدهم؟ وزير شطرنج؟

مع تحيات شيرو

مامبوزيا العليا أوي

خلص الكلام

[Sherief AbdelWahab]

بالمناسبة..صديق اتصل بيا وقال ان ناس مجهولة اتصلت بسلطات الأمن المامبوزية معلنة مسئولية مازنجر عن مقتل سعاد حسني..

عن نفسي أشك ..غرندايزر يمكن يكون عملها مقلب في مازنجر!لأن صديق تاني قاللي من شوية انهم لقوا ظرف تاني مكتوب عليه الآتي:

بسم الله الرحمن الرحيم..و الله أكبر ..(.....)أمريكا..الظرف دا فيه أنثراكس!!

الامضاء:مازنجر

خلص الكلام

(Edited by Sherief AbdelWahab at 3:42 am on Oct. 26, 2001)

[Sherief AbdelWahab]

سمعت في مامبوزيا انهم طوروا جهاز جديد لانج يقدر يطلع التصريحات أوتوماتيك..مثلا لو حصل فشل ما ..يقول الجهاز للوزير:قول :دا بيحصل في كل أنحاء العالم مش في مامبوزيا..

لو حصل طارئ يقول للوزير اللجنة اجتمعت و....و لو خرج الفريق الأول لكرة القدم من تصفيات المونديال-زي كل مرة-يقول للمسئولين في اتحاد الكرة المامبوزي قولوا التحكيم و الزلزال و المش عارف ايه!

اختراع حلو..لكن هل أي مسئول في مامبوزيا أو غيرها ها يقبل ان جهاز ما يقوم ببعض العمل الذي هو أصلا مكرس نفسه للقيام به؟مش جايز يغيروا من الجهاز اللي فاهم تفكيرهم أكتر منهم؟

السؤال إليكم

شيرو

مامبوزيا العليا أوي

خلص الكلام

[abla]

نقول ايه ياشيرو ياخويا بس ... طالما السيد المسئول في مامبوزيا العظمي بيشتغل دايما ويعمل اي حاجة بناء على توجيهات القيادة العليا .... يبقى مافيش مانع التصريحات تبقى بناء على توجيهات السيد الجهاز ... بس المشكلة بقى ح نسميه ايه ؟؟؟ الجهاز يعني ;) ;)

نسمية التصريحجي

نسميه التوجيهجي

ولا نسميه ايه .... جهجي

معلش لازم يكون اخرها هجي علشان اشتقاق الوظائف يكون متمشي مع اللغة المامبوزية احسن مجمع اللغة المامبوزية يقلب الدنيا على دماغ اهالي مامبوزيا العظمي وهم مش ناقصين .... المهم تفكروا معانا في اسم لجهاز التصريحات الوزارية علشان نساعد اسيادنا وتاج راسنا الوزراء في اداء مهام منصبهم التصريحي الهام ومانعطلهمش ونخليهم يتفرغوا لبناء مستقبلهم في مامبوزيا العظمي  .... وسلم لي على التمثيل المشرف في مترو الانفاق وسلم لي على اي حاجة في سكتك :) :)

[Sherief AbdelWahab]

التعليم و الإعلام هما مفخرة المواطن المامبوزي!

سأترك الإعلام جانبا..أما التعليم ..فبينما تتفق الدول و تختلف على نظام-واحد-للتعليم..لدى الجامهورية المامبوزية أكتر 15 نظام للتعليم -يعني أكتر من الفيديو!:o

كل هذه الأنظمة تعكس الديناميكية الشاملة و التماشي مع المتغيرات..من العولمة حتى حالة الجو..هناك نظام شتوي و آخر صيفي..نظام شرقاوي و نظام غرباوي و نظام طنطاوي ..أمال؟

لا وايه..بعد كل الأنظمة دي يترمي الخريج في الشارع ..ليه؟ عشان يختار "بحرية"مابين "الوظائف"الموجودة في سوق ال....عمل!

شيرو

مامبوزيا العليا أوي

خلص الكلام

[Sherief AbdelWahab]

في مامبوزيا -زي ما عندكم في مصر-عائلات في كل حتة ، ماسكة كل المهن بالوراثة ..عائلة جيجا اللي ماسكة الجامعة و عائلة فيجا اللي ماسكة المغنى، و عائلة ..قول كام عائلة في التلفيزيون المامبوزي ، قيسوا على كدة معظم المجالات اللي في البلد ..أمال ..تبقى عيبة و ألف عيبة ان "الكار " على آخر الزمن يخرج عن الفاميليا!

ودا لعلمكم بيريح كتير من المواطنين المامبوزيين ..ليه؟ عشان يريحوا دماغهم من التفكير في الشغل في "الأماكن"دي و غيرها ..و يتفرغوا للعمل المثمر و الخلاق و المنتج!

شيرو

مامبوزيا العليا أوي

خلص الكلام

[ragab2]

كلمة  ممبوزيا

موجودة فى الطبيعة

وهى نوع من الفكهة تشبه الزيتون الاسود تماما فى الحجم واللون والبذرة ولكنها حلوة المذاق

وكان يوجد فى مصر شجر ممبوذيا ولكنى لا أدرى هل مازال أم انقرض

[Sherief AbdelWahab]

مامبوزيا العليا قررت تعمل قمر صناعي ..هاتسميه مامبوسات..لما سألنا مسئول التي في والراديو المامبوزي قاللنا احنا ح نطلع القمر دة عشان نحافظ على الريادة الإعلامية المامبوزية على مستوى المنطقة العربلية ..كوول القنوات اللي ع القمر ح تكون ناطقة باللغة المامبوزية..حفاظا على الريادة المامبوزية على مستوى المنطقة العربلية..أهم القنوات هاتكون أخبار مامبوزيا ، مسلسلات مامبوزيا ، كورة مامبوزيا، أفلام مامبوزيا،مسرحيات مامبوزيا، وشش مامبوزيا

بس تفتكروا الشيخ صلوحة ها يشتري القنوات دي كوووولها زي ما عمل معاكم في مصر؟

شيرو

مامبوزيا العليا أوي

خلص الكلام

[Sherief AbdelWahab]

شعبنا المامبوزي شعب طيب و جدع  و خدوم ،و أكتر مثل على كدة يوم الانتخابات..صحيح المامبوزي منينا مش عارف هوة بينتخب ليه و ايه فايدة اللي بيعمله، بس يوم الانتخابات ينزل ويدي صوته..جدعنة يعني ..ناس بتقول انا بنتخب فلان عشان قريبي، وناس تانية بتقول انا بنتخب فلان عشان مستثقل دم علان، و ناس تالتة بتنتخب فلان "كدة"!كدة ليه يا كابتن؟ كدة!

العجيب فعلا ان المامبوزي مننا ينتخب فلان ..و فلان يضحك ع الكل و معيملش حاجة خاااالص و لما حد يسأل عليه يقول له في جزر البهاماس!:biggrin:و مع ذلك ينتخبه تاني و تالت..

قولولي بينتخبه تاني ليييه؟

شيرو

مامبوزيا العليا أوي

خلص الكلام

[Sherief AbdelWahab]

انا زعلان منكم أوي..بقى أغيب يوم ولا اتنين ألاقي محدش معبر شيرو المامبوزي..دا حتى الكلام على مامبوزيا يحلى أوي و احنا داخلين على رمضان..بالمناسبة كل سنة و انتم طيبين..

و بصفتي من مامبوزيا العليا و هي دولة عظمى بس ميغركمش المنظر..باعرض عليكم أحل ليكم فوازير رمضان اللي مبتتعرضش في التليفزيون بتاعكم..جايز تكون فيه حاجات عندكم شبه عندكم أقدر أقوللكم المسئولين المامبوزيين عملوا فيها ايه بحكمتهم المعهودة

شيرو

مامبوزيا العليا أوي

خلص الكلام

[Sherief AbdelWahab]

مااااشي..ج اديكم فوازير رمضان المامبوزية جدا ..مستني طبعا تحلوها:

كم أنفق التليفزيون المامبوزي على مسلسلات رمضان لهاذا العام؟

1-100 مليون جنيه مامبوزي

2-50 مليون جنيه مامبوزي

3-75 مليون جنيه مامبوزي

للعلم:1 جينه مامبوزي=ا جنيه مصري.1 تليفزيون مامبوزي =1 تليفزيون مصري!

في انتظار ردودكم

شيرو

مامبوزيا العليا أوي

خلص الكلام

[Sherief AbdelWahab]

الناس في مامبوزيا العليا أوي ليس لهم موضوع إلا فزورة الفوازير..كيف اختفى 2 مليار جنيه مامبوزي من البنك المامبوزي للإستثمار ؟ و إيه ..بدوون مقاومة و لا آثار سرقة؟

تحقيقات تجريها دولة مامبوزيا من شهور طويلة حول سر اختفاء المليارين!و أول ما انتاب اليأس اللعين المسئولين في مامبوزيا و حسوا إن الناس بتتريق عليهم..استدعوا المنجم التقليدي بتاع صحيفة الحزب اللي بتموله أميرة من إياهم..

المنجم سأل العفاريت بتوعه واحد واحد..أين ذهب الملياران؟سألهم واحد واحد محدش فيهم إداله عقاد نافع..

المسئولين في مامبوزيا العليا فكروا في الكلام اللي يقولوه للناس اللي بتسألهم عن الفلوس اللي راحت م البنك..اضطروا يقولوا الكلام اللي قاله العفاريت..دا يقول أكلتهم القطة..ودا يقول خطفهم بن لااكن..ودا ..ودا..

تعرفوا تكسبوا فينا ثواب وتقولولنا..من سرق المليارين؟

شيرو

مامبوزيا العليا أوي

خلص الكلام

[Sherief AbdelWahab]

التليفزيون في رمضان في مامبوزيا شكل تاااني خااالص..

ستة و عشرين مسلسل متعرفش اتعملوا امتى و فين و اتكلفوا كام ..ماهو التليفزيون المامبوزي

طبعا هو اللي بينتج كل المسلسلات حفاظا على صناعة التليفزيون..ورغم انهم كلهم بايخين طحن و في مقدمتهم "طاهر مامبوز فشار" و" عائلة الحاج مروللي مرووق "..إلا ان التليفزيون بيذيعهم كلهم لسبب ذكي ووجيه..انه يستخدمهم كفواصل بين الاعلانات اللي هية الفقرة الرئيسية و الوحيدة التي يقدمها تليفزيون مامبوزيا..

شيرو

مامبوزيا العليا أوي

خلص الكلام