لو غاوى افلام مصرى خش وورينا نفسك .....(للتسليه فقط)

[egy_foxman]

استلامو حليكم ورحمه الله وبركاته

اخوانى المصريين او حتى غير المصريين او حتى الحاصلين على الجنسيه المصريه المهم مطولش عليكم قول طول

احنا هنا فى الموضوع ده للتسليه وهنشوف احنا لسه فكرينا السينما المصريه القديمه ولا نسينا

اللعبه سهله جدا

انا هحط تعليق معين او افيه او جمله مشهوره اتقالت فى فيلم من افلامنا المصريه وانته هتقول مين الى قالها وفى اى فيلم يعنى مثلا

انا اكتب

كتكم البلاوى مليتوا البلد .....

فا انته تكتب فى الرد محمد هنيدى (نادر عز الدين ) من فيلم جاءنا البيان التالى

وهكذا يا شباب

....................................................................................................

1- " اليله يا حفيظه ,,,,,

"اليله يا عمده ,,,,,,,"

حباكت يا حفيظه

" حبكت يا عمده ....اليله كوم وطلاقى كوم يا عمده "

... مين صاحب الحوار يا حلويين اعتقد ان الموضوع ساهل جدا

...........................................................................

2- "تشترى كلب ......" عشان اسهلها الشخصيه كان اسمها ابن حفيظه

.................................................................................

3-حديد على حديد ويفعل الله ما يريد " كان مسلسل

...........................................................................

4- نشنت يا فالح ....يا اخى اصفخص على الى علمك النيشان

.............................................................

5- الى ملوش اهل الحكومه اهله ............................ فيلم قديم اوى والى يعرفه يبقى بجد جامد

............................................................

6- كل ده ليه ....عشان كنا رجاله ووقفنا وقفه رجاله

................................................................

شدوا حيلكوا عوزين نتفرج على الشغل

[الرافعي]

5- الى ملوش اهل الحكومه اهله ............................ فيلم قديم اوى والى يعرفه يبقى بجد جامد

عدم المؤاخذة بس الموضوع ده مكانه مش باب المغتربين .. وده شغل الإدارة على كل حال ...

لكن

فقط من أجل التحدي .. راقية إبراهيم .. في فيلم زينب ... كانت تكلم براهيم أبو أحمد (يحي شاهين)

صباح الفل

تم تعديل 17 يونيو 2006 بواسطة الرافعي

[se_ Elsyed]

يا عم فوكس إيه الأسئلة السهلة دي .. ده الواحد يجاوب عليها بضافر صباعه الصغنن

عايزين حاجة مش من المقرر

-------

بسم الله الرحمن الرحيم

إجابة السؤال الأول : الزوجة الثانية

2- فيلم حسن ونعيمه

3- مسرسر الرجل والحصان

4- مش فاكر إسم الفيلم لكن ده إستيفان روستي أعتقد فيلم " بنت الحتة "

5- زينب

6- الأرظ ( الأرض بس باللغة الخليجي )

شدوا حيلكوا عوزين نتفرج على الشغل

فيلم العار لمحمود عبد العزيز ...

مع تحياتي سوزوكي كاتا موتو

[egy_foxman]

تم حذف محتوى المداخلة لخروجه عن الأسلوب والسياق اللائقين بمحاورات المصريين ..

الإدارة

تم تعديل 17 يونيو 2006 بواسطة عصام شوقى

[الرافعي]

********************************

تم حذف الاقتباس بسبب حذف المداخلة المقتبسة

الإدارة

عفواً الأخ الكريم .. ممكن تراجع العبارة الملونة بالأحمر .. لأني أحس فيها رائحة كلام غير لائق .. برجاء التوضيح

وشكراً

تم تعديل 17 يونيو 2006 بواسطة عصام شوقى

[الرافعي]

الأخوة الأفاضل جميعاً

السلام عليكم ورحمة الله وبركاته

لقد تلقيت رسالة من الأخ الكريم صاحب الموضوع، وقد اعتذر لي مؤكداً لأنه لم يقصد أي إساءة أو أسلوب غير لائق، وقد اعتذرت له بدوري وطلبت منه أن يراجع مداخلاته حتى لا تفهم خطأً انطلاقاً من مسئولية الكلمة ...

تحياتي للأخ صاحب الموضوع (عفواً لا أعرف اسمك) ، وتحياتي للأخ عصام شوقي من فريق الإدارة لتدخله أيضاً حفاظاً على القيم الأساسية للكتابة حتى مع حسن نية الكاتب وعدم قصده لسوء ... لكن هذا حرص محمود وطيب من الإدارة ممثلة في الأخ الكريم عصام ..

تحيات واحترامي لكم جميعاً...

والسلام عليكم

[egy_foxman]

السلام عليكم الاخوه الافاضل واضح ان الموضوع كبر جدا وعمتا انا فعلا مكنتش اقصد انى ازعل حد بس انا كنت بهزر ومكنتش اعرف ان عم الرافعى واصل كده لحد الاداره ده ايه ده يا عم فى نص ساعه كان البوكس ادام البيت عندى ده انا حاسس ان الدول ولعت فى بعضها والمناطق عملت حروب

دا انا خايف ان كوفى عنان يكون معانا هنا فى المنتدى وانا مش واخد بالى بس ده بالنسبه لى درس اكبر من درس لعقل كده عشان الواحد يعرف ان مفيش حاجه تيجى كده اهدى حبيبى كده وارجع زى زمان (الا هو حد عارف يا شباب هو كان بيعمل ايه زمان عشان نعمل زيه يمكن نفلح )

وعمتا انا مش عاوز اطول لان الهزار لو دخلت فيه النكت بيقلب بضحك ومش عوزين حد يزعل مننا كفايه لحد كده

والسلام عليكم ورحمه الله وبركاته

ويجعله عامر (وعامر ده مش ابو وفاء برده يا شباب)

[اسود وتعالب وارنب]

شوفت ايه اللي حصللك عشان تعرف انك بتشتغل مع اذكي جهاز مخابرات ياجمعة ( مسلسل جمعة الشوان ) بعد كده لازم تاخد بالك من الكلام المنطقة كلها محاصرة يا سرحان ( من مسرحية شاهد ماشفش حاجة )