تصرفات حيوانية تحرق الدم

[الرافعي]

ملاحظة جادة هذه المرة

إن الأمانة الإسلامية تفترض علينا أن نتبع الحق حتى ولو تعارض مع مصالحنا الشخصية ...

فكل واحد منا إذا تعرض لموقف معين ظلم فيه أو تعدى عليه آخر بأي شكل من أشكال التعدي .. فالطبيعي أنه سينفعل بهذا الموقف وهذا التعدي .. وبالتالي هذا الموقف المعروض .. لو نظرت إليه في حالة نفسة هادئة وأنت تقرأ وتحكم المعايير الأساسية والثابتة الأخلاقية وغيرها ، فيمكن أن تصدر حكماً هادئاً أيضاً ومتوخياً القواعد التي لا خلاف عليها ...

لكن لو كنت في الحادث ... يمكن أني يختلف الموقف باختلاف موقعك من الحادث .. هنا الحالة حالة المتعدى على سيارته الواقف في مكان لا يضير صاحب المنزل (طبعاً من وجهة نظره) ...

وقد يكون حالك هو الموقف المعاكس لو كنت ترى من وجهة نظرك أن أحداً يتعدى على ملكيتك أو يسد طريقك بدون اكتراث إلخ هذه الصور ... أكيد سيتغير الحال

باختصار ستتغير وجهة النظر باختلاف الموقع ...

الحل هو أن يلتزم الجميع بأخلاقنا الإسلامية الأساسية .. حب لأخيك ما تحب لنفسك ... فقبل تخريب إطارات سيارة أنظر إلى الخسارة والحرج الذي يوضع فيه صاحب السيارة، وهل اعتاد هذا أم أنه غريب ولا يعرف، هل نبهته من قبل أم لا ..

ومن ناحية ثانية ... لو أنا صاحب السيارة ...

هل هذا المكان ملائم .. طيب ملائم من وجهة نظري .. طيب لو أنا مكان صاحب المنزل .. هل سيكون ملائم لي ...

وهكذا ....

تحية لكم جميعاً

[الأفوكاتو]

طبعا كلكم برا مصر المحروسة......يعنى كل هذا تصرفات حمقاء من أهل البلد تجاه الغرباء

اسمعوا واحكموا بأنفسكم على ما يحدث فى بلدنا الحلوة قوي

أن نقلت أكتوبر منذ 8 أشهر فى عمارة جديدة. ونقلت تليفونى من الشقة القديمة ....عادى يعنى

ولأن المنطقة جديدة ولا يوجد بوكسات على كل العمارات فيكون الحل أن يتم التوصيل من أقرب عمارة فيها بوكس فاضى وطبعا كل البوكسات 90% منها فاضية يعنى صعب جدا انك تقنعهم يركبوا بوكس جديد على العمارة الجديدة بسرعة

المهم تم التوصيل وجت الحرارة ....يومين تلاتة...الحرارة راحت... (يوم جمعة وانا مش موجود)

بصيت لقيت السلك مقطوع :sad: (يوم جمعة وانا مش موجود) وصلته...

أسبوع كمان....الحرارة راحت برضه (يوم جمعة وانا مش موجود)

السلك مقطوع برضه (يوم جمعة وانا مش موجود)

وصلته

كل ده وانا مش مدى خوانة ومتخيل ان ...ممكن الهوا.... ممكن حد من العمارة الى أنا واخد منه السلك وهو بيفتح الباب شده من غير ما يقصد... :rolleyes: أو ممكن حد من العيال الأشقياء مع ان السلك طاير فى الهوا على ارتفاع 5 متر..!!! :o

لغاية أم جت جمعة كان عندنا ضيوف على الغدا فلم أخرج وجلست أنتظر وصولهم فى الشباك فاذا بواحد كبير فى السن ينزل من العمارة وينظر الى السلك بتاعى كأنه عدو اسرائيلى و يجيب كرسى من مدخل العمارة ويقف عليه ويشد السلك لحد مايقطعه ثم يركب سيارته الفخمة وينطلق... :angry2

طبعا أنا ما كنتش مصدق اللى بيحصل قدامى :unsure:

نزلت وصلت السلك وندهت على سكان العمارة و سألت مين ده :angry2:

قالولى صاحب العمارة

طب هو ساكن فوق علشان أطلع اتكلم معاه أعرف بيعمل كده ليه؟؟

ٌالولى لأ هو باع العمارة كلها ماعدا شقة وبييجى كل يوم جمعة علشان يشوف لها مشترى :blink:

طب بيعمل كده ليه؟ ما حدش يعرف ...

حاولت فى الجمعة اللى وراهاوأنا خارج الصبح(عادة اسبوعية لزيارة الوالد والوالدة ثم حماى وحماتى وأعود السبت) أطلع أكلمه مارضيش يفتح (مع ان عربيته تحت البيت) :ninja: سبت له خبر مع الجيران ان ده عيب وان احنا جيران و ان ماليش دخل فى التوصيلة دى زائد ان البوكس يعنى مش بتاع ابوه اولا والعمارة هو باعها ثانيا يعنى مش فارقة معاه.. :rolleyes:

رجعت لقيت السلك برضه مقطوع..!!

جبت تليفونه وطلبت من والدى يكلمه(صاحب عمارة لصاحب عمارة والسن زى بعض) قولت بلاش أنا علشان ماتهورش فى الكلام على راجل قد ابويا قاله ان ما يعرفش حاجة عن الموضوع :rolleyes:

استنيته فى الجمعة اللى وراها لغاية أما شفته مرة ثانية بيقطع السلك .. نزلت وقفشته متلبس :o

قالى اصل أنا اولا لم أستأذنه ثانيا ان السلك مضايق مدخل العمارة ومبوظ المنظر.. ويا ريت الفه من ورا العمارة (يعنى حوالى 70 متر سلك )

قلت اللهم اخزيك يا شيطان وقلت حاضر واشتريت السلك ولفيته من ورا العمارة

(يوم السبت)

تانى يوم (الأحد)...راجع من الشغل لقيت مراتى بتقولى ما فيش حرارة...

نزلت لقيته قطعه المرة دى من البوكس ثم شد السلك (عمل قطع داخلى طلع عينى على ما توصلت هو فى انه حته بالظبط)

روحت فاكك السلك و رجعته من أمام العمارة وجبت سلم طويل جدا وبالعند فيه المرة دى ثبت السلك على واجهة العمارة على ارتفاع أول بلكونة (استأذنت السكان)

ومن يومها...بقى بييجى مخصوص فى نص الأسبوع و يقطع السلك من البوكس لغاية فوق (يعنى اتنين تلاتة متر )و أنا أجى واجيب السلم و حتة سلك وأوصلة لم ينفع معه التذكير باى حديث أو قرأن

وتعودت على هذا الوضع منذ 8 أشهر بمعدل مرتين ل تلاته كل شهر (أحيانا البواب يبقى موجود يخاف يعملها قدامه)

حد شاف خيابة أكتر من كده

عزيزى الأخ صح,

لقد قرأت قصتك باهتمام, و أعتقد أننك قد تصرفت تصرف حضارى محمود , مع شخص غير متحضر و متغطرس,

و لكن المشكلة ليست كون سيادتك شخصا محترما,بينما هو شخص غير إحتماعى و عدوانى, فجميع المجتمعات تتضمن هذه النوعيات.

بل المشكلة هى غياب قانون يحكم هذه الأمور.

ليس من حق شخص غير الجهة الرسمية التى تتولى توريد وصيانة الخدمة( التليفونية) التدخل فى توصيلاتها, أو حتى الإقتراب منها, و ما دار من قطعالمالك للخط( السلك), و محاولتك إعادته, ثم قطعه مرة أخرى, هو دليل على تفشى الفساد فى النظام كله.

فسيادتكم, عندما تتعاقد مع شركة,( أو هيئة ) التليفونات, تفترض أنك ستتلقى خدمة دفعت مصاريفها, و من حقك أن تعتبر أن من يتدخل فى إفساد هذه الخدمة قد ارتكب جريمة يعاقب عليها القانون.

و لكننا فى المحروسة,سمحنا للنظام أن يفشل فى حماية حقوقنا, و أدى فشله فى هذه المهمة, إلى تجرؤ ذوى النفوس المريضة على تحدى القانون, كما استمر تمادى النظام فى إغفال عقابهم.

يا سيدى الفاضل, صاحب العمارة إنسان شرير, و لكن الحكومة التى شجعته على ذلك, هى أشر منه.

تقبل تحياتى, و عزائى.

[صبح]

عزيزى الأخ صح,

لقد قرأت قصتك باهتمام, و أعتقد أننك قد تصرفت تصرف حضارى محمود , مع شخص غير متحضر و متغطرس,

و لكن المشكلة ليست كون سيادتك شخصا محترما,بينما هو شخص غير إحتماعى و عدوانى, فجميع المجتمعات تتضمن هذه النوعيات.

بل المشكلة هى غياب قانون يحكم هذه الأمور.

ليس من حق شخص غير الجهة الرسمية التى تتولى توريد وصيانة الخدمة( التليفونية) التدخل فى توصيلاتها, أو حتى الإقتراب منها, و ما دار من قطعالمالك للخط( السلك), و محاولتك إعادته, ثم قطعه مرة أخرى, هو دليل على تفشى الفساد فى النظام كله.

فسيادتكم, عندما تتعاقد مع شركة,( أو هيئة ) التليفونات, تفترض أنك ستتلقى خدمة دفعت مصاريفها, و من حقك أن تعتبر أن من يتدخل فى إفساد هذه الخدمة قد ارتكب جريمة يعاقب عليها القانون.

و لكننا فى المحروسة,سمحنا للنظام أن يفشل فى حماية حقوقنا, و أدى فشله فى هذه المهمة, إلى تجرؤ ذوى النفوس المريضة على تحدى القانون, كما استمر تمادى النظام فى إغفال عقابهم.

يا سيدى الفاضل, صاحب العمارة إنسان شرير, و لكن الحكومة التى شجعته على ذلك, هى أشر منه.

تقبل تحياتى, و عزائى.

شكرا جزيلا على التعقيب الجميل....

وصدقنى المشكلة كما ذكرت أنت تماما ليست أننى شخص محترم وهو لا..

فى العادى أنا عصبى جدا ولا أقبل أى تطاول على حقوقى..

ولكن مع الجيران أحاول قدر الأمكان أن اتمالك نفسى...

فعلا المشكلة هى عدم وجود رادع دينى أولا ثم قانونى ثانيا والكل ياخد حقه بالدراع ومن كان صوته أعلى يخاف الأخرون منه اتقاء لشرة (وهو والله لا يؤمن كما قال الرسول)

سيدى الفاضل

الموقف الأتى حدث أيضا لى من سنتين تقريبا فى مكان سكنى القديم

كنت أسكن فى منطقة عادية جدا وعلى شارع رئيسى يوجد فيه البقال والمكانيكى و كل أنواع الخدمات واجميع أنواع المستويات

وطبع أجارك الله شر عدم وجود مكان عند عودتك من العمل الساعة 6---7 وتنتظر حوالى نص ساعة لغاية أما يفضى مكان

كل هذا والموقف طبيعى...

الغير طبيعى أن يضع كل محل موجود كرسي بلاستيك أو خشب أو قطعة حجر أمامه حتى لا تقف أى سيارة (مع العلم أن الرصيف حوالى 3 متر ) يعنى وجود السيارات لن يؤذيه

فى الأول كنت أسأل لمن هذا الكرسي فينكر الجميع .... فأركنه على جنب و أركن :o

وفوجئت أن معظم السكان يتحاشون أن يفعوا مثلى ويفضلون الأنتظار برغم الأماكن المركون فيها كراسى... :rolleyes:

طبعا لم يدم هذا الوضع طويلا ....

مرة يتخانق معايا بتاع اللبن علشان عربية اللبن بتيجى الساعة 2 الفجر وبيمشى 2 متر زيادة علشان يفضى اللبن

ومرة بتاع العصير لنفس السبب وان اختلف نوع السيارة (السيارة التى تحمل مولاس القصب)

ومرة الجزار ....بنفس الحجة المكررة.......

ومرة بتاع الألوميتال الى تحت البيت........

وفى كل مرة كنت أحاول أن أقنعهم أولا ... وفى الأغلب لم يكن يقتنع أحد.... :blink: ولاقتناعى بسلامة موقفى ولأنى كما قلت لا أقبل أن يفرض على وضع خاطئ (لوي دراع يعني) كنت فى النهاية برضه أركن بالعافية...

حتى جاءاليوم الذي جاء فيه الدور على الميكانيكى (فوجئت به حاجز 3 أماكن ولا يوجد أمامه سيارة واحدة)

قولت لزوجتى انزلى ونزلى البنات ونزلت أنا زقيت حجر (من بتوع الرصيف) علشان أوسع مكان فاذا به يكسر الكوب الذى بيده ويتهجم على وعلى زوجتى

ولأنهم مجموعة اخوة ووالدتهم معهم تجلس فى نفس المحل كل يوم حاول أن أطلب تدخل اخوته وامه وأننا جيران وأن هذا لا يصح وأنه المفروض مهما كان الخلاف أن يكون هو من يدافع عنى (بحكم الجيرة) وليس العكس ... ولكن لللأسف لا حياة لمن تنادى وأشاح جميع أخوته وأمه بنظرهم بعيداا .. وهو قاللى أعلى ما فى خيلك اركبه وروح القسم اشتكينى..

طبعا أخذت السيارة بعيدا وأنزلت زوجتى وتركتها تدخل العمارة وما كدبتش خبر وعلى القسم (قسم الدرب الأحمر)

دخلت القسم...

5 أمناء شرطة 2 نقيب 1 رائد قاعدين بينشوا دبان والدنيا هادئة تماما... قلت الحمد لله

سألنى الضابط فى ايه ... حكيت له الحكاية...

قالى هو كل شوية حد ييجي يتبلى على حد فى الحتة الوXXX دى..!!

ورينى بطاقتك ياله... :angry2: (أنا لابس بدلة و كرافتة)

قالى ايه ده وكمان مهندس :o

قلتله هي دى تهمة ولا ايه المفروض العكس ان ده دليل انى انسان محترم ومثقف الى حد ما...

قٌاللى انت هاتتلامض يا روح....

طبعا أنا الدنيا دارت بيا (لم أكن يوما بذيء اللسان ولم أيسبنى أحدا قبل هذا الموقف طوال حياتى)

نده لواحد من الأمناء وقاله اعمله محضر تشاجر وابعت انده الصايع التانى

الى هنا ولم أستطع

كلمت زوج أخت المدام (عقيد فى الداخلية) و يادوب فهم منى انى فى قسم الدرب الأحمر قبل ماياخدو منى الموبايل

دقيقة ثم رن جرس التليفون (كان قريبى )وبعد تمام يا أفندم وأسفين سعادتك....التفت لى البيه الظابط وبالنص قاللى طب سعادتك مقولتش ليه من الأول :sad: انت مش عارف ان لو مالكش واسطة تقعد على البسطة... :rolleyes:

روح ياد(أحد أمناء الشرطة) هات كل اللى موجودين فى المحل دة من قفاهم

جابوهم ..

وقبل أما ييجوا كان المحضر اتكتب (بلطجة واعتداء و اشغال طريق على تعطيل حركة السير على اشتباه أمنى...)

كل دة وانا لا أنطق..وحاسس انى باحلم وعمال أتخيل لو فيه واحد واسطته أكبر منى اختلف معايا فى مصر المحروسة...)

المهم جه المكانيكى واخوته حتى أمه ما عتاقوهاش :rolleyes:

وطلبوا منى التوقيع على المحضر... وهنا رفضت وقلت لهم انى أتنازل عن حقى

و عبثا حاول الضابط وانه عاوز يخدم بس ... وبعدين أخيرا قالهم احمدوا ربنا انه (أنا )طيب ومش عاوز يؤذيكوم ... طبعا كل ده وسط توسلات الأم لى ... مع انى لم أفعل شيئا..

فى النهاية قال لهم مصطفى بية وقت أما ييجى يركن ولو ما فيش مكا تشيل عربية من اللى انت شغال فيهم و يركن مكانها.. :unsure:

خرجت من القسم ... ثم نزلت بعد ساعة للميكانيكى أعتذر له ولوالدته التى وجدتها تبكى بحرقة وتدعى عليا وعلى البلد كلها ... ولم تقبل كلام منى وأننى لم أكن السبب ولكنه ابنها أولا الذى اعتمد على عدم وجود قانةن يحمينى ثم على البلد ثانيا التى لا يوجد بها أدنى أنواع العدالة و القانون

طبعا من يومها وأنا أتحاشىمجرد الركن أمامه حتى لايظن انى بالوي دراعه أو بأخوفه ...

على فكرة تانى يوم

كنت كل الكراسي الموجودة اختفت........

حتى صاحب القهوة خلى الكراسي على الرصيف فقط أمام المحل...وترك الشارع ..وذلك حتى نقلت الى مكانى الجديد

وعندما كنت فى زيارة أحد معارفى فى المكان القديم وجدت كل شىء رجع كما كان

وان كان طبعا أول أما شافونى فى السيارة كل واحد منهم بقى يوسع مكلن علشان أركن أمامه ويسلم عليا علشان أنا واحشه قوي :ninja:

[مهيب]

الأخ صبح ... حقا ملأتنى الحسرة الشديدة و أنا أقرأ لمحة مما آل له وضع الأخلاقيات فى مصر ... و بالرغم من أن الموضوع خرج عن اطاره الأصلى .. الا أننى أعتقد بأنه من أحد أهم الدروس المستفادة من القصة التى ذكرتها هى أنه على من يهم بالزواج أن ينتقى فتاة يكون زوج أختها عقيد شرطة .. حتى يضمن أن يعامل بشكل لائق اذا ما اختلف مع أحد من يفكرون بأكواب الزجاج المكسورة

حقا اختفت منظومة الأخلاق من حياتنا ؟؟ وحقا المحترمون هم أكثر من يعانون فى مصر ؟؟ هل يجب أن تكون غنيا جدا حتى تشترى احترامك بفلوسك ؟؟؟ بالرغم من ايمانى بأن هذا لم يصبح بعد هو السائد فى مصر .. الا أنه لو استمرينا هكذا .. فلن يمر وقت طويل حتى يصبح هذا هو السائد

مهيب

[صبح]

... و بالرغم من أن الموضوع خرج عن اطاره الأصلى

الأخ مهيب

لم يخرج الموضوع عن اطاره...

وان كان الأطار وسع شوية.. :rolleyes:

فأصبح تصرفات الغرباء الغير مقبولة .. وتصرفات الجيران.. و تصرفات من يعيشون فى مجتمعنا....

ثم شمل أيضا تصرفات رجال القانون التى زادت الطين بلة.... وهى بحق اكبر التصرفات الحيوانية ( مع تحفظى على العنوان)

[اسود وتعالب وارنب]

علي فكره نفس هذه التصرفات العبيطة موجوده في هنا بنفس الشكل وكان اصحاب الفيلات امتلكوا الشارع ايضا مع ظاهره اصبحت منتشره انتشار الهشيم في النار وهي كراهيه المصريين كره شديد واكننا مرات ابوهم بالفعل بتقابل كل يوم تصرفات تحرق الدم ولازم يقابلك واحد حقير يشتمن او يعاملك وكانك جاي تسرق فلوسه ولو اعترضت علي اي خطائ يقول مش عاجبك سير بلدك الوحد كل مابيشوف هذه الموافق بيزادد حبا وشوقا الي الراس الكبيرة الله يجحمة مخلاش لينا سعر ولا قيمه هي دي مرارة الغربه وللاسف فانت في بلد عرب ومسلمين واخلاق العروبه والكرم العربي بس مش مع المصريين يمكن احنا من كفار قريش ومش واخدين بالنا

[اسود وتعالب وارنب]

اما المشكله في مصر فهي الرادع الامني انا لما جيت الاجازة الماضية بعد غياب 34 سنوات ولا مرة نزلت الي مص ؤ حسيت ان البلد ملهاش كبير كده بالبلدي عاملين زي البيت المليان عيال كتير وفقراء وابوهم مات فجاءه والام ست مش فاهمه حاجة والعيال هايتين في الشوارع كلو واحد بيدبر حاله منه لنفسه من غير كبير هو ده الحال بالظبط كل واحد في البلد له صديق حتي صول اي حاجه في الشرطة عامل سبع ومفيش قانون القانون بعمل رعب برده للناس اما الوازع الديني صعب جدا تتركه فقط لمراقبه البشر الخوف برضه بيعمل شغل ولكن علي الجميع الصغير والكبير لافرق اما الناس حاسه البقاء للاقوي

[بنت شعنونة]

ماشي التعميم مرفوض

بس دي حاجا عاملة زي العرف هناك

ممنوووووووووووووووووع حد يركن قدام بيت حد

وازيدك من الشعر بيت

لو كنت رحت اشتكيت عليه في الشرطة كانوا ها يقولولك الحق معاه وانت الغلطان

وجرب وقولي :angry2:

لأن دي حاجا متعارف عليها زي حق مكتسب كدا هناك...

اقولك بقى على موقف طازا

اتصلت بينا شركة سفر امبارح عشان نروح نقابل واحد سعودي عاوز اطباء

رحت انا و زوجي الموقر

اتاخرنا شوية في الطريق ولما وصلنا دخلنا على طول

لقيت واحد جداوي وشكله نضييييييييف موت

تو ما فتح بقه واتكلم عرفت انه الكبر بذااااااااااته

طبعا جوزي طيب وما تعاملش معاهم قبل كدا ومافهمش الفولة من بدري

المهم الراجل طلب الس في بتاع زوجي اللي كان موجود في المكتب دا من زمان

وجابوه

وعلى الحظ... الظاهر كان فيه مستشفى وافقت عليه قبل كدا واحنا مش عارفين وهما كاتبين دا ع الس في

ف اول ما وقعت عينه عليه راح قال...

دا عليه موافقة من مستشفى الأيمان!.؟!

لا خلاص.. لو كانوا عاوزينه خليه لهم شو بعمل بيه انا....

:rolleyes: :rolleyes:

طبعا انا سمعت الجملة دي وكان جوايا عفريييييييييييييت بيقولي اقوم اشيل زوجي ونمشي فورا واطلعله لساني على طوووووووووووووله

لكن خفت احرج زوجي و الا يقولي بوظتي لي السفرية ف بلعت لساني وسكت :rolleyes:

[Cleo]

تصوروا إن السواق هناك من الصُبح ولما لقيته أتأخر أتصلت به فقال لي إن الحيوان مش بس فرغ الهوا ولكنه كمان أخد البلوف بتاعت الكاوتش فقلت له حسبنا الله ونعم الوكيل .. روح يابني إشتري بدلهم وهات العربية ...

وأتفق مع أحمد هادي وأسد ولخبطه في إن الكِبر هو السبب .... ومش بس الكبر .. ده الططفف .. أو سلوك المطففين .. يعني الواحد يعتدي على حق غيره ويأكله هنيئاً مرئياً .. أما هو فويل لمن يأتي ظله فقط على حقه ...

يمكن حكيت الحكاية دي قبل كده ...كنا من حوالي 8 سنين لسه ساكنين في سكن الشركة وكان عُزاب طبعاً .. وجنب العمارة فيه فيلا .. وكان يا ويل اللي ظل عربيته ييج ناحية الفيلا .. بمنتهى القذارة والهمجية يروحوا مكسرين له مرايات الجنب أو على الأقل مفرغين الهواء من الكاوتشات ... وبالصدفة راجعين من الشغل في شهر رمضان .. لقيت واحد من الكلاب سكان الفيلا راكن عربيته في موقفنا .. ومكانش معايا عربيه وكنت بأروح وأجي مع أحد زملائي .. فقلت له أقف وسد عليه باب الركوب وهانشوف هانعمل إيه ... مافيش 10 دقايق إلا وده بيخبط علينا وعمال يشتم ويزعق وأنا سعودي وإنتو إزاي تعملوا كده .. فقلت لهم سيبوه لي .. ده أنا متغاظ منه من كثر الشكاوى اللي بتجيلنا من الأذية بتاعتهم ... أقسم بالله مسحت بركامته الأرض وماخلتوش ينفع نفسه .. وفي الأخير يقولي أنا هاروح أشتكيكو للإمارة .. فقلت له : لأ الله يخليك بلاش الإمارة ... أصلي بأخاف .. ولكن عليك وعلى الملك نفسه روح إشتكي له وقاحتكم ...

ومن ساعتها ولا بيقدر يهوب ناحيتنا ...

قال رسول الله صلي الله عليه وسلم " لن يدخل الجنة من كان في قلبه ذرة من كِبر " وفي حديث أخر " لن يدخل الجنة من لم يأمن جاره بوأقه " يعني اللي بيإذي جيرانه ويبقى عايش شرير يوزع شره على الناس ..

القصة دى وأنا بقراها افتكرت حرب البسوس...

لما ناقة القبيلة س أكلت من جنينة القبيلة ص

قام واحد من القبيلة ص قتل الناقة بتاعة القبيلة س انتقاما لزرعه

قام واحد من القبيلة س قتل واحد من القبيلة ص انتقاما للناقة بتاعته اللى كان اسمها البسوس..

يعنى دلوقتى س س من حقه يروح يقتل الجار السعودى ده انتقاما لبلوف البسوس بتاعته :rolleyes:

[كمبورا 6]

اعزائى زملاء الاغتراب

ح اضطر احكى موقف بايخ عشان تعرفو زاوية من الزوايا اللى الناس دى بتبصلنا بيها

نظرا لطول فترة الاغتراب و بطبيعة الامور بقى لينا اصحاب كتير ومنهم فى الامن العام ولما بنعاتب على سوء المعاملة مع المصريين ( مع انه للامانة مش زى اللى باشوفه بيحصل مع جماعة كفاية - اقل بكتير قوى )

تلاقى الرد جاهز

ما انتو بتعملوا معاهم فى بلدكم اكتر من كدة

مع الاحترام للجميع

[نفسي احبها]

السلام عليكم ورحمة الله وبركاته

ياعم mzohairy صباح الخير

شكراً للرافعي على علبه الملبن ..... العيال كلوها قبل ما اذقها .

وياعم mzohairy الراجل كريم واحنا نستاهل عايز يديني علبه بحالها .... خليه ...

اما بقى الراجل بتاع سلك التليفون ده .

ومن باب تهدئ النفوس يعني واحنا جايين نصالح ونهدي النفوس .

انت وانت قاعد في البلكونة كده تجبلك سوباطة موز .. وتاكل وترمي ناحية السلك ،

ومفيش مانع لو تقدر تجيب زيت عربية قديم وتلمع تحت منطقة السلك .

علشان اخونا الحاقد على السلك ده .... لما يقرب من المنقطة .... يعمل اكروبات هوائية مع فصل الديسك في الهواء قبل السقوط .

طبعاً بعد الشر عليه .... ده مزحه ... انت اعقل من كده .

اصحاب العقول في راحة .

والدنيا مليانة عقول .

وعلى فكرة ده فاضحك في كل مكان ، وفي كل قاعدة عمال يقول شوفوا ياخواتي الناس ، معندهاش زوق ولا احترام للآخرين طبعاً ده من وجهة نظرة

وماسك الموضوع ده لبانه في كل قهوة وكل مجلس .

وعمال يحكي للناس انه قارفك وكل لما يروح يلاقيك حاطط السلك ، وهو بكل جرأة وجسارة يقطعه ، وانه نفسه يشوفك وهو بيقطعه او تفتح بقك

وانك مش قادر تتكلم ، وتيجي تقوله انت بتقطع السلك ليه ، طبعاً كل ده عن لسانه في المجالس ، وللمدام بتاعته طبعاً علشان يفهمها انه

لسه بصحته وجبار زي زمان ، وان العصايا أم عضلات اللي في ايديه ممكن تعمل شغل في اي موقف .

يعني بالعربي .... الأيام ده الناس كلها بدون استثناء ... شايفة انها هي اللي صح . واصبحت مفيش معايير ولا ضوابط عند الناس تحدد

مين الصح ومين الغلط ، الصح والغلط نسبي عند الناس كلها بدون استثناء ، وحسب الموقف ، وحسب المووووووووووود ،

وحسب قرارات حسني مبارك ...

ولكن المعيار الوحيد الذي يضبط سلوك الناس ويضع الحكم الصحيح ، هو الشرع ، الدين ، أحكام الله ، اعرض فعلك على الكتاب والسنة

وستعرف اذا كان صحيح أم لا ، ولكن هيهات في هذا العصر ... إلا من رحم الله .

فأصبح الدين في واااااااااااااااادي ، وسلك التليفون في وادي تاني ، ولا عزاء للمشتركين في الاتصالات ...

وتصبحوا على خير ...

قبل ما تناموا انا ليكم عندي حته حكاية عجيبة جداً والله لازم احكيها واصدع دماغكم معلش علشان تعرفوا الناس جرى ليها ايه .

(((((((((((( اسود وتعالب وأرانب ))))))))))))))))))))) كلامك مضبوط في الجون 100% وهي ده الحقيقة .

الأخ مهيب ((((((((((((((( تشترى احترامك بفلوسك )))))))))))))))))) وتشترى راحتك ومصالحك واحتياجاتك الضرورية والنفسية

وتحمي نفسك وأولادك ، وتحمي نفسك من عض الآخرين وهوهو الآخرين بالفلوس ... وكل ذمه اصبح ليها ثمن .....

إلا من رحم وهم قليلون جداً ..... جداً جداً ..... وإما حيموتو . او يتحولوا كالآخرين .

اةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةة يا صبح .

وجعتلي قلبي والله العظيم بحكايتك ده ... ودمي غلي واتعصبت زيادة وكرهتها اكتر واكتر واكتر

انت ازاي تدخل قسم شرطة .. انت ما تعرفش ********* اللي بتشتغل في الأقسام ده ولا ايه ، بداء من رتبةامين زبالة

حتى اخر رتبة في زبالة الداخلية كلها .

بس في الاخر فهمت انك عندك واسطة في الداخلية عقيد علشان كده جالك قلب تدخل قسم الشرطة ، وشفت بقى لما الوسطة اتكلمت

عملوا زي الكلاب الجبانة ازاي ...

واعرفك انك ربنا لطف بيك ولو مش كان عندك واسطة وكنت فتحت بقك شوية وقلت حاجة والله العظيم كنت دخلت العمبوكة

جوه .. مع اكبر مجرمين .... وساعتها تعرف ايه اللي بيحصل جوه هذه الغرفة ... ولو مش عارف انا ممكن اقولك التفاصيل من واحد دخل وجرب

دخول هذه الغرفة في أحد الأقسام وطلع هو ده النظام المتعارف عليه في زنزانة اي قسم في مصر كلها ...... ربنا يحرقهم بجاز ووسخ ...

كلمة وسخ ده يعني غير نظيف ... ومفيهاش حاجة خارجة عن الأمن العام ولا النظام العام ولا المدير العام حتى ... يعني بتعبر عن حالة

الكاتب من قرف تجاه الوضع ، وعن حقيقة الوضع أصلاً انه مش نظيف خالص خالص .... لكن كلمة مش نظيف لا تعبر عن الوضع .

المهم .

شفت بقى الناس احترموك ازي ... عارف ليه .... صدقني لانه شعب ***** ... وده صفة هذا الشعب 99% ، لان الحكومة والنظام

قدروا يمسخو الشعب كله عقولاً ونفسياً .

وفعلاً الميكانيكي على حق .... فالبلد ليس فيها قانون ، ان القانون الموجود حالياً لا يطبق إلا بالواسطة او يطبق على الغلبان ،

ولهذا وضع النظام القانون ، ليطبق على الغلبان فقط الذي ليس لديه عقيد في الداخلية ، او كارت واسطة ، او أمين شرطة في القسم

انت لم تكن في حاجة لعقيد في الداخلية ، فإن ما فعله عقيد الداخلية يمكن ان يفعله أمين شرطة في القسم ، بالعكس ده أمين الشرطة

ممكن يعمل اكتر من كده ... ويخرق جميع القوانين الموجودة .

انا قلتها قبل كده ... الحل انها تختفى من على الخريطة .... ومفيش صلاح ولا إنصلاح

ده غابة وعايش فيها ديابه .... ده حديقة ............ كبيرة قوي قوي قوي ... وحاكمها قطيع من الـ ك و ح حاكمين شوية غ في نظرهم طبعاً

وإذا لم تختفي من على الخريطة ..

فلا حل إلا أن يلتزم الناس بحاجة اسمها الدين .... وعلشان تعرفهم يعني ايه دين .... يبقى انتظر ليوم الدين بقى .....

إما اصحاب الالتزام الصحيح .... كان الله في عونهم .. وهم قليلووووووووووووووووووون .. إلا من رحم الله .

اوووووووووووف حاجة تقرف ....

اللهم اني اسألك اللاعودة إلى حديقة الـ ح

اللهم

آمين آمين آمين

رجال الشرطة هم اهلنا و لا احد يقبل ان تتناولهم بالسب يا استاذ ( نفسى احبها ), كما تم حذف إهانة لشعب مصر من مداخلتك, رجاءً الإنتباه الى ما تقول فضلاً منك.

الإدارة

تم تعديل 19 يونيو 2006 بواسطة وليد صفوت

[صبح]

السلام عليكم ورحمة الله وبركاته

ياعم mzohairy صباح الخير

شكراً للرافعي على علبه الملبن ..... العيال كلوها قبل ما اذقها .

وياعم mzohairy الراجل كريم واحنا نستاهل عايز يديني علبه بحالها .... خليه ...

اما بقى الراجل بتاع سلك التليفون ده .

ومن باب تهدئ النفوس يعني واحنا جايين نصالح ونهدي النفوس .

انت وانت قاعد في البلكونة كده تجبلك سوباطة موز .. وتاكل وترمي ناحية السلك ،

ومفيش مانع لو تقدر تجيب زيت عربية قديم وتلمع تحت منطقة السلك .

علشان اخونا الحاقد على السلك ده .... لما يقرب من المنقطة .... يعمل اكروبات هوائية مع فصل الديسك في الهواء قبل السقوط .

طبعاً بعد الشر عليه .... ده مزحه ... انت اعقل من كده .

اصحاب العقول في راحة .

والدنيا مليانة عقول .

وعلى فكرة ده فاضحك في كل مكان ، وفي كل قاعدة عمال يقول شوفوا ياخواتي الناس ، معندهاش زوق ولا احترام للآخرين طبعاً ده من وجهة نظرة

وماسك الموضوع ده لبانه في كل قهوة وكل مجلس .

وعمال يحكي للناس انه قارفك وكل لما يروح يلاقيك حاطط السلك ، وهو بكل جرأة وجسارة يقطعه ، وانه نفسه يشوفك وهو بيقطعه او تفتح بقك

وانك مش قادر تتكلم ، وتيجي تقوله انت بتقطع السلك ليه ، طبعاً كل ده عن لسانه في المجالس ، وللمدام بتاعته طبعاً علشان يفهمها انه

لسه بصحته وجبار زي زمان ، وان العصايا أم عضلات اللي في ايديه ممكن تعمل شغل في اي موقف .

يعني بالعربي .... الأيام ده الناس كلها بدون استثناء ... شايفة انها هي اللي صح . واصبحت مفيش معايير ولا ضوابط عند الناس تحدد

مين الصح ومين الغلط ، الصح والغلط نسبي عند الناس كلها بدون استثناء ، وحسب الموقف ، وحسب المووووووووووود ،

وحسب قرارات حسني مبارك ...

ولكن المعيار الوحيد الذي يضبط سلوك الناس ويضع الحكم الصحيح ، هو الشرع ، الدين ، أحكام الله ، اعرض فعلك على الكتاب والسنة

وستعرف اذا كان صحيح أم لا ، ولكن هيهات في هذا العصر ... إلا من رحم الله .

فأصبح الدين في واااااااااااااااادي ، وسلك التليفون في وادي تاني ، ولا عزاء للمشتركين في الاتصالات ...

وتصبحوا على خير ...

قبل ما تناموا انا ليكم عندي حته حكاية عجيبة جداً والله لازم احكيها واصدع دماغكم معلش علشان تعرفوا الناس جرى ليها ايه .

(((((((((((( اسود وتعالب وأرانب ))))))))))))))))))))) كلامك مضبوط في الجون 100% وهي ده الحقيقة .

الأخ مهيب ((((((((((((((( تشترى احترامك بفلوسك )))))))))))))))))) وتشترى راحتك ومصالحك واحتياجاتك الضرورية والنفسية

وتحمي نفسك وأولادك ، وتحمي نفسك من عض الآخرين وهوهو الآخرين بالفلوس ... وكل ذمه اصبح ليها ثمن .....

إلا من رحم وهم قليلون جداً ..... جداً جداً ..... وإما حيموتو . او يتحولوا كالآخرين .

اةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةة يا صبح .

وجعتلي قلبي والله العظيم بحكايتك ده ... ودمي غلي واتعصبت زيادة وكرهتها اكتر واكتر واكتر

انت ازاي تدخل قسم شرطة .. انت ما تعرفش ********* اللي بتشتغل في الأقسام ده ولا ايه ، بداء من رتبةامين زبالة

حتى اخر رتبة في زبالة الداخلية كلها .

بس في الاخر فهمت انك عندك واسطة في الداخلية عقيد علشان كده جالك قلب تدخل قسم الشرطة ، وشفت بقى لما الوسطة اتكلمت

عملوا زي الكلاب الجبانة ازاي ...

واعرفك انك ربنا لطف بيك ولو مش كان عندك واسطة وكنت فتحت بقك شوية وقلت حاجة والله العظيم كنت دخلت العمبوكة

جوه .. مع اكبر مجرمين .... وساعتها تعرف ايه اللي بيحصل جوه هذه الغرفة ... ولو مش عارف انا ممكن اقولك التفاصيل من واحد دخل وجرب

دخول هذه الغرفة في أحد الأقسام وطلع هو ده النظام المتعارف عليه في زنزانة اي قسم في مصر كلها ...... ربنا يحرقهم بجاز ووسخ ...

كلمة وسخ ده يعني غير نظيف ... ومفيهاش حاجة خارجة عن الأمن العام ولا النظام العام ولا المدير العام حتى ... يعني بتعبر عن حالة

الكاتب من قرف تجاه الوضع ، وعن حقيقة الوضع أصلاً انه مش نظيف خالص خالص .... لكن كلمة مش نظيف لا تعبر عن الوضع .

المهم .

شفت بقى الناس احترموك ازي ... عارف ليه .... صدقني لانه شعب ***** ... وده صفة هذا الشعب 99% ، لان الحكومة والنظام

قدروا يمسخو الشعب كله عقولاً ونفسياً .

وفعلاً الميكانيكي على حق .... فالبلد ليس فيها قانون ، ان القانون الموجود حالياً لا يطبق إلا بالواسطة او يطبق على الغلبان ،

ولهذا وضع النظام القانون ، ليطبق على الغلبان فقط الذي ليس لديه عقيد في الداخلية ، او كارت واسطة ، او أمين شرطة في القسم

انت لم تكن في حاجة لعقيد في الداخلية ، فإن ما فعله عقيد الداخلية يمكن ان يفعله أمين شرطة في القسم ، بالعكس ده أمين الشرطة

ممكن يعمل اكتر من كده ... ويخرق جميع القوانين الموجودة .

انا قلتها قبل كده ... الحل انها تختفى من على الخريطة .... ومفيش صلاح ولا إنصلاح

ده غابة وعايش فيها ديابه .... ده حديقة ............ كبيرة قوي قوي قوي ... وحاكمها قطيع من الـ ك و ح حاكمين شوية غ في نظرهم طبعاً

وإذا لم تختفي من على الخريطة ..

فلا حل إلا أن يلتزم الناس بحاجة اسمها الدين .... وعلشان تعرفهم يعني ايه دين .... يبقى انتظر ليوم الدين بقى .....

إما اصحاب الالتزام الصحيح .... كان الله في عونهم .. وهم قليلووووووووووووووووووون .. إلا من رحم الله .

اوووووووووووف حاجة تقرف ....

اللهم اني اسألك اللاعودة إلى حديقة الـ ح

اللهم

آمين آمين آمين

رجال الشرطة هم اهلنا و لا احد يقبل ان تتناولهم بالسب يا استاذ ( نفسى احبها ), كما تم حذف إهانة لشعب مصر من مداخلتك, رجاءً الإنتباه الى ما تقول فضلاً منك.

الإدارة

يا ابنى انت زي اما تكون عايز جنازة وتشبع فيها لطم <_<

بالراحة شوية

ال 99% دول أبويا وأمى و أخويا وأختى

زي ما قلت لك قبل كدة فى أحد المواضيع

مش عايز تحبها انت حر

بس بلاش الأسلوب ده

عييييييييييييييييييييييب

:blink: mfb:

تم تعديل الإقتباس لتعديل الأصل ..

الإدارة

[ايهاب سالم]

نفس الكلام اللي قالوا لك صبح

قلت له لك قبل كده يا نفسك تحبها

و غيرنا كتير

يا سيدي ما تحبهاش و ريح نفسك

بس بلاش شتيمه في أهلك و أهلنا

و مسيرك هترجع و هتعيش جوه و هتبقى واحد من اللي بتسميهم ..........

[hopsan]

شفت بقى الناس احترموك ازي ... عارف ليه .... صدقني لانه شعب ****... وده صفة هذا الشعب 99% ، لان الحكومة والنظام

يا اللى عايز تحبها و مش عارف ...

اعتقد والله اعلم انك مش عايز تحبها اصلا و عملت زى اللى رقصو على السلم لاعارف تحبها ولا قادر على بعدها ...دى مشكله صعبه و انا حاسس بيك ....يمكن علشان لما احلل شخص ( و دى هوايه مش احتراف ) مش بنظر للأمور السطحيه و أأخذ كلامه على محمل الجد وانما اقرأ ما بين سطوره ...فأنت انسان طيب و اللى فقلبه على لسانه دون مواربه و سريع الغضب و عندك نزعه السخريه و بتحب البلد ولا شك ....و لكن هناك ما يعرف بالطابور الخامس من ابناء جلدتنا و انت لست منهم و حاشا لله و لكن دون ان تدرى فقد اصبحت الوقود لهذا الطابور بإسلوبك الإنفعالى ..و انا نصحتك و النصيحه لله فى مداخلتى السابقه بأن تخلع عنك النظاره السوداء لترى البلد بصوره افضل و تستطيع نقدها بموضوعيه اكثر و هناك سبب هام ايضا ..بالتأكيد انت خارج مصر و عندك الإحساس بأنك تملك كل الحريه فى النقد بأى اسلوب انت تراه مناسب و انسب الأساليب بالنسبه لك هى هذه الطريقه ....الا تعتقد معى بأن من الشهامه عندما تملك كل الصلاحيات فإن اخلاقياتك تمنعك من الإنسياق خلف العواطف و الإنتقام فعندما تنعت شخص ما بكلمه سؤ و تعلم انه لن يطالك فهل هذا يريحك..؟..إسأل نفسك هذا السؤال و لا اريد منك اجابه

للمره الثانيه تسب البلد و رأيت بنفسك مدى امتعاض الآخرين من اسلوبك فأنت اصبحت مميز و لكن بطريقه المشاغب فأتمنى عليك يا اخى ان تراجع نفسك قبل ان تسطر اناملك بكلمه سؤ للبلد ..انت تضررت منها و لا الومك و لكن الذين ضروك كانو افرادا و اخذت الشعب كله بجرم هؤلاء الست معى فى انك ظلمت اناس لا ناقه لهم ولا جمل فيما حدث لك ..انا احتكم لضميرك ...لا لشىء آخر ...و لك منى كل التحيه و اهلا بك فاعل مفيد فى هذا المنتدى الراقى الذى يحوى فى جنباته صفوه الناس و الذين ايضا لهم كل الحريه فى النقد و لكن بإسلوب بشعر الآخرين بأنهم يعشقون البلد

تم تعديل 19 يونيو 2006 بواسطة se_ Elsyed

[اسود وتعالب وارنب]

ياجماعه مع قسوه (نفسي احبها) لازم الاول تجربوا المعالجه المنليه اللي بتشفوها واحد فيكم يجرب يعيش في مصر بدون ظهر نهائي او بدون فلوس وساعتها حتعرف قيمة نفسك وحتشوف المجتمع من جهة تانيه خالص ساعتها فقط مش حيكون لك حق في اي حاجه ويمكن بيت كمان وصدقوني انا شخصيا مريت بتجارب عديده عرفت ساعتها ان المثل اللي بيقول اللي ملوش ظهر يضرب علي بطنه حتي لو له حق ماكد

[مهيب]

ليست محاولة اضفاء لمعة من النقد و الثقافة و هز الرأس فى حكمة على انعدام الوطنية يعتبر حصافة رأى بأى حال من الأحوال ..

أى جاسوس أو خائن ممن خانوا مصر و قبض عليهم و حكم عليهم بالاعدام قد رأوا أن البلد سيئة و غيرها أفضل بكثير ... و لكنهم (واسمحوا لى) لم يجتروا تعاطف أحد

وقد قلت من قبل .. الأخ (نفسى أحبها) يقر من اسمه و بشكل واضح للغاية و منطقى للغاية أيضا أنه لا يحبها ... و أنا أعتقد أن هذا هو الشىء الوحيد الذى يجب أن يتوافر في الأعضاء هنا ... كلنا ننتقد و نناقش و نسخط على الأوضاع .. لكن ليس منا من يقر بأنه يكره مصر ... حتى الأعضاء الغير مصريين هنا نحن متأكدون من حبهم لمصر حتى و ان نقدوا أوضاعها ..

أما الأخ (نفسى أحبها) فقد أخبرته من قبل .. لا يوجد أحد يتمنى حب شيء ما ... أنا أكره عصير البرتقال .. و لم أتمنى يوما بينى و بين نفسى أن أحبه .. أنا أكرهه و هذا يكفى ... و بالتالى نفهم أنك بما أنك (نفسك تحبها) اذن أنت لا تحبها ... لا تأت الينا سيدى الفاضل و تخبرنا بأنك لا تحب والديك .. و لا تعرف ماذا تفعل بالرغم من وصاية الدين لك بأن تحبهما .. تلك ليست مشكلة ...

قلت لك من قبل أيضا .. لا تعتقد بأن الولع الشديد بالنقد و تبيان المشاكل عند الكثيرين من أعضاء المنتدى سيجعلهم يتجاوبون معك ... صدقنى .. هم مثقفون و عقلاء و يعشقون مصر عشقا ... ونقدهم ليس الا محاولة لتصحيح الأوضاع ... لكنهم لا يتساهلون مع من لا يحب مصر .. و لا يتعاطفون معهم (حتى و ان ادهشك هذا) .. و لا يجرفهم تيار النقد الى تأيدهم الرأى.

أعتذر عن اللهجة القاسية ... لكننى حقا لا أستطيع أن أبتلع موضوع (نفسى أحبها) هذا

مهيب

[se_ Elsyed]

يعنى دلوقتى س س من حقه يروح يقتل الجار السعودى ده انتقاما لبلوف البسوس بتاعته :)

تبقى تصدقي بالله يا خنساء .. قصدي يا كليو ؟

لما شوفت منظر العربية وهي مريحة على الأرض ونايمه في حالها .. طلعت العمارة تاني وصحيت أخو مراتي عشان يا إما أخد عربيته أو ييجي يوصلني .. وعرف اللي عمله المتخلف ده راح نازل بالشورت والفانلة وعايز يولع في عربيته لولاش حوشته ... الأنكت من كده بقى .. أنا عندي أخ أصغر مني هنا بس ده بيشتغل على تقيل في البلطجة وأول ما عرف راح قايل لي : بس كده دمه حلال وهانييجي النهاردة نوريه نفسه ..

لكن أنا ومع عصبيتي .. ضد تصعيد الأمور بالشكل ده .. لإن الشيطان بيتدخل ويشعللها زيادة وممكن تتطور الأمور وتصل إلى ما لا يُحمد عُقباه ..

العجيب بقى إن في عربية كاديلاك صاحبيها راكن ركنه غبيه بيني وبينكم قدام باب الفيلا على طول .. والأشوس راح مريح له الكاوتشات بتاعتها .. والتاني ما صدق وبقى لها 3 أيام مركونة ومتسنتره قدام باب الفيلا على طول وسادد عليه المياه والنور وكإنه بيعاقبه على اللي عمله .

----

شعنونة كتبت

لو كنت رحت اشتكيت عليه في الشرطة كانوا ها يقولولك الحق معاه وانت الغلطان

وجرب وقولي

لأن دي حاجا متعارف عليها زي حق مكتسب كدا هناك...

لأ معليش يا شعنونه .. الواحد لازم يقول الحق ... طالما الواحد مش واقف وسادد باب البيت أو مدخل الجراج .. فالشرطة بتعتبر المساحة اللي قدام أي بيت هي ملكية عامة .... وحصلت كثير جداً .. وماحدش يقدر يشتكي إلا في الحالتين اللي ذكرتهم .. وعلى فكرة حاجة تفريغ الإطارات أو إيذاء السيارة من أي نوع تُعتبر جريمة يُعاقب عليها القانون هنا .. وحتى لو الشخص اللي عربيته إتأذت إتنازل يظل حق الدولة موجود ولابد من عقاب الجاني ..

وده لسه حاصل زي ما حكيت لكم من حوالي كام شهر وقدام عيني مع نفس أخو مراتي الفقري لما كنا في أحد الحدائق وفي فيلا مقابلها وطلع صاحب الفيلا ممسكاً شاكوش بيده وحطم 3 سيارات من اللي راكنه قدامه .. وجت الشرطة أخدته من غير ما حد يقول أصله راكن قدام بيتي ولا قدام غيطي .. لإنهم قالوا له في البداية إن الشارع ملك لدولة ... ودفع صاحبنا للـ 3 سيارات وإحنا منهم ما يعادل 2000 دولار للتصليح .. وتنازلنا .. ولكنه دخل في مشكلة أخرى وهي تتعلق بحق الدولة .

[se_ Elsyed]

رجاء لجميع الأخوة

إلا مصر

بس خلاص وياريت تفهموا معناها

واللي عايز يشتم ويُصر في كل مداخلة على إستخدام ألفاظ غير مقبولة لوصف شعب من أعرق شعوب العالم .. فمكانه مش هنا .. ممكن يروح منتديات صهيونيه أو مُعادية ويقول اللي هو عايزه ..

أما محاورات المصريين فهي باينه من عنوانها ... فهدفها هو حب مصر والمصريين .. والإصلاح والتقدم لا يأتي إلا بالحُب أولاً ... عمرنا ما شوفنا حد بيكره بلده وفي نفس الوقت بيتمنى لها الخير .... لإن البلد هي الأهل .. هي حنان الأم ورعاية الأب ودفء العائلة ..

بالمناسبة .. أكثر من 90 % من المشاركين في هذا المكان المحترم يعيشون في مصر .. وبالتأكيد معظمهم ما بيمشيش في الشارع وكرت الواسطة في جيبه ومع ذلك ما يّذكر عن الإهانة أو عدم إحترم أدمية الإنسان هو قليل مقارنة بالعدد الإجمالي .. وإلا كنا بقينا زي الصومال أو كمبوديا مثلاً بتاعت الخمير الحُمر ...

فرجاء أخير

نرجو عدم إستفزاز أبناء هذا الشعب الكرام بمثل تلك الألفاظ والتعميمات

وياريت نوزن كلامنا قبل ما نكتبه

وأخيراً : حب مصر ده مش حُقنه هاتاخدها بالعافية .. اللي عايش بره طول عمره وفرحان بجنسية بلد أخرى ... هنئياً له ومش مطلوب منه يحب بلده أو أهله بالإكراه .. وهي كمان مش هاتحبه .. وأنا متأكد إن في وجود تلك المشاعر فبالتأكيد ترابها وأرضها سيلفظوا جسده إذا كانت أخر أُمنية له أن يُدفن في أرضها ... وأعتقد إن مقابر اليهود أو مقابر الغرباء عديمي الهوية ماليه العالم كله .. وممكن تكون ببلاش كمان

[صبح]

رجاء لجميع الأخوة

إلا مصر

بس خلاص وياريت تفهموا معناها

واللي عايز يشتم ويُصر في كل مادخلة على إستخدام ألفاظ غير مقبولة لوصف شعب من أعرق شعوب العالم .. فمكانه مش هنا .. ممكن يروح منتديات صهيونيه أو مُعادية ويقول اللي هو عايزه ..

أما محاورات المصريين فهي باينه من عنوانها ... فهدفها هو حب مصر والمصريين .. والإصلاح والتقدم لا يأتي إلا بالحُب أولاً ... عمرنا ما شوفنا حد بيكره بلده وفي نفس الوقت بيتمنى لها الخير .... لإن البلد هي الأهل .. هي حنان الأم ورعاية الأب ودفء العائلة ..

بالمناسبة .. أكثر من 90 % من المشاركين في هذا المكان المحترم يعيشون في مصر .. وبالتأكيد معظمهم ما بيمشيش في الشارع وكرت الواسطة في جيبه ومع ذلك ما يّكر عن الإهانة أو عدم إحترم أدمية الإنسان هو قليل مقارنة بالعدد الإجمالي .. وإلا كنا بقينا زي الصومال أو كمبوديا مثلاً بتاعت الخمير الحُمر ...

فرجاء أخير

نرجو عدم إستفزاز أبناء هذا الشعب الكرام بمثل تلك الألفاظ والتعميمات

وياريت نوزن كلامنا قبل ما نكتبه

وأخيراً : حب مصر ده مش حُقنه هاتاخدها بالعافية .. اللي عايش بره طول عمره وفرحان بجنسية بلد أخرى ... هنئياً له ومش مطلوب منه يحب بلده أو أهله بالإكراه .. وهي كمان مش هاتحبه .. وأنا متأكد إن في وجود تلك المشاعر فبالتأكيد ترابها وأرضها سيلفظوا جسده إذا كانت أخر أُمنية له أن يُدفن في أرضها ... وأعتقد إن مقابر اليهود أو مقابر الغرباء عديمي الهوية ماليه العالم كله .. وممكن تكون ببلاش كمان

برافو :) ;)

[مهيب]

و أنا أتفق مع س س تمــاما ...

مهيب