الجن و الأنس..!!!!!!!

[بنت شعنونة]

اتصلت بي صديقة...

عروسة جديدة ما بقالهاش 5 شهور تقريبا

وكانت في حالة انهياااااااار واصرت اني اروحلها فورا؟!؟! :ph34r:

ما كدبتش خبر ورحتلها لقيتها اتصلت بكذا واحدة من صاحبتنا

المهم

مالك يا بنتي .. قالت التالي....

انها بعد ما اتجوزت بكام شهر

كانت نايمة مرة ..وحست انه فيه شخص في الاوضة مع ان زوجها كان ساعتها في الشغل

ولما جت تبص على مين "الروح" الموجودة في الأوضة دي ما عرفتش تلف وشها خاااااااالص اكنها مشلولة!!!!

وقعدت تقرا المعودتين و ادعية تعويذيه لمدة دقيقة كدا لحد ما عرفت تبص في اتجاه الروح الموجودة دي ولقت انه ما فيش حد؟؟؟؟؟؟؟

وفكرتنا انها حكيتلنا الموضوع دا ساعتها

ودا حصل فعلا

وفي منا ناس اتريقوا عليها

وناس قالولها انها اكيد بتحلم

وناس تانية وانا منهم خدنا خط الحذر وقولنالها تبقى تقرى المعوذتين قبل ما تنام و كام دعاء وانها هيا و زوجها يقولوا دعاء قبل الجماع احتياطي برضه..

بعد اول مرة دي قعدت تشتكي كام مرة كدا وبعدين الجو هدييييييي تماما " برغم انها ما التزمتش بدعاء الجماع لكن التزمت بالمعوذتين"

لحد امبارح لما اتصلت بينا

لقيناها مصرررررررررة انها ما بتحلمش

وانها لقت ان دا بيحصل بعد كل جماع بينها وبين زوجها خصوصا لما بيكون هوا خرج وسابها لوحدها بعد كدا

بس بتقول انه امبارح بالذات كان فيه تطور اكبر!!! :ph34r:

انه الكائن دا دخل عليها وزي كل مرة حاولت تبص ناحيته و حست انه وشها مشلول وقعدت تقرا المعوذات لحد ما مشي لكن المرادي طولت شوية

وبعد شوية

حست زي ما يكون فيه حد بيقعد جنبها ع السرير وبعدين دراع بتحضنها وبعدين شخص بيحاول انه ي ....................... :ph34r:

فقعدت تقرا المعوذات بصوت عالي جدا

وقعدت تشتم فيه وانها شايفاه وتحاول تقوم من مكانها

بتقول انه في خلال 30 ثانية الكلام دا حصل

:ph34r: :o

بيني وبيكم كلنا خفنا

وبقينا مش عارفين نقولها ايه

واللي نطقت فينا قالتلها انتي بتحلمي بس حلم سخيف

والبنت اصرت وحلفت ميييييييييت يمين انها صاحية تماااااااااااما في اخر مرة دي بالذات " لأنها قالتلنا انه موضوع وشها بيتشل دا بتكون بين الصحيان و النوم وتصحى تماما لما تعرف تبص الناحية التانية"

وبتقول ان الكائن دا بيجيلها في شكل خيال انسان سواء خيال اسود او اي لون بدون اي ملالالالامح

يعني شايفة راس وكتف وجسد وخلاص

انا مش عارفا دا ايه

بس البنت دي مش بتخاف من العفاريت ولالالالالالالالالالالالالالالا بتاخد في بالها خالص الموضوع دا

حد عنده تفسير للوضع المرعب دا خاصة انها منهارة جدا ومش عارفين نهديها ازاي!!!!!!!!!!!! :ph34r: :ph34r:

[eastsoul]

للاسف انا ما عنديش تفسير للوضع بتعها و ربنا يكون في عونها و يحفظها

خليها تقرأ كل يوم سورة البقرة و كمان تشغلها في البيت على طول

[MZohairy]

والله عندي رد بس يمكن ميعجبكيش يا بنت شعنونه :blush:

و يمكن الدكتور خالد يؤكد كلامي

اعتقد انها عندها حاله نفسيه مرضيه

و اعتقد انها لو عرضت نفسها على دكتور نفسي الموضوع حيتحل باذن الله

لغاية فتره مش بعيده كانوا بيعتبروا مريض الصرع انه لابسه جن

وعلى فكره المريض النفسي مش لازم يكون ماشي يحدف الناس بالطوب!

ممكن يبقى شخص مظهره طبيعي تماما

ربنا معاها

[بنت شعنونة]

روح الشرق

احنا فعلا قلنالها تعمل كدا وربنا يسهل..

زهيري..

لا اعتقد انها مريضة نفسية

عشان فيه تفاصيل بعينها هيا ذكرتها ما ينفعش تتكتب تنفي كلامك..

وما تنساش ان المجموعة اللي كانت قاعدة معاها كانت دكاترا اغلبها...!!!

يعني اكيد واخدين بالنا من الأحتمالية دي حتى لو كانت ضعيفة!

[لخبطه]

أنا كان عندي مشكله مشابهة للمشكلة دي بشكل مزمن من 4 سنوات لكن الحمدلله وصلت للحل من سنه او اكتر

المشكله ياستى دي حاجه بيسميها الناس ( الجاثوم ) وهو نوع من الكوابيس لكن مع فارق الكابوس أنك تحسي بشىء مرعب بيطاردك ودا في بيكون في حلم لكن الجاثوم بيكون بين اليقظه والنوم بل يكاد يكون يقظه كاملة يعني أنا بكون شايف كل الاوضه اللى انا نايم فيها وشايف كل تفاصيلها لكن مش قادر احرك ولا عضو من جسمي ولا التفت حتى والوضع دا بيستمر معاي لمدد ساعات بتتجاوز الدقيقين وكان هيسببب لى جنان ودا فسروه بأنه شيطان بيسيطر عليكي سيطرة كاملة الغريب أني كنت بحاول أقرا قران أو المعوذتين وانا في الحالة دي ورغم كدا ما كنتش بتفك مباشرة ودا الفرق بين الكابوس والجاثوم أنه ف الحلم مش بتقدري تقري قرا نأو خلافه ........... اظنه هو نفسه اللى عند صييدقتك مع الفارق طبعا ............... كان دايما بيحصل معايا لما أنام تارك فرض وعمره ماحصل وفيه حد نايم معايا في نفس الغرفة الحل بسيط وسحري إن شاء الله

أول حاجه تتاكد أنها مش تاركه فرض ....... الحرص على التطهر لأنه أساسي والمعوذتين قبل النوم وكمان الأدعية دي قاتله له إن شاء الله

بسمك االهم اضع جنبي وبك ارفعه و اسلم نفسي إليك فإن قبضتها فإرحمها وإن أرسلتها فاحفظها بما تحفظ به عبادك الصالحين

أعوذ بكلمات الله التامة من شر ما خلق 3 مرات

بسم الله الذي لايضر مع أسمه شىء في الأرض ولا في السماء وهو السميع العليم 3 مرات

آيه الكرسي

المعوذتين

ولي الحلاوة إن شاء الله

[MZohairy]

معلش يا جماعه.....

طب و غير المسلمين يعملوا ايه؟

[nancy]

شانا انا معنديش تفسير بس اعتقد قراءة القران كتير والدعاء مهم

بس انا فعلا من كام شهر حسيت بكدة كنت نص نايمة وحسيت ان حد جنبى اوى ومش عرفة اتحرك وحد ماسكنى بس دقايق وفقت وصحيت

قلت كنت باحلم بكابوس وخلاص

بس من يومها كرهت الشقة الى كنا فيها ومصدقت اننا حنغير السكن لاسباب ملناش فيها

بس انبسط انى سبت العمارة كلها

[Hammer]

الحقيقة بعض الردود اجدها بالفعل محيرة

لا شك أن قراءة القرأن من الأشياء التي تبعث الهدوء و السكينة في نفس الإنسان , و لكن في حاتنا هذه أود أن أسأل لماذا الأخوة و الاخوات الاعزاء نصحوا بالقرأن ؟؟

** هل لأنهم إعترفوا فعلياً بوجود جن او شيطان شرير يريد ان يؤذي هذه السيدة و بالتالي فإن القرأن سوف يصرفه ؟

** هل لأن السيدة تعاني نفسياً و الأخوة أقروا أن القرأن علاج للإضطرابات النفسية ( إن وجدت )؟

في كلتا الحالتين .... علي الرغم من سماع مئات القصص الخاصة بالجن و العفاريت إلا أنه لم يثبت صحة قصة واحدة حتي الأن من مئات القصص التي وردت علينا و من ناحية أخري فأعتقد أن حتي علماء الدين أنكروا موضوع العلاج بالقرأن .

أعتقد أن هذه السيدة تحتاج إلي مساعدة مختص

[المدهش]

أنا أتفق مع من يقول أن المسألة نفسية..لكني أعتقد أنها حالة نفسية وليست مرضاً نفسياً ..يعني احتمال تكون مخنوقة من الغربة أو من المكان الذي تعيش فيه..ونصيحتي لها أن ترجع إلى مصر..لأن إحساسي يقول لي أنها تفتقد الأمان..وغير متكيفة مع الحياة في الغربة..وأقول هذا الكلام من واقع تجربة حكاها زميل لي هنا في السعودية، وكانت زوجته تعاني من الاكتئاب والقلق وتحلم دائماً بكوابيس وكل ذلك اختفى بمجرد رجوعها إلى مصر.

[بنت شعنونة]

اولا البنت مش في غربة دي في مصر وسط اهلها

دي عروووووووووسة وسعيدة جدا

يعني ما فيش اي شييييييء يخلينا نفكر حتى في موضوع نفسي دا

كبيرنا كان ممكن نفكر في وساوس او تهيؤات ودي برضه مش واردة لأنها قلبها جامد ومش بتاعة الكلام دا خااااااااااالص

دي كانت دايما تقولنا انا ما اخافش من عفريت لكن اخاف من الحرامي

العفريت ها اعرف احرقة انما الحرامي ها احرقة ازاي!

ف هي قلبها جامد

نيجي لجزئية التعليق على القران

اه القران علاج للنفوس المريضة ودا كلام ربنا مش كلامنا

وفيه دراسات علمية اثبتت صحة الكلام دا وما حدش عارفلها سبب " لأننا لسا بشر برضه"

انا كنت قريت زمان انه فيه حاجات الأنسان ممكن يعملها بقصد او بدون بتخليه يقرب من العوالم الأخرى سواء جن او شياطين

زي عدم ذكر دعاء دخول الحمام يدي فرصة للشيطان انه يشوف عورتك

عدم ذكر دعاء الجماع يخلي الشيطان يطأ زوجتك زييك تمام

النوم كما ولدتك امك ممكن يكون مدعاة للمس

دي قراءات انا قريتها

وهيا عملت نقطتين من النقاط دول

مش ممكن يكون عفريت اعجب بيها؟

انا بتكلم جد جدا والله!

بس مش عارفا اسمي العفريت ايه جن والا شيطان

لكن اعتقد انه الموضوع دا وارد

لسا ما بحثتش عنه بس اعتقد

ولو كان ان القصص اللي اتقالت كدا قبل كدا كلها خرافات

ماكانش يبقى فيه دعاء اسمه دعاء دخول وادي الجن

اللي الأخ لخبطة قاله

اعوذ بكلمات الله التامات من شر ما خلق

والدعاء دا كفيل بحماية الأنسان من العوالم التانية

دا حسب فهمي المتواضع....

انما ايه خلاكوا تقوله مريضة نفسيه؟

وليه مش معترفين انه ممكن يكون عفريييييييييييييييت؟

[المدهش]

احنا مش متأكدين طبعاً إن المسألة دي نفسية..لكن ليه بعض الناس بيكون عندهم قابلية أكثر للتعرض لمثل هذه الأشياء وناس تانية لأ..وليه غير المسلمين ممن لا يرددون هذه الأدعية وحتى المسلمين الذين لا يرددونها لا يحدث لهم مس ولا شئ من هذا القبيل..يعني الأجانب بيناموا عريانين وبيعملوا كل الحاجات اللي بتقولي عليها ولا يحدث لهم شئ..قصدي المسألة استعداد نفسي ..وحديث الأخت عن عدم خوفها من العفاريت دليل على أنهم موجودين ولو كان في عقلها الباطن..طبعاً ده لا ينفي وجود الجن فهم مذكورون في القرآن..لكن ما أعرفه أنهم في حالهم ولا علاقة لهم بنا..وأن فيهم المؤمنون وفيهم الكفار..عموماً ربنا يجعل كلامنا خفيف عليهم..وربنا يستر على العروسة..يا ريت تفضلوا دائماً بجانبها..

[Hammer]

المشكلة بس إن إحنا ما عندناش ثقافة اللجوء للمختص النفسي ...

و بنعتبر إن عيادة الإخصائي النفسي مقصورة علي المجانين اللي بنشوفهم في الأفلام بيلعبوا حواجبهم للناس .

مع إن أنا متأكد أن معظمنا يحمل صفات أو عادات أو مشاعر غير جيدة قد تتحول للأفضل بمساعدة مختص نفسي .

[بنت شعنونة]

اخر التطورات...

البنت بقت بتشغل قران كتير و المعوذات قبل النوم و الأدعية...

تمام كدا

قعدت كام يوم بتحس انه فيه حد في غرفتها وبعدين الشبح دا اختفى

لكن...

من يجي اسبوع ابتدت تلاحظ اماكن زرقه في جسمها " كدمات" مع انها متاكدة تماما انها ما اتخبطتش في المكان دا خالص؟ :D

دا غير انها كدمات كبيرة جدا وصعب انه تحصل بدون ما تدري عنها؟؟!!!

لدرجة ان زوجها استغرب الكدمات دي؟

ومش معروف سببها لينا لحد دلوقتي

و العفريت مش موجود حاليا

ربنا يستر علينا :angry:

[nancy]

شانا الموضوع دة انا عندى فضول لية

فاى اخبار جديدة احب اعرفها :angry:

[وليد صفوت]

بتهيألى يا شانا ان الحل النظرى الوحيد اللى قدامى دلوقتى هو انهم يعزلوا من هذا المكان,....

انا عارف انه اختيار صعب عملياً, لانهم لسه عرسان جداد و فى بداية حياتهم لكن ........... فعلا المكان ممكن يكون سبب فى اللى بيحصللها ده....

ممكن يروحوا يقعدوا خمسة ايام فى اى فندق او عند والديهم .... و لو احسوا بالفرق يبقى يتوكلوا على الله و يعزلوا من هذة الشقة نهائياً....

حد شايف حل تانى ؟

[MZohairy]

و ايه بس علاقة الشقه بللي بيحصل يا وليد؟ :angry:

يعني هو لو الموضوع عفاريتي صحيح(رغم عدم اقتناعي التام) العفريت حيغلب يروح وراها البيت الجديد؟

يا جماعه ركزوا شويه الله يكرمكم :D

[nancy]

:angry: يركزوا يعملوا اية يا زهيرى

وبعدين العفريت مش حيعرف يسال حد على العنوان الجديد

على فكرة انت لسة فى العمرة :D

[MZohairy]

يا نانسي اسمه عفريييت

يعني يقدر بقدرة قادر يطلع من المصباح و يراقب العروسين رايحين فين ويطب عليهم من غير لا احم ولا دستور..... عفريت بقى!

و بعدين الدنيا صغيره .... مش ممكن يطلعلهم هناك في البيت الجديد عفريت تاني ؟ يعملوا ايه بقى ؟ يعزلوا تاني ؟

انا شايف الحل في البخور :D

بس يكون بخور جاوي محترم 2 في واحد من اللي بقوة قتل ثلاثيه وانشاء الله ربنا زي ما حدف البلوى حيحاديها

و بعدين عمرة ايه بس؟

هو انا حعمل العمره في شهر ؟

خلصت و دعيتلكم كلكم و اولكم يوسف ابن الحاج حلاوه بيه الرافعي :angry:

[amir]

أنا ح اسأل سؤال و اطلع اجرى

ليه حكاية العفريت اللى بيمارس الجنس مع النساء موجوده فقط فى الفكر العربى

ليه مسمعناش عن واحده بوذيه أو هندوسيه قالت ان الجن بيمارس معاها الجنس ؟؟

:angry:

[MZohairy]

انت غريب قوي يا أمير :angry:

هو في عفريت بيعرف يتكلم هندي؟ :D

لو العفريت راح الهند حيتوه هناك .... دول بقو مليار و مية مليون

مصر ملمومه و حلوه

عربي بس

نورت مصر