نزهة أفوكاتية حنظورية فى إشبيلية

[الأفوكاتو]

أصدقائى الأعزاء:

هذه الصور لنزهة لنا فى مدينة إشبيلية الإسبانية, وهى تذكرنى بالحنطور فى مصر,

و قد ركبنا الحنطور أيضا فى البرتغال, و المغرب, و تركيا, و سوف أحاول العثور على بقية الصور لعرضها على الأعضاء الأعزاء.

تقبلوا تحياتى.

[nancy]

هو الحنطور موجود فى بلاد كتير كاهم وسائل الانتقال فيما سبق

بس كل بلد بضيف علية من طابعها الخاص

انا بحب صوت خطوة الحصان على الارض بالحنطور وخصوصا لما تكون الارض من الحجر مش اسفلت

رحلة سعيدة :P

[مـي]

بسم الله الرحمن الرحيم

صور جمييييييييلة :D :D

بس

عندي سؤال

هو انت اي واحد في الصور؟ ومين اللي معاااك ؟ :rolleyes:

مي :D

[ATHENA]

والدي العزيز الأفوكاتو

صور جمييييييلة تسلم ايديك :D

بس بجد استغربت انهم يكونوا عندهم حناطير في البلدان دي...يا ترى هي حاجه من التراث يعني وسيلة نقل كانت عند شعوب كتير و لا واخدينها مننا؟

و كمان اول صورة و مبانيها شكلها بيفكرني جدا بوسط البلد في مصر... :rolleyes:

[عمر عباس]

استاذى الغالى / محمود ....

1- انت مين فى الصورة ؟

2- طبعا قارنت بين النظافة بين القاهرة واى مكان تانى ... على فكرة كنت محرج قوى لما اقعد مع اصدقاء اجانب و يقولوا ان القاهرة اقذر عاصمة فى العالم .... وطبعا يتفق مع هذا الرأى جميع الملل الاخرى ..... وطبعا اكشر انا ولا اجد من يقول لى بس متزعلش .... طبعا انت وجدت من يقول لك بس متزعلش .....

تحياتى لك ..... الصور رائعة فعلا ...... تخلى الواحد فى المكان ده ينسى بدون شرب .....

اخوك / عمر

[الأفوكاتو]

الأخوة الأعزاء,

سوف أرد على جميع أسئلتكم بالآتى:

الحنطور فى دول غرب أوروبا, و تركيا, و المغرب هو للنزهة فقط, و الغرض منها زيارة الأماكن الشعبية و التوقف عند المطاعم, و أخذ صور, و البحلقة, كل هذا, بدون إسراع, و الكل واخد راحته..

و تخضع هذه المركبات لنظام دقيق, من ناحية النظافة, و اللياقة. كما أن الحصان يخضع للكشف الطبى مرة كل أسبوع.

و يوجد فى خلف كل حصان( تحت ذيله) كيس لجمع الروث, لهذا لا يتسبب الحنطور فى تلوث بيئى.

و مقارنة هذه الحناطير بمثيلتها فى الأقصر و أسوان يجعلنى أحس بالخجل.

و أخيرا, أنا لست فى الصور, لأنى كنت من التقطها.

تقبلوا تحياتى.

[الرافعي]

صباح الفل يا أستاذنا ...

صور جميلة ... بس الحقيقة إن الراجل المحترم اللي سايق الحنطور في الصورة رقم 2 والتاني في الصورة رقم 3 دول فكروني بنجيب الريحاني لما دخل بيت الباشا في فيلم غزل البنات وسلم عليه واحد .. وقال له أهلاً يا سعادة الباشا .. وطلع بيشتغل حاجة تانية

في الحقيقة يعني لو سواقين الحناطير هناك بهوات كده ... يعني بافكر أبعت ال resume .. لعل وعسى :sad:

أعذرني يا أستاذ لتقصيري في الاطمئنان عليك وعلى صحتك وانقطاعي ، لكن ما زلت في القلب بمكانتك المعهودة :sad:

تم تعديل 13 يونيو 2006 بواسطة الرافعي

[الأفوكاتو]

أخى العزيز الرافعى,

كلنا نعلم ما تمر به, و لا نتوقع منك أن تقضى كل وقتك متقصيا ماذا يحدث فى المحاورات,

إطلالة منك كل حين و مين كافية لكى تطمئنا على نجلك العزيز , الذى نتمنى له جميعا سرعة الشفاء.

شكرا على مرورك الكريم على هذا الموضوع.

أما موضوع إيجاد وظبفة لك فى هذا المضمار, فأعتقد أن ما أنت فيه لا يحتالج التغيير.

تحياتى القلبية.

[الرافعي]

أخى العزيز الرافعى,

كلنا نعلم ما تمر به, و لا نتوقع منك أن تقضى كل وقتك متقصيا ماذا يحدث فى المحاورات,

إطلالة منك كل حين و مين كافية لكى تطمئنا على نجلك العزيز , الذى نتمنى له جميعا سرعة الشفاء.

شكرا على مرورك الكريم على هذا الموضوع.

أما موضوع إيجاد وظبفة لك فى هذا المضمار, فأعتقد أن ما أنت فيه لا يحتالج التغيير.

تحياتى القلبية.

يا دكتور حبيت أضحكك والله ... لكن يبدو إنها لم تكن مزحة مناسبة ....

تقبل خالص تحياتي واعتذاري

[الأفوكاتو]

أخى العزيز الرافعى,

كانت المزحة مناسبة بلا شك, و لكنى لم أستطع تخيلك على عربة حنطور, و الصبيةى تصيح خلفك قائلة :

كرباج ورا يا أسطى,

بدلا من قول:

كرباج ورا يا متر.

تقبل تحيتى.

تم تعديل 13 يونيو 2006 بواسطة الأفوكاتو