أحمد عز في برنامج إتكلم

[KANE]

على طريقة ظهور جمال مبارك فجأة

يظهر الآن عز على الفضائية ليبرئ نفسة من تهم السادات

لكن الغباء في التوقيت في يمكن ماتش سيتابعه الكثيرمن المصريين غانا×إيطاليا

انا كنت بأقلب بين الشوطين فوجئت بيه

وطبعا الحاجة اللي سمعتها إنه كان بيتكلم على سعر الحديد

وإنه في مصر أقل من السعر في الدول المجاوره مثل السعودية

[أسد]

ماتشغلوش بالكو ..

أنا شفت البرنامج ..

حاجة تزهق ..

والراجل طلع مناضل وطني من زماااااااااااااااااااااااااااااااااااااااااااااااااااااااااان .. فهو في الحزب الوطني من سنة 1993 أو 1994 الظاهر إنه مكانش فاكر كويس ..

وبدأ يشق طريقه في مجال البيزنس من زمااااااااااااااااااااااااااااااااااااااااااااااان برضه من 1988

يعني من حوالي عشرين سنة ..

وده بعد أبوه إللي بدأ بيزنس من زماااااااااااااااااااااااااااااااااااااااااااااااااان برضه ..

من أواخر السبعينيات ..

وطبعاً أصبح واضح إنه دي فترة كافية لأن يكون لديك مليارااااااات كثيرة ..

طبيعي يعني .. فلكل مجتهد نصيب ..

أما أرض خليج السويس .. فدي قبل المجلس ..

يعني ماإشترهاش وهو نائب ..

مش مهم عمل إيه قبل النيابة في المجلس ..

فالنيابة في مجلس الشعب في مصر تجب ماقبلها ..

عادي ياجماعة ..

ماتشغلوش بالكم ..

وبطلوا قر بقى ..

[محمد عبدالعزيز]

لا وإيه كمان يا أخ أسد... فكهى ودمه خفيف وينفع يقول نكت فى حفلات ليالى التليفزيون

قال إيه بقى الطفل المعجزة؟

قال للمذيعة طيب هو بيل جيتس عنده كام شركة؟!!!

المذيعة ردت وقالت شركة واحدة -اللى هى مايكروسوفت يعنى- فقام مبتسم كده ابتسامة خفيفة وقايل مع اعتبار الفارق طبعاً فى المقارنة, وسكت.

شفتوا إزاى أفحمنا كلنا وأقنعنا إنه مجتهد؟!!!

وبما إن لكل مجتهد نصيب وبيل جيتس عنده شركة واجتهد وعنده المليارات اللى بيقولوا عليها دى كلها, يبقى الطفل المعجزة بشركاته دى كلها لسه قدامه مليارات كتيييييير يكسبها

وبطلوا حسد بقى فى الناس وكل واحد يجتهد فى شغله عشان يلحق له كام مليار

[se_ Elsyed]

أكثر نكته خلتني أرفص من كتر الضحك

إنه بيقولها : أما الـ 15 ألف فدان اللي إشتريناهم في خليج السويس

الأول يا جماعة 15 ألف فدان = 63 ملييييييييييييون متر مربع يعني أكبر من بيتنا بكتتير قوي

فبيقول إحنا إشتريناها عشان الدولة كانت المفروض هاتعمل في المنطقة دي حاجة كده والعياذ بالله زي " جبل علي " في دُبي

المهم وعشان أنا قاعد عزابي فكان معايا واحد صاحبي الهيد أوفيس بتاعهم في جبل علي وإحنا عندنا مكتبين هناك وعارف يعني إيه جبل علي .. وما إن سمعنا هذه الكلمة حتى أرتمينا على الأرض وقعدنا نضحك ونصرخ ونعيط لدرجة الجيران جم يخبطوا على الباب وقالوا إني إتجننت أو جاتلي كريزة الكلى

جبل علي مرة واحده ؟

وبمين ... بعقليات مبارك وإبنه وكمال الشاذلي ويوسف بطرس غالي وأوركسترا الفساد الموجودة ؟

جبل علي يا ظلمه ... ده أنتوا كبيركو قوي جبل ناعسه بتاع واحد تاني وياسو

جبل علي ... طب خدني على قد عقلي وإمشي معايا للأخر . لما أشتريتوا المتر بخمسة جنية عشان الجبل ... والجبل ما تبناش وحتى ما عملتوسش تبه صغيره ... تقوم مكمر ومسقع الأرض من 98 وتبيعها لمستثمرين صينيين المتر بـ 1000 ج ؟

آه يا ولاد المفترية !!!!!!!!!

الطينة من العجينة ... وكله بيلعب على كله ... لكن اللي بيقع هي الكروت المحروقه فقط

فالصفدي بتاع السُكر عمل كده وهبر ملايين من كده

يدخل السكر في المنطقة الحُرة المعفاة من الضرايب على اساس إعادة تصنيعه ... وهو أساساً جايبه من كوبا بتراب الفلوس ( 30 قرش / كيلو ) .. ومتصنع جاهز ... وعبي يا جدع في أكياس ونشف السوق وإتحكم فيه إنت لوحدك وبيعه بـ 2.5 ج ...

وسلم لي على جبل علي