اذهب إلى المحتوى
محاورات المصريين

الفرخه الدايخه - سيرة ذاتية سين سينيه

se_ Elsyed

بواسطة se_ Elsyed
في موضوعات شخصية

 مشاركة

Recommended Posts

se_ Elsyed عضو جديد

se_ Elsyed

بتاريخ:
بتاريخ:

حد عمره شاف فرخه دايخه ماشيه في الشارع وعندها أنفلونزا وبدل ما الناس تسيبها في حالها راح واحد جه ومعاه شومه صعيدي وخابطها على دماغها ؟

شوفتوا الإفترا ؟

أهي دي حالتي اليومين دول ..

أنا طبعاً الفرخه مش الصعيدي

فبعد أكثر من 10 سنوات عمل بنظام الفترتين .. فجأة أنقلبت الأمور رأساً على عقب وبقينا نشتغل شيفت واحد من 8 لخمسة مع ساعة غدا

وبعد ما كُنت متهني وسعيد وبأروح كل يوم الضهر أتغدا وأتمدد لي ساعتين واصحى من النوم صواميل مخي متربطة على ومظبوطه على 45 وأروح ضارب لي كوباية قهوة - ما بحبهاش في فنجان - فلاقيني عامل زي الحصان اللي لسه مديينه حقنة مقويات عشان داخل سبق ....

ولكن

بين عشية وضحاها تحول الحصان إلى فرخه .. وبقت تيجي عليه فترة العصر دي وأشعر بصداع رهيب وكنت عامل حسابي وجايب صفقة بنادول إكسترا مع جردل قهوة ..

ومع ذلك مش محوقه .. وبقيت كإني مقضي طول النهار صايم وحالتي بتقى عيضه وزي الواحد اللي مستني مدفع الإفطار ومفرهد ونسبة السيكوتين 10 % في جسمه

اللي مصبرني شويه .. إن الميعاد ده متظبط على البيكو مع ماتشات كاس العالم

يعني أروح الساعة 5 أروح ضارب الشوط الثاني من الماتش بتاع الساعة 4 وأستنى الماتشات اللي بعدها .... والليلة عيد والعريس بيتجوز وأفرح يا قلبي - مؤقتاً - عشان هابقي قاعد عُزابي منتفخ الأوداج شريح المشرحين .. شلولح .. ولا حد ياكل وداني ويقولي هاتلي توم وجيري .. ولا واحده تقولي هات برنامج بيوت VIP .

بس عملت غلطة قاتلة وقولت أجرب أقيل شويه ساعة المغربية بعد ما أرجع .. ساعة بس ولا حاجة ... وعاديكو على اللي حصل .. بقيت أجي بالليل وأبقى عامل زي حتة الآستيك المشوية اللي بنقلبها على النار عشان تبقى ويل دن ...

لكن فعلاً ومع كل المميزات دي .. لسه حاسس إن الساعة البيولوجية عندي بقت مخرفه ونسيت النوم وأحلامه .. ونفسي في واحد ساعاتي يظبطها لي وله الحلاوه ... إن شالله حتى لو حكمت أبعتها التوكيل

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
MZohairy عضو جديد

MZohairy

بتاريخ:
بتاريخ:

اسمعني و عن خبره

انا جربت الدوامين

شفت واحد من 9 الى 5 و تروح بيتكم 5 ونص تنام ساعتين تصحى 7 ونص بالليل اليوم بيبقى قدامك لسه بخيره

بينما الشفتين وتروح بيتكم بعد 8 او 9 بالليل على ما تتعشى يكون اليوم راح و المحلات قفلت و اليوم ضاع

وانا من تجربتي بفضل الدوام الواحد تماما

وصدقني بعد شهر حتلاقيك اتعودت والأمور اتظبطط

يا بختك ياسيدي :blush:

Vouloir, c'est pouvoir

اذا كنت لا تقرأ الا ما يعجبك فقط فإنك لن تتعلم ابدا

Merry Chris 2 all Orthodox brothers

Still songs r possible

رابط هذا التعليق
شارك
se_ Elsyed عضو جديد

se_ Elsyed

بتاريخ:
  • كاتب الموضوع
بتاريخ:

شوف باقولوا ساعة بيولوجية وبتاع يقولي نام لك ساعتين

طب لو صحيت يا حدق الساعة 7 ، يبقى تنام الفجر بقى ولا ايه ؟

قلب مخك يا زهيغي ياخويا انا حالتي بتدهور وبجد بقيت عامل زي المدمن اللي كان بيشم جبس وبعدين الظروف لطشت معاه

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
nancy عضو جديد

nancy

بتاريخ:
بتاريخ:

منك لله يا س س

موتنى من الضحك

وانت بتوصف حالتك

بس على فكرة نوم الظهر دة تعود يعنى لو خدت علية مصيبة ملهاش حل

انا شخصيا محبوش ابدا

بس جوزى لو منمش الظهر يتجنن

وبابا كان كدة برضة بس بابا لو كان يصحى على صوت حد فينا كان يقتلة ضرب

فكانت ساعة الظهر دى ترمى الابرة ترن مش ادب طبعا رعب ياعم

وبعدين انت مسفر العيلة وقاعد للمتشات عاوز اية تانى

حد ادك مفيش صوت حواليك :blush:

ولهى احسن من نوم الظهر

بعد شوية حتتعود بس يمكن تتعب حوالى شهر على ما تتظبط

رابط هذا التعليق
شارك
Modest عضو جديد

Modest

بتاريخ:
بتاريخ: (معدل)

إيس هدا دجاجة دايخ؟ ليش جرجر كتير؟ هدا ميه ميه صديج س س good.gif

داهين إنت فيه روه بيت ساعة 6 فيه مدام فيه بزورة ياللا بابا سوا سوا روح سوق كتير كل يوم كل يوم.

قبل انت ما في روح .. ممكن بس خميس و جمعة.

لازم داهين انت فيه مبسوط ... في صباح فرخة دايخة و في مسا

سيم سيم :lol:

.

تم تعديل بواسطة Modest

وقف الخلق ينظرون جميعا ... كيف أبني قواعد المجد وحدي

وبناة الأهرام في سالف الدهر ... كفوني الكلام عند التحدي

أنا تاج العلاء في مفرق الشرق ... ودراته فرائد عقدي

إن مجدي في الأوليات عريق ... من له مثل أولياتي ومجدي

أنا إن قدر الإله مماتي ... لا ترى الشرق يرفع الرأس بعدي

ما رماني رام وراح سليماً ... من قديم عناية الله جنده

كم بغت دولة عليّ وجارت ... ثم زالت وتلك عقبى التحدي

إنني حرة كسرت قيودي ... رغم أنف العدا وقطعت قيدي

أتراني وقد طويت حياتي ... في مراس لم أبلغ اليوم رشدي

أمن العدل أنهم يردون الماء ... صفوا وأن يكدر وردي

أمن الحق أنهم يطلقون الأسد منهم ... وأن تقيد أسدي

نظر الله لي فارشد أبنائي ... فشدوا إلى العلا أي شد

إنما الحق قوة من قوى الديان ... أمضي من كل أبيض وهندي

قد وعدت العلا بكل أبي ... من رجالي فانجزوا اليوم وعدي

وارفعوا دولتي على العلم والأخلاق ... فالعلم وحده ليس يجدي

نحن نجتاز موقفاً تعثر الآراء ... فيه وثمرة الرأي تردى

فقفوا فيه وقفة حزم ... وارسوا جانبيه بعزمة المستعد

رابط هذا التعليق
شارك
Cleo عضو جديد

Cleo

بتاريخ:
بتاريخ:

طبعا يا س س ربنا بيحبك انك خلصت من دوامة العمل فترتين..

أنا جربتها مرة و توبت وأنبت يعنى ممكن أشتغل دوام واحد 12 ساعة فى اليوم على إنى أشتغل دوامين أربع ساعات ..

وعشان تتأقلم على الوضع ده بسرعة ما تحسش بأى تعب وتضمن الراحة الأبدية بعد انتهاء دوام العمل خدها نصيحة منى واتخلص من كل النجف اللى فى البيت :lol:

ليه بأة؟؟

لأن النجف بيسبب إضاءة مركزة بتبقى مبهرة ومركزة فبتسبب توتر ممكن يسبب أرق...

انسف نجفاتك القديمة...

وجرب الإضاءة الموزعة ... وأحسن تكون كلها سبوتات مش حتى أباجورات :lol:

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك
MZohairy عضو جديد

MZohairy

بتاريخ:
بتاريخ:

و ياريت ياحمد كمان لو تقدر تبقى تشرب من القله وتبطل تشرب من التلاجه حتستريح اكتر :lol:

Vouloir, c'est pouvoir

اذا كنت لا تقرأ الا ما يعجبك فقط فإنك لن تتعلم ابدا

Merry Chris 2 all Orthodox brothers

Still songs r possible

رابط هذا التعليق
شارك
واحد تاني عضو جديد

واحد تاني

بتاريخ:
بتاريخ: (معدل)

وأخيرااااا...

اتحلت مشكلتك يا س س :lol:

صحيح العلم نورون :lol:

يا سلام لما تيجى تاخد وصفة النجف دي لو تشغل موسيقى هادية

لاغنية ...

يا نجف بانور ... يا سيد الاسيان

آه يا سيد الاسيان :blink:

(حكيم روحاني حضرتك؟)

تم تعديل بواسطة واحد تاني

يا عابر الدهر سيب بينا أثر قدمك

اياك تكون امعة وجودك شبه عدمك

رابط هذا التعليق
شارك
Cleo عضو جديد

Cleo

بتاريخ:
بتاريخ: (معدل)

وأخيرااااا...

يا سلام لما تيجى تاخد وصفة النجف دي لو تشغل موسيقى هادية

لاغنية ...

يا نجف بانور ... يا سيد الاسيان

آه يا سيد الاسيان :sad:

(حكيم روحاني حضرتك؟)

فعلا يا س س .. الأغنية دى ضرورى جدا تشغلها أول ما ترجع البيت بعد ما توصل المدام والأولاد المطار فى طريقهم إلى المحروسة... :blink:

و ياريت ياحمد كمان لو تقدر تبقى تشرب من القله وتبطل تشرب من التلاجه حتستريح اكتر

ايه ده بأة... احنا هنألف؟؟ :lol:

الناس بقت تدى نصايح عشوائى كدة بدون دراسة بدون علم؟؟ :blink:

إففففففف... مليتوا البلد :lol:

تم تعديل بواسطة Cleo

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك
se_ Elsyed عضو جديد

se_ Elsyed

بتاريخ:
  • كاتب الموضوع
بتاريخ:

زملائي الأعزاء

إخوتي الأحباء

لقد تدألجت الدموع من مقلتي وانا أرى وألمس تفاعلكم مع مشكلتي

ربنا مايرميكو في ديقة .. ولا يرقد لكو جته قادر يا كريم

----

إبني العزيز المهراجا موديست الشهير بملك الأفيال

إذا كان الدوام الواحد هاييجي على حساب الدوران في المحلات والأسواق .. يبقى أنا أفضل اقدم إستقالتي أحسن ..

تصدق بالله ؟ ... إن إبننا محبط كان الحاضر الغائب معي في الأيام الخوالي الماضية .. وكان شبحه يحوم حولي وهو يُردد " لو كان الشوبنج رجلاً لقتلته " ولكن أنا عملت عليها تعديل وقولت " لو كانت الست رجلاً لقتلته "

يا راجل ده أنا أتنفخت من لفلفة الأسواق وشرا الهدايا وكإننا راجعين الصومال اللي مش لاقيين هدمه يستروا بها جتتهم .. وأنا أساساً أول ما بأدخل أي سوء - مش سوق - بأفتكر على طول حديث الرسول الكريم إن شر البقاع هي الأسواق ... وأخوك مالوش خلق بقى للف والشرا .. كما إن صحتي على قدي - خلاص العضمه كبرت يا موديست ويالله حُسن الختام - وبالتالي ما بأقدرش أدفع العربة الطائشة بتاعت الشرا اللي بتبقى متحملة بما لذ وطاب .. لذلك فكل مهمتي بتتلخص في إني أوصلهم السوق وأعدي عليهم بعد 3 أيام عشان أجيبهم .. وبأبقى مُهيء نفسياً إن الحاجة اللي إشترناها النهاردة لازم ترجع وتتبدل بُكره .. وبالرغم أيضاً إن صديقي هاندي كرفت معايا في نفس المعمعة وبيشتروا هما راخرين وبيساعدني - أحياناً - .. فساعات أخد أنا النقلة بتاعت الصبح وأرمي الزباين في السوق .. وهو ييجي أخر النهار ياخد الفردة بتاعت الرجوع ... ومع ذلك كله تعبت ...

تعبت يا موديست ونفسي أرمي راسي على صدرك وأعيط ...

مش من اللف ..

ولكن من الفلوس اللي راحت في الهلاهيل ..

وحسبنا الله ونعم الوكيل

توقيع : أخوك الشهيد سين سين

--------

لأن النجف بيسبب إضاءة مركزة بتبقى مبهرة ومركزة فبتسبب توتر ممكن يسبب أرق

نفسي تجيبي ماما وبابا وإخواتك وتيدوا تتغدوا معانا في مصر يا كوللي - بس إبقو هاتو حاجة تيك أوي معاكو .. وإحنا علينا السلطات - عشان تشوفي أنا عامل إيه في الشقة .. فأنا العدو الأول للاضاءه الصفر أو الحمرا دي بتاعت النجف .. وبالتالي شلت كل اللونض وبدلتها بإضاءه فلورسنت .. وخلي اللي يضحك يضحك ..

هــا .. هاتيجو ولا أنام خفيف ؟

----------

و ياريت ياحمد كمان لو تقدر تبقى تشرب من القله وتبطل تشرب من التلاجه حتستريح اكتر

أكيد زُهيغي ده في عرق تُركي " إنت فالد .. سيب زير .. إمسك قله خرسيس "

-------

أخي واحد تالت

شكراً على نصيحة أغنيتي المُفضلة

يا نجف بانور ... يا سيد الاسيان

آه يا سيد الاسيان

موديست موديست .. ممكن تحط لنا الأغنية دي في الجزء بتاع الموسيقى الكلاسيكية ؟

------

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
Modest عضو جديد

Modest

بتاريخ:
بتاريخ:
يا نجف بانور ... يا سيد الاسيان

آه يا سيد الاسيان

موديست موديست .. ممكن تحط لنا الأغنية دي في الجزء بتاع الموسيقى الكلاسيكية ؟

------

أفوتر سيرفيس مسيو إس إس hi.gif

اتفضل

"يانجف بنور"

Right Click - Save Target As

download.gif

و نصيحة أخ .. سيبك من وصفة كليو 011.gif

وقف الخلق ينظرون جميعا ... كيف أبني قواعد المجد وحدي

وبناة الأهرام في سالف الدهر ... كفوني الكلام عند التحدي

أنا تاج العلاء في مفرق الشرق ... ودراته فرائد عقدي

إن مجدي في الأوليات عريق ... من له مثل أولياتي ومجدي

أنا إن قدر الإله مماتي ... لا ترى الشرق يرفع الرأس بعدي

ما رماني رام وراح سليماً ... من قديم عناية الله جنده

كم بغت دولة عليّ وجارت ... ثم زالت وتلك عقبى التحدي

إنني حرة كسرت قيودي ... رغم أنف العدا وقطعت قيدي

أتراني وقد طويت حياتي ... في مراس لم أبلغ اليوم رشدي

أمن العدل أنهم يردون الماء ... صفوا وأن يكدر وردي

أمن الحق أنهم يطلقون الأسد منهم ... وأن تقيد أسدي

نظر الله لي فارشد أبنائي ... فشدوا إلى العلا أي شد

إنما الحق قوة من قوى الديان ... أمضي من كل أبيض وهندي

قد وعدت العلا بكل أبي ... من رجالي فانجزوا اليوم وعدي

وارفعوا دولتي على العلم والأخلاق ... فالعلم وحده ليس يجدي

نحن نجتاز موقفاً تعثر الآراء ... فيه وثمرة الرأي تردى

فقفوا فيه وقفة حزم ... وارسوا جانبيه بعزمة المستعد

رابط هذا التعليق
شارك
nancy عضو جديد

nancy

بتاريخ:
بتاريخ:

مش عرفة ولهى يا س س

لما انت معترض على موضوع الهدايا وبما انك شخصية تقدمية الفكر مش عارف تقول لا :blink:

وبعدين انت منتهز فرصة ان المدام مش بتقراء وعمال تكلم عليها زى الى بينقل بضاعة :lol:

اه لو تعرف انك بتقول عليها كدة كانت خدة التلفزيون وحرمتك من المباريات للابد :lol:

ادة يا مودست انت اكتر صديق حاضر على طول بس اى نغمة معدية تلقطها على طول ما شاء الله عليك

بصراحة انت صاحب الاوزاعة المحاوتية بلا منازع

رابط هذا التعليق
شارك
Cleo عضو جديد

Cleo

بتاريخ:
بتاريخ:

[

و نصيحة أخ .. سيبك من وصفة كليو 011.gif

إممممممم....

واضح إن السبوتات فى السعودية بتكهرب جامد :lol:

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك
se_ Elsyed عضو جديد

se_ Elsyed

بتاريخ:
  • كاتب الموضوع
بتاريخ:
مش عرفة ولهى يا س س

لما انت معترض على موضوع الهدايا وبما انك شخصية تقدمية الفكر مش عارف تقول لا :P

لأ

نانسي ما تشوكيش في قدراتي لو سمحتي

أنا ليثون مغوار في عريني ...

عاصفة هوجاء في مملكتي

وما فيش كلمة تعلى على كلمتي

ولما أقول لأ

يعني لأ

وما حدش يقدر يتني كلمتي آه

وما فيش حنفي

لكن السياسي المُحنك لازم يعرف إمتى يهجم وإمتى يدافع.. وإمتى يشوت الكورة دبل كيك

[بس الظاهر إن الواحد تأثر بخطة الجوهري الدفاعية وبقى متبرمج على الدفاع

------------

أفوتر سيرفيس مسيو إس إس

جاي ي ي ي ي ي ي

هاتنقط

الجدع ده هايجيبلي جلطه بذوقه

شيلوه من قدامي أحسن أموته :blush:

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
Modest عضو جديد

Modest

بتاريخ:
بتاريخ:

مش عرفة ولهى يا س س

لما انت معترض على موضوع الهدايا وبما انك شخصية تقدمية الفكر مش عارف تقول لا ;)

وبعدين انت منتهز فرصة ان المدام مش بتقراء وعمال تكلم عليها زى الى بينقل بضاعة :lol:

أنا في المواضيع دي يا نانسي مؤدب و ماشي جنب الحيط :P

النهاردة ياللا بينا يا موديست على المول الفولاني .. حااااااااااضر

و فرصه و احنا فيه نروح المول العلاني اللي جنبه على طووول (يبعد عنه مش أقل من 15 كيلومتر :blink: )... حااااااااااضر

كنت عايزة أروح المول الترتاني اللي قدامهم على الرصيف التاني (اللي قدامهم ده فعلاً قريب يعني يبعد عن القريب فيهم حوالي 10 كيلومتر بس mfb: ).. بس انت مُرهَق يا حبيبي كفاية كده النهاردة :wub:

لألألأ مرهق إيه أنا عينيه ليكي .. ياللا بينا (و الابتسامة بتشع مني) :blush:

نفسي و منى عيني يسمحوا للستات تسوق هنا :angry:

ادة يا مودست انت اكتر صديق حاضر على طول بس اى نغمة معدية تلقطها على طول ما شاء الله عليك

بصراحة انت صاحب الاوزاعة المحاوتية بلا منازع

ربنا يخليكي يا رافعة معنوياتي 16_4_10.gif .. انتوا بس تؤمروا :)

وقف الخلق ينظرون جميعا ... كيف أبني قواعد المجد وحدي

وبناة الأهرام في سالف الدهر ... كفوني الكلام عند التحدي

أنا تاج العلاء في مفرق الشرق ... ودراته فرائد عقدي

إن مجدي في الأوليات عريق ... من له مثل أولياتي ومجدي

أنا إن قدر الإله مماتي ... لا ترى الشرق يرفع الرأس بعدي

ما رماني رام وراح سليماً ... من قديم عناية الله جنده

كم بغت دولة عليّ وجارت ... ثم زالت وتلك عقبى التحدي

إنني حرة كسرت قيودي ... رغم أنف العدا وقطعت قيدي

أتراني وقد طويت حياتي ... في مراس لم أبلغ اليوم رشدي

أمن العدل أنهم يردون الماء ... صفوا وأن يكدر وردي

أمن الحق أنهم يطلقون الأسد منهم ... وأن تقيد أسدي

نظر الله لي فارشد أبنائي ... فشدوا إلى العلا أي شد

إنما الحق قوة من قوى الديان ... أمضي من كل أبيض وهندي

قد وعدت العلا بكل أبي ... من رجالي فانجزوا اليوم وعدي

وارفعوا دولتي على العلم والأخلاق ... فالعلم وحده ليس يجدي

نحن نجتاز موقفاً تعثر الآراء ... فيه وثمرة الرأي تردى

فقفوا فيه وقفة حزم ... وارسوا جانبيه بعزمة المستعد

رابط هذا التعليق
شارك
yasovinas عضو جديد

yasovinas

بتاريخ:
بتاريخ:

اخي وصديقي الغالي سين سين في البداية ارسل لك برقية تهنئة بمناسبة عيشة الحرية ولو مؤقتاً واهلا بيك يا صديقي في نادي الوحده الاجتماعي الرجالي التقدمي الوحدوي (دا غير نادي الوحدة بتاع الكورة طبعاً) طبعا يا صاحبي اعلن وقوفي بجوارك ودعائي لك بان يصبرك الله على هذه المحنه في تغيير الساعه البيولوجية بتاعة حضرتك واشعر بما تشعر بيه خصوصا اني اعمل ومن اكثر من خماشر سنة دوام واحد (وش واحد غلاوي وبيحب يغيظ خلق الله :blush: ) فقط من الثامنة صباحاً وحتى الثالثه عصراً :P ومنذ اسبوعين فقط وبسبب انتقال الادارة الى المصنع فلقد اصبح الدوام "شامل المواصلات" من 7 صباحاً حتى 4 عصراً ومع ذلك يا اخي لا عمري نمت ساعة الظهر ولا العصر وكمان ايييه مش بنام قبل الساعه 1 بعد منتصف الليل وبصحى 5 ونص الصبح الف بالبسكليته على الكورنيش نص ساعة

عموما في وفد ديبلوماسي شعبي من جمهورية روسيا البيضاء (وشعرها اصفر وعنيها خضرا) جاي مخصوص لحضرتك يهنيك بمناسبة حياة العزوبيه - وبعدين يا س س يا صاحبي فلوس الدنيا تهون مقابل هذه الفترة السعيده من حياتك الزوجيه وكمان مع كاس العالم ايييششش خيال يا ناس

Yasso.gif

رابط هذا التعليق
شارك
sendrella119 عضو جديد

sendrella119

بتاريخ:
بتاريخ:
أنا طبعاً الفرخه مش الصعيدي

طبعا :P

قصدك الصعيدي بيستحمل .....عنك :P

عموما يا س س في شوية نصايح هنا جميلة اتبعها.....

وخد نصيحتي

بلاش نوم

بعد الدوام الاول

دش دافي... جدا ...لذيذ ..ومنعش لمدة ثلث ساعة ..

تخرج....تصلي ..تمشي ناحية التلاجة ..تحط لك حتتين تلج ..وتصب كاس عصير محترم ....مشبر ...

من سكات.. تتجه ناحية التليفزيون تشغل اللي عايز تتفرج عليه....وعيش يومينك.... ;)

اهم حاجة

اهم حاجة

وشك لازم وانت بتقوم بالحاجات دي يبقي

كده :D

اهه :D

:D

باستمرار

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...