حسأل سؤال و ابقى خلى بالك يا باتعه على العيال لو حصلى حاجه

[hopsan]

بلأمس القريب فى برنامج القاهره اليوم استضاف عمرو اديب المدعو طلعت السادات بعد الوقعه الشهيره و التى كانت قمه فى المسخره عندما هم طلعت بخلع فرده الجزمه لضرب احمد عز الغنى عن التعريف و لا ادرى كيف لملم الأعضاء الموقرين منهم و الغير موقرين الموضوع و صدر بيان ان موضوع الجزمه لم يحدث و انما كان طلعت داهمته مغصه فى الكلى و بالتالى انثنى لحد ما وصل للجزمه و اعتقد الخبثاء انه كان ينوى خلع الفرده السوداء و اختلف بعضهم فى الروايه و ذكر انها بنيه اللون ...و ظننا ان الموضوع انتهى عند هذا الحد و لكن و بقدره قادر انفلت زمام الأمر من يد العضو البيئه ( طلعت السادات ) و انبرى واقفا وهو جالس و انكر صراحه و علانيه انه كان ينوى خلع الحزاء لضرب احمد عز على قفاه و الذى يحتكم على اربعين مليارا من الجنيهات و هات يا اتهامات و قذف يعاقب عليه القانون الدولى و المحلى و قلت فى نفسى دى القعده حتحلو و نشوف ضرب نار و اخينا طلعت الله يرحمه و امعن النظر فيه على قدر المستطاع لأنى مش حشوفه تانى و الراجل حيخرج من باب الأستوديو و يجد واحد سكران بسيارته لتدهسه و يصرع فى الحال و يتهم البعض احمد عز على التحريض و عندما يسألوه كنت فين فى التوقيت ده حيقول انا كنت بلعب بريدج مع ...... و روحو اسألوه لو تقدرو .......حيسألو مين ؟؟؟ هو احنا مجانين ؟؟ و يقفل المحضر لأن الجانى ( و اقصد الرجل السكير ) قد صرعته رصاصه فى القلب و مات فى الحال و الذى قتله فرد الأمن الذى يدافع عن المنطقه ..و بس خلاص

كل دى مقدمه

أما سؤالى و اللى محيرنى هو انى انتظرت بعد ذلك بعده حلقات و انتظرت ان المدعو احمد عز و الذى تحتوى جعبته على الأربعين مليار جنيه و الذى لا يتعدى عمره على الخمسه و اربعين عاما...( يا ترى ميزانيه مصر كام فى السنه و المفروض انها ستصرف على حوالى 80 مليون نسمه )..المهم انتظرت ان احمد عز سيقلب الدنيا و لا يقعدها و ستكون وبالا على طلعت السادات و على عائلته كلها بل و على المنوفيه ذاتها و انتظرت بأن امنى نفسى بأن اشاهد الوجه الآخر للعمله التى تحتوى على انيس سويرس و لكن ......و لكن .....شششششش ...سكون تام ....لا حس ولا خبر و كأنما طلعت لم يقل شيئا على الإطلاق و كأن البرنامج كنت اشاهده فى الحلم ...حتى عمرو اديب لم ينبس بحرف فى البرنامج اللى بعده ولا اللى بعده و اصبحت الزفه خاصه بالمستشار الصايع مرتضى منصور و اقامو الأفراح و الليالى الملاح و ذادو فى الهيصه و موضوع طلعت نام فى العسل ....هو فيه ايه ....

السؤال ...مين ورا الموضوع و لمصلحه من ينام الموضوع و من وراء احمد عز ومن هو احمد عز حتى يحتكم على ثروه يعلم الله من اين اتت ..و مين بينصص معاه...احتاج اجابه يا ساده

ده كان السؤال .....اما الرجاء ..موصيكمش على العيش و الحلاوه و السجاير السوبر ...محدش يقولى معندناش سجاير سوبر

[محمود الشاعر]

انت تأمر ادي الحلاوة ومستوردة كمان

وأدي العيش والعيشة واللي عيشنها

وكمان بيقولك مع السلامة عاوز ايه تاني محرمتكش من حاجة

بس انا ملقتش سجاير سوبر تنفع شيشة

[hopsan]

لا لا لا لا ...بلاش عيش مش عايز عيش

و بعدين انا حاروح الحته اللى بيروحها مبيرجعش ..تقوم تجيبلى حلاوه و بالفستق ومستورد كمان?? ...

و كمان شيشه خمس نجوم ..انت عايز الغجر اللى حروحلهم يعملو فيا ايه ...يا اجل حرام عليك دنا رايح اتعذب مش رايح شرم

تم تعديل 19 يونيو 2006 بواسطة hopsan

[نفسي احبها]

سؤالك يطرح سؤال

اذا كان واحد شغال في العزبة ............. وصاحب العزبة وابن صاحب العزبة سايبينووووووووووووووو يشتغل في العزبة

وطايح في العزبة وعمل سبوبة 40 مليار ...

ياترى صاحب العزبة نفسه عامل كام مليار ... اذا كان صبي من صبيان العزبة عامل 40 مليار ...

يبقى الزعيم عامل كااااااااااااااااااااااااااااام

مش معقول 80 ... ده كان مص دم الصبي هو وعياله

اكيد اكتر بكتييييييييييييييييييييييييير