ايه السبب...؟؟؟!

[بنت شعنونة]

ها افتح الموضوع دا واحط فيه تساؤولات غريبة عجيبة بتدور في بالي من وقت للتاني..

و اول تساؤل غريب..

هوا

ليييييييييييه ب نتكسف من سيرة الفلوس؟؟؟؟؟؟؟؟

لا وكمان نتكسف نقول ان احنا بنحب الفلوس؟

وتلاقي كدا لما الواحد يروح شغل جديد يستفسر عن كلللللللللللل حاجا ويجي يسيب موضوع الفلوس في الأخر ويبقى محررررررررررج اوي وهوا بيسال عليها ومش عارف يسميها ازاي

مرة يقول طب والمرتب ازاي

القبض ايه؟ الأمور المادية نظامها ايه معاكم؟

مسميات مختلفة المهم الواحد ما ينطقش الحاجا صريحة؟ :D

و تيجي لواحد طوحة يبقى مليونير يقولك نفسي ابقى مهم او ابقى مشهور اييييييييي حاجا غير انه يقول نفسي ابقى معايا فلوس كتير

او تسأله بتحب ايه عمررررره ما يقولك الفلوس؟

ولو حد جه قدامنا وقال انا بحب الفلوس يااااااااااااااااااااااه اسمع بقى احلى كلام :angry:

اشي مغرور واشي اناني واشي طماع

زي ما يكون فيه حد مش بيحب الفلوس اصلا؟

اييييييييييييييييه السبببببببب؟؟ :wub:

[nancy]

للان الناس ياشانا بيحبوا يقولوا كلام ويعملوا حاجات تانية

يعنى يقولك انا اكرة المادية بس كل التصرفات مادية

على طريقة

اسمع كلامك اصدقك اشوف امورك استعجب

[زعلان]

أنا بحب :D الفلوس علشان انبسط بيها واستمتع بيها مع الي حوليا :wub: :wub: :wub: هو في حد بيكره الفلوس :angry:

[احمد هادي]

أعلنت بكل صراحة في موضوع إيه أكتر حاجة بتحبها

اني بحب الستات والفلوس :D

وأحب أضيف لهم دلوقتي

الأطفال

:angry:

[eastsoul]

أنا ما بحبش الفلوس عشان الفلوس بتخلي الناس تخسر بعضها :D

رغم كده بردوا الواحد ما يقدرش يخفي اهمية الفلوس في حياتنا ... بس المهم انها ما تتحكمش فينا ...

و زي ما بيقول المثل " القرش الابيض ينفع في اليوم الاسود" :wub:

بس فعلا تلاقي الموضوع حساس جدا لما يجي عند الفلوس !!!! حاجة غريبة ؟!!!

[White heart]

أعتقد ان هذا المسألة دى ما ظهرتش الا مع بدايات مرحلة الإنفتاح .... و إنقلاب الموازين و المعايير الإجتماعية، و التغيرات التى طرأت على عادات كثيرة للمصريين ( خاصة الطبقة المتوسطة ) ... و طرق و أشكال تقييم شريحة عريضة من الناس لبعضهم .....

يعنى مثلا مقولة " معاك قرش تسوى قرش " حد منكم عنده فكره امتى ظهرت تقريبا ؟

هناك أيضا مسألة الذوق و التربية .... يعنى مثلا الغالبية تربت على إخفاء أسعار أى شئ لدى الغير ( خاصة اذا كانت هدية مهداه ) أو عند إستضافة الغير على أى شئ سواء بالمنزل أو خارجه .... و هى عادة بريئة لطيفة لا غبار عليها، و لكن ربما يبالغ البعض فيتجنبوا الحديث بالمرة عن أى شئ له علاقه بالفلوس .. إعتقادا بان هذا تأدبا أو تعففا ...

طبعا دة غير تأثير المبالغة فى الإعتقاد بالحسد ... أو السحر ... أو الخزعبلات .... فالبنسبه مثلا للحسد، فالحديث أو الكلام بين اتنين مش من نفس الأسرة عن الفلوس ممكن يتطور و يوصل ان طرف يسأل التانى بشكل أو بآخر عن تفاصيل معينه، و بالتالى الخوف من الحسد ... ( دارى على شمعتك تقيد .. )، و علشان كدة يمكن على مر السنين تولد شعور نفسى تلقائى بتجنب الحديث عن الفلوس لدى شريحة من الناس .....

فى إنتظار باقى اسئلتك الممتعة و الشيقة ...

تحياتى.

[بنت شعنونة]

اوقات كتير تاخدني رجليا الى " يشاهد قائمة المتواجدين بالمنتدى"

واوقات كتير الاقي مكتوب

زائر... يقوم بطباعة موضوع...

؟؟ :ninja:

ليه؟

سؤال غلس بس بفكر فيه كتير؟

مخابرات؟ صحافة؟ نقل؟ ناس معندهاش وقت تقرا ف بتطبعه و تقراه بعدين؟ والا ايييييه بالظبط؟

تفتكروا ايه السبب؟ :unsure:

[wagdi]

اوقات كتير تاخدني رجليا الى " يشاهد قائمة المتواجدين بالمنتدى"

واوقات كتير الاقي مكتوب

زائر... يقوم بطباعة موضوع...

؟؟ :ninja:

ليه؟

سؤال غلس بس بفكر فيه كتير؟

مخابرات؟ صحافة؟ نقل؟ ناس معندهاش وقت تقرا ف بتطبعه و تقراه بعدين؟ والا ايييييه بالظبط؟

تفتكروا ايه السبب؟ :unsure:

لو الجهات الأمنية مش بتطبع مواضيع المنتديات خاصة الجادة منها وتحللها وتقدم بيها تقرير كل يوم تبقى مش شايفة شغلها...

ولو مخابرات الدول الأخرى مش بتطبع وتحلل وتقدم تقارير تبقى برضه مش شايفة شغلها...

يا أخت شانا... إنتي متصورة كم المعلومات إلى ممكن جهاز مخابرات يستقيها من الكلام إلى إحنا عمالين نبرطمه في المنتديات... ولا حجم المعلومات إلى ممكن جهاز أمن الدولة مثلاً يطلعه عن توجهات الرأي العام، ونبض الشارع وإنتشار شائعات بعينها وحجم إنتشارها ...

يا شيخة دا أنا فاكر مرة كنت بدعبس على النت لقيت منتدى مصري مهتم أساساً بالجيش والأسلحة والحاجات دي... وألاقيلك واحد كاتب ذكرياته عن الصاعقة والتمرينات إلى بيخدوها بالتفصيل الممل... طبعاً الموضوع إتحذف بعد كام يوم لكن تصوري حجم المعلومات إلى ممكن جهاز مخابرات يستقيها من بين السطور... كدة ببلاش... :ninja:

سيبك إنتي.. ربنا يسهلنا طريقنا...

تحياتي...

[بنت شعنونة]

سؤال اخر وبجد بجد نفسي رجاال المنتدى يردوا علييييييييييييييييييييييييييييييييييه :lol:

ليييييييييييييييييييييييييييييييييه

في رجالة بتربي ضافر صابع ايدها الصغير ويبقى طوله ااااااااااااااااااااااااااد كددددددددااااااااااااااااااااا :angry2:

ويبقى هوا الضافر الوحيد الطويل!!!!!!!!!!!!!!!!!!!!!!

ايه السبب بجد!!! <_<

[سهيلة]

ممكن اجاوب انا يا شعنونة على ما حد من الرجال يوصل هنا

متهيالى الصباع الصغير بالذات عشان موش يضايقهم ف شغلهم لقلة استعمالة

انما السبب والفايدة منة هوة

اولا

منظر وهيبة بردة

ثانيا

لو الزوجة ضايقتة يخربشها بية

ثالثا

يخربش بية كارت الشحن بتاع الموبيل :lol:

رابعا

يهرش بية ف وشة او ف راسة وهوة بيفكر بيجيب نتيجة راءعة

اسيبهم هما يكملواااااااااااااااا.................

[hopsan]

في رجالة بتربي ضافر صابع ايدها الصغير ويبقى طوله ااااااااااااااااااااااااااد كددددددددااااااااااااااااااااا

ويبقى هوا الضافر الوحيد الطويل!!!!!!!!!!!!!!!!!!!!!!

ايه السبب بجد!!!

سبحان الله ...السؤال ده كنت عايز اسأله من سنين ...بس المشكله ان اللى باشوفهم مربين ظافر الإصبع الصغير بتبقى علاقتى بيهم متسمحش أسألهم السؤال ده ...بس من كتر مشاهدتى لهم اصبحت مهتم بالنظر لهذا الظافر لدرجه انى اول ما اسلم على شخص لازم اشوف صباعه الصغير و كانت ملاحظاتى كالتالى : ( اهم حاجه مافيناش من القرف )..شوفى بقى يا ست شانا....

معظمهم من طبقه الصنايعيه و السواقين و الفواعليه

استعمالات هذا الظافر : يبدأ بتسليك الأسنان و بالتالى يمكن لهذا الظافر التوغل ليقتلع اى حاجه واقفه و زانقه بين ضرسين لأن اعتقد ان ظافر الإصبع الصغير يعد اقل سماكه من بقيه أظافرالأصابع الأربعه ونظرا لصغر حجم هذا الظافر فإنه ايضا يمكنه تسليك الأذن و يمتد للأذن الوسطى إن امكن و فى تلك الحاله يستعيض عن الجاروف ليكتسح الشمع المتراكم بين ثنايات الأذن و فى حركه سريعه بين الإصبع الصغير و الإبهام يتم إحداث قرقعه صغيره و طرد الشمع فى آن واحد .... ..... ناهيك عن تسليك و تنظيف المراخير من الداخل الى ان يصل للحميه و إستخراج الكلاكيع...... تلك كانت مشاهداتى ..أما اغرب مشاهداتى ...ووقف امامها كثيرا أتأمل ..هى مشاهدتى لشخص كان يسلك شعيرات شنبه طوليا بمعنى يمشّط شنبه بظافر واحد ....تلك كانت ملاحظاتى .........حد عنده ملحوظه تانيه لأختنا شانا المجننانا ......انت ؟؟؟ ....طيب ادلق الجردل بتاعك

تم تعديل 22 يوليو 2006 بواسطة hopsan

[بنت شعنونة]

مجنناااااااا؟ <_<

دا انا غلباااااااااااااااااااااان :angry2:

موضوع انهم من طبقة الفواعلية دا صحيح فعلا

وزيادة كمان انه لازم يكون اليد الشمال معظم الوقت مش عارفا ليه!!!!!

ويا سلام بقى لو فيه خاتم في نفس الصباع وزنة 2 كيلو كدا

وجهاااااااهه :angry2:

سؤال على هامش المؤتمر يييييه قصدي الموضوع

قبطان..

هوا انت بتكتب من البحر دلوقتي؟

يعني انت في السفينة!! :lol:

[hopsan]

قبطان..

هوا انت بتكتب من البحر دلوقتي؟

يعني انت في السفينة!!

لا يا فندم انا باكتب دلوقتى من معموره اسكندريه و البحر دلوقتى اسود بهيم

و انا و لله الحمد سبت البحر بلا رجعه و كانت آخر علاقه لى بالبحر من 8 اشهر بالتمام و الكمال و برضه من 8 اشهر كانت آخر علاقه لى بأمريكا ككل و انا دلوقتى مازلت فى رحله نقاهه و تعافى من سنون غربه و مش بفكر غير انى اكون صعلوك و لو لفتره و انتهز فتره الصعلكه بمحاوراتى معكم و دمتى لنا

[بنت شعنونة]

شاكرين مهللين يا فندم :lol:

معلش هوا كان سؤال حشري

بس ها تعرف سببه في الموضوع القاااااااااادم ان شاء الله

انتظرونا بعد الفااااااااااااااااااااااااااصل <_<

[hopsan]

هو لسه فيه فاصل ؟؟؟

ده الواد عمرو اديب لسه قايلها دلوقتى

تم تعديل 22 يوليو 2006 بواسطة hopsan

[بنت شعنونة]

اكمل اسئلة

ليييييييييييييييييييييه و ازااااااااااي

الشباب اليومين دول يقبلوا انهم ينادوا بعض باسماء شتايم بالام و الأب؟؟؟؟؟؟؟؟؟

وخصوصا اللي بالام

مش عاوزة اوضح اكتر من كدا :angry:

يعني ممكن تلاقي واحد بينده التاني او بيسلم عليه

اتاخرت ليييييييييييه يا ابن ال...........

!!!!!!!!!!!!!

والتاني يرد عليه ويكمل كلامه عادي خالص؟؟؟؟؟؟ :P

لا وبقت كلاكسات كمان

يعني لما يعوز يدي كلاكس لصاحبها عشان ينزل يعمله ب نفس التونة بتاعت الشتيمة!!!!!!!!!!!

وبرضه عادي

في حين ان ( الحمدلله) البنات لسا ماوصولش للمرحلة دي ولالالالالالالالا تقبل اي واحدا انهم يهزروا بينهم او ينادوا بعض ببنت كذا؟!؟!؟!؟!؟

ايه السبب بقى؟ mfb:

[Lembic]

اكمل اسئلة

ليييييييييييييييييييييه و ازااااااااااي

الشباب اليومين دول يقبلوا انهم ينادوا بعض باسماء شتايم بالام و الأب؟؟؟؟؟؟؟؟؟

وخصوصا اللي بالام

مش عاوزة اوضح اكتر من كدا :angry:

يعني ممكن تلاقي واحد بينده التاني او بيسلم عليه

اتاخرت ليييييييييييه يا ابن ال...........

!!!!!!!!!!!!!

والتاني يرد عليه ويكمل كلامه عادي خالص؟؟؟؟؟؟ :P

لا وبقت كلاكسات كمان

يعني لما يعوز يدي كلاكس لصاحبها عشان ينزل يعمله ب نفس التونة بتاعت الشتيمة!!!!!!!!!!!

وبرضه عادي

في حين ان ( الحمدلله) البنات لسا ماوصولش للمرحلة دي ولالالالالالالالا تقبل اي واحدا انهم يهزروا بينهم او ينادوا بعض ببنت كذا؟!؟!؟!؟!؟

ايه السبب بقى؟ mfb:

على فكرة يا شعنونة هانم أنا شفت الكلام ده من زمان بس كان فى الجيش من مجندين مؤهلات عالية كمان! بس كانوا من أماكن شعبية وسألت واحد منهم بعد فترة من الأزبهلال هو بيشتم ليه؟ فضحك على جهلى وقال مش بيشتم ولا حاجة ده بس بيهزر!

على فكرة فى حديث بيقول :

حدثنا غندر عن شعبة عن سعد بن إبراهيم عن حميد بن عبد الرحمن عن عبد الله بن عمرو { عن النبي صلى الله عليه وسلم قال : إن أكبر الذنب عند الله أن يسب الرجل والديه , قالوا : وكيف يسب الرجل والديه ؟ قال : يسب أبا الرجل فيسب أباه , ويسب أمه فيسب أمه } .

حدثنا ابن عيينة عن ابن أبي نجيح عن أبيه يبلغ به النبي صلى الله عليه وسلم قال : { إن أربى الربا تفضل الرجل في عرض أخيه بالشتم , وإن أكبر الكبائر شتم الرجل والديه , قيل : يا رسول الله , وكيف يشتم والديه ؟ قال : يسب الناس فيستسب الناس بهما } .