تصرفات حيوانية تحرق الدم

[بنت شعنونة]

س س

بحبك من زمان

وبحترمك من زمان اكتر

:angry2:

جملتك النهاردا

" الا مصر"

جعلتني اقشعر

رعبا او خوفا او رهبة او كرامة

ما تعرفش

بس بجد

مع اني كنت ناوية اكون وسطية في ردي لأننا كلنا تعبانين وماحدش مرتاح ف كنت ناوية ابقى بينكم وبين الأخ "نفسي" في الرد

لكن لما قريت ردك وخاصة " الا مصر"

رجعت لصوابي في اقل من ثانية.. :huh:

ربنا يحمي مصر باللي زيك :) :sad:

" بقين نفااااااااااااااااااااااااق من العيار التقييييييييييييييييييييل" :D ;)

[nancy]

كل يوم باكتشف فيك حاجة كويسة :)

وكيد كلنا بنحب مصر حتى الى بيتنرفز عليها ممكن يكون من زعلة عليها

بس برضة انا معاك الا مصر

[hopsan]

كفايه كده يا جماعه ..اللى نفسه يحب مصر و مش قادر تم ذبحه على المنبر مائه مره ...اكيد الرجل له وجهه نظر و إن اساء التعبير فلا مزايده على مصر و ايضا لا مزايده على حب الشخص لمصر فالرجل لو كان كاره للبلد لما كلف نفسه بالدخول لهذا المنتدى ليجد الجميع يذوبون فى حب هذا البلد الآمن فبدل ان نكيل له الإتهامات جزافا و ننعته بأنه الكاره فلنحتكم لهويتنا و لا ننبذ فرد اساء و بدون قصد مصر المحروسه فأكيد له وجهه نظر و مشكله ...لذلك ارجوه أن يرتكن على شجاعته ويسرد قصته و نحن لسنا القضاه حتى ننزع عنه مصريته فالحب لا يأتى ببطاقه مكتوب عليها مصرى و لا هى حقنه كما ذكر اخى س س و انما هى ايام و عشره و جين و دم و اهل وارض و اشياء كثيره لا نعلمها و انما نشعرها فأنا لست مع من يطيح به لمجرد ان سب و انما ننصح و نصحح و نذكر ...فالمصرى غالى و لا نتركه بسهوله ليذهب منبوذا.... لسنا نحن بطاردين ابناءنا و انما نأخذه فى حضننا و نشد على اذنيه و نسمع منه و نصحح له ..و كفى ...كلامى هذا لا يتعارض مع مداخلتى السابقه له و انما استكمال لما ذكرت ...

[عبدوس الوزير]

بص يا سين سين

انت معاك حق، إلا مصر، ومفيش حد من حقه انه يتطاول عليها

واختلف مع "نفسي أحبها" في كثير مما ذهب إليه، في هذا الموضوع وفي غيره

بس فيه جملة واحدة استوقفتني في رد نفسي أحبها وهي

"وساعتها تعرف ايه اللي بيحصل جوه هذه الغرفة"

وده لأني شفت مقدمات ما يحدث في هذا الغرفة في ليلة رحت فيها القسم. وطبعا لن أتوسع لأسباب معروفة.

بس بصراحة، بصراحة،

لو أنه حصلي أنا اللي أنا شفته كنت قلت زي اللي قاله نفسي أحبها وأكتر

وكون أنه حصل لغيرى ومحصليش وبعد كده أقول "إلا مصر" وماسمحلوش أنه يقوله يبقى أنا بصراحة في خلل في معايير الصدق عندي.

لأنه بتيجي لحظة ويكون كلمة "إلا مصر" غير ذات معنى بعد ما اتمرمطت كرامة الإنسان ـ بالمعنى الحقيقي لا المجازي ـ بواسطة حراس مصر.

والسلام.

[se_ Elsyed]

أنا بأتمنى إن اللي لسه ما تجوزش من زملاء وأحباء المنتدى إنه يتجوز

واللي إتجوز ولسه لم يُرزق بأولاد ربنا يارب يرزقه بأولاد يظبطوه

واللي عنده أولاد وماشي يكلم نفسه ومتظبط زي حالاتي يحكي لنا عن تجاربه .. ;)

فهل الأب والأم لما بيعاقب أولاده وساعات بينفعل عليهم .. هل هو كده بيكرههم ؟ ولا دي ساعات بتبقى لحظات إنفعال وقتية مؤقتة .. وفي النهاية بيقول " أنا أدعي على أبني وأكره اللي يقول أمين " ؟

وفي نفسي الوقت برضوا نلاقي مشاعر الأبناء اللي ساعات بيشوفوا إن دي قسوة وجفاء من الاباء ... عمرك سمعت كلمة أن بأكره بابا أو ماما ؟

أهو إحنا كده .. مصر بتقسو علينا - ساعات ولو إن ما فيش وجه للمقارنة بين حكومة ديكتاتورية ظالمة زائلة إلى مزبلة التاريخ ..وبين مصر الأم اللي إحنا جايين من ترابها ... نكره الحكومة آه ... ونلعن أبو خاش الظلمة جايز ... لكن نكره مصر الأرض والنيل والجو ... لأ

والله .. والله يا جماعة وإحنا زي الإخوات ... أحد إخوتي وهي بنت مش راجل يعني إنوثة ورقة البسكويت ومش حِمل بهدلة .. هي أصغر مني بـ 3 سنوات وأقرب إخوتي لي .. .. فالبنت بقى لها فترة مُصره ترجع تستقر في مصر بشكل نهائي مع إنها والحمد لله عايشة عيشة الملوك في الدنمارك وزوجها ما شاء الله رجل أعمال محترم وبقى له أكثر من 15 سنة هناك وهي لها حوالي 8 سنوات .. ومع ذلك مافيش على لسانها غير : يا عم أنا نازلة مصر السنة الجاية أربي أولادي في مصر وسط أهلهم .. لإن العيال مش باين لهم شكل ولا لون مع إنهم بيتكلموا عربي لا بأس به .. ولما اقولها إنت فقريه ما تخليكي عندك وترجعي لما يحلها ربنا .. لكن هي وزوجها مُصرين على الرجوع بشكل نهائي ....

دي حالة من ضمن ملايين الحالات ... الموضوع مش فلوس وبس ... ولا عيشه حلوه وبس .... قد تكون من وجهة نظر بعض الناس هي كل شيء .. لكن ناس كثير وكثير قوي كمان ... في حاجات مُكملة عندهم للفلوس والبيت الحلو .. وهي على سبيل المثال ... الروح واللمة على الطبلية - ماحنا مش بننسى أصلنا برضوا مهما وصلنا ولا علينا - وزيارات العيد ... ولا الواحد لو عيي أو حصل له ظرف طاريء وتلاقي أمة لا إله إلا الله داخلين خارجين عليه يرفعوا من معنوياته أي نعم ساعات بيفطسوه لكن مش مهم ...

إحنا نسمع عن الشوام أو جنسيات كثيرة طبع الهجرة بيجري في دمهم والبلد اللي بيحط رحاله فيها بتبقى دي هي بلده وتلاقيه كمان بيتطبع بطلع أهلها ويمكن يلبس زيهم لو لهم زي خاص .. لكن المصري .. أنا ما شوفتش لحد دلوقت

وحتى مشاعرنا إحنا المغتربين في الخليج .. فنحن لا نعتبر مغتربين بالشكل المتعارف عليه ... لإن كثير مننا تلاقية كل كام شهر ناطط هناك ... ومافيش حد بيشتغل في الخليج ويقول أنا خلاص أستقريت هنا ...

وزي ما قلتها قبل كده وماهيش شعارات جوفاء ولا كلام أغاني ... ده الواحد يوم ما يندفن في بلده بتبقى نعمة من ربنا وتحس إن جثمانه مرتاح في تربته .. مش إحنا بنقول كده في الفلاحين ؟

وبعدين أنا فاتح موضوع وفيه كوتشات وبنشر وبلف ومنفاخ .. إيه اللي خلاه يحود على التُرب والكلام ده ؟ :) :angry2:

كفايه كده يا جماعه ..اللى نفسه يحب مصر و مش قادر تم ذبحه على المنبر مائه مره ...اكيد الرجل له وجهه نظر و إن اساء التعبير فلا مزايده على مصر

يا سعادة القُبطان

لو إتكلمنا على مستوى المُنتدى .. عمرك ما هاتلاقي الباب أتقفل في وش أي حد سواء عضو يريد أن يكون منتظم ومدام على المشاركة .. أو حتى عابر سبيل وأتحدى من يأتي بأمثلة اللهم الا اللي ما بيحترموناش ..

لكن الأستاذ نفسي أحبها - ومش قادر - له 55 مداخلة معظمها من نفس العينة ... فهو بيكره مصر .. طب إحنا ذنبنا إيه ؟ وليه الشتيمة والتطاول على بلدنا اللي إحنا جزء منها ؟

يا أخي ده مافيش غريب ولو صهيوني حتى يقدر يقولها في وش الواحد لإنه عارف مصيره وأبسط شيء هايلاقي الواحد خلع اللي في رجله وأعطاه أزواجاً وافراد وده أقل واجب

يقوم ناس المفرض إنهم مصريين ييجوا ينعتوا شعب وبلد إنهم كذا وكذا

أيوه أنا معاك ممكن يحصل لي موقف معين مع الشرطة أو مؤسسة حكومية ...فهل ده يعطيني الحق أروح أجيب صفيحة بنزين وأولع في البلد كلها بما فيهم أهلي وابي وأمي ؟

[عبدوس الوزير]

يا سين سين انت بتقارن ما بين موقفين مختلفين خالص

أنا إن شاء الله بإذن الله نيتي برده إني أرجع مصر في أقرب فرصة بإذن الله مع العلم إني ماليش واسطة ومش عارف إزاي هقعد على البسطة زي ما حصل مع أخونا صح. السبب برده إني أربي ولادي وسط أهلهم وإني آخد بالي من أمي في اللي باقي لها من عمرها

بس انت لما تقول إن ضرب الأب لأبيه مماثل لصول ينتهك عرض مشتبه فيه ـ ولو كان من عتاة الإجرام ـ يبقى اسمح لي، مفيش وجه للمقارنة

الموضوع ماهواش لا جاسوسية ولا يحزنون. الموضوع ماهواش برضه قسوة الأب وحنان الأم

الموضوع هو: هل حب الوطن أعز على الواحد من كرامته كبني آدم؟ ومش قصدي كرامته انه يتبهدل في المواصلات أو في المصالح الحكومية، قصدي محدد كما ألمحت إليه سابقا

والسلام.

[mohameddessouki]

أحياناً كثيرة يتخلى الإنسان عن سلوكه الفطري السوي الذي خلقه الله به ويُصر على أن يتقمص دور حيوان همجي لا يعرف الأصول أو أدنى مباديء الأخلاق

هذا الصباح وعلى الريق تعرضت لموقف زبالة أول مره أصادفه في حياتي ... فبالأمس كنت أبيت عند نسيبي حيث كلانا يمكث بدون عائلة وبالتالي بناكل مع بعض ونتفرج على المباريات مع بعض شويه عندي في بيتي وشويه في بيته .. فالمهم رجعنا البيت بالليل وهما عندهم باركنج خاص بالسكان تحت العمارة فلم أشأ أن أعتدي على مكان مخصص لأحد فقلت له أركن أنا فين دلوقت ؟ فقالي إركنها قدام الفيلا المُقابلة وهي فيلا كبيرة واخده ناصيتين فأخترت أحد الأركان البعيدة وركنت عربيتي قدامها بعيداً عن الأبواب وبعيداً عن الجراج الخاص بهم ..

وفي الصباح أُفاجأ بإن الحيوان صاحب هذه الخرابة قد جعل الكاوتشات على الأرض بعد أن أفرغها من الهواء عقاباً لي ، وفي إعتقادي إنه تصرف لا يقل همجية أو حيوانية عن الحيوانات نفسها ... فهذه أول مره يرى فيها سيارتي وكان من الآولى لو وضع ورقة صغيرة ليطلب عدم ركنها مرة أخرى هناك .. فما العمل إذا كان صاحب تلك السيارة لدية طفل مريض أو لدية ظروف طارئة في الليل ؟

وهل هو نفسه وهو يتحرك ليل نهار يكون حاملاً موقف خاص في جيبه ويستخدمه أينما ذهب ؟

وأنا أؤيد هذا التصرف لو كان فيه إعتداء على حرية الغير كأن تكون السيارة موجودة أمام باب البيت أو أمام مخرج الجراج ... لكن المكان خالي تماماً وهو يملك سيارة واحده فقط يركنها في مكان بعيد أمام بيته فهل هذا تصرف مقبول ؟

والله ثم والله .. أنا شخصياً أمام بيتي ويومياً اجد أُناس غُرباء يستخدمون المواقف الخاصة بنا .. ولكن أُفضل على أن أركن سيارتي بعيداً على أن أأذي أحد قد يكون لديه ظروف خاصة ...

منذ عام ونصف تقريباً أتصلت بي زوجتي في العمل وقالت بإن إبني الصغير الذي لم يتجاوز العامين حرارته مرتفعة جداً ولابد للذهاب إلى المستشفى .. والمستشفيات في هذا الوقت من الصباح بتكون خالية وليس هناك ضغط كبير عليها ... وأمام تلك المستشفى موقف سيارات يتسع لما يزيد عن 300 سيارة .. ويشاء السميع العليم إن واحد أعمى القلب والبصيرة يترك تلك الأماكن جميعها ويقوم بوضع سيارته في قلب الطريق وخلف سياراتي تماماً .. وكان الطبيب قد نصحنا بالرجوع إلى البيت فوراً وعمل حمام بارد للولد والمواظبة على جرعات الدواء .. وكنا في الصيف والحرارة شديدة جداً ومكثت في السيارة أكثر من 10 دقائق وهذا المتخلف داخل المستشفى وكان قد ترك عائلته بالسيارة وأنا أكاد أُجن فذهبت وتحدثت إلى زوجته التي قالت لي يُمكنك أن تقود السيارة وتضعها في مكان بعيد وبالفعل فعلت ذلك ... أما لو كان واحد من تلك النوعية الغبية فكان زمانه أبلغ الشرطة أو حطم هذه السيارة باللي فيها ..

ولكن يا اخي إلتمس لأخيك 70 عذراً .. والله أعلم بظروف الناس ....

والحمد لله اللي بيسخر لنا ناس بيساعدونا فلقد جاء نسيبي وأوصلني بسيارته .. وأعطيت المفاتيح للسائق ليُصلح ما افسده هذا الحيوان عديم الإنسانية ..

اول ماقلت تصرفات حيوانية وانك رحت تتفرج غلى الماتش على طول افتكرتك حا تتكلم عن تصرفات مرتضى منصور

وعلى فكلرة اية راى الاخوة ؟

انا مش غاوى كورة لكن اشجع الخلق البشرية وارفض ان يرجع الانسان الى ان يكون حيوان يختلف بدراعه وليس بعقله

[hopsan]

عزيزى سى السيد

لكن الأستاذ نفسي أحبها - ومش قادر - له 55 مداخلة معظمها من نفس العينة ... فهو بيكره مصر .. طب إحنا ذنبنا إيه ؟ وليه الشتيمة والتطاول على بلدنا اللي إحنا جزء منها ؟

لو صح كلامك ....هنا اقول و بالفم المليان لا و الف لا

انا كنت معتقد انها مداخلتين و جمله فى سطرين و الراجل فاهم غلط و طلع اللى مكنون فى صدره و لم يجد صدر حنين يتسند عليه و ملاقاش غير المنتدى ده اللى كل اعضاءه ذوى القلب الكبير و الصدور الحنينه ..قام مديها و فلت الكلام منه غصب عنه و نقول معلهش ...هذا كان ظنى .......( اتابى ) على قوله المصاروه الراجل ده...راجل ايه ؟؟؟ اتابيه مبيحبش مصر ..اما انا كنت ساذج بصحيح ...شوف يا س س النوعيه دى انا قابلتها فى امريكا ..تذكر يا سيدنا الناس اللى هاجرت من مصر لأمريكا ايام السادات و فتحت لهم باب الهجره على مصرعيها و كان الغالبيه العظمى منهم اقباط و كانو يدعون الإتضهاد الدينى و هم موهومون بذلك على الرغم انه لا توجد دوله فى العالم يوجد بها تسامح دينى مثل مصر و لكن اولاد الإيه بيحطو الأسفين كل مالحاله تهدأ ...هؤلاء من نفس النوعيه إن كنت ازعم انه منهم ...قابلتهم و كنت مستغرب الكره الغريب للبلد و كأننا نعانى الكره من اشقاءنا العرب و من بعض ابناء جلدتنا و الذين أقصدهم بالطابور الخامس و كان ناقص افرك عينى و انا اسمع من احدهم فهو يتكلم المصريه بطلاقه و يتعمد كثيرا الكلام بلإنجليزيه و اقسم بالله العظيم و كان احدهم بيعمل لى اوراق الجنسيه و لما قلت له المبلغ ( نظير خدماته و تسهيل سير الأوراق ) كبير و احنا مصرين زى بعض ولازم نشيل بعض فقال نشيل بعض ممكن و انما مصرين لا و قال بالحرف الواحد ..بلإنجليزيه نحن بصدد عمل يا صديقى و رددت عليه بنفس اللغه عمل ممكن ...صديقك لا فماكان منى إلا و سحبت منه الأوراق و ذهبت لشخص آخر ( من جواتيمالا ) و كان ارخص منه و لكن الغصه ملأت قلبى و حكيتها لكل من اعرفه هناك و كان الجواب كبر دماغك حتلاقى هنا العن و اضل سبيلا...و بالفعل وجدت ما يحكون عنه و ايضا وجدت على الطرف الآخر من يذوب عشقا فى البلد و تدمع عيناه عندما يذكر اسم مصر ...

اذكر واقعه اخرى و قد ذكرنها فى منتدانا هذا عن شخص و يدعى محمد الفايد و له دكانه فى لندن و سنحت لى الظروف لأبصق عليه و اهرب مثلما فعل و بصق على مصر عندما غادر بلا عوده و اقسم ألا يعود اليها مره ثانيه و عندما ذكرت تلك الواقعه لمن تعرفت عليهم هناك اكتشفت اننى لست الوحيد الذى فعل هذا فالرجل تعود على البصق عليه طيله الخمسه و الثلاثين عاما التى قضاها هناك وكأنما يكفر عما اقترفه من ذنب

الكلاب تعوى و لن تتوقف عن العواء و الطابور الخامس هذا ليس جديدا على مصر فهو من قديم الأزل و هناك من يحيك المؤامرات عليها ....و لكن مصر دائما وابدا مثل الثقب الأسود تبتلع من يعاديها و من يحيك لها حتى لو كان من ابناءها و رضع من نيلها ..مصر لن تلين و لن تنحنى ...فهل انحنى الثقب الأسود من قبل ؟؟؟

تم تعديل 20 يونيو 2006 بواسطة se_ Elsyed

[صبح]

لكن الأستاذ نفسي أحبها - ومش قادر - له 55 مداخلة معظمها من نفس العينة ... فهو بيكره مصر .. طب إحنا ذنبنا إيه ؟ وليه الشتيمة والتطاول على بلدنا اللي إحنا جزء منها ؟

للأسف هذه حقيقة... وأصبحت أتتبع منذ فترة كل مداخلاته لا لشيء الا لأرد على شتائمه وسبابه

كلنا عانى و ما زال يعاني فى مصر

حتى المغتربين (اللى بيحبوا مصر) يعانون مرتين مرة من البعادعن مصر وبهدلة الغربة ومرة من عدم القدرة على تصور الحياة داخل مصر على نفس المستوى...

كلن يكره النظام والحكومة و الرئيس والوزارة والمفتي و و و و و و و و و ......

ولكن لا يمكن أن نكره البلد التى أوصى عليها رسول الله صلى الله عليه وسم وخصها الله بالذكر فى كتابه دون سائر العالم (يكفينا هذا لنتشرف بالنسب اليها و لحبها)

فلا أقل من أن ندعو لهل جميعا بصلاح الأحوال ............آمين

[بنت شعنونة]

انا اول مرة اشوف رد ل الأستاذ نفسي احبها

لكن فيما عدى استخدامه لبعض الألفاظ من العيار التقيل

اعتقد يا جماعة انه اي واحد فينا ممكن يجيله يوم يقول نفس الكلام ويكون في منتهى الحقد على بلده وولاد بلده :wub:

ودي حصلت معايا كتير وها تحصل وبشوفها بتحصل مع اهات ناس كتير في المنتدى

يجوز هوا بس صيغة الحوار عنده تقيلة شوية او "حامية" شويتين ويمكن لو عدلها نفهمه

زمانه كرهنا اكتر دلوقتي :D