خواطر ........... ابيات على البال

[houssin abo habaga]

يا عم الأزهر يا سيدنا الجامع علنى سب الدين فى الشارع

قالوا للسارق احلف قال ويمين الدين ما انا سارق

هو الدين يا اخوانا لعبه ولا خلاص الدين مبقاش

ايه الفايده فى التعليم من غير دين ما يلزمناش

******************

يا سيدنا المعلم رجلك خدت على المول

زمان كنا نبجلك ونقف ونقول رسول

اليوم تبيع زمتك بفلوس تملا جيوبك

فشل ولادنا فى التعليم بين كل عيوبك

*****************

بنات لابسيين هدوم شفتشى وجات لهم شوطه

ملونيين وشهم بالألوان سمره وحمره وبيضه

خلعوا برقع الحيا والأدب وسابوه فى الأوضه

بيجوزوا بعقد عرفى ويقولوا دى الموضه

**************

يا عم عبده املك كبير فى ربنا والأصلاح

مصر بقت حاجه باميه والحق فيها راح

والناس عماله تتكلم وتقول اللى مات ارتاح

سلام يا عم عبده مصر اتشلت وجالها كساح

***************

حسن عمران