فانتازيات عصرية او مصرية!!

[بنت شعنونة]

المصروف خلص من البيت

و الغلة بطلت تطرح في الغيط!

والفراخ غليت يا بخيت

واللحمة نار من يوم ما بديت!

وانا كدا من يجي شهرين

حطيت ايدي على قلبي و اتخضيت!

المصروف خلص من البييييييييييييييييت؟؟؟؟؟؟!!!

جوزي من خضته مذهول :blink:

وانا مهما اعيد و اقول

يا عم انا مش مبذرة ولا بقول كلام معسول

الأسعار في العالي طالعة ومش معقول

اللي كان امبارح يأكلنا لحمة ..

ما بقاش نافع يأكلنا فوووووووول

طب اعمل ايه يا ناس دلوني.. الاسعار بقت غول

و المصروف خلص من البييييييييت!!!

الراجل ساب البيت و هربان

كل يوم في الشغل طفشان

وكل ما اكلمه يقولي بجيب فلوس تأكل الجعان

وانا اهو مطحون في الساقية زي التيران

عاوزين ايييييه اكتر من كدا يا جدعااااااان <_<

ماشي...

بس....

المصروف خلص من البييييييييييييييييييييييييييييييت mfb:

[shahd]

هههههههه جمييييلة ياشانا

بس حرام عليكي خليتي الراجل يهرب من البيت <_<

تم تعديل 19 يونيو 2006 بواسطة شهد

[Tafshan]

الراجل ساب البيت و هربان

كل يوم في الشغل طفشان

وكل ما اكلمه يقولي بجيب فلوس تأكل الجعان

وانا اهو مطحون في الساقية زي التيران

عاوزين ايييييه اكتر من كدا يا جدعااااااان ;)

المصروف خلص من البييييييييييييييييييييييييييييييت :sad:

انا اسمى مكتوب :huh:

حلوة يا شعنونه :)

امسكى ايدك شوية :angry2:

المصروف خلص من البيت

و ح يعمل ايه بخيت ؟؟

لابس قميص...

من غير زراير و لا كمام

و بسيب عشايا...

يأكلوه العيال و اخش انام

اللحمه عليت ؟؟ طيب ما تعلى ..

من امتى يعنى بنأكلها اصلاً

و الفرخة غليت ؟؟ برضوا ما تغلى ..

بناقص و نأكل بصارة احسن !

كله بيعلى الا الكرامه ..

كله بيغلى الا المهية ..

و الصحة تعبت .. ما عدتش هى

و اللقمه ناشفه و الحالة ضنك

و غيرنا عايم في الابعدية

اطيان و نعمه و فلوس في بنك

و انا في فقرى ما بقيتش قادر

اكفي غيط و لا حتى بيت

و في النهاية تيجي الولية

تقول : المصروف خلص من البيت !

[بنت شعنونة]

شفتي يا شهد اللي حصلي :angry2:

:sad:

طفشششششششششششششششااااااااان

جيت في ملعبي اخيرااااااااا :D

انها الحررررررب اذا :)

غطيني و صوتي يا امة

الراجل عاملي لمة؟

وها يلم عليا الأمة؟

عشان خاطر بقوله

المصروف خلص من البيييييييييييييت؟؟؟؟؟؟

طب وانا مالي يا سيدي

على راي المثل

اطبخي يا جارية كلف يا سيدي!

لو كان الأمر ب ايدي

كنت اكلتك كل يوم زبيدي

لكن الأسعار في الطالع يا " صعيدي"

وبرضه

المصروف خلص من البيييييييييييييت ;)

بس اسمع لما اقولك

اياك تشخط فيا احسنلك

هوا دا حالي لوحدي؟

دا حال الاف غيرنا.. مش بقولك..

المصروف خلص من البييييييييييييييييييييييييييييييييييييت :huh:

[nancy]

خلاص يا شانا قطعتى قلبى

المصروف خلص اسحبى من حساب البنك

على طريقة مارى انطوانيت (الناس بتصرخ من انهم مش لاقين العيش فردت ياكلوا جاتوة)

مع الاعتزار للمطحونين وعقبال ما يتحط فى المقصلة زى مارى الى كان السبب فى خلاص المصروف

تم تعديل 19 يونيو 2006 بواسطة nancy

[بنت شعنونة]

نانسي

انتي مشششششكلة :angry:

بس عاوزة اقولك حاجا

الفلوس خلصت من البنننننننننك :angry2: