دعوة للتظاهر (الوطن بيضيع)

[houssin abo habaga]

نبدأ حديثنا بكلمات الأستاذ عبد الرحمن الأبنودى

ما تكتبوش اسمى على قبرى / ولا تنصبوش شاهد / ومتغرسوش صبار / وما تنظموش القصايد/

ولا تلعبوش معايا لعبه الأشعار / وآدى الحكاية بأمانه / لقيت وش الوطن بيضيع / اسم الوطن بيضيع /

ريحه الوطن بتميع / والشوك يتجاهل زهور الربيع / قررت افدى الجميع / فطيت فى قلب الزمن / سديت

عيون العفن / وهتفت بأسم الوطن / الوطن هو الديانه / الوطن من غير زنازينهم خيانه

هذه الكلمات البسيطه هى تعبير صارخ وصوت عالى لما وصل اليه حالنا اليوم والذى لا يختلف عليه اثنين

طب ايه العمل هل نجلس وننتظر ان يأتى الفرج او ننتظر لما ييجى علينا الدور فى دخول الزنزانة هل فيكم

احد شاهد حرية ماشية فى الشارع او فى صحيفه او حتى ماشية مع واحد

ايه رأيكم نتظاهر بحق وحقيقى مظاهرة نغير بيها الوضع كله نستعد للشهاده للأعتقال فى سبيل الحرية

فى سبيل بكرة فى سبيل الله نخرج كلنا كبير وصغير مسلم ومسيحى طبيب ومهندس عامل وفلاح طالب

واستاذ نقول رأينا بس كلنا

اليوم المناسب هو يوم 9/9/2006 يوم مناسب للجميع وتستمر المظاهرات حتى نصل الى ما نصبوا اليه

ونحلم بيه فكروا واجمعوا كل مصر فى مظاهرات فى سبيل الحرية

كلامى لمصر كلها من اسوان الى الأسكندرية ومن طابا الى السلوم والى كل مصر عايزيين مصر

تذكروا مظاهرات ( فى سبيــل الحريــة ) لبكرة احسن من النهاردة لمستقبل اجيال تعالوا ننير

الطريق لأبناءنا ونتمسك بالضوء الموجود الآن قبل ان تتعتم الدنيا

عمران

تم تغيير العنوان ليعبر عن الموضوع

تم تعديل 11 يونيو 2006 بواسطة Advisor

[khedr]

حتي مجرد الرد علي المداخله لم يكلف احد نفسه عناء ذلك

اذا كيف سنتظاهر ونتجمع وننادي بحقوقنا

يادوب تم تغيير العنوان...متشكرين علي الاهتمام بالعنوان

عنوان بيتنا زي زمان...بس انت نسيت العنوان

[كمبورا 6]

عزيزى ابوحباجة

عزيزى خضر

حيجى يوم وما تبقاش قربة مقطوعة

العزيز الدكتور خالد

مش شايف ان الامور بقت اكبر من كفاية

[الأفوكاتو]

لو كنت مقفيما بمصر, لكنت أول من يخرج إلى الشارع مطالبا بتغيير النظام.

أؤيد فكرة الإحتجاج العام بصوت مرتفع يجبر " الطرش" فى أبراجهم العاجية" على الإستماع,

تحية للأخ عمران أبو حباجة.

[achnaton]

لو كنت مقفيما بمصر, لكنت أول من يخرج إلى الشارع مطالبا بتغيير النظام.

أؤيد فكرة الإحتجاج العام بصوت مرتفع يجبر " الطرش" فى أبراجهم العاجية" على الإستماع,

تحية للأخ عمران أبو حباجة.

العزيز افوكاتو المنتدى

الحقيقة سواء كنت مقيم او غير مقيم .. فحكاية " المخروصة " لا تحلها مظاهرة حتى ولو خرج الشعب كله وراها .. وطبعا حتقول ليه كده عدم التفاؤل .. اسمح لى اقولك ..

" الطرش " اللى فى "المخروصة " مش هم اللى قاعدين فى الابراج العادية فقط .. دول يا اخى الفاضل كل الشعب بكل مستوياته .. بداية بالقاعده وانتهاءا بالقمة ومن فضلك بص لها بالعكس يعنى تخيل الهرم الاجتماعى المقلوب فى المنحوسة .. وشوف معايا ازمة رغيف العيش .. ودى ازمة من مئات الازمات .. سكان الابراج العاجية تسببوا فيها عنما طمعوا فى الدقيق عشان يعملوا ودن من عجين .. اما الودن اللى من الطين فقد استخدموا طين الاراضى الزراعية فقل المحصول الزراعى واصبحنا بنستورد الرز والعدس والفول .. وآخر رسالة وصلت الموانى المصرية كانت بسوسها ودودها لان سكان الابراج العاجية كانوا مشغولين فى اعداد ششم العيون عشان تكمل ونبقى زى القرود لا نرى ولا نسمع ولا نشوف .. تمهيدا للمسرحية الجديدة اللى حتبدأ قريبا .. انتخابات رئيس جديد .. تتوافر فيه صفات الجمال المنشود ..

الشعب حاليا مشغول ؟؟ كل بما اصابه مش لا قى يأكل ولا اكل لعياله .. رجليه من الهم والغم والفقر مش شايلاه .. يخرج يمشى فى الشارع ازاى .. وازاى حيصرخ ويصوت وصوته محبوس بعصيان الامن المركزى واحذية الضباط .. دول فى دكرنس يا سيدى عندما خرج الفلاحون يدافعون عن ارض وزعتها عليهم عصابة الكاكى تتار المماليك الجدد .. وقف مأمور المركز وبصوت عالى يقول .. الفلاحين رعاع .. وسيسحقهم بالجزمة .. !!! ولان الفلاحين مش لاقيين جزمه كان من الممكن يردوا عليه بها .. اخذوا اقراص " الخرص " الوبائى ..

وادعوا معى .. اللهم ارفع مقتك وغضبك عنا ... اللهم آمين

وتحياتى وتقديرى لكم ولابو حباجه

تم تعديل 16 يونيو 2006 بواسطة achnaton

[مازن الدسوقى]

الاخ / ابو حباجه

لااريد ان اشيع اليأس فى النفوس . ولكن للاسف هذا هو حالنا .

وهنا استعين بمقولة الاخ ابراهيم عيسى رئيس تحرير الدستور [ فترتى الحكم الاولى تحررنا مظاهره والفترتين التاليتين يحررنا انقلاب وما بعدهما يحررنا احتلال عسكرى من دوله اجنبيه ]

حسبنا الله ونعم الوكيل

[houssin abo habaga]

الى كل اخ محترم والى كل قلم كتب هنا سواء يالأيجاب او باليأس احب ابلغكم

انكم على الطريق الصحيح وهذه الدعوة علينا بأرسالها الى كل من يكافح فى

سبيل الحرية سواء كانت كفاية او غيرها ان فعلا اكتب من قلبى وفقط حبا فى

بلدى ولوجه الله الحاله فى مصر اصبحت تبكى القلب الحجر وتحكمنا حكومه

لا تحس والتغيير هو من نبض الناس وللعلم انا امين فى نقل المشاعر وهذا

هو لسان حال شعب مصر فقط انا احصل على اراءهم واوصلها وكل هذا

لوجه الله ولا اكتب كلمه مزوره او مفبركه وإذا كانت الحكومه تمللك رأى

مغاير بدون فبركه وتزوير تواجهنى بيه

لذلك ارجوا ان نوحد جهودنا مع كل الحركات ولا نختلف على شىء حتى فى

اختيار اليوم فيعود لكم اختيار اليوم المهم نعمل حاجه وتذكروا هذه الكلمه البسيطه التى كتبتها

الوطن بيضيع الوطن بيضيع الوطن بيضيع ( والله على ما اقوله شهيد )

لن ينفعنا السكوت وكلمتى البسيطه تعالوا نعمل حاجه هى ذات مغزى كبير ارجوا ان توحدوا جهودكم

والحمد لله انا وجدت استجابه وسنتحد وهذا هو المقصود من كلامى كلنا مع بعض تعالوا نعمل حاجه

سلامى وتحياتى لكم جميعا

سألوا فرعون ايه فرعنك على الخلايق / قال تفرقوا وان اتحدت

[اسود وتعالب وارنب]

ياعم ابو حباجه وياعم خضر ليه النكد مش كفايه اللي احنا فيه لا مصر نفعين ولا هنا نافعين نعمل ايه نولع في نفسنا يعني مين اللي يتظاهر دول خلونا يدوبك ندور علي الاكل ده لو لقيته دنا حضرتك البيه الظابط لو قابلني من بعيد بالصدفه حقر علي طططول علي الخليه وبعدين انت بتتكلم عن مين مين مصر دي هي دي تبعنا يعني بتاعتنا يعني هو فيه حد حاسس بكده احنا علي راي وافدين هنا وهناك