الحرافيش تدافع عن نجم

[houssin abo habaga]

انا مش حدافع عنك يا نجم بمدافع

انت فى قلبى ونجم فى السما كفايه

حكومه تدوس على اللى يقول الحق

من اول شايفنكم واخوانى وكفايه

وانت وكل اللى يقف بجد معايا

هيهدموا الغرفه على راسك يا نجم

ميعرفوش انك يا نجم حكايه

وانك حرفوش من حرافيش كتير معايا

وساعت الجد صوتك يعلى بكلمه الحق

دا انت حته من تاريخ بلد محتاجه

مليون نجم تعدى بيهم بر السلامه

يا نجم ساطع فى وسط كواكب ضلمه

اللى زيك تكريمه فى البلد واجب

وبدل ما نكرمه ناخده محكمه وحاجب

يحكم بهدم الغرفه الخشب بالنبوت

نسى ان الغرفه فيها اللآف البيوت

من اشعارك سيوف على رقابه

يهد الغرفة مش حا يهمنا

لأن بيوت اشعارك عمارات فى القلوب

سيبها لله يا نجم وقول يا باسط

كل حاجه فى مصر خلاص هاصت

تحياتى/ حسن عمران

[حرفوش]

أشكر الأخ حسين أبو حباجة على كلماته المعبرة عن حب مصر و المصرى,

و بصفتى حرفوش قديم, أحييك.

سلام عليك