لماذا يكره الجنس الناعم كرة القدم؟

[Sherief AbdelWahab]

من الشائع عن الجنس الناعم كراهية معظمه لكرة القدم أو لأي حاجة مدورة.. تفتكروا ليه؟

خلص الكلام

[ATHENA]

من الشائع عن الجنس الناعم كراهية معظمه لكرة القدم أو لأي حاجة مدورة.. تفتكروا ليه؟

خلص الكلام

عن نفسي و بحكم اني من الجماعه دول مش بحب اللعبة البايخة

يعني ماتش رخم في الدوري و ممل قاعد واحد اقطاي من العيلة يتفرج عليه بصبر و استمتاع .. ممكن جدا اقوم امشي لحد ما يخلص او ممكن اغير المحطة و مجبهاش لحد ما اتأكد انهم روحوا بيتهم و كلوا و شربوا و مش جايين تاني...

ماتش مثلا بين الزمالك فريقي اللي يكسف و فريق تاني و الزمالك عمال يتبهدل فيه و ياخد جون ورا التاني مستحملش برضه الاهانه دي و اغير فورا و احس ان اللعبه بقت سخيفة جدا مش عارفه ليه :wub:

لكن مثلا مبارة بين فرنسا و البرازيل بنجومهم ممكن جدا افضلها على فيلم دعاء الكروان الي على القناة التانية و اصبر لحد ما يخلص الشوط الاول و اعمل الاستراحة حجة و اغير شوية و افتكر بعد نهاية المبارة ان الشوط التاني بدأ..

يعني ايه فايدة انك تتفرج على كام واحد عماليين يتبادلوا كورة برجليهم و يجروا يلفوا بيها ملعب اخضر عشان يحطوها في الشبكة و يجروا فرحانين بكده بعد كده :wub: .. امال ربنا خلق لينا ايدين ليه :wub: و واحد عمال يزعق اسمه المعلق عمال يقول ودوا الكورة فين برجلهم و صوته العالي مش ظريف خالص و مزعج..

منكرش ان جت عليا فترة كنت بتابع الماتشات زي تصفيات كاس العالم و مشاركة مصر فيها بشغف و حماس شديد لكن بعد ما مصر بطلت و تعففت عن انها تدخل التصفيات دي انتهى وقت الكورة معايا.. :lol:

[Hammer]

عند في الرجالة علشان بيكرهوا هما كمان برامج عروض الأزياء و المطبخ :lol:

[سهيلة]

مين قال كدة يا شريف

انا متابعة كاس العالم من اول ما بدا

بس انا بتفرج بس على كاس العالم او مباريات المنتخب الغلبان بتاعنا بس

موش اقل من كدة

يعنى الدورى لا

موش من مستوايا

ولعلمك بقى

كنت عاوزة اخد اجازة من الشغل فترة كاس العالم دى عشان اتابع الفن الكروى دة براحتى

[Cleo]

لماذا يعشق الجنس الخشن كرة القدم؟ :lol:

[nancy]

انا مش باحب كرة القدم خالص يمكن من شكل الرجالة وهى بتتفرج على الكورة

اوصفلك بتبقوا عاملين ازاى

قاعد على طرف الكنبة كانك فى خناقة

البق مفتوح او بيجز على سنانه

ويلا شوط شوط شوط يخرب بيتك

ضياعها ابن ال.....

مش عارف يلعب دة ولا اية

فين المدرب يخرجه .. الله يحرقة هو كمان

ويفضل يعمل زى اليويو وهو بيتفرج

وخلاص شوية وحيولع فى البيت

ولما يجى جون يصرخ كان حيدوسة قطار

ولهى انا كان عندنا واحد جارنا بعرف اية الى حصل فى الماتش من صوتة الى بيوصلنى

مش دة الى بيحصل ولا لا :P

طيب لما الرجالة بتعمل كدة وهى بتشوف الكورة ازاى الستات حتحب المشهد المؤثر دة

بس باحب التنس والاسكواش والكورة الطائرة

يعنى مش كرة للكورة بشكل عام

ملحوظة جوزى مش من هوات الكورة برضة

بس برد على سؤالك :unsure:

[ناصر الملك و الملكية]

لماذا يعشق الجنس الخشن كرة القدم؟ :P

مش كلهم يا كليو

أنا عمرى ما لعبت كرة القدم إلا علي البلاي ستايشن :unsure:

[بنت شعنونة]

;)

:P

يـــــع .....!! :unsure:

[منى احمد]

انا مش بحب كرة القدم علشان بتجيب الصداع ومش ظريفه بس سعات بتفرج عليها لما النادى الاهلى بيلعب :rolleyes:

[shahd]

مييييييييييين الي مايحبش كرة القدم انا عن نفسي حمووووووووووت من الغيظ عشان مش عارفة اشوف كاس العالم :sad: :ninja: :rolleyes:

[NoorJehan]

لماذا يكره الجنس الناعم كرة القدم؟

علشان مش عارفين نتفرج لنا على حاجه تانيه اليومين دول :)

حتى من يومين كنا فى مطعم مش لاقيين حد يساعدنا علشان الكل مبحلق فى التلفزيون :angry2:

كأس العالم بالذات كله شبه بعضه ;) ، كل يوم نفس المشهد لأرض خضرا وناس كتير فى الملعب بتمشى الكوره من شخص لآخر,

إزاى بتفرقوا بين الفرق واللاعبين،،، :huh:

أووف، هيخلص إمتى كاس العالم ده :sad:

[مصرية الهوى]

هو مش كره اوي بصراحة ..

كرة القدم تعذيب .. تعذيب نفسي فعلا ولعب بالاعصاب مش ممكن ...

وخصوصا لو ماتشات المنتخب .. :angry2:

انا معرفش اركز في الحالات دي .. لما يقولولك عندك وقت محدد لازم تنجز فيه ..

مش ممكن .. فعلا مقدرش ..

ببقى عامله زي اللي هتولد :huh:

وكمان وأنا بتفرج على ماتشات المنتخب اتفرج وانا واقفة :blink: ..

مقدرش اقعد .. تعذيب نفسي فعلا :blink:

تونس 2 والنهارده 4 :angry: ..

واسبانيا .. ربنا يستر :blink:

فعلا ربنا يستر ..

[eastsoul]

لعبة مملة :wub:

[سيزيف]

وهل الجنس الناعم مهتم برياضات اخرى غير كره القدم ؟

المشكله ببساطه ان المجتمع يضيق كثيرا على البنات فى ممارسه الرياضه

ولا تمارس البنات الرياضه فى مجتمعنا الا اذا كانت مشتركه فى ناد راقى

او فى المدارس بشكل محدود

ارجو الا يفهم من كلامى التعميم

ولكن ارجو ان ننظر الى الصوره العامه

كم تبلغ نسبه البنات المصريات الاتى تمارسن الرياضه ؟

[NoorJehan]

هانت يا بنات..خلاص قربت تفرج :D

كم تبلغ نسبه البنات المصريات الاتى تمارسن الرياضه ؟

ولا تمارس البنات الرياضه فى مجتمعنا الا اذا كانت مشتركه فى ناد راقى

او فى المدارس بشكل محدود

مع ان ليس هناك ما يتنافى مع الرياضه للبنات فى الاسلام طالما الضوابط متوفره..بل الصحه البدنيه يحث عليها

..فلماذا توارينا عنها سنوات طويله ومازلنا..

ولكن الفكره دى بدأت تتغير بسبب العولمه :wub: ..فأصبح أرتياد الجيم جزء من روتين بنات كثيره..

وانتشر الوعى الصحى...فاستغربت عندما صادفت بنات صغيره تستغنى عن السكر فى الشاى، وهكذا.