شحات مصر الدولى .. و" نعيمة العرجه "

[achnaton]

بسم الله الرحمن الرحيم

انتم فاكرين موضوع تماثيل الزباله الالمانية اللى استضافها مولانا الزاهى الحواس .. اللى انضم أخيرا لجماعة الافتاء .. - ما هو احنا ناقصين فتاوى وتشكيك فى الدين ..- الراجل ده من ايام ماكان ناظر وقف منطقة الاهرامات .. وهو غاوى تصريحات .. وبالذات ينفش ريشه .. ويقلب عيشة .. إذا كان الفشر الرسمى لقناه اجنبية او حتى عربية بس تكون من دول الخليج .. اخيرا وصل الى اعلى منصب فى هيئة الاثار .. وتصور انه حصل على رخصة الافتاء .. او اصبح كبير الاطباء .. ورحمة الله على الدكتور سليم حسن ..

المفتى الجديد بيؤكد لجريدة المصرى اليوم فى عدد يوم الثلاثاء الماضى 13 يونيو اننا – ( كمصريين ) ما زلنا نشحت على اجدادنا .. هو صحيح عندنا فى مصر قواعد للشحاته .. وهى صناعه لها اصولها ولها ملوكها .. وشفنا ازى الشحات الرجل بيقطع رجل او يخرق عين او يقف قدام القطر يقطعه نصين .. يرمى نص للحكومه الخايبة .. ويحط النص الثانى على لوح خشب باربع عجلات .. يتفسح عليه فى شوارع القاهرة على الارصفة .. وفيهم من يدعى فقد البصر فيستأجر واحده زى " نعيمه العرجه " تسوقه وسط التجمعات وخاصة ساعة خروج موظفى الوزارات ..

وتعودنا على رؤية الشحاتات تلميذات " نعيمة العرجة " والواحده منهن تحمل طفل على صدرها .. وتسحب آخر فى يدها ..

أما نظام الشحاته الدولى الذى يدلنا عليه مفتى الفراعنه الجديد .. وقائد جيش جنود الزبالة الالمانى فى هضبة الأهرامات .. فهو مختلف تماما .. وبعيدا عن نظم ابو رجل مقطوعة أو الضرير ابو نظارة .. أو " نعيمه العرجه " التى يؤكد حضرته فى حديثه للجريده أنه ( ليس موظفا عند " نعيمة العرجة " .. ويعتمد نظامه فى الشحاته الدولية عى حمل تمثال فرعونى صغير على صدره .. ويسحب فى ايده تمثال نصفى لرمسيس وهو قاعد على عربة الشحاته المعروفة عندنا .. والشحات لما بيخرج للتجول .. لا تهمه امطار ولا اشعة شمس .. ويبدو أن الشمس خبطت دماغ الشحات الفرعونى وسيحت مخه .. فقال فى حديثه مايلى .. واعتذر عن التعليق على قوله واقول فقط .. حسبنا الله ونعم الوكيل .. شوفوا حضرته قال إيه عندما سألته المحررة عن علاقة رمسيس الثانى بفرعون موسى :

{ هذا تخلف . لا علاقة لرمسيس الثانى بفرعون موسى . وما كتب فى التوراه والانجيل والقرآن عن انبياء الله ابراهيم ويوسف وموسى لا يوجد له دليل فى الاثار المصرية } - يعنى ايه القصص دى وهمية ؟؟ اللى نقلتها الينا الكتب السماوية ؟؟

وفى عنوان ثانوى يؤكد قائلا :

{ ما جاء فى التوراه والانجيل والقرآن عن ابراهيم ويوسف وموسى لا دليل عليه فى الاثار المصرية } فهل معنى هذا ان قصص الانبياء التى جاءت فى الكتب السماوية لا بد أن تؤكدها الاثار المصرية ؟؟ ما كانش حد غلب .. انا مش عارف اقول للراجل ده ايه .. ده حتى الان العلماء بيختلفوا فى ترجمة المكتتوب على جدران المعابد وفى اوراق البردى .. هو المفنى الفرعونى ده حكفرنا على آخر الزمن .. الله يخرب بيت الشحاته وسيرتها !!!

تم تعديل 16 يونيو 2006 بواسطة achnaton